[ابوميعاد]

اقتباس المشاركة الأساسية كتبها الافضل اخوي ابو ميعاد والله انك صادق الوالده الله تمم ولادتها على خير امس داخله مستشفي الولاده وجت من الظهر الى المغرب تنتظر انه يفضي لها سرير والولد تعب معهم الصراحه ومن معاملتهم بعد يروح لحق الاستقبال ثم يقوله حق الاستقبال رح لحق الطوارئ ويروح لحق الطوارئ ثم يقوله رح لحق الاستقبال لين حمق الوالد وتناقر هو وياهم طبعا هم معطين الوالده موعد لوهم ماعطوها موعد اعذرهم لكن المشكله بالموعد لا وازيدك من البيت شعر قصدي من الشعر بيت مأدري وشي المهم الي يقلونها بالعاميه امي من الخراز والمدير من الخراز يعني المفروض يكون فيه احترام او فيه واسطه او اي شئ نظرآ لتعارف بينهم فكيف بالمواطن العادي ...! ومشكور لأنك رفعت شكوى للأدآآره والسلام مسك الختام

يمكن شكواي هذي المليون من الشكاوي التي تطالب بحق المرظا

[أبو رُبـــــى]

اقتباس المشاركة الأساسية كتبها الأسلوب الراقي لا ينبغي أن نتكلم عن أسماء أشخاص محددين لاااااااااااااااااااااااااااااااااااااااا للغيبة

جزاك الله خيراً ..

ولكن هل حينما أقول مدير مستشفى الولادة سيكون مبهماً .. ؟

الأمر الآخر والأهم .. هل تعلم ما يدخل تحت الغيبة أو الذي لا يكون منها .؟

إن كنت تعلم فأنت تناقض نفسك وإن كنت لا تعلم فتلك مصيبة .. !

خذها من هنا ..

والقدح ليس بغيبة في ستة :
1- متظلم .
2- مُعرف .
3- مُحذر .
4- مجاهر فسقاً .
5- ومستفتٍ .
6- طلب الإعانة في إزالة منكر .

فاختر ما تشاء من هذه الستة لتجعلها في ذلك الشخص . !!

[ظيغميه]

أنا ولدت في الرياض مره و في جده مره الصراحه عنايه ما أقدر أوصفها لكم كأني في مستشفى خاص وولدت في

مستشفى الولاده ببريده مرتين مهزله لا يمكن و صفها أهمال و سوء معامله لأبعد الحدود أجلس عندهم

8 إلى 9 ساعات بالأنتظار على نفس السرير اللي ولدت عليه و بعدها يطلعوني للبيت بحجة أنه مافي سرير

و لما نشتكي يقولون حالات الولاده في بريده كثيره وما نلحق و السرر ما تكفي طيب

وين الحلول كل هالسنين نعاني و ما شفنا حلول أبد

لكن ما أقول غير حسبي الله هو نعم الوكيل و الله لا يحيجنا لهم و يغنينا عنهم بواسع فضله .

[ابوميعاد]

اقتباس المشاركة الأساسية كتبها برنس الملاعب السلام عليكم أنا أشكرك جدا أخي أبو ميعاد لأن هذه قضيه يتألم منها الكثير في بريدة بل بمنطقة القصيم كلها أنا أسغرب من المسؤلين وينكم عن هذه المهزله وين المليرات والملايين التي تصرف لوزارة الصحة نحن بمنطقة كبيرة لسنا في قريه مع العلم أن مستشفى الولادة والأطفال هو الأبرز في بريدة وهو الذي في الواجهه فمن المفروض انه يكون متكامل وفي أفضل حاله من من المسؤل من المسؤال من المسؤل من المسؤل شكرااااااا لك أخي أبو ميعاد مرة أخرا واتمنى من الأعضاء في منتدى بريدة ستي أن يرد رد مهذب أولايرد

لاشكر على واجب يا أخ البرنس

بالنسبه للمزانيات اللتي تأتي للمستشفى لو تكون عند شخص يحس بالمسؤوليه
وهمه الاول مصلحة المريظ كان ماينقص المستشفى شيئ .........
والإتكاليه الزائده إذا كانت عند أي مسؤول تكون إدارته فوضى ...................

[ابوميعاد]

اقتباس المشاركة الأساسية كتبها حنان بريدة اجل امس انا بالطوراي بتحط للولدي مغذي وتبط فيها ثلاثة مالقت عرق ليش جابين هنود شكلهن مايعرفن شي بس مهعن لغة انجليزية وولد بس يصيح وبعدين يوم عجزن حولون لقسم الرجال وجت الاستشارية وبطت ولدي ماشاء الله ولا السستارت مخلصين ودي ارفع شكوى للوزير الصحة علشان يرى في امر الاطفال من منكم مرة شافت القسومي يتفقد المستشفى ولا الطورى

لو كان هناك أهميه صادقه بإختيار الممرظات ومراقبة عملهن
وهل هن كفئ ليقمن بالأعمال لبنات المسلمات وأطفالهن
كان يكون عملهن أكثر إتقانا.................

للأسف تقوم الشؤون الصحيه التعاقد اللذي أقل سعرا
دون مرعاة لصحة المريظ وبزياده لاتقم عليهم جولات
لمشاهدة التقصير الذي يحدث بالمستشفى

[رمز الابداع]

اقتباس المشاركة الأساسية كتبها لافندر الا ماتلاحظون كل اللي يولدون فيه لااااازم عمليه ؟!

لأنه كـل عـمـليـة يـاخـذ عـليـهـآ الـدكـتـور 3 آلاف ريـال ...

/

وأنتم ياحوول مصدقـيـن انه لازم عـمـليـه ...

الى الامام ياوطني ..

[رمز الابداع]

اقتباس المشاركة الأساسية كتبها الأسلوب الراقي لا ينبغي أن نتكلم عن أسماء أشخاص محددين لاااااااااااااااااااااااااااااااااااااااا للغيبة

عفوا عزيزي ..

انت واشكالك هم اساس الفساد اذا كنت لا تريد ذكر اسماء المفسدين ..

الى متى وانتم ضعيفين وامّعات ... اين معدن الرجولة عندكم ...

والى متى ساكتين عن حقوقكم ..

بل سنذكر اسمائهم في جميع الصحف والمنتديات حتى يكونوا عبره للمعتبرين ..

[Exceptional girl]

الطريقة هذه لن تجدي فهناك طريقة مثمرة لكن مالفائده من ذكرها فمجتمعنا ...!

[همس الخوأطر]

كنت افكر استقر ببريدة والله بعد الكلام والبلاوي بالمستشفيات بريدة شكلي ابرجع لديرتي مسقط راسي العاصمة واتحمل الزحمات ارحملي من الهوالي الي عندكم

[شًقِـــآؤٍة صًِغَآرٍ]

والله معاملتهم زفت والمستشفى وسخ لاكن الدكاتره شاطرينَ
و القسوميَ ماعليٌه ملامه المٌستشفى كبيٌر
وش يرَاقب وش يخلٌي اتوقع انه حاطَ كل جهده بهالمسٌتشفى ياحول ..!

[شًقِـــآؤٍة صًِغَآرٍ]

اقتباس المشاركة الأساسية كتبها همس الخوأطر كنت افكر استقر ببريدة والله بعد الكلام والبلاوي بالمستشفيات بريدة شكلي ابرجع لديرتي مسقط راسي العاصمة واتحمل الزحمات ارحملي من الهوالي الي عندكم

ياحلوها وياحلو زحمتها وش لك ببريده وين تروحين وين تجين
البارح بطلع انا والباشا مافيه مكان نروح له غير مطعم (3 بس ومزحومات وملينا أكلهن) + استراحتنا
تجيب الهم والكآآبه لاكافيات ولا مطاعم ولاشئ
اذا اهلك هناك لاتعتبين الرياض

[ابوميعاد]

اقتباس المشاركة الأساسية كتبها شًقِـــآؤٍة صًِغَآرٍ والله معاملتهم زفت والمستشفى وسخ لاكن الدكاتره شاطرينَ و القسوميَ ماعليٌه ملامه المٌستشفى كبيٌر وش يرَاقب وش يخلٌي اتوقع انه حاطَ كل جهده بهالمسٌتشفى ياحول ..!

مدير مستشفى الولاده يقدر يديره بسهوله إذا عمل بجد ووزع مهام العمل
كلن بإختصاصه على حسب الاقسام وأن يحاسب أي تقصير منكل قسم
بعدها تظهر النتائج .............

[بنت كفو]

عندهم طبيب سوري يستلم اكثر حاجه العمليات أشك أنه طبيب أو قد مر على الطب ؟؟!!

[في داخلي قلب طفلة]

الله يعين هالحريم ع المستشفيات الخايسه