[مابنكسر صابر]

السلام عليكم
بنات ابي رايكم لويخطبك واحد شكله عادي يعني مقبول
ويشيش ويسافر برا بس الصلاه محافظ عليها
توافقن
تكفووون ابي رايكم
وبكـــون شــاكره لكم

[أتعبني غروري]

_
_
مــســــــتـــــــحـــــيـيـيـل
أقعد ببيت أهلي معززه مكرمه أحسن من أني أخذه..
_
_

[شوق المريخ]

شوفي يختي الشكل نمشيها مايهم ابد ابد اهم شي رجولته

اما السفر ممكن نمشيها اذا الكل شهد انه مب راعي حركات بسفراته<خاصه خارج المملكه

اما الشيشه لا والله قضينا من الدخان<السيجازه<التتن خخ
تجينا الشيشه لا والله قعودتس عند اهلتس اهون من انه تحتمي تسبدتس كل يوم
على هالرجـــــل<الله يهديه ياااااااااارب

[جودالسمآء]

استخيري يا وخيتي ..

وشوفي وش راي ولي امرك وش يقول فيه ترا الرجال ابخص...

[مابنكسر صابر]

اقتباس المشاركة الأساسية كتبها أتعبني غروري _ _ مــســــــتـــــــحـــــيـيـيـل أقعد ببيت أهلي معززه مكرمه أحسن من أني أخذه.. _ _

انا معك بس والله اغلب الشباب صايرين كذا عاقل ولا مو عاقل يسافرن برا ويتزوجون بعد
واذا ع الشيشه تخيلي وحده انخطبت وبعد ماسألو عنه قالو مايدخن وسأله ابو البنت انت تدخن قال والله اني ماادخن بعد الزواج سافرو شهر العسل قال دقي ع الفندق تحت وقولي يجيبو لي شيشه قال هماك انت ماتدخن قال ايه انا ماادخن بس اشيش >الله يهديه
اشكر مرورك اختي

[مابنكسر صابر]

اشكر مروركم شوق المريخ وجود السماء

[أتعبني غروري]

_
لا وش دعوه فيه شباب بهم خير ولايعرفون الدخان ..
قريبتي خطبه واحد يدخن ويوم سألوه قالو له تدخن.؟قال: لا
لكن أخوه يعرف وقاله أنصحك ماتوافقين لأنه واضح أنه يدخن
ورفضته وأكتشفت بعدين أنه فعلآ يدخن
والحمدلله تزوجت وآحد غيره
وأحسن منه ..
_
إن شاء الله بيجيك واحد أحسن منه ولاتنسي الاستشاره+الاستخاره
_
_

[عمر الزهور]

مابنكسر صابر الشكل اخر شي تفكرين فيه اهم شي يحافظ على الصلاة واخلاقه وسمعته زينه الاستخاره افضل حل نصيحتي لك قبل ماتقررين او تستشيرين احد استخيري والخيره فيما اختاره الله واذا على السفر برى ياكثرهم اللي يسافرون برى وهذاهم متزوجين بس فيه فرق بين سفر وسفر اذا سافر يدرس اولشغل مافيها شي اما اذا غير كذا لا يكون فيها كلام ثاني والشين شين سافر ولا ماسافر والله ان فيه شباب شينين وهم ماعمرهم سافرو يعني السفر مودليل على انه شين اما الشيشه والله ما ادري وش اقول غير الله يهديه ويتركه وزين انه علم وماكذب عليكم على العموم انتي عطي نفسك وقت في التفكير وبعد الاستخاره ان شاء الله تقررين بكل راحه والله يوفقك دنيا واخره ويسعدك ياااارب ..

[ريفان]

بسم الله الرحمن الرحيم

وشنونكم ووش اخباركم خشي با الموضوع ولا يكثر



الموهيم....
بقولكم الموقف وانتو احكمو


انا ادرس بمدارس المجد الاهليه بصف الثالث ثانوي ادبي

يوم السبت
رحت مدرس فجر القصيم الاهليه للبنات



ابغا اسجل(موب لان فيه عيب في المجد بس كنت ابي اغير)

اول ما دخلت المبنى موب لذيك الدرجه

الموهيم...

رحت للاداره

قلت لهم اني بسجل

قالو جيبي نسخه من الشهاده (تراي نسبتي 98% احم احم <<< خطمات شدخل ذا الحين)


قلتلهم اوك باتسر بجيبه لكم

قالو لا دقي على ولي امرك وارجعي معه

المشكله اني قايلهلهم يجيون 12

الموهيم قلت له اني ابي احضر با الحصص

قالت اوك

الموهيم حضرت ثلاث حصص

شفت شي عجيب با الحصه الثالثه

تخيلو لو وحده تقولك اشش (اشش هاذي حقت الغنم يا الغلا موب للبشر)

بس انا شفت معلمه وطالبه يتكلمون عادي

جت الطالبه بتقول وجهت نظرها قالت لها المعلمه اشش

----------------------


بعد الفسحه
اخذنا شناطنا ونزلنا فيها معنا

جت ادريه

قالت لي :انتي ماحضرتي ولا حصه
قلت:الا حاضره كل الحصص

قالت:وش سالفتك الحين سجلتي(وهي تنافخ)

قلت:ايه قالو لي اجيب نس-------

ماقدرت اكمل لانه ثارت بوجهي

قالت:اسكتي ولا كلمه انتي ولاشي امثالك مانبغاهم بمدرستنا يا انا ياانتي با المدرسه


بصراحه ولعت من القهر وش تبي ذي تنافخ والله اني ماسويت شي يقهر

نفسيات

مشيت وخليته ولاكانه قالت شي
(با العربي سهجته)

با الله و رايكم في الاسلوب اصلا واضح كل المعلمات ينافخون حشا مو مدرسه سجن


الموهيم عندي رد كنت ابغا اقوله لها بس احترامي كوني طالبه وهي مدرسه سكتني



كنت بقولها(اصلا انا مايشرفني ادرس بمدرسه انتي تدرسين به)


وكلمه اخير اقولها

والله يوم شفت تعاملهم

قارنت بين تعاملهم وتعامل ادريات ومدرسات مدراس المجد الراقي

بجد ما اقول الا المجد غيرررر

[قانون السيطرة]

أولا / من الأدب عدم ذكر أسماء .
ثانيا / من خلال أسلوبك أشعر بأني أقرأ لطالبة في رابع ابتدائي .
ثالثا / لا أريد تعليق على ردي ... لأني من النادر أن أعود لإكمال حوار فاضي.

[ريفان]

اقتباس المشاركة الأساسية كتبها قانون السيطرة أولا / من الأدب عدم ذكر أسماء . ثانيا / من خلال أسلوبك أشعر بأني أقرأ لطالبة في رابع ابتدائي . ثالثا / لا أريد تعليق على ردي ... لأني من النادر أن أعود لإكمال حوار فاضي.

اولا اسمه مشهو مشهور مني او من غيري

ثانيا ايه لانها موب انتي الي نفخت عليك يا الغلا وعلا فكره موب هذا موضوعنا وانتي طلعتي عن اطار الموضوع واسلوبي لي ماقلتلك وش رايك فيه

ثالثا موب لازمترجعين تشوفين ردي لك لانك جبانه اوك يا الغلا

تشرفنا بمروروك

[•°انكسار الأماني°•]

اقتباس أولا / من الأدب عدم ذكر أسماء . ثانيا / من خلال أسلوبك أشعر بأني أقرأ لطالبة في رابع ابتدائي . ثالثا / لا أريد تعليق على ردي ... لأني من النادر أن أعود لإكمال حوار فاضي.

سبحان الله تذكرت نزار خخخخخخ
ياأخي هذي بنت ولايصير تتكلم عليه في هالأسلوب الدفش جداً ,
خاصة أنها لأول مرة تشارك وقد تكون لأول مرة تطرح موضوع في منتدى ,

لو تقول /
ياأخت ريفان المفروض ماذكرتي أسماء الله يخليك لأهلك من باب عدم المساس بالشخوص ,
الأمر الآخر تقبلي الآخرين بأخلاقهم وإن ضقتي بهم ذرعاً فقولي حسبي الله ونعم الوكيل ,
لإن الناس أجناس , فئة لديهم أساليب وفئة عدمت ذلك ,
هدي من روعك وإنسي اللي صار والشكوى لله وبالتوفيق لك ,

؛

قانون الله يسامحك مايصير نخلط جميع المراحل في تعاملنا ذاته ,
اللي بالمتوسط غير اللي بالثانوي والأخير مش مثل اللي بالجامعة وهذا كمان مش مثل خريج له 4 سنوات ,
يعني تقدر تقول خبرته لسى مش تقصير منه لكن هذي جهدته بالموضوع وتجي تثور بالصورة أعلاه لاوالله مايصير ,

,

[دلوعه الجامعه]

ايو الله ياكثر هالاشكااااااااااااااال

الله يشيلهم من المدارس ياااارب

[ريفان]

اقتباس المشاركة الأساسية كتبها •°انكسار الأماني°• سبحان الله تذكرت نزار خخخخخخ ياأخي هذي بنت ولايصير تتكلم عليه في هالأسلوب الدفش جداً , خاصة أنها لأول مرة تشارك وقد تكون لأول مرة تطرح موضوع في منتدى , لو تقول / ياأخت ريفان المفروض ماذكرتي أسماء الله يخليك لأهلك من باب عدم المساس بالشخوص , الأمر الآخر تقبلي الآخرين بأخلاقهم وإن ضقتي بهم ذرعاً فقولي حسبي الله ونعم الوكيل , لإن الناس أجناس , فئة لديهم أساليب وفئة عدمت ذلك , هدي من روعك وإنسي اللي صار والشكوى لله وبالتوفيق لك , ؛ قانون الله يسامحك مايصير نخلط جميع المراحل في تعاملنا ذاته , اللي بالمتوسط غير اللي بالثانوي والأخير مش مثل اللي بالجامعة وهذا كمان مش مثل خريج له 4 سنوات , يعني تقدر تقول خبرته لسى مش تقصير منه لكن هذي جهدته بالموضوع وتجي تثور بالصورة أعلاه لاوالله مايصير , ,

منوره

بس تراي ما فهمت على العموم انا موب حاقده عليه انا اصلا نسيت

بس حبيت اشوف وجه نظر البنات لونفخ احد عليهم

بس فيه ناس شكلهم متعودين