[حنآن الكون]

الحق ينقال << آنا من كلية الشريعة

فيه دكتورات مشالله تبارك الله

وفيه دكتورات ماعندك ماعند جدتي هذآ إن كانن صدق آخذآت الدكتورااه أستغفر الله العظيم بس أنواااع الظلم
شايشات وحقدات على السعودية ويحطن حرتهن بهالطالبات ياحوول

أجل وحده تدرس مادة (أخلاق إسلاميه ) تقول للبنات ياحيوانات ياتافهات ليش انهن يسولفن صح لتس الحق تهاوشين بس موب تلفظين بهالألفاظ << بالله هذي دكتوره ؟؟ علمي نفستس الاخلاق بعدين علمي الطالبات 00

شكرآآ صاحبة الموضوع 00

[شي جمــيل]

اقتباس المشاركة الأساسية كتبها انبثاق كلية الشريعة والدراسات الإسلامية بالخصوص وأقولها عن مشاهدة.. دكتوراتها قمم..وأغلبهن سعوديات..يوجد اثنتان فقط هن اللاتي أرجو أن تودِّعهن الجامعة قريبا.. يا أختي يكفيك: د.هدى الغفيص،،د.,حصة الحواس،د.نوال الغنام..وغيرهن من الفاضلات..أحسبهن كذلك والله حسيبهن ولا أزكي على الله أحدا.. أما هذه الدكتورة التي تنقلين كلامها فأظنها تتكلم عن نفسها فقط..(واللي فوق راسه دبة يتحسسها).. وليس كل من قال كلاما نصدقه.. ولو كانت صادقة ناصحة لنا لقالت هذا الكلام لأصحاب الأمر والنهي الذين بيدهم القرارات.. وكذا أنت يا أختي الحبيبة.. لايصح أن ننقل كل ما نسمعه وكأنه هو الحقيقة التي لاحقيقة غيرها.. عن أبي هريرة -رضي الله تعالى عنه- قال: قال رسول الله صلى الله عليه وسلم: كفى بالمرء كذبا أن يحدث بكل ما سمع أخرجه مسلم. يقول الشيخ د.عبد العزيز السدحان في شرح هذا الحديث: في الحديث أيضا الحذر من عدم التثبت فيما يقول..قال تعالى: (( يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا)) وفي قراءة: {فتثبتوا} لأن عدم التثبت ينبني عليه أشياء: اتهام بريء، تبرئة متهم، الغلو في القول، أو الغلو في الذم. والعاقل المسلم البصير في أمر دينه المحتاط لنفسه وجوارحه عليه أن يتثبت فيما يقول، وبخاصة في نقله للكلام: أخـا العلم لا تعجل لعيب مصنف ولـم تتيقـن ذلـة منـه تعلـم فكم أفسد الـراوي كلاما بنقلـه وكم حرَّف المنقول قوم و صحفـوا وكـم ناسخ أضحى لمعنى مغيرا وجـاء بشـيء لم يرده المصنف والله المستعان

حبيبتي حاش لله أن أقول ماقلت في من ذكرتي أسمائهن<<
أنا أقصــــــــــــد الأجنبيات فقط ..

شكــــــــــراا لتواجدكـ ..
مثمنة لكـ حرصــــك،،

[شي جمــيل]

طلبــــــــــي الوحيــــــــد ..

أن لايخـــــــــــــــرج الموضــــــــووع عن اطـــــارهـ ,,

نقلت ماسمعـــــــــــــت ..ولا أظنـــــــــه مستغرباا على الجامعة الراااقيــــــــ,,ــــــــــه ,,

[•°انكسار الأماني°•]

اقتباس المشاركة الأساسية كتبها شي جمــيل ياحبيبتي اذا كنتي ماااتنجحين الا بالدف لا تعمميــــــــــن .. وبعدين الواااحد لازم يدري وش اللي يصير حوله مو مثل الأطرش بالزفـــــــــة .. صرااحة أكثـر الدكتورااات الأجااانب اللي عندناا تفتح لك الكتااااااب ولا تصكة الا اذا خلصت المحاااضرة وسبق ان صححناا معلوووووووومة لاحدى الدكتورااات

يعني برأيك الدكاترة مايخطون ؟؟
ياما أخطن بالمعلومات أستاذاتنا في المتوسط والثانوي وهن متخرجات من كلية .
وراه ماشككنا بشهاداتهن ؟؟

؛

اقتباس والله لايسامح من ظلمني وتسبب في خروجي من الكليه الله لايسامح اي دكتور ظلم بنت تعبت واجتهدت بس انا متطمنة ان حقي مراح يضيع يوم القيامه يوم لاينفع مال ولا بنون

لاتتحسبين على نفسك لأنك تبقين السبب الأول والآخير لطردك .
لو كنتِ تستطيعين البقاء في الكلية ماطردتي لأن الطرد يعني الرسوب بمواد كثيرة أدى لتدني المعدل معقولة كلهم ظالمينك ؟
بعدين ما كليتك ؟؟ إذا التربية أو التأهيل فأقول كيف الحال عساك طيبة ؟؟
يعني تبين أسهل من هالكليات ومع ذلك بالمئات يطردن الطالبات منهن كل سنة .
إذاً الخلل في الطالبات مش بالدكاترة .

هذا الكلام قلته لقريبة قبل ماأقوله لك , يجب على الطالب أن يقدر نفسه حق قدرها كي لايتهم أحد بظلمها .

؛

اقتباس من زمان وردودك كلها فيها اسلوب مواجهه و عنتره ,, أشك في نوعية العضو لاكن لا يعني أنك دائما مخطئه لاكن ارفقي وردي بأخلاق , لأن والله كم مره يكون إسلوبك كذا ,,,

شوفوا أبو باسل وش يقول
الله يهديك هذا إتهام للرجال بحكم إنك تشك بنوع عضويتي يعني مش بنت ,
ثم تقول ردي بأخلاق فهل كلامك يدل على أن الأعضاء الذكور متوقع منهم سوء أخلاق ؟؟

ماش طحت بمطب طلع نفسك .

[ام الوريدات]

اذكرواالله صلواعلى محمد صلى الله عليه وسلم الله يوفقكم ويسهل امركم لن نرتقى ونحن نسكت عن الحق لازم نطالب يجتمع الطلاب والطالبات ويشتكو الى من يهمه الامر ان شأالله يتغير الى الاحسن

[ساعي نحو الهدف]

الكلام على إطلاقه غير صحيح فأنا قضيت أربع سنوات وغيري قضى كذلك

فيوجد نسبة قليلة جدا من الشهادات الغير صحيحة ولكن الأكثر والأغلبية من سعوديين وغيرهم

فهم تخرجوا عن جدارة واستحقاق , سواء أجادوا التدريس في الجامعة أم لا


ولكن الانصاف مطلوب { وإذا قلتم فاعدلوا } { ولايجرمنكم شنئان قوم على ألا تعدلوا }


أنا من الذين ذاقوا مرارة الظلم

ولكن شهاداتهم حقيقية وتعاملهم سيىء



أشكرك

[ورد وبيلسان]

قولي لها انتي اول وحدة يادجاجة مفكرة نفسها ذكيه تفضح وهي فضحت نفسها
بعدين تكذب فيه من يستحق اعلى من الدكتوراه

[lil.3bood]

احلى جامعه بالعالم جامعه القصيم

[شي جمــيل]

شكـــــــــــرااا لتواجدكــــــــــم ..

..وأطروحاتكــــــــم ..

أرجــــــــــوكم لنتبنـــــــــــى لغة الحــــــــواار ونطــــــــــــرد الشجـــــــــــار ,,

[تيجان]

ههها انا انسحبت ياحلوة مو طوو قيدي لئني ظلمت
اجل وحدة والله مادخلت الامتحان وتنجح بتقدير جيد جدا
للمعلومية امتحان نهائي

[lil.3bood]

صحيح مو كلهم دكاتره

فيه منهم اساتذه وفيه منهم من اخذ دورات مكثفه


لكن بصراحه من ناحية الشرح ماعليهم كلام

بس عندنا دكتور هندي ما نفهم كلامه بسبب اللهجه الهنديه

اما من ناحية اسألة الاختبارت الله يعين عليهم دايم تجي صعبه وعكس التوقعات ليه؟؟ ماادري

[lil.3bood]

اقتباس المشاركة الأساسية كتبها تيجان ههها انا انسحبت ياحلوة مو طوو قيدي لئني ظلمت اجل وحدة والله مادخلت الامتحان وتنجح بتقدير جيد جدا للمعلومية امتحان نهائي

معقوله؟؟


متأكده؟؟


يالله ارزقنا مثلها

[Abu hmid]

اقتباس المشاركة الأساسية كتبها •°انكسار الأماني°• غير صحيح , وإذا قالت هالدكتورة هل يعني إن كلامه صدق ؟؟ طيب هي من أي نوع ؟؟ تأكدي إن كل الدكاترة شهاداتهم حقيقية لكن ربما وضعوا في غير أماكنهم وكلفوا بغير تخصصاتهم , المهم إذا ماتبون الأجانب فالله يجزاكم خير شمروا وأجتهدوا وصيروا دكاترة . مهب تنجحون بالدف وبكل وقاحة تتكلمون بهتاناً عن ضعف شهادة الدكتور فلان والدكتور علان . وإلا الناجح محارب ؟؟ ليت ربعنا يصيرون دكاترة زوراً بس يبطون عظم لأن (د/ الزور) أرفع من مستواهم . قالت إيش قالت أنقذ 5 أو 4 أشخاص وش هالخرابيط اللي تقوله ذي الظاهر هي اللي ماعنده سالفة .

أخت أنكسار إذا كان كنتي تقولي بأن كل الدكاترة شهادتهم حقيقة فهل عندهم أمانه هل تتوقعي أن كل الدكاتره يشرحون صح؟ أو هل كل الدكاتره يصححون أجابات الطلاب والطالبات بضمير؟
طبعا لا
أنا حصل لي موقوف مثلا عندما كنت بجامعة الامام قبل تدمج مع جامعة المليدا أذكر رحت مع أحد أصدقائي لدكتور عشان بيكلمة بالامتحان الشهري وأنه موب راضي على درجاته قال الدكتور بالحرف الواحد إذا بغيت تجي تكلمني تعال لوحدك طبعا الدكتور مصري.
أسألك بالله أخت أنكسار وش معنى هالكلام؟ هل هو عشان يقنعه أن درجته حقيقية؟ أو عشان يساومه على درجاته؟
يا أخت أنكسار الشق أكبر من الرقعه بس خليها على الله كثير اللي أنظلمو بالجامعه وانا واحد منهم
هل يعني أني أنا مهمل ؟ لو قلت أني أنا مهمل وما أنجح الا بالدف مثل ماتقولين طيب وغيري ؟
هل يعقل كل اللي راسبين بالجامعه مهملين؟
فكري بعقلك لا بعاطفتك وأنصحك ماتمشي على نظام خالف تعرف
وإذا تقولي الدكاترة اللي عندنا ناجحين فهذا دليل فشلك وبعدين ربعنا مايبون الزور لانه حرام وبنفس الوقت عشان مايغش أهل ديرته
بعدين أنا لو درست وتعبت وتخرجت يخب علي مدرس وبقرية بآخر السعودية وفوق هذا كله يكون التعيين بعد كم سنه من المعانة والطفره

[البرنس455]

أنــا بالـنـسـبه لــي مـاأشــكك بـكــلام الـدكـتـور وأتـوقـع مـعـهـا حــق !!