[برنقز]

أغلب السيارات والله العالم ببريده هايلوكسات لازم يجي منهم الغشيم ومنهم الراكد بس راعي الهايلوكس عطه سياره ثانيه غير الهايلوكس بيصير راكد ولا( لا)

[7DAYS]

هايلوكس + سرعه + يسقط مع اليمين + يوقف قدام العالم بالاشاره

كل ذا تجده في سياره وحده = الهايلوكس

صح

[بريد1111وي]

اقتباس المشاركة الأساسية كتبها المنذبح هذا مثل معروووف يا منب قايل ,,, اوب شرط نصير برجب ,, المقصود انه تعيش اكثر تتعجب اكثر ,,, ووووبس صاير محامي هاليومين

أنت ماسمعت المثل اللي يقول اللي مايعرف الصقر يسويه كبدة
انا أبشرك سويت الصقر شكشوكة بدون شطة
ومن هذا المنطلق والمنبر بأسمي وبالنيابة عن نفسي <- صديقي نفسه ترا نصراوي
أرفع شماغي البسام البصمة 14 من باب الأحترام لك
واشكرك على تصحيح معلوماتي
وأعتذر للاخت عن سوء فهمي للمثل وتعليقي عليها وانا مدري وينهي هابة بالأمثال <- صريح

اقتباس المشاركة الأساسية كتبها خبوبيه كيوت ما عمري شفت راعي هايلوكس الا يكون " غشيم " الغالبيه لا احد يقعد يهاوشن اللحين ,, هذا اللي اشوف انا ..

شلون شفتيهم عن طريق قوقل إيرث مثلا
ولا حاطته بين قوسين بعد
تدرين لو أشتكيكي لجمعية حقوق القصمان تروحين ورى الشمس عن هذه المقولة الخطيره
يعني قصدك انا غشيم سامحك الله
هالحين من كثر مشاويرك عشان تشوفين كل أصحاب الهايلوكسات ببريده وتقيمين سواقتهم

اقتباس المشاركة الأساسية كتبها عشقي حويلان والله انك صادز وهالدوريات ماتسلطو الا على هالعاقلين حتى سارق تصدقون ابوي راكد بسواقته وهادي وعليه 5 مخالفات من ساهر وكلهن 73 من 70 ومن هالقبيل بينما اعرف ناس راعين تهور وسرعة جنونية ماعليهم ولا مخالفة هل يعقل هذا ياناس!!!!!!!

ساهر مسبب لك كوابيس وأنصحك ترفع قضية ضدهـ أنك تعبان نفسيا منه وأنه سبب لك ازمة
شفت شلون موضوعنا لايمت بساهر لامن بعيد ولاقريب
ومدري وش دخل ام ساهر بالموضوع

اقتباس المشاركة الأساسية كتبها سـفـن دآيز هههههههههههه جبتها والله اني برد عليه بس كفيت انت . .

شف يا فسحتي من السلمان
حاط له ورده بعد مستانس انه حصل خطأ علي
ومستانس انه فشلن قدام صديقاتي وأبلاتي <- هيه هيه وش صديقاتي وأبلاتي
<-- أه معليش هذي نهاية اللي يكثرون من هايدي وفلونه أيام الطفوله
وش رأيك بهذه المناسبة تعزمه على شاورما وأثنين ديو


تقول أن تكلمت عن المتهورين فقط
طيب واللي يرحم والديك أكتب نصهم متهورين ونصهم عاقلين ونصهم كوكتيل خمات يعني
كوكتيل فجأه تصكه ام الركب ويجلس يزاعق وفجأهـ يأنبه ضميره ويسمع إذاعة القران وفجأه يقلب والعياذ بالله أغاني وفجاهـ يقطع الإشارات على حسب الرواقه يعني


سفن دايز أحبك ياخي من الله لاتفشلن تكفى رقع لي

[ياليت]

مايركبه عاقل لاهي ولااربع

[بريد1111وي]

اقتباس المشاركة الأساسية كتبها برنقز أغلب السيارات والله العالم ببريده هايلوكسات لازم يجي منهم الغشيم ومنهم الراكد بس راعي الهايلوكس عطه سياره ثانيه غير الهايلوكس بيصير راكد ولا( لا)

انا من شفت شنباتك اللي كنها عكرة ضب محترقه
وأنا أقول أنك عبقري زمانك
ياراقل هالحين تبي تقنعني أن الهايلوكس هي سبب التهور وأن السواق ماله دخل
المتهور لو تعطيه 200 أل تحصلها ناطله بيبان بشارع الخبيب تاكيه وقادح صاحبها
وسع صدرك

[طنزه]

ههههههههههههههه
ياحبيله هالهلي
والله انه هي اللي مهبلة بالشيباااااااان لاشاف هايلوكس ابعد 100 متر
لكن والله لو تبتلون تهاوشون عليه وعلى اللي يسوقونه ماراح نتوووووووووووب
__________________
على الأقل راعين الهايلوكسات يشطفك بسررعه وخلاص ماتشوفوه مره ثانيه اما إذا بلآكـ شايب
يحدك وماتروح من عنده الا الحراره اتش

[يربش بريده]

نعم اصبت هلي مرادفه لكلمة مطهبل ومهايطي انا معي بقره لاكن مشغل مخي وادري ان العب يلعب بهله

شباب ادعوووووولي القى وظيفه عشان اغير موووووتري واشري فورنر قلب مرتي ورخيص

عشاني داج

[أيمن محمد المسعود]

يبيلهم واحد يدقزهم ويعرفون كيف يسرعون

[C R Λ S H]

يالبى قلبه الهلي وه بس


انا اوافقك الرأي نصهم غشمين والنصف الاخر عاقلين يعني مثلي


وانا الحمد عاقل مانب اسرع علشان ما يخرب الجلى

بس وانا اخوك ودي اشقل الموتر واتغشيم بهالشوارع

وش جانا من النصب غير مطارد المرور ورانا وغير القسايم

وهالغشيمين على قولتك ماتسد شفنا مرور يوقفهم


بس للمعلومية تراك نسيت موتر مفسد بالمجتمع وهو [ الفورد ] هذا الموتر

اكثر ضرر من الهايلوكس لان راعيه متبطح منداخل ولا يدري عن شي

وماغير يحدك بهالدورات وبهالشوارع ويذبحونك ذبح

لو الله يفكنا منهن بس كان حنا بخير


بريداوي مهبولة تعليقاتك الصدز


شكراً لك سفن دايز

[رمز المحبة]

مبزرة مدري من وين طلعوا ودك تكمخه بمفتاح العجل عشان يعرف أن الله حق

[برنقز]

اقتباس المشاركة الأساسية كتبها بريد1111وي انا من شفت شنباتك اللي كنها عكرة ضب محترقه وأنا أقول أنك عبقري زمانك ياراقل هالحين تبي تقنعني أن الهايلوكس هي سبب التهور وأن السواق ماله دخل المتهور لو تعطيه 200 أل تحصلها ناطله بيبان بشارع الخبيب تاكيه وقادح صاحبها وسع صدرك

ترى الصوره رمزيه ولا هي صورة وجهي لاتصدق .....

أما على كلامك لو تعطيه 200 أل مثل كلامي بضبط المتهور يبقى متهور إلين الله يهديه .....

فهمت ياحبيبي

[سكرووب بريده]

يا سنتويشه انا كل اخوياي راعين نصبل وجلي مابه الا واحد اللي يلعن موتره تقل ناطله
ولانت يا بريداوووي انت اللي جبته لو الناس كلهم مثلك كان محد شراء لعياله سياره

[ابوسليم]

الشكوى لله

[خبوبيه كيوت]

شلون شفتيهم عن طريق قوقل إيرث مثلا
ولا حاطته بين قوسين بعد
تدرين لو أشتكيكي لجمعية حقوق القصمان تروحين ورى الشمس عن هذه المقولة الخطيره
يعني قصدك انا غشيم سامحك الله
هالحين من كثر مشاويرك عشان تشوفين كل أصحاب الهايلوكسات ببريده وتقيمين سواقتهم

جــآآآآكـ الغشيم ذا ..
وشلون وشلون شفتهم << = وش ذا السؤال الغبي
هههههههههههه وش تبي انت بالحياة اولاه .. وشو من كثر مشاويرك < وانت تعرفن اللحين هع

اقولك شي عاد .. شي واحد يجوز لي براعين الهايلوكسات , لا بدو يتميلحون ويشرون ويكبسون ليعض ,, احس انه يسولفون بالاشاره هع