[كآيدهمـ]

ههههههههههه
احمد ربك انه ماقام وخلطك انت والي معك

بعض المزح ينقلب رزح

اجل جايب لهم جحة
اكلوها بشوك طلابك هههههههههه

[قلم جريء]

والله وبغا يدبغكم ابوعلي

تخيل شكلك وانت لابس شماغ فلسطيني
ويدخل عليك المدير قمة الفشيله

+ تثبيت >>>يحلم

مـــتـــــابـــعـــــيــــــن

[الــمــفــتــرس]

Buraydah City
ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ



هههههههههههه
يا تحفه
عليكم مزح خفيف ذذ
أكمل يا رعاك الله



ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ
Al moftares

[طالب طب]

< أزين مخرج ذذ

[الـصـمـصـام]

..



نرجع لكم ياشباب مع فصل ( البصابيص ) تحفة التحفة ، كل اللي فيه بصابيص صغار ، حتى أصواتهم تقل أصوات خامس ( ب ) مرة قلت لهم : و الله أنكم بزران صدز و زعلوا علي ، بس الحمد لله راضيناهم ، أذكر أول مرة دخلت عليهم واحدن منهم أبلشن يتطنز باللهجة ( قصيمية طبعًا ) مع إني أحاول أتكلم بلهجة عادية ، من باب التنزل مع الخصم المهم ..

فيه طالب بهاكـ الفصل راسه كبير ما شاء الله ، أسميه ( أبو راس ) ما شاء الله راسه تقل سطل و شعره عكاريش مدري وشلون قايل <== يستانس على هالشعور يمعطهن كان أبو راس ذا بتله يتمرجح بالكرسي <== حركة معروفة اعتقد ، اللي يتركى على الجدار و رجلين الكرسي اللي قدام متعلقات <== إيقالكم فهمتوا .. ههه

الشاهد أن الولد المسكين خاش جو ، و أنا 60 مرة أعطيه تنبيه ، و مرات أقوله ياولد اقضب الأرض لا امسط بك ، بس الله يهديه لازم يمارس هوايته المفضلة و بعد شوي ما دريت إلا يطيح طيحة محترمة ، و يصك راسه ( الكبير ) بالجدار .. هههه عاد جيت أركض أتطمن على ... سلامة الجدار بديت ألمس الجدار و أقوله بسم الله عليك و أخوياه فاقعين ضحك عليه و الله ما بقى الا العصافير اللي يدورن فوق راسه ... مير عيونه ما تشوف الا بياض .. مدرين وين راحن الزيتونات .. آخرته جته حالة هستيرية و بدا يضحك معهم .. و ضحك الجميع

هالولد ذا نشبه من جد ، تقل علك عسل لامنه صكته الشمس ، عشان كذا صاروا أخوياه إذا بغوا شيء يرسلونه لي ، و أنا أول كنت أسوي اللي ببالي و أطقع ما أشوف هو و أخوياهـ ، بس الولد نشبة الصدز ، مرة قلت أبشوف وش آخرتها معه ، و الله و يقعد ثلاث حصص يترجان أحذف شيء من الاختبار جاب لي الضغط و المغص ، تخيلوا مضيع على روحه ثلاث حصص و يطاردن أخوكم في الله يكاسرن بالمنهج ، بس والله سوينا له تخفيض ، الله يتوب علينا ..

هذا أول اختبار لهم ، و أثناء الدرس إذا حطيت عيني بعينه ، فتح لي كشرته بدا يوزع ابتسامات و يطلع لسانه أبلش به ذا ، لازم يخليك تضحك ، و آخرتها ضرب الميانة .. بدا يقول ( عبودي ) ويييين يابو الشباب أصغر اخوانك أنا ...! بعدها صرت أعطيه وجه شوي ( اتقاء شره ) و مرتن من المرات الحصة الثانية قاعد أشرح ، و أشوفه يحبرش بشي مدري وشو ، و الله و أروح لمكان بعيد عن مكانه ، و أتغيفله و أشوف وش عنده ، و التفت على طالب ثاني بعيد عنه .. إلا و يطلع سندويشة ماهنا أكبر منه ، بيزرط منه شوي ، لعلي التفت عليه بسرعه ، و تعلق السندويشة بفمه و يغص المسيكين ههههه طلعته على حسابي برا يشري عصير

مرة جيتهم ، و أنا خااااثر و دااايخ ، و ضغطي منخفض ، و جا عندي ، قلت له لو سمحت اجلس ترى ضغطي منخفض و منب فاضي لك ، قال فرصة نرفعه لك شوي تبلش والله و مرة نشب لي يقول أبيك أنت اللي تقرأ الآيات ... لا تخلي الطلاب يقرون ، أصواتهم زي وجيههم ، قلت اجلس طيب .. قال لا قلت اجلس .. قال لا منب جالس إلين تقرأ أنت .. قلت تكفى اجلس و اغني لك أن بغيت قال أجل أبي أغنية لأم كلثوم قلت أبشر بس اجلس .. ههه من باب التصريف طبعًا .. و ينشب لي طول السنة يبي هالأغنية اللي مهب سامعه .. و إلى يومك وهو يرسل لي و مبلشنا كان بالمدرسه ( تراك واعدنا بأغنية لأم كلثوم ) و آية المنافق ثلاث ( إذا وعد أخلف ) <=== هالطلاب لا اهتووا للشيء طلع الدين اخس ..

و الله من سعة الصدر بعد ، و الحمد لله هذا من الأوائل ، و كان ممثل منطقة الرياض في احد المسابقات بالرياضيات ، لكن .. قبل فترة أخذت و أعطيت معه بالسواليف ، و لا توقعت المسكين عنده ظروف ، و مصائب ، و بدا يتكلم حسبته يستهبل ( كعادته ) .. لكن تعجبت في النهاية يقول ( أتمنى أفارق أهلي ) ..! لييش يابوي .؟ يقول يحس بطفش و مدري إيش .. ما ادري الولد هو متأثر بمسلسلات .. لكن نصحته ، و الحمد لله بعض الطلاب على صغر سنهم إلا عندهم وعي من أنفسهم ، و عارف مصلحته من هالعمر ، و هذا منهم ..

اللهم وفق الطالب ( أبو راس ) في حله و ترحاله و احفظه لوالديه ..

قبل ننتهي من هالجزء ، أبوريكم درس عن حسن الظن عطيته الطلاب ، مر على الـ 12 فصل كلهم و شافوه و كانوا متحمسين أول ما بدا العرض ، إن شاء الله أنهم تأثروا به ، و قلت للطلاب هذا من أعظم الدروس عن خصلة حسن الظن ، و هي من الخصال الحميدة .. مهما قلت من الكلمات و الدروس عن إحسان الظن ، و مدى الخلل اللي عندنا فيه ، ما نقدر نجيب زي هالمقطع يبين لنا حجم المشكلة المتأصلية فينا ..

::: مع المقطع :::

[إبراهيم الضبيعي]

هههههههههههههههه
اما ابو راس نكته الصراحة
كمل يا بعد قلبي انت حمااس

[[ لــمّــآح ]]

هههههههههههههههههههههههههههههههههههههههههههههههههه هههههههههههههههههه
أجل إحسآن الظن .. هههههههههههههههههههههههههههههههههههههههه

[الـصـمـصـام]

اقتباس المشاركة الأساسية كتبها هكرز يامربي الاجيال اكمل

جايك في الطريق .. شكراً ليك ..

اقتباس المشاركة الأساسية كتبها كايدهمـ ابو صم نبي سوالف عن الكدش والمتكدشين وراعين الجموس وكفارات البوالين مدرستكم معروفه بهيك اشياء على فكرة ابو علي خويك اهو راعي الغمارة 2005

أوهـ الكداشات موجودة ، بس الإدارة ما تخليهم ، يحلقون غصب ..
و أبو علي ما معه موتر ، توه بثاني متوسط ..

اقتباس المشاركة الأساسية كتبها إبراهــــــيم يا حبي لك بعد ابو صمصام الصراحه موضوعك ولا احلى غطيت على الدعساوي كمل يا بعدي نحن بانتظارك

تونا بالبدايات .. يمكن أسحب و يسقط علي ابو دعس تشكران ..

اقتباس المشاركة الأساسية كتبها أبو غــلا ههههههههههههههههه .. والله إنك كآتب صح قسم ههههههههههههههههههههههه بس بصرآحه حركتكم مع أبو علي .. حب خشوم ويآبن الحلال . همن ترجعون له ثآنيه هههههههههههههههه قسم بالله مقلعـــــــآت بإنتظارك

ياحبي له أبو علي .. شخصية مؤهله للاستهبال عليه ..
عساوهـ يحللنا بس ..
شكراً ..

اقتباس المشاركة الأساسية كتبها أبو رزان ولو يابو صم تمطرسون قوّهـ بالمزح الصرآحة إن أبو علي حليم

هههه أما حليم .. بلاكـ ما سمعت الألفاظ السوقية اللي صدرت بحقي ..
بس خله يبرد تسبدهـ .. ما ورى ما تفتف ..
شكريا ..

اقتباس المشاركة الأساسية كتبها أبو شهـــــد لي عودة يا أنطونيا كرم !

عودة ولا حوالي نياهاهاهاها ..

وشي انطونيا كرم ..؟ ووش تقرب له خلصة الكرم وهي من الخصال الحميد عند العرب في الجزيرة العربية <=== قلبه الغسلان باحترائك ..

اقتباس المشاركة الأساسية كتبها الـطـرطـعـانـة مثال حي ونموذج لمدرسين هالوقت الله يخلف.. ^^ والله انك فلة يابوعبدالعزيز انبسطت أخذت أجري وانا بنيوزيلندا سبحان الله

الله يعينك على الغربة .. والله به واحدن من أخوياي بنيوز لندا ، والله لو تجلس معه ما تمسك روحك من الضحك ، ليتك تعرف عليه ، و إن كان تبي نجمع بين و بينه راسين الحلال مستعدين .. <=== قصدي صداقة يعني و تراه رجالن أجودي .. و قرم ، و راعي مكاشيت و طلعات ، و الظاهر أنه حول الديرة اللي أنت به ، هذا إذا ما كان به .. الله يوفقك ياقلبي ، و أحسن شيء إنك استانست ..

اقتباس المشاركة الأساسية كتبها A N A S الحمد لله أنه الله ما سلطك علي ودرستن متابع لشقاوتك مع طلابك

لا تخاف جاين حقي وزود .. بس محللينهم .. كل ابوهم ..

اقتباس المشاركة الأساسية كتبها كايدهمـ ههههههههههه احمد ربك انه ماقام وخلطك انت والي معك بعض المزح ينقلب رزح اجل جايب لهم جحة اكلوها بشوك طلابك هههههههههه

أبشرك الحمد لله ، شلقته لهم ، و اكلنا و شبعنا ، و تحالتنا بالقشور .. <=== اهم شيء الفقرة الأخيرة ..
شكريا ..

اقتباس المشاركة الأساسية كتبها قلم جريء والله وبغا يدبغكم ابوعلي تخيل شكلك وانت لابس شماغ فلسطيني ويدخل عليك المدير قمة الفشيله + تثبيت >>>يحلم مـــتـــــابـــعـــــيــــــن

الصراحة معه حق يدبغنا .. ههه
و أما الموقف ، فههو والله محرج من جد .. لكن عدت على خير ..

اقتباس المشاركة الأساسية كتبها الــمــفــتــرس Buraydah City ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ هههههههههههه يا تحفه عليكم مزح خفيف ذذ أكمل يا رعاك الله ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ Al moftares

التدريس مهنة شاقة .. ولازم نرفه عن انفسنا شوي يآآخي ..

اقتباس المشاركة الأساسية كتبها طالب طب < أزين مخرج ذذ

مخرج 16 خلف الدفاع المدني

اقتباس المشاركة الأساسية كتبها إبراهــــــيم هههههههههههههههه اما ابو راس نكته الصراحة كمل يا بعد قلبي انت حمااس

جايينك في الطريق ..

اقتباس المشاركة الأساسية كتبها [ لــمّــآح ] هههههههههههههههههههههههههههههههههههههههههههههههههه هههههههههههههههههه أجل إحسآن الظن .. هههههههههههههههههههههههههههههههههههههههه

هذا يسمونه الجمع بين التعليم و الترفيه ..
شكريا ..


سلام للجميع ..

[ْْْXXXراكب بورشXXX]

ههههههههه
ياحول تسان خليته ياكل شوي وتغاضيت عنه لما يسد رمقه همن قله يكفي كمل بالفسحه >>>> توه مايغص

وااااصل

[أبو غــلا]

ههههههههههههههههههههههههههههههههههههههههههههههههه


الموضوع بصوووووووووب والمقطع لحاله بصوب ثاني

بس الصرآحه فله وبنفس الوقت غثاء لا كان عندك طالب دبششه


أعانك الباري ووفقك


متآبع

[الــمــفــتــرس]

Buraydah City
ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ



ههههههههههههههههههه
راس كبير وعقاريش لا والله ثنتين
المقطع بلحاله
أكمل يا مربي



ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ
Al moftares

[الـدعساوي]

أبو عزيز , تقل مآ اعجبك ردي , يوم انك تنطه

[الـصـمـصـام]

اقتباس المشاركة الأساسية كتبها الـدعساوي نرجع بعد السوآليف :D أبو عزيز من صدقك تعيد الشرح 12 مرة , والله من وسآعة الصدر طيب فيه شيء اسمه دكج صفوف , وترآك بأهليه الذمة بزي

لا يارجال ، و الله أنا النستفيد الأول ، و الحمد لله أنها مادة وحده ، عشان نضبطها ...

اقتباس المشاركة الأساسية كتبها الـدعساوي تصدق عآد اننا نتكلم حنا والشبآب قبل فترة بخصوص هالنقطة

ووش توصلوا له مثلي رأيي صح .. نصيحة للمعلمين ..
خلوكم ملاحيس ، عشان الطلاب يتوقعون منكم أي شيء ..
يعني خل كل يوم مزاج ، ورهم أقصى درجات الجدية ، ثمن اقلب و خلهم يشوفون أقصى درجات الهبال
و كذا ترتاح ..

اقتباس المشاركة الأساسية كتبها الـدعساوي هههههههههههههههههههههه , اثرك عيآر درجة أولى والله من صرف الذمة بعد أجل رآسب

لازم الواحد يرفه عن نفسه ياااخوي ..

اقتباس المشاركة الأساسية كتبها الـدعساوي هذآك قلته بريدآوي <-- تعصب

والله ياجا للبريداوية تقطيع خخخ بس عشان هالطالب ..
من باب العيارة يعني ..

اقتباس المشاركة الأساسية كتبها الـدعساوي لا يآحبيبي , هذي ترقيت اثل , اسألن عنه

والله قايلن للطلاب أول مرة دخلت عليهم ..
إن ثقتي منزوعة فيكم جملة و تفصيلا <== خربها من أول يوم ..

اقتباس المشاركة الأساسية كتبها الـدعساوي كمل كمل

احتر... <== احتر ولا برد .. شكرا يابو دعس
والله اني نسيت ارد عليك بس الشكوى لله هذا من نتايج التدريس ..

[الضَمَـادَا ®]

منتب صاحـي و الله على هالمقطع

تبي الصدز / طلابك لا زالو فيهم نوع من الحبابة ..

: كنت مع دفعة بالمتوسط الله لا يوريك :

إن تسانه شد علينا شدينا عليه بتتبع الزلات و كثرة الإستفسارات .
و أن تسانـه أرخى فآلله يعيينه ذذ ..