[ツحـبـر شـفـافツ]

اقتباس المشاركة الأساسية كتبها دلووووووني بس الصراحة كل اللي فيهن يهون اذا حطيتي عيالتس عندها ورحتي لحفلة ولا لطلعة رومانسية مع ولدها اسلوب الطرح جدا ممتع !!!

أما عاد ...

لاياشيخ كبار السن مايتحملون الصغار ,, اللحين حنا مانتحمل هالبزارين وشلون هم أجل ..

شكرا,, شرفت

اقتباس المشاركة الأساسية كتبها الـصـمـصـام .. صح الأسئلة كثيرة ، و الاعتراضات أكثر و أكثر ، و لكن فيه شي عند كبار السن ينسينا كل اللي يجي منهم ألا وهو ( سلامة الصدر ) , يعني ما تفكر تحسد ، والله بعض الناس لو حصل له يروح لساحر عشان يفسد على الإنسان حياته ، ماعندهـ أي مشاكل .. أما الشايب و العجوز بالعكس ، إذا سوينا شي ما يبونه دعى لك بالتوفيق .. و قال أو قالت ( إيه .. بهواوهـ ) يعني ( الصدر سلييييييييييم ) ..

الصدر السليم في الجسم السليم ..

والله يالشيخ يمكن بس لو شفنا بنلاقي سلامة الصدر توجد في أعمار صغيره أيضا ,
كذلك الغيره والحسد ووو توجد في البعض من كبار السن.. << ربما اقل لكن توجد ..

حلووه كلمه بهواهـ.

مشكووور وبــهــواك ,, أسعدنا مرورك

[ツحـبـر شـفـافツ]

اقتباس لعن الله الصابغات والمتصيبغات والقاصات شعورهن

جاري البحث في البخاري ومسلم :D

حلوووووووه ياحبي له خالتك راقيه ماشاء الله عمر مهب سهل الله يخليها ..

تــلالـــيــــلو شرفتي ونورتي .. تشكراات ..

اقتباس اختي حبر شفاف تبي بتندمين على الكلام هذا اذا فقدتي هالعجز ياحبيلهن هن ومزاجهن

حيبتي ماقلت شيء يستحق الندم ..

وبعدين انا ماعشت معهن أصلا عشان أفقدهن .. والله المزاج على حسب مو دايم توفقين بمزاج فله..

حنين تشكرات كتيرات غلااااااااي ..

[乂♥ متفائلة ♥乂]

الف شكر اختي البازوووكة
كلامك رااااااااااائع جدا
الله يخليهم لنا جداتنا ويطول بأعمارهم ..

[ツحـبـر شـفـافツ]

اقتباس المشاركة الأساسية كتبها ...حـــور... ... وعليكم السلام ورحمة الله وبركاته ... وهـ بس منهن يحبيلهن والله اني استانس عليهن وعلى سواليفهن ولا جتك الوحده متعصبه وش ذا وراه لبسكم تسذا هاذي استاااانس عليه ياويلي يرتفع ضغطه لا بديتي تردين عليه عادي وشبوه ياحبيل قليبهن... بس فيه بعضهن مااودك تقربينه الله يهديه تفشلك وتخليك ماتسوين خلا قينتس من الهواش ونقااده وبس ماهمه الا مناظر البني وهذي صراحه قليل لان اكثر عجز هالوقت سمحات وحبيبات لااا بلعكس ضفي القهوه ونحريه وقطي معه وخلتس ايقالتس دبر وسنعه والله تبدا تحررج عليتس خخخخخخخخخخخخ والله انهن يوسعن الصدرر ...

هههههههههه حلووه والله أجل تفلينه معهن بس المشكله اذا هاوشن وش الحل ؟ ملينا وحنا نعطي أشكل ..
تحرررررررررج :D بسم الله عليك لامستحيل هن لهن نظرتهن الخااصه ..

تشكرات كتيرات غلاااي

[ツحـبـر شـفـافツ]

اقتباس المشاركة الأساسية كتبها صالح الخبيب اشكرك [ حبر شفاف ] على هــــــذه الصراحة في طرح شعورك الحساس من كبار السن [ العجائز ] لكنكِ قد اخذتِ [ ممكن ] مع بعضهن موقف وتحاولين تعميمه على جميعهن .... !!!! اقدر هذا الشعور لكني لست معكِ في هذا التعميم ... كيف تعد لي سلوك ابنائكِ وبناتكِ مستقبلا انشاء الله ... آن ذك ستصبحي كبيرة !!! كيف تقولي لهم عندما [ لو ] يأخذوا بمنهجكِ هذا ( ضد الكبير ) سؤال آخر : كيف تبقى العادات والتقاليد في [ اي مجتمع ] اجيال دون تغيير ... ؟؟؟ الا بسبب ضبط افراد المجتمع بعضه لبعض ... او قولي نقد افراده بعضهم للبعض ... !!! بعض الشباب والشابات يعيش حالة عدم التأقلم مع بقية الفآت العمرية الاخرى ...!!! فبعضهم لايستطيع التأقلم مع صغار السن !!! والبعض مع كبار السن !!!! والبعض عدم تأقلمه ضد الطبقية فهو لايستطيع العيش مع المثقفين !!! والعكس عند البعض لايستطيع والجلوس مع السوقة والعمالة والخدم ... فهومحدود بفئة عمرية وطبقية محددة ... آمل الاتفهميه ان هذا درس في علم النفس الاجتماعي .... وشكرا الاربعاء 3\8\1428هــ

لاياشيخ انا ماعندي خلااف مع كبار السن المتفهمين ..
وبعدين أنا مو ضد الكبير أنا ضد تصرفات خلني اقول أغلبهم بصرااحه ..
صحيح كلامك بالنسبه للتأقلم,,
ومثلي انا ماأتأقلم مع اللي أكبر مني بـ 8 سنوات فكيف اللي بثلاثين سنه !
بس مو كله عشان الفارق لا الخلااف بسبب الأطبااع ..

أشرت وماقصرت .. شكرا

[ツحـبـر شـفـافツ]

اقتباس المشاركة الأساسية كتبها الصباخ لا يصح الحديث عنهم هكذا .! بهذا الأسلوب الطفولي السخيف .. إذا ما أعجبك كلام شخص كبير في السن .. قولي له: سمي وابشري .. واسكتي .. عقول مراهقة ومريضة نسأل الله السلامة والعافية .. وللمراهقة عنوان آخر ..

زين ماتسحب بريك ...

من ردك مافهمت موضوعي لاأنت ولا هم الا البعض ..

بس أنت مسكت السريع ,, زين زين ..

أعد قراءة الموضوع ولا عليك كلاافه ....

!!

ولتعلم أن للمراهقه عناااوين أيضا ..

تشكراات كتيرات افندم

[ツحـبـر شـفـافツ]

اقتباس [ العجائز ] ليت هناك غير هذا المسمى و ألطف .. هن الأمهات المربيات رعاهن الله و أطال بعمرهن على الطاعة إنهن لمثل العسل المصفى لمن أحسن التعامل لن يدوم شبابك فأنما هي سنين ثم يحل بك ما حل بهم

ليه وش تبي اقوول !!! هذا المسمى الدارج ,,

وبعدين ليه بديتوا تلفون وتدروون خليكم في صلب الموضوع بليييييييييز ..

الله يهديكم .. كالعاده الفهم يخووون

تشكرات كتيرات افندم

اقتباس صراحه العنوان ما اعجبني . وربما يكون حصل لك موقف جعل هذا الموضوع المتشنج يخرج منك

هذا رأيك واحترمه ..

ولو ماحصل لي مواقف ماناقشت الموضوع معاكم اللي للاسف تحول 360 ْ عن الأصل ,,

تشكرات كتيرات افندم

[مدحت شوقي بريده]

اذكر جدتي موضي تقول :
((( تسمن ياخريفنا .. ونجسك )))

ياشفر حباب .. قصدي ياحبر شفاف ..
هذولي العجز كذا كلهن .. كل ماكبرت الوحدة تفرغت للتنقد ..
لأنه فاضية .. والفاااضي يعمل قااااضي ..

بس هذا مايمنع إننا نحترمهن ونقدرهن .. ولو بإسلوب ( ترقية الإثل )
يعني مثل قولة .. إيه طيب وإنشاء الله .. والوعد الخاااااامس ..
لأنهن مهما كان بركتنا ومالنا غناة عنهن ..


أما من ناحية الخطبة .. فأعتقد إن البعض الآن يطلب حضور الخاااااطب بدون الأهل ..
يقولون يجي نشوفوه وبعدين يجي يشوف البنت وبس ..
يعني ماله داعي حضور الأم ..
وهذي تقلل من الاشكالية اللي أنتي تتكلمين عنه ..
مع إني ماأرى فيها إشكالية .ز لإنه يمكن إنك تتكلمين عن حالااات شواذ ..
والشاذ لاحكم له ..


وسلاااااااام أئليكم ..


سي يو ..

[أبو يحيـى]

اقتباس العنوان مبالغه في القوول .. انتم مادرستوا في البلاغه والنقد درووس المبالغه ؟؟؟؟؟؟؟؟؟

أجل لا عمرتس تبالغين

[ح ـنايـا الـ ق ـلب]

أنتي جيبي لي عـجوز ويصير خيـر

آهـ بس لـو عـندي عجوز أو شايب

.

[ابن التوحيد]

بس ولو
الله يخليهم لنا
بس ولو

[al7nooooon]

العجز والشيبان ملح الحياة..
صح إنهم يملغونه واااااجد لكن يبقون ملح الحياة..
ياجماعه يالي جده الله يغفر له والله ماشافت عيني مثله من العجز ولا اعتقد تشوف..
يابه زين وهي عجيز يطيح الطير ويابه أخلاق ووساعه صدر صح انه تهوش لكن على سنع
وياعليه سوالف وقصايد ..
..
ياااااااااااااااااااااخ بس
ودعتك الله ياجدتي
1425/5/17 هـ يوم لم أبصر فيه

[الصباخ]

اقتباس المشاركة الأساسية كتبها ツحـبـر شـفـافツ زين ماتسحب بريك ... من ردك مافهمت موضوعي لاأنت ولا هم الا البعض .. بس أنت مسكت السريع ,, زين زين .. أعد قراءة الموضوع ولا عليك كلاافه .... !! ولتعلم أن للمراهقه عناااوين أيضا .. تشكراات كتيرات افندم

ليست الفكرة في فهم الموضوع أو غيره .. أنا فاهم الموضوع كله ..


لكن الفكرة في أسلوبك السخيف .. الذي لا يقدم ولا يؤخر شيء في المشكلة ..


حتى وإن افترضنا إن هناك مشكلة .. فليست بهذه الطريقة وبهذا الأسلوب السقيم تعالج ..


كبار السن من الشيوخ والعجائز .. هم سندنا .. وهم ماضينا .. حتى وإن اخطئوا ..

طبيعة بيئتهم التي عاشوا فيها .. جعلتهم صعبين في التعامل مع الآخرين .. ولا نلومهم على ذلك ..

بحكم أنهم شافوا الويلات يوم هم صغارين ..


واللي ماله ماضي ماله حاضر ولا له مستقبل ..


لو أسلوبك في الموضوع جيد .. ومحترم .. لكان ردي عليك في صلب الموضوع ومحترم ..

[al7nooooon]

مرحبا بالأخ الصباخ
أعتذر عن تعقيبي عليك لأن مالي دخل بالموضوع لكن حبيت أبين وجهة نظري
مو شرط لما يكون شافو الويلات بماضيهم لازم يوروننا الويلات!
ولا أرى في الأسلوب سخافه..!
أو تعدي على كبار السن..!
ولكن هي وجهة نظر وأرادت قولها ..
محبتي وعذراً على التطفل بالرد