[حفيدة الزهراء]

.

,,

آلخـــ صبآح / مسآء ـــير
لكل صبايآ " عالم أنثى "

طبعا أول مرة أنزل موضوع عن الطبخ
وهو العشاء << يجين قلق اذا جاء وقت العشاء وإذا سألتي بعلك قال زيني اللي تبين ثم تحتارين ماتدرين وش تزينين ياحبي للغداء بس
عاد محدثتكن فسرت عن ذرعانه ودخلت بالمطبخ <<< قولن ماشاء الله
وتعرفن الواحد لاصار جوعااان واااااااااااوك كل شيء يطري عليه
ومعليش حبيباتي مافيه صور الا بالاخير لاني مافضيت عشان اصور كل خطوة لحالها

<<<< ماتلاحظين طولتي بالقرق اخلصي علينا

احم احم

أولا / " مقلوبة الرز بالباذنجان "

المقادير :
3 حبات باذنجان مقطعة حلقات
3 حبات بطاطس مقطعة حلقات
2 بصل يقطع صغار
دجاجة كاملة تقطع أرباع او اثمان << انا قطعتها 6 قطع
كاس طماط مطحون
ملعقة شاي بهارات مشكلة
3 كاس رز << منقوع بماء حار
2 ليمون أسود
3 اعواد دارسين
ملح
ماجي
ملعقة صلصة
زيت

الطريقة :
1 _ نقلي الباذنجان والبطاطس ونتركم على جنب
2 _ يسلق الدجاج ربع سلق في 4 اكواب ماء + ملح + رشة كمون ثم ينتشل من الماء وتحمرينه بشوي زيت بمقلاية وتخلينه على جنب << لاتكبين ماء السلق لاننا بنحتاجه
3 _ نحمس البصل ثم نضع البهارات المشكلة ثم الدجاج وتلقلبينه وبعده نضع الطماط والليمون والدارسين والصلصة والملح وتضيفين على ماسبق كاس من مرق الدجاج وتخلينه يتسبك على نار هادية
4 _ نسلق الرز بماء الدجاج المتبقي وتضيفين الملح والماجي على حسب رغبتك طبعا
5 _ واخير وليس اخرا جيبي الباذنجان وصفيه فوق الدجاج وبعدها البطاطس ثم نضيف الرز بعد مانصفيه طبعا وحاولي تضغطين على الرز زين عشان يضبط معك , وغطيه واتركيه على نار هادية لمدة نص ساعة
6 _ اقلبي القدر بصحن دائري وشوي شوي ابعدي القدر عشان ماتخرب المقلوبة معك وزرينيها بالليمون وبس

وهذي صورته

http://www.mobdi3ine.net/uploads/13065355441.jpg
,,,,,,,,,,,,

ثانيا / حلى الغابة السوداء << حلى عشاء

المقادير :
الطبقة الاولى : كيك امريكانا او صلحي كيك بيتي كويكر
ظرف دريم ويب + بيالة حليب سائل بارد
الطبقة الثانية : 4 حبات شوكولاته جالكسي سادة + ربع اصبع زبدة + علبة قشطة
للتجميل : 2 لفيك

للمعلومية يفضل عمل هذا الحلى بصينية ذات قاعدة متحركة

الطريقة :
نفتت الكيك ونخلط الدريم ويب والحليب ثم نخلطهم مع الكيك طبعا بدون ماتضغطي عليه باليد يعني واسيه زين بس بدون ضغط
تخلطين بالخلاط مقادير الطبقة الثانية والافضل انك تذوبين الزبدة والجالكسي بحمام مائي ثم تخلطينهم مع القشطة , ثم تصبينها على الطبقة السابقة وتزينينها بالفليك
وبعدها تدخلينه الثلاجة عشان يبرد قبل التقديم

وهذه صورته

http://www.mobdi3ine.net/uploads/13065355442.jpg


<<< طبع اختنا بالله اللي هي حفيدة مشتهية سليق
عاد أسهل أكله

المقادير :
كاس رز مصري ينقع بماء حار
حبة ماجي أصفر
حليب

والطريقة :
خليت الماء يغلي وحطيت حبة الماجي والرز المصري وخليته على نار قوية لحد ماينتهض الرز شوي
ثم ذوبت 3 ملاعق حليب جاف بماء دافي وسكبته على الرز وخليته على نار هادية لمدة ساعة

وعند تقديمه لك الخيار بالكشنة العادية أو مسمنه <<< أنا حطيت شوي زبدة

وللاسف ماصورته لحاله


وهذه صورة السفرة كاملة

http://www.mobdi3ine.net/uploads/13065400061.jpg



وبالعافية على قلوبكم