[إبراهيم الضبيعي]

^^
المقدام وش موديك برى الديره

[الــمِــقــدآم]

وش ديرته يآ حبيلك

ترآي صعوبة تعلم

[إبراهيم الضبيعي]

^^
يعني رحت لموضوع قديم ابعدت عنا

[الـدعساوي]

جميل جدا يآبوغلا كمآيقولون
ولعل صدرك ايضا يتسع اكثر لبعض الردود لنقدك البناء

أولا / أنا لما وضعت الموقف , نسجت موقع يتسع له الخيال <- لحد يدقق , وأيضا وآقعي , وليس بعض الموآقف التي لم يبقى الا ان يقول ومآت فلآن , فهذه الموقف يبدوا انها غير وآقعية
بإمكاني أعطيك موآقف , اخليه بنهآيته مشلول , وأقول وش ردة فعلك بس

ثآنيا / أنا لم اقل السمبوسة تلف أمام عينه , وانما قلت الحشوة , فالحشوة غير السمبوسة , ولو قلت شرآئح السمبوسة لكان ذلك خطأ مني

ثالثا / بالنسبة للماء , الثلآجات تختلف <-- مابه شيء ثلآجتهم , وايضا تعديلك فيه خطأ , فلو كان الكهرب طآفي , فالشخص من شدة الحرآرة سيشرب الذي أمامه بغض النظر حار ام بآرد

رآبعا / بالنسبة لخروجه بدون النعال , فهذا دليل على شدة الحرآرة وصعوبة الموقف , خرج من دون نعليه

خامسا / بالنسبة للشوكة , تعال للدعيسة , وتشوف اللي يسرك , اذكر أخذنا في أحد الموآد , عندما نريد نطبق اختبار الذكاء في امريكا , فان اختبار الذكاء للبيض يختلف عن اختبار الذكاء للسود , والبيئة ايضا تختلف , فمثلا عند سؤلنا لجمآعة البيض عن عدد اسنان المشط فانه سيجب بعدها تماما , بحكم الشعر , أما لو سألنا جماعة السود عند العدد فان الجوآب سيختلف , بحكم الشعر أيضا , لانه قابل للكسر <-- هذا مخرج لأحد اختبارات الذكاء

سآدسا / بالنسبة للمحفر اتفق معك , والى هالحين ودي ادري وشو هالمحفر اللي له ثلآث انصآص
<-- لكن لاتشره لأن الموقف أتي مبآشرة دون تفكير عميق
وجآيك , لكن ليس هنآك مقآرنة بيني وبينك
وسأتأخر بحكم قلة دخولي للنت في رمضان
إلا فيه مسآبقة برمضآن وبعز الظهر , لا والله وقت
وهـ بس

[الــمِــقــدآم]

إبرآهيم /

الصرآحة من زمآن وأنآ حآقد على هالثقة العميآء اللي به

[الـدعساوي]

طيب مآعلينا , ولا تقعد تتفلس ثغرآت مآثغرآت
انا أعطيك الموآقف , وابي ردة فعلك , وكيفيت خلاصك من هالموقف , والموآقف اللي بعطيك إيآه وآقعية وبالامكان ان تحصل , لكن اريد المخرج النموذجي لتك الموآقف
بسم الله :
أنت شخص بلاك الله بالصيد , وفي يوم من الأيام وأيضا برمضان وايضا في يوم حر شديد , دق عليك وآحد من الشبآب المقآريد , قال يآبوغلا وش عندك هالحين , قلت أنت , أنا والله إني بي نووووم , ولا اشوف الأرض , وأيضا الجوع والعطش لعبي لعب , قآال أقولك أدحر الشيطآن , قوه معي نبي نآصل منقع مآء نبي نصيد به , أنت رقت لهآتك , وجآز لك الوقع , ومبآشرة وآفقت على هذا العرض المغري بحكم إنك رآكب , يوم جت وقت المشية , قال يآبوغلا ترى نبي نروح على سيارك , موتري خربآن , قلت مآبه فآيدة , المهم مريته ببتهم اللي بقريح , المهم , وانت بنص الطريق , فجأة أنقطع سير المكيف , سيورك لك عليهن , لاوالله البلشة اللي بلشتوا به , بعز الظهر وبدون مكيف , المهم تحملتوا وكملتوا الطريق درآيش , المهم , منقع المآء له طريقين , طريق طويل جدا لكنه شآرع مزفلت وشوية مطينة , وطريق مختصر لكنه نفود , اتفقتوا على انكم تدخلون مع النفود , بحكم ان الوقت مآيسعف , وقفتوا قبل المدخل , ونسمتوا كفرآت الهآيلكس , ووآصلتوا الطريق بعد جهد وعنآء وثلآث تغريزآت , العطش في هذه اللحظة وصل لحد الثمآلة , وصلتوا لمنقع المآء , طلعتوا البوآريد , أم صتمة والثآنية أم خمس , أنت السوآق شفت لك فرق طيور مآء , أسرعت بتجآه الطيور , يميمن ويسآر ويمين ويسآر , وخويك مطلع أم خمس , يبي يرمي الفرق , الأولى مآصآبت والثآنية صآبت ثنتين , ويوم رمى خويك الثآابة وإذبكم بوسط الطين وعلى جآال منقع المآء , الموتر علق بالطين الى الدفرنس , يعين مآفيه امل تطلعون , دقيتوا على كم وآحد من خويآكم , لكن للأسف الجولآت مقفلات , المهم جمعتوا طيوركم اللي صدتوا وحطيتوهن بالصندوق , وجاء الآن تفكير كيف تطلعون السيآرة , الشآرع يبعد عنكم كيلو او اكثر بقليل , لكن صعبة تطلعون لانكم تآفلين العآفية من الحر , دورتوا لكم شجرة حولكم وقعدتوا به , جآء خويك يبي يدق على الدفآع المدني , لانه الحل الوحيد بهذه الحآالة , وهو يدق , على طووووول , ركضت لم خويك , وقلت له قفل السمآعة بسسسسرعة , وخذ ام خمس ورح بعيد عن , والسبب مرت دوريآت وشآفتكم وهدت , قلت اكيد انه لكم , المهم خويك المطفوق , هذا أخذ ام خمس ورآح بعيد بحكم أن السلآح مآله ترخيص , حطيت انت ام صتمة بالموتر , المهم دقيقتين ووصلت الدوريآت لمك , على طول قآال لك اثبآتك , طلعت أنت الاثبآت وعطيته إيآوه , وقآل وش جآبك هنا , المهم لقيت له انت صرفة ومشت عليه , يعني مآعلمته انك جآين تصيد , والاتفآق انك لوحدك , المهم حآول يطلعك الرجآال , لكن مآقدر , وهو يربط الوآير , شآف بالصندوق طيور , هنا اكتشفت الكذبة الأولى إنك جآي تصيد , حآولت تفلت من الموقف لكن دون جدوى , وصرفته انت ان الطيو هذي صآيدهن بأم صمته وأم صتمة به تصريح , مشت الأمور , وأنتم جآالسين تطلعون الموتر والتعب لعبك لعب الموت تشوفه قدآمك , وفجأة تسمعون صوت رمي , دب دب دب <-- صوت رمي , قال الشرطي الرمي هذا من وين أنت , حآولت تصرفه , لكن هو مصر , لانه وآصل بلاغ بخصوص الرمي , والمنطقة لايسمح بها الصيد , يمين ويسآر وتبي ترقع , لكن الشرطي أصر إنه يسحب عليك , ويروح وويشوف وش السآالفة , فعلا سحب عليك وطآر لمصدر الرمي , واذ به يشوف خويك يلآحق فرق طيور<-- طفآقة رآعين الصيد , تم القبض عليه , وخويك مآزال على اتفآقيته انكم كأنكم مآتتعارفون , الآن الوقت حول المغرب , وانت ترى الموت امام عينك , وبعد نصف سآعة من ذهاب الشرطي لخويك , قررت تروح تشوف وش السآلفة يوم وصلت واذا الدنيا خلي , مسك خويك , وودوه لم القسم , رجعت لم السيآرة تبي تطلع الجوآل علسآن تدق على خويك , ويم وصلت ودور المفتآح وتدور المفتآح , واثر المفتآح معطيه خويك وخيك قفل الموتر , على طول كسرت المثلث , ويم فتحت الموتر , واخذت الجوآل , واذا بعنصر المفآجأة الجوآال انتهى شحنه , ولا يوجد شحن بالسيآرة <-- وش موته

بهذه الحآلة
- أنت صآئم , والآذان مآبقي عليه شيء , من اين لك الأكل والشرب
- أكيد تقول بروح للشآرع لكن الشآرع هذا خلي السيآرة تمر كل سآعتين لانه طريق غير رئيسي
- السيارة مابه لاماء ولاحاجة
- المآء القريب منك , مآء المصلحة غير نظيف
وش موقفك في هذه الحآالة , جآوب من دون فلسفة

[الــمِــقــدآم]

^

إيه إيه كمل

مآبه جزء ثآآني

[إبراهيم الضبيعي]

^^
وش العذاب هذا

[الـدعساوي]

المقدآم , ابرآهيم /
وش رآيكم تردون عنه , له الموضوع , واكثر من دبخه أنتم

[إبراهيم الضبيعي]

^^
الحين انا يالله قريته تبين ارد عليه والله يهي تبي ذنب

[الـدعساوي]

^^
ماتجي

اقتباس والله يهي تبي ذنب

قصدك لو تبي ذنب
حبي لشخصك

[إبراهيم الضبيعي]

^^
وشلون تدقق وانت صايم

[A N A S]

ثلاثة أسئلة وأضف من هنا

تحدث عن صاحب هذا المعرف ******* ؟
موقع مفيد تنصح بزيارته ؟
بريدة هل مليت منها ؟

شيكرااا

[الـدعساوي]

اقتباس المشاركة الأساسية كتبها إبراهــــــيم ^^ وشلون تدقق وانت صايم

لانه مآطاعت ترقى لمخي