[بـيساان]

اللي معاه قرش محيّره يشتري حمام ويطيّره

[فيري]

اقتباس المشاركة الأساسية كتبها عبدالله الخالدي التعاون مطلوب بين الشباب والبنات في امور البيت يعني الشاب يضبط حوسته ويرتب غرفته واكله والبنت كذلك صدقني ما راح نحتاج شغالات

اجل لا تجلس تتشكى وتقول بناتنا دلع ومادلع

انت شايف الشباب شيسوون ؟

انت شدراك ان هالبيوت اللي جايبين شغالات شبابهم مضبطين حوستهم

حتى شبابنا دلع ولا يعرفون حتى يغسلون ملابسهم

[$خارق الجبال$]

اقتباس المشاركة الأساسية كتبها فيري الرجال اللي يقولون شغل البيت مو كثير خليهم يمسكون البيت اسبوع بس ونشوف شيقولون

ياختي اجل انتم لو تجربون ود وجب تسان تملون(كلن خلق لم يسر له)

اقتباس المشاركة الأساسية كتبها عبدالله الخالدي كلامك سليييم اخوي والمشكلة والطامة الكبرى يجونك الآبوة والرجال ويشتكون بالمجالس من غلاء المعيشه ويبون زيادة رواتب .. وخذ هرج المجالس اللي ملينا من كثر ما نسمعه .. ولو تجي وتشوفه تلقاو حاط شغالات وسوواويق ومرفه روحه على اعلى مستوى وهو ليس بحاجة هالترفية .. ويشتكي !! وتصدق ياخوي قبل فترة كنت اتناقش مع ابو عايلة يشتكي وهو راتبه ممتاز .. وعنده شغالتين وسواق وهو ليس بحاجتهم لإن عنده بنات وعيال .. طيب ليش تشتكي وفر هالآشياء الغير اساسية مع الآسف شي يقهر الشغالات .. صارت الدعوة [ مجاكر ] وش حيتي اختي معه شغاله !! وش حيت فلانه عنده وحنا لا .. قسم بالله صارت الدعوة تقليد ومجاكر ... ومع الأسف في ناس يجاكرون وهو نفسهم داجين او على قد حالهم .. واعذار الحريم البيت كبيرة ولا ماقدر .. والله العظيم بساعة وحدة ترتبين البيت ..وش هي تبي !! المشكلة منول البيوت اربع وعشرين ساعة يجونك ناس .. الحين المجلس والغرف تقعد اشهر مغبره ماحد يطبه .. يعني الحريم عجزات يرتبن كم غرفة ولوازم المطبخ والغسيل وانتهت الحكاية .. واللي يقهرك يخلن هالشغالات يطبخن .. بالله عليك عجزنا نهضم المطاعم وهو يطبخون لنا .. اهضم شغاله تطبخ للواحد كل يوم .. كيف يشتهن طبخ !! لكن العجز يلعب دورها بالبنات .. واللي يقهرك ان البنت بالبيت لا شغل ولا مشغلة .. مو مثل الشباب طلعات وما يقعد بالبيت .. وش عندك كل الوقت وش تسوين ؟؟؟ بدال هالفضاوة زيني امور البيت .. قسم بالله يالعجز يلعب دوره ببنات الجيل التالي .. بنات الدلع .. الله يعيينا حنا الشباب لا تزوجنا بس .. واللي يقهر ان المرآة تجيب شغاله وهي بالبيت لحالها مع زوجها بس .. تخيل اجلس بالبيت انا زوجتي ومعي شغاله ولا جيت اروح واجي معي !! .. كيف تآخذ راحته بالبييييت .. الحين قسم بالله كثرت فتن ومشاكل الشغالات ومع الأسسسسف الحريم مغفلات .. يعني زيادة على ذلك لازم تنتبه للشغاله لإنه خطر .. والمشكلة بعض الحريم تخليها تمسك البزران .. وشلون تخلين طفلك مع خدامه نقول الموظفات بعضهن معذورات ( فترة الصباح ) .. لكن المشكلة باللي تخلي ولده مع الشغاله دايم .. وتكلف كل شي على الشغاله وهي ماغير تتبطح وسوالييف وفضاوة .. طيب ولدك من لحمك ودمك تسوين فيه كذا .. والله الهرج يطول لكن ما اقول إلا الله يعين على بنات الجيل التـآلي ( مو كلهن )

مادري وش اقول الصراحه رد قوي واسلوب رائع اهنيك اخوي وكل كلمة قلته صح ردك اعجبن فوق ماتصور ومشكور

اقتباس المشاركة الأساسية كتبها أحآسيس بكت من هم ، للأسف أعتقد وجود الشغآله ( شر لآبد منه ) وشي ضروري رغم مضرته بكل شي بالحيآة فيه مضره ومنفعه مو بس الشغآلآت والله يآفيه شغآلآت وش زينهم بس كلن وحظه فيهم : )

اختي اذا وفقتي مرة مرتين بشغاله زينة على قولك موهب دوم تبي توفقين لان الشغاله تقريبا كل سنتين يجي غيرة

اقتباس المشاركة الأساسية كتبها طفلتك شــابت مـــآ أقول إالا مثل مآقالت إميمتي ((يـآزين المال على المتفرجين)) !!! همـآكم مآجربتوو الشغل وبس تناظرون من بعيد , تقولون وش يبيله وبساعة وحدة تزينن كل .. أويل قلبي بس بعدين أغلب البيوت لآصــآر آخر الاسبوع يجونهم بناتهم وعيالهم ويالله عاد تنتلي بيتهم وياحول ياهالبنيات مايستانسن مغيرمراكض ورا هالبزارين والاطبخ ونفخ يعني عليهم دآخل وطآلع ومنتب حآسن بهن يآرعاك الله .. عسى الدنيآ ماله وآلي .. والعمريقضي والشغل مآيقضي

الله يخلي لك امك مشكورة

اقتباس المشاركة الأساسية كتبها الزين يفرض نفسه أنتهت المواضيع الحين ؟ عقول فارغه إلا من رحم ربّي عذراً لوقتي : )

اصلن لو عندك وقت ثمين مادخلتي النت

اقتباس المشاركة الأساسية كتبها ghdo خلنا نستانس وانت وش حارق رزك لاحقين على الكرف ببيوت رجالنا .. (=

ولا قلت لاتستاسون
بس انا نصحت لان مشاكل الشغالات كثيرة شكرا

[فيري]

ياختي اجل انتم لو تجربون ود وجب تسان تملون(كلن خلق لم يسر له)


ممكن يكون ممل بس مو مثل شغل البيت

وانت منو قال لك ان الحريم ميسر لهم شغل البيت والرجال ميسر لهم السواقه وود وجب

شغل البيت المفروض يقسم على جميع افراد الاسره

والمفروض الحريم يتساعدون مع الرجال في انهم مايقولون لهم ود وجب كثير

واصلا اغلب الشباب مايرضون يطلعون كثير

بس مو اغلب البنات يسوون نص شغل البيت والباقي يتركونه

مثلا شغل واحد بس وهو الغسيل

مثلا اختك غسلت ملابسك .. بعدها لازم تنشرهم ... بعدها بتكويهم .. بعدين بترتبهم وتعلقهم

هذا شغله وحده بس

يعني بعد ماتتكسر يدها من الغسيل بتكنس وبعد ماتهلك من الكنيس بتطبخ و و و و الى مالا نهايه

ويبدا اليوم الثاني بنفس الاعمال

المفروض اهل البيت يتعاونون والكل يهتم بشغله

[الضاري]

الله يخلف.........

[نضرتي هيبه]

والبنت ماتبي الراحه حتى لو البيت فيه 5 6 بنااات
لاصار الحمدلله ربي منعم عليهم وش الماانع مايصير فيه خدم البيت ...

[أم جوانا]

عجبا لأمركـ يأخي

[..ســرآب..]

امممم صح
كلآم في محله بس لآبد من الشششغآله
يعني دوام وهيك كيف نجمع بين الشغل والتنظيف والدراسه

[ٳثمڍ فرζ]

اقتباس المشاركة الأساسية كتبها $خارق الجبال$ 12 واذا قالت الام للبنات اشتغلن قالت ندرس وهن تلقاهن على النت

أشوى أحسب بس بيتنا ألي عندهم هالعلثه ...

طيب أخوي حنا عندنا بنات كبار وماعندنا شغاله ...

وأطالب أهلي وبشدهـ يجيبون شغاله لأن خواتي ماينفعن أبداً ..

وأمي تقطع قلبه من الشغل ..

وبعدين المشكله مهب أنه عايله كبيره يجيبون شغاله المشكله الأكبر لا صارت الوحده مامعه الا بزرين

وعندهـ شغالهـ ...

[د\محشش]

مااشوف انه يعيب هذا الشيء يحقلهن يتدلعن ..
بيدرسن بيدخلن نت بيشوفن تلفزيون عادي بنات السعودية ..

[رسالي]

موضوع فعلا مهم :
يجب احترام الخصوصية في البيوت -
اذا تقسمت المهام مثلا . ناس يسوون الشاي . ناس يكنسو . الطبخ- النظافة .
لا اظن ان في هذه الامر اشكال .
والاهم لو تلاحظوون انو الاطفال حتي كلامهم اتغيير اصبح كلام بنجالي ( سمسم-مدير - نفر - مافي معلوم )
اين بصمتي في اولادي - .اين تربيتي .

لابد من ان يكون هنالك مصدر واحد لبرمجة الاطفال .

جزاك الله خيرا علي هذا الطرح .

تقبلو ا مرورري ,,,,

[ماهنا ذرابة :(]

من عطاه الله أكل

[سُـقيا]

اقتباس المشاركة الأساسية كتبها النااااعم وليش بعض البيوت اللي عيالهم كبارين يجيبون سواااق ؟؟؟

يسلمك ربي ع الرد

[مافيني حيل]

اذكر شايب يبي
يبرر لنفسه انه
جايب شغاله لزوجته
وهي ماعنده
الا هي وراسه
يقول الواحد
يجيب له شغاله
يعينه على
الصرف على
عياله بديرته

هههههههههههاي

مسكين مايعرف
ان كل بيت فيه شغاله
( ومادامهم ربو وتعبوا يستاهلون)


وبعدين اللي يجيب
شغاله هو حر
مادامه هو اللي يدفع