[الغريبــ]

اقتباس المجتمع عندنا يرفض مثل هذه التصرفات وبالتالي فإن هذا علامة الخسارة لا سيما وأن هناك مدراس أخرى لم تقدم على هذا العمل

عزيزي محيسن فكر قليلاً هذه الخطوة تحظى بالتأييد والدعم المادي والمعنوي من قبل فئة لا تخفى عليك ..
أتمنى من جميع أهل وسكان بريدة الكرام الإحتجاج السلمي أمام الجهات الحكومية والصحف الإلكترونية على هذا الأمر ..

[دفا]

اذا السالفه على الصغيرين مافيه مشكله لان الولد حتى سادس امه هي اللي تدرسه لان ابوه موهب فاضي بالاستراحه هههههه

لكن خوفنا الوزارة تمدد الاختلاط عشان الوزارة تفتك من سالفة كثرة غياب الطلاب وكثرة تكسير وخربشه المدرسة

وعاد تخيل الولد في المتوسطه يدرس عند ابله منى وااااااااو الولد بيكون لوك ثاني يبي يتضبط ويتسبح كل يوم ويحط جل في راسه ويحط انواع العطورات وتخيل اذا صار التدريس في الثانوي في هذي المرحلة لاتعليق

الاهم ان الطلاب بيتغير سلوكهم 180 درجة منها ايجابي ومنها سلبي

الايجابي
يبي يفهم الكتاب من القطاعه للقطاعه
ويبي يريح اهله في الروحه للمدرسة لو يروح رجليه
وحتى صلاة الفجر بيكثر المصلين لانه صاحي قبل الصلاة بساعة يتزبط
والزحام عند الخروج ماكو لان الكل موهب عجل على الطلعه
ونظام ساهر يبي يخسر لان الطالب بيكون شكل ثاني يحب النظام متعود من ابله منى هههههه
مممممممممم اشياء كثيره تبي تزبط

اما السلبيه
على قولتهم بيطلع الولد خكري مدري كيف مع ان كل بيت فيه ام هي اللي تربي الولد
كثرة مشاكل المعاكسات بدافع اخذ الواجب من الزميله
الاختلاط يمكن يكون عادي في الاجيال القادمة وهذا محرم ويجر بلاوي

وبس

[المشاغبة]

$ ,, $

اقتباس وش ذا التشدد بالدين وبعدين وش فيها لو الطالب يتعلم من المعلمه بمقام امه وبعدين الطلاب صغار بالسن ما فيها شي

ههههههههههه ههههههههههههه هههههههههههه
تشدد اقول انت تعرف التشدد والا لا
اقول رح بس ولا رسب الولد كم مرة وال صار متأخر بدراسته أو فصل كم سنه ورجع يكمل ..كم بيصير عمره..اكيييييد بالغ اوبيبلغ ..وتبدأ المعلمة تطق غطى عنه <<<<ههه تخيلت شكله
اقول رح بس انت واللي مثلك

$ ,, $

[البعد الرابع]

للاسف خطوة اخرى للوراء

انظر للمقال الجميل ادناه الذي يوضح مخاطر هذا التوجه

مقال جميل للشيخ الفاضل إبراهيم السكران / تأنيث الصبيان

[قلم جريء]

اقتباس المشاركة الأساسية كتبها غريب احساس وش ذا التشدد بالدين وبعدين وش فيها لو الطالب يتعلم من المعلمه بمقام امه وبعدين الطلاب صغار بالسن ما فيها شي

ياسبحان الله تسمي الإلتزام بأمور الدين تشدد
أخي هذه الفكره تمهيدأ لأفكار أخرى

[سرش]

كفانا الله شر الاشرار وكيد الفجار ريما تكون هذه الخطوة الالى ويعقبها خطوات

[وحيدا بحزني]

كيف سيكون حال الإبن في المستقبل القريب وهو متعلم على أيد نساء.؟؟؟
كفانا خداع لأنفسنا.

[عصير مشوي]

الله يستر وصدقي اختي بحبوبه

[وحيدا بحزني]

صدقوني..المؤيدون لهذه القرارات سيكونون أول من يقف ضدها فقط مسألة وقت وسترون ذلك بأنفسكم.

[[ مآحد قديّ ]]

ياللي يقول بيطلعون ناعمين ماظر الفلبين..!!

اجل امه وش له يزاحمه هوواخواته والله مابهم الاالعافيه ترا الوسواس

نهايته مراقص البحرين ياخي اركدوا واهبطوا مهن شين التعقيد

يخلي الولد داشر قادم وبقوة

يالله صلاحهم مسوين فيها رجال حسبه كان طالبوا للحصين من رياض وش ركيانه فطفوط بدأ

يهايط بتعليم يالله صلاح النيه والذريه يالله اقوى

[مطرق الريحان]

اقتباس المشاركة الأساسية كتبها كوبن خطوه جميله للأمام والله يوفق المديره ويعينها

كوين أنت عايش ووووين ؟؟؟ :o

[فتى اللواء]

اقول بقريح انتم وعيالكم اللي يبي يدرس اولده المدارس مفتوحه واللي مايبي بكيفه // اشغلتونا بموضوع تافه /شوفو لكم مواضيع تهم الناس مثل اسعار العقار اللي يتاجر بكم مجموعه من الحرميه وشوفو اسعار المواد الغذائيه اللي كل يوم بزياده //صار همكم مدرسه تدرس بزران //اغفلو عن الناس ياناس // ويش انتم خايفين عليه على هالاطباء ولا المهندسين اللي الوضايف تنتظرهم //اغفلو بس

[متى..]

الحين ليش يزعلون والاهالي راضين
اللي مايبغى خلاص لايدخل عياله
فكونا

[(((فخامة كبريائي)))]

بصراحه انكم معطين السالفه اكبر من حجمها قالوا لكم انهم صغار وش له كل هالكلام ؟؟؟؟
احسه جداً شي مايحتاج كل هالسوالف