[كآيدهمـ]

اقتباس المشاركة الأساسية كتبها xx dunhill xx تقرير كويس ولو تكثر الصور بيكون اكوس .. حمد لله على السلامه ., ننتظر التقارير القادمه .. xx dunhill xx

مرورك اكوس لموضوعي
والصور ذي ماتكفي
الله يسلمك يالغالي
ان شاء الله القادم اكوس كوس

ولك حبي وتقديري على مرورك

[كآيدهمـ]

ترقبو التقرير القادم بالغد ان شاء الله
رحلتي الى القاهرة
مع دخولي الاهرامات

[كآيدهمـ]

ياحول يالموضوع نايم
ولكن ابي اصحية بعد
ساعة زمان ان شاء الله

[كلمنتان]

ماشاء الله على هالرحلة الجميلة
ننتظر باقي الرحــلة

[كآيدهمـ]

كما ذكرنا ببداية التقرير إن العودة من شرم الشيخ سيكون بيوم السبت ولكن اتفقنا مع صاحبنا إلي
بالطيارة انه يجي معانا للقاهرة وشرط علينا إن نمدد يوم بشرم الشيخ وهو رحله العودة يوم
الثلاثاء ومددها ليوم الخميس وبنفس رحلتنا يرجع للرياض
المهم والاهم

نمنا يوم السبت على الساعة ١٠ بالليل وقمت الساعة ٥الفجر قومت إلي معي وطبعا خوينا يوم
السبت سوى تشك أوت من فندق روتانا وجا عندنا أخر ليله قمنا وكل واحد اخذ له شور <<<
متعوب عليها شور :١١٣: وضيفينا عفشنا ونزلنا نفطر على الساعة ٧ ومن ثم سوينا تشك أوت
من فندقنا وانطلقنا إلى موقع الباصات وكنا حاجزين باص من شرم إلى القاهرة ب ٨٠جنية ما

يقارب الـ ٥٣ريال سعودي ركبنا الباص وجلست اكتب التقرير هذا وإنا بالباص بالجوال :٠٩: طبعا

المسافة من شرم إلى القاهرة ٤٨٠ كم وشغل لنا السواق فلم مصري والطريق سيد واحد وبداية

الطريق البحر يسارنا والجو كان هواء ومشمس ولكن التكيف حلو وبراد


والسواق مال الباص عربجي يمشي معاكس المسار المخصص له وقمة تشطيف المواتر المواجهة
له :١١٣:وراكبين أول ناس أحنا والي يساري خوينا الجديد ويساره خويي وإنا جالس لوحدي
ويميني واحد من ركبنا وهو نيم والسماعات بئذانة .

عاد وحنا ركبين عطو كل واحد وجبة خفيفة فيها قراشيع خفافية .

وعلى الساعة ١٢ وقفنا الوقفة الأولى ولمدة ٢٠ دقيقة وكملنا مسيرنا إلى القاهرة .

وتم الوصول الساعة ٣ العصر تقريبا بالموقف الخاص للباص و أول ما نزلت من الباص إلى واحد
ينادي ويقول حصة المحمد عاد التفت على خويي وأقول وش جاب أمي هنا اهو بعد مستغرب
معي إلى الرجال إلي ينادي ينادي ويقول ياصطة يامحمد ولا أمدانا دخلنا الفندق وجلسنا بالغرفة
إلى ابوووي يتصل علي يقول إنا تحت اطلعو نبي نمشي :١١٣: نزلنا وسلمنا علية وقال ياله الشقة
الغدا عندي حاولنا فيه ولكن عيا رحنا وتغدينا عنده وكان ألغدا خيال محشي كوسة ومحشي فلفل
رومي ومحشي بدجان ابيض وكلها طازجة وخضار ولحم طازج من المزرعة .

بعد ألغدا طلعنا للكوفي شوب مال أبووووووي :٠٩: وهو سطح العمارة فيها جلسة وتشوف
الأهرامات قدامك ويمين قلعة صلاح الدين جلسنا وشربنا شاي ودق على السواق وواعده على ٧
المغرب يجي عند العمارة وكان الجو براد وشفت غروب الشمس وكانت تغرب بشكل سريع جئ
السواق وطلعنا مع الوالد إلى فرأي ديز وكان يطل على النيل وجلسنا إلى الساعة ٩ وكانت
المنطقة إلي أحنا فيها تسمى المعادي ودينا الوالد للشقة ووصى السواق علينا وقال ودهم إلى
شارع الهرم أهم شي يشوفون إلي فيه وبالمرة نمر مسرح الزعيم نشوف عرض عادل إمام
لمسرحية الزعيم متى طبعا تبي تستغربون منا بالطلب ذا نبي نشوفها وهو كل فترة يزينها ويعيدها
عاد قالو لنا ألان اهو يسوي بروفات الزعيم ٢ وتبي تعرض بالعيد الكبير وديورنا للفندق على طول
وإحنا ساكنين بفندق النفوتيل المطل على النيل وكانت الغرفة مطلة على ملعب نادي الزمالك يعني
لو يلعبون أول من يكشف التسلل حنا <<< حنا أو شامبو :٠٩: والمنطقة إلي أحنا فيها الزمالك
تسما وكمان برج مصر مقابل لنا (( وساط الغرفة )) نمنا على الساعة ١١ وصحينا الساعة ٥:٣٠
الفجر وعلى مال لبسنا وتجهزنا جا السواق على ٦ الصباح ورحنا إلى الأهرامات وقالو ما تفتح
إلى ٨طلعنا لقهوة وطلبنا لبن بشاهي يعني حليب حار ولبتن وهذي تفرق عن شاهي حليب المعروفة
وعلمنا على لعبة الضومنه ولعبت معه قيمين ويكسر راسي بهاء وتحديت أنا وياه بالكيرم إني
اكسر راسة وعلى الساعة ٨ طلعنا للأهرامات وقصينا أربع تذاكر أنا وولد حيرانا وللسواق
والرابعة للموتر كي يدخل وخوينا الجديد نايم ومبيت النية من الليل مو طالع معانا .

عند الدخول كان تفتيش مثل تفتيش المطار لي ولود حيرانا إما السواق والموتر له تفتيش ثاني من
عند أجهزه وكلاب وانتم كرامه كل ذا خايفين من إي شي يبي يصير .

وشفنا الأهرامات وأبو الهول مدري وش اسمه إلي وجهه وجه مرة وجسمه جسم أسد وجلسنا إلى
١ الظهر ورجعنا للفندق وبعد العصر طلعنا لفندق جنبنا وفية سينما ولكن مافية شي يسوى من
أفلام كلها شايفينها وأخذنا فره وطلعنا تغدينا بماك ورجعنا للفندق مالنا و احتريت ولد عمتي يجي
من بيتهم وهو ساكن بـ 6أكتوبر جانا على الساعة ٥المغرب وطلعنا من الفندق إلى سوق ستي
ستار وهو من الأسواق الكبيرة بمصر وراعية الشربتلي وألان الحكير يبني مول اكبر منه واكشح
كمان وبدينا نفر بالممول إلى الساعة ٩ ودخلنا نشوف فلم أجنبي وأول ما طلعنا من الفلم توجهنا
إلى الفندق واتصلت على السواق وواعدته يجي الساعة ٩ الصباح لكي نروح لقلعة صلاح الدين

ونمنا ..

واليكم الصور إما صور القلعة التقرير إلي بعدة إن شاء الله .

وهذه الوجبة الخفيفة مغلفة



وهذه الوجبة الخفيفة مغلفة



وهذا مابداخل علبة الوجبة (( مفرحات )) وهنا غروب الشمس من الكوفي مال الوالد ويسار الشمس الاهرامات ولكن مو واضحة بالتصوير




وهنا غروب الشمس من الكوفي مال الوالد ويسار الشمس الاهرامات ولكن مو واضحة بالتصوير







ومن هنا تبدا رحلة الاهرامات











وهاذا انا واقف على احد صخور احد الاهرامات وشوفو المسافة وحجم كل صخرة .












وهذا الشويش حنفي على البعير







وهذا الي مدري وش اسمه ابو الهول على ما اضن وهو وجهه وجه حرمه وجسمه جسم اسد .




مسوي عدنان بذي الصورة




لو تلاحضون ان الاعمدة من غير اجزاء مركبة عامود كامل من الارض الى الاعلى
كيف شاله وثبتوه



الغريب حجم الاحجار وصفتهم والمداخل صغيرة بالنسبة للاحجار وقبورهم .






تلاحضون ايدي الاسد




دققو بالصخور مقارنة بفتحة الباب .



مدري وش سالفة ذي الصورة متداخلة مع الي فوقها
المهم شوفو ما اقدر افرد يديني لا اخر شي
معقولة يدخلون ويطلعون عادي مع البيبان ذي .










لاحضو الصفة الهندسية ولا اطلق مهندس يسويها .





من غير اسمنت او جبص لا صق من نفسة .





لاحضو الزاوية ونحتها كيف .




هذي حفرة لقيناها يجدعون فيها فلوس ويتمنون امنية وطبعاً كلة اعتقاداد ومدري وش الثانية
لقينا بالحفرة 100 يورو ياليت من طب وضفها .





هذا قبر طبعا الي تشوفونه الان من فوق الركب الى رئس المدفون .





لقينا مدخل يدخل الى تحت الارض بمسافة 35 متر طبعا الي جزمنا وطرنا ما نجزم وننزل تحت .



هذا ببداية النزول اخذت صورة للمدخل الي دخلنا معه .





وهنا نهاية النزلة .





موجود ذي الغرفة ورقيت بالزاوية واخذت صورة
عاد مدري وشو ذا الي انتم تشوفونه .





هذي الزاوية الي رقيت فيها اصور الصورة الي فوق .





وحنا راقين نبي نطلع اخذت صورة بنصف المسافة .




وهذا مبنى من المباني الحديثة وهو قرابة الـ 100 سنه له .




شاهدو المجسمات الي فية وهو مهجور




وهذة الصورة منحوته على الجدار بئحد الغرف بالدور الثاني
طبعاً الباب كان مغلق ولكن دخلنا وتمشينا وهو مغلق بسبب سقوط جزى من المبنى
وعادي عندنا اخذنا لفه فية ونزلنا بسلام .


وهنا يكون تقرير اليوم قد انتها وترقبو التقرير الرابع مع صور قلعة صلاح الدين و صور من غرفة الفندق .

[أبو غــلا]

والله تبتل ماتفهم وش قصة الفراعنه ذولا

اقتباس الغريب حجم الاحجار وصفتهم والمداخل صغيرة بالنسبة للاحجار وقبورهم

فعلا شي غريب الحين الهرم ماهنا أكبر منه والبيبان صغار



أنواع الإثآآرة والأكشن


متابع

[كلاسيكي بريدة]

الحمدلله على سلامتكم
الله يعطيك العافيه على الصور

[خـآالد]

تقرير ولا أرووع ..
وبإنتظآر الأجزآء القآدمة ..

[نالا]

تقرير راااائع جدا جدا
حلو اتحفتنا بمناظر اول مره اشوفها عن قرب
مادريت ان الاهرامات ممكن ترقى فوقها احسبها ملسا
اجل خلاص جزمنا نروح لمصر من شان نتسلق الاهرامات
جزاك الله خيرا وبارك فيك
بانتظار القادم الاروع
شكرا جزيلا لك

[%زهرة الجوري&]

جدآ رآئعــــــــــة
باركـ الله فيكـ ياااارب
وأثابكـ جنـــــــآتهـ
حفظكـ من أوجدكـ

[كآيدهمـ]

اقتباس المشاركة الأساسية كتبها أبو غــلا والله تبتل ماتفهم وش قصة الفراعنه ذولا فعلا شي غريب الحين الهرم ماهنا أكبر منه والبيبان صغار أنواع الإثآآرة والأكشن متابع

من ناحية ما نفهم قسم ما فية امل تمسك لهم سالفة

تصدق ان فية باب بئحد الاهرامات انك تدخل معه وانت راكع من صغرة
ولا طول المسافة اكثر من 70 متر الى تحت مو لفوق

تقولة صادق انت قلبناها مغامرة
دخلنا المنطقة الخاصة بالاهرامات وجلسنا اكثر من 4 ساعات وحنا ندور ونتنقل بينهن


واشكر لك متابعتك و مرورك اخوي ابو غلا

[كآيدهمـ]

اقتباس المشاركة الأساسية كتبها كلاسيكي بريدة الحمدلله على سلامتكم الله يعطيك العافيه على الصور

الله يسلمك ويعطيك انت الف عافية على مرورك الرائع والجميل

[كآيدهمـ]

اقتباس المشاركة الأساسية كتبها خلودي 8888 تقرير ولا أرووع .. وبإنتظآر الأجزآء القآدمة ..

انت اروع احد
عاد تصدق يا خالد
ان شفت اسمك راد على اي موضوع لي
اشيل هم ولكن ذا الكلام قبل

اما الان انت عاقل وردودك اطلق شي
ودوم ان شاء الله تكون ردودك هيك حلوه يا حلو انت

ان شاء الله باقي تقريرين

[xX DUNHILL xX]

فنتاسكتيك
تقرير حلو مرره
ننتظر القارير الجايه ياخلفهم انت ..

xX DUNHILL xX