[O X Y G E N]

اقتباس اخوي السبب بعدم فتح الفرع الجديد ببريده ان فرع عنيزة يجيه زباين اكثر والي راح هناك يدري وش اقصد فرع عنيزة اغلب زباينه من الرس والبدايع وخصوصا سكان الرس سردادي مردادي لعنيزة عشان ماك والرجاء التفريق بيت عدد السكان وعدد الزبائن هذا بخصوص ماك اما باقي المطاعم فسمعت والله اعلم ان بلدية عنيزة تعطي بعض المطاعم والشركات الارض بنص السعر عشان يقتح عنده تقبل ودي

ماكدونالدز قريباً بمحافظة الرس ومخصص له أرض له فترة وهذا يدل على أن افتتاح ماك بعنيزة مو عشان محافظة الرس .. المصدر بالرابط :
http://www.alrassnet.com/vb/showthread.php?t=61185

الحاجة الثانية .. هذا برجر كنق حاط له مبنى وهو من المطاعم الشهيرة ولكن مافتتح ولاحتى فكر يستاجر ببريدة ..

الشي الثالث : بريدة تمتاز في أكبر عدد مولات وأسواق م ويتواجد بها عمالة من جميع الجنسيات خصوصا العمالة الغربية والشرقية وهم من رواد هذه المطاعم .. ولاتنسى محافظة عيون الجواء والبصر والأرياف الغربية والشمالية .. هل هذا لايبرر عدم وجود فرعين ..

أخيراً .. قد يكون كلامك صحيح فعلاً بأن الأرض هي أحد الأسباب ولكن ترى مو بوفيه ولا كافتريا ترى شركة كبيرة وفاتحه بشوارع مؤثرة بالرياض وجدة والشرقية حتى شارع الشيخ زايد بدبي حاط له فرع يعني بيعوق لما يحط له مبنى بالراشديات هه .

[Ricky]

قرأت هنا مدري سمعت ..
أن السبب بعدم فتح فرع آخر ببريدة هو ادارة المطعم نفسه ببريدة ..
لأنهم يأخذون زيادة اذا كانت هناك أرباح كبيرة ..
ما أدري هل الكلام صحيح مع اني ما أقتنعت ..

[O X Y G E N]

اقتباس قرأت هنا مدري سمعت .. أن السبب بعدم فتح فرع آخر ببريدة هو ادارة المطعم نفسه ببريدة .. لأنهم يأخذون زيادة اذا كانت هناك أرباح كبيرة .. ما أدري هل الكلام صحيح مع اني ما أقتنعت

قد يكون أحد الاسباب .. وهذي فعلاً موجودة حتى بعض الفروع تحاول تضغط على نفسها عشان تكون لها النسب وساعات العمل الإضافية ..

[O X Y G E N]

اقتباس والله من الكماخه انت وموضوعك يا درج موضوعك وصل تويتر والبلاك بيري والعالم يضحك علينا يقول شوفو القصمان وتفكيرهم ابو من علمك على النت يا دبشه, مسوي صجه عشان مطعم ماك يالمشفوح الله لا يبلانا

هه أنا وشوله كاتبه عشان أخفيه عن العالم .. خل العالم تتفرج وتشوف مشاريع بريدة الأساسية وين تروح ومطاعمها والشركات وتصرف بعض العنيزاوية والعنصرية لدى بعضكم وكل ماجت شركة تحط عندنا شي .. جيتو وعطيتوها أرض وقلتو تعالي هنا بعد وشوله تفتحين ببريدة .. وهذا طبعا بالخش والدس .. خلنا نفصح عن أوراقنا ونخلي العالم تحكم هه ..

على فكرة الله لايهينك إذا عندك اشتراك باليوتيوب تنزله فيديو ياليت .. لأنه معلق عندي ..

[وش تحس فيه؟]

اقتباس المشاركة الأساسية كتبها o x y g e n هه أنا وشوله كاتبه عشان أخفيه عن العالم .. خل العالم تتفرج وتشوف مشاريع بريدة الأساسية وين تروح ومطاعمها والشركات وتصرف بعض العنيزاوية المشافيح والعنصرية وكل ماجت شركة تحط عندنا شي .. جيتو وعطيتوها أرض وقلتو تعالي هنا بعد وشوله تفتحين ببريدة .. وهذا طبعا بالخش والدس .. خلنا نفصح عن أوراقنا ونخلي العالم تحكم هه .. على فكرة الله لايهينك إذا عندك اشتراك باليوتيوب تنزله فيديو ياليت .. لأنه معلق عندي ..

الحمدلله والشكر

الله يشفيك ويكملك بعقلك

[O X Y G E N]

عبر الروابط تذمر أهالي بريدة من زحام ( ماكدونالدز الوحيد ) ومطالبتهم بإفتتاح فرع ثاني ولكن لاحياة لمن تنادي


هذه مواضيع بمنتدى بريدة ستي عن وجود الزحام ومطالبة بإفتتاح أكثر من فرع

http://www.buraydahcity.net/vb/showthread.php?t=301633

http://www.buraydahcity.net/vb/showt...E4%C7%E1%CF%D2

http://saudi.arab-mms.com/saudi363613.html


http://saudi.arab-mms.com/saudi357389.html

[O X Y G E N]

رد الادارة بماكدونالدز بموقع .. الفيس بوك .. واعترافها بوجود زحمة أمام الموقع الوحيد هذا طبعاً بتاريخ قديم ويفترض أن يكون مبنى ضمن خططها المستقبلية ببريدة ثم هاهي تطالب الزبائن الذهاب لفرع النخيل الصغير والخاص بالعوائل وكأنها لاتعلم أنه لايمكن دخول الشباب ، ولايمكن دخوله ظهراً ..


http://www.facebook.com/permalink.ph...11741735572707

[O X Y G E N]

موضوع له .. سنة ونصف .. يتحدث عن وجود الزحام والمطالبة بفرع ثاني .. هه وبالأخير يكون بالمحافظة قليلة العدد ويابريدة خليكي تحت الإنتظار ..

http://www.buraydahcity.net/vb/showthread.php?t=267182

[O X Y G E N]

صورة لماكدونالدز قبل أشهر .. وقت الترميم والغبار .. وتوضح مدى الزحام ومعاناة الزبائن ومدى التهاون من قبل لامن الناحية الصحية ولا من احترام الزبون .. فلو كان هناك بديل لما حدث ذلك .. شاهدو معاناة زبائن مدينة بريدة ..

[O X Y G E N]

صورة توضح لرد بموقع التواصل الاجتماعي الفيس بوك من أحد المسؤولين بشركة ( ماكدونالدز ) بأن في عام 2011 سيتم افتتاح الفرع ببريدة .. ونحن الآن سندخل عام 2013 ولازلنا تحت الإنتظار على الفرع الوحيد أما الثاني والمأمل به ببريدة أفتتح بمحافظة عنيزة ..

المصدر :

http://www.facebook.com/permalink.ph...11741735572707

[طالبة قانون]

أصلاً ما كسّب ماك بريده إلا حنآ يالعنيزآوين وغالبية الي يدرسون من خارج بريده
يعني مهما سويتوا من مقاطعة ماراح يضره شيء إن شاءالله

انتم مشكلتكم
كل همكم عنيزة وش سوت وعنيزة وش حطت
والله كيفنا
كل تاجر بيفيد ديرته
ليش يفيدكم أنتم
وانتم حسودين وأي شي نسويه تشوفونه وتقولون ليش وليش زي البزران
ماعلينا منكم وماعليكم منا
هذاه كل المطاعم فاتحه عندكم
وبالنسبة للمطعم الهندي الي عندنا وعلى كلامك ملك .. أظن من طلعت من بطن أمي وهو ينبني وللحين مازان


حنآ عشنا سنين طويلة نعاني من قلة الخدمات الي عندنا
وزفت البلدية ومديرها
وإن تجارنا يستثمرون أموالهم خارج عنيزة وخارج القصيم كلها
ماصدقنا على الله يتذكرون ويستثمرون بديرتهم
وماصدقنا على الله يجينا أحد بالبلديه يسنّع الديره ويضبطها
تجون تقولون هالكلام وتحسدوننا على النعمة الي عايشين فيها ..

للمعلومية بس ترا يجوز إذا لقيت ماك بريده فيه 5 سيارات
تجي لعنيزة وتصف بعد 15 سياره

واي شخص بيفتح مشروع جديد
أول شي بيفكر فيه
الربح والخسارة
ايش راح يكسب وإيش راح يخسر
ماراح يشوف مين أكثر عدد سكان !!
بيشوف وين أكثر إقبال على المنتج الي يبيعه
ووين أكثر زبائن !!

وش بيفيده إذا كان على قولتك ديره فيها 600 ألف نسمة والإقبال عليه 10%
وديره فيها 60 ألف والإقبال عليه 100% هذا غير الي من خارج المدينة نفسها

وبالنسبة لي لو بفتح مشروع راح أحسب عدد سكان عنيزة + الرس + البدائع + المذنب
وبشوف عدد بريده لحالهم
بعد كذا بشوف الإقبال على مجموع عنيزة والرس والبدائع والمذنب
وبشوف الإقبال من بريده
راح اقولكم النسبة والمقارنة بتكون عكسية




ويكفي حسد

[طالبة قانون]

اقتباس المشاركة الأساسية كتبها o x y g e n صورة لماكدونالدز قبل أشهر .. وقت الترميم والغبار .. وتوضح مدى الزحام ومعاناة الزبائن ومدى التهاون من قبل لامن الناحية الصحية ولا من احترام الزبون .. فلو كان هناك بديل لما حدث ذلك .. شاهدو معاناة زبائن مدينة بريدة ..

سبحان الله مره زحمه

الرجاء المرور بأي وقت على ماك عنيزة لمعرفة الزحام الحقيقي

للمعلومية وقت الترميم كنّا أشد وأشد وأشد وأشد مليون مره منكم