[برشلوني بريدة]

مادام فيتامين ( واو ) ساري المفعول إلى أجل غير مسمى لا تنتظر أي تحركات لاحتواء موضوع كهذا ....
يعني إذا رجل المرور أوقف أحدهم ,,, كلها مكالمة أو مكالمتين من راعي الهلي لأحد ( الخويا )
بعدها يصبح حر طليق ,,,
لا وأكبر من كذا يمكن تصل لأن يعتذر منه لأنه عطله عن تكملة ( الدوران ) !!!!

[مفتون بريدة]

شف يا ( عوشاق بريده ) معك انا بس هذا الماثل امامكم اللي هو km0311 يحاول يشوه سمعت (الهلي) حنى سالمين بلاًياوه وانا أقول يبي يزود على الطين بله

لا وتقول (برشلوني بريدة) انه يدق على واحد من اخوياو وكل من معه (الهلي) له واسطه

[بولوهي]

كلام مفتون بريده صدز
طيب لو راعي الهلي ما يعرف ولا ما معه رصيد . وش يسوي
يجيه سلتوح ما يدري وين الله حاطه زي الي امس بشارع احد بالدوران وكلن يزاعق بوجهه هههههههههههه ويحط حرته باللي مبر ومزبرق موتره ومزبطه ويبلاو بلي .
وانا معي كامري قبل لا اطلع رخصه مهنا مخالفه ماتسد جتن ووحده وانا معي اهلي موقفن سلتوح ملعون جدف وعطان مخالفه رخصه وانا معي ورقة الرخصه . بس والله العالم انه ما يعرف يقرا بس يكتب . عدم وجود رخصه لا بعد يرسمه رسم ما يكتبه

[سامي المحبوب]

اعانكم الله وحفظكم

[ثنيان الجديد]

. عدم وجود رخصه لا بعد يرسمه رسم ما يكتبه:

تمزعت تسبدي من الضحكـ الله يرجكـ

[مـــحمـــد]

شكراً اخي على هذا الموضع المهم
والله اللي نشوفه منهم مهب شوي والله يستر عليهم من اخطارها
وياليت إدارة مرور القصيم تتفاعل مع الموضوع بجد

[! ولد بريدة !]

صادق هذا حال أكثر الشباب

[ابوسعود565]

اقتباس المشاركة الأساسية كتبها طق طق أشكرك أخي على هالموضوع .... لكن مثل ماقال أخوي مهندس بريداوي ... ترى ( طبع السيارة من طبع السائق ) قد تقول أيش الدليل ... أقول : شف مثلاً راعين الفرودford تلقى رأسه كأنه باللون من الكِبر متوسطٍ المرتبة ولايناظرك ويمسك اليسار ويمشي حبتين تلقاه جادعٍ زوجته على مشغل ويحتريه ومسوي زحمه خلفه .. ولامنه بغى يلف يسار على طول يطلع أيده اليسرى يعني ابلف غصبن عليك .. ولامنك كبست له وصقطت عليه (عجل) قال :هاه دوك ويش يعجله كله دزيزه وياصل . فكذلك أصحاب ( الشاحنات) الهيلكسات تلقاه دايم طاير ولا عنده شغل وغشيم يسقط عليك لو مافيه مساحة للعبور إلا يبي يسقط ولا تلقاه يلحم بك ومولع الصغير .. حسبي الله عليه . أنا أقول أن أغلب الناس المتوسطة يكون ( طبعه طبع السيارة الي يركبها ) غصبن عليه . ــــــــــــــــــــــــــــ هذه فلسفتي فما ردك ..

فلسفه رائعه اضيف على كلامك على راعين الهاليوكسات (( المبزره )) وأغلبهم طبعا بزران تلقاه بثاني ثانوي وطاقن له ابوه هلي ويجيك يزاعق بعد كل تعشيقه ... مأقول الا يا حبي للباثفاندر وهـــ بس ــ

[HAH]

قلتها مراراً وتكراراً المرور فاشل من زمان ويجب أن يكون مدير المرور من خارج المنطقة إذا اردتم العمل الحقيقي " الفساد والواسطات متفشية في هذا المرور منذ زمن"

[فتـىالقصيـم]

اقتباس المشاركة الأساسية كتبها ابن بريده9922 المرور عندنا يركز على شي تافه ويترك شي مهم يركز على 1فك مرايات الجوانب 2والتشميع 3النصب يعني توقف السياره وتروح ياخي وش دخلك مازعج احد ولاخالف نظام وينسى السرعه ولازعاج والدوران والامور المزعجه والمخله

أنتا كذا

[سـلطــآإآن القصيـم]

بلاك والله مآجربت الهلي بخآخ والله يآهي نشيط خل عنـك مركبن فلتر والله ماتمسكها ..

[الوساااام]

اقتباس المشاركة الأساسية كتبها km0311 1- فكنا من الهيلوكسات الي كنه طيارات f15 بشوارع بريدة والله كثر خطره يمشون فوق 140 الي 160 بوسط المدينة تقل امه ولا ابوه يدور دم واخرته يوقف عند المطعم يطلب شورما ولا كودو وجه بن فهرة كنة ماسوى شي والمصيبة لمنه سوى حادث جا ابوه يحلف ويقوم الدنيى ويقعدة وسطات وطلايب ويحلف ان ولده هادي من البيت الي المدرسة ولا يتعدى 60 ولا يدري انة صاير جواد لا يشق لهو غبار بشوارع تقل معلق بنصة ولا وقف عند خويه يتفيخر (( والله فجرت الموتر فجر )) يحسبة اكتشف الذره فهموهم حطو دورات في المدارس الثانوية ((يوم مفتوح بكل ثنوية كل شهر )) وين النشاط الطلابي بالمدارس وروهم صور ناس متقطعة ناس بلا رجلين ناس بلمستشفيات تمنى لو تقعد على حيلة طلعو احصئيات الاطفال اليتاما يا اخوان (( تذكر عيالك لمنك دخلت عليهم بابا جبتلي لعبة بابا وينك بابا درسني شف اطفالك فرحتهم فيك وشف لمنك لا قدر الله رحة ضحية هذا المراهق الغبي من يقولون له اعيلانا جبلي لعبة من يقولون له بابا وينك و الله بابا راح مات تخيله تقال لطفل بعمر الزهور تخيل لو لحضة والله تنفطر كبدك )) معاقبة هذا المتهور باشد العقاب وربط السرعة بعقاب قطع الاشارة المتعمدة وحجز اسبوع لاول مره وشهر لثاني مرة هذا الي يفرح اهل ابريدة ويدعولك فية مهب تمسكهم على مكلامات الجوال بالسيارة ان لا انكر ابد خطر المكالمة بلجوال نعم خطر وايدك بس فيه اعضم من ذلك المتهورين الي بشوارع اعضم خطر ولا فيه وجه مقارنة وشدد على السرعة داخل المدينة شدد على الهيلوكسات مثل ماشدد ابوعلي المدرسة ((يحيى الهباش )) الله يقومة بسلامة على الجيوب الربع لمين خلهم يبيعونه قبل 8 سنوات 2- عاقب عساكرك اغلبهم يستخدمون الجوال في سيارات الدورية( المرور ) او بقرة الشيوخ ما يقاله شي 3- وبعدين ترا مهب كل ماجا مدير مرور اومدير شعبة سير قلبتو الدنيا فوق حدر تفاتيش وبهذلة لكم شهرين بلعالم ثم بعده تخلون الدرعا ترعا (( يعني يا اهل بريدة تري موجود )) وفاتل عضلاتي خل عضلاتك على المتهورين اصحاب الهيلوكسات الغمارة خاصة الشكل الجديد تكفا لا تغير طريقة ابوسامي الله يذكره بلخير في التعامل المميز مع اهل بريدة

وهذا الحادث سببه احدى المراهقين اصحاب ( الهلوكس اف 15 ) حسبنا الله ونعم الوكيل ..

تسبب شاب بعد قطع الإشارة بإصابة 8 سيارات قي مدينة بريدة طريق الملك عبدالله مساء اليوم الإربعاء ... وتعود التفاصيل إلى أن الشباب كان يسير بسرعه جنونية محاولاً اللحاق بالإشارة الخضراء لكنه تفاجأ باللون الأحمر ليجد أمامة المسار الآخر والمقابل ليصطدم بمجموعة من السياراة وإنقلاب السيارة من نوع هايلوكس

وتم نقل المصابين منهم ثمانية أطفال تم نقلهم إلى مستشفى الولادة والأطفال وأربعة أشخاص إلى مستشفى الملك فهد التخصصي

وقد باشر الحادث فرقة من مرور منطقة القصيم شعبة الحوادث
ومدير السير بالمنطقة النقيب عمر عبداللطيف

[km0311]

اكرر شكري لك اخي الوسام
على نقل الحادث للعبره وكي يعلمو من هاجموني على كتابة هذا الموظوع
فل حادث وقع بعد كتابتي لهذا الموظوع بسبوع فقط
وراح ضحية هذا الحادث 7 سيارات واطفال وابريا ناس ماشيه في امان الله يجي متهور ويبلاهم

ولازال هناك من يهاجمني على كتابتي لهذا الموظوع المهم للعقلا والتافه في نظر السفها من العضو ((بولوهي ))وغيرة

حيث انهم فهمو اني اقصد الهيلوكسات فقط ان اقصد جميع سيارة تسير بتهور واغلب من يقوم بهذا التهور هي السيارات الشبابية غالبا وممكن تشوف فورد او جمس او كدلك او تريله بعد تقوم بهذا العمل الخطير وهو التهور داخل المدينة

ومن يزعم ان الهيلوكس الجديدة سريعه ولا يمكن السيطره علية فيه سيارات اسرع منها بكثير مثلا على سبيل المثال لكسيز مرسيدس افلاون انفنتي ماتقارن بسرعة مع الهيلوكس تشوفه في وسط المدينة تمشي بهدوا وسكينه ولا تسقط من يمين ولا لمنه قرب لمك كبس العالي ولا منه قوم من الاشارة ماتميز لوحته وتفحيط تقل يساقط بطل الرالي الكبتن باخشب في وسط المدينه
وعموما 5% من اصحاب السيارات والشباب هم المشكله و95% هم رجال ويقدرون المسئولية وينطبق ايضا هذا التقيم على جميع السيارات ليسى حصرا على الهيلوكس

[سـلطــآإآن القصيـم]

مانقصد الهاليكسات الجديده البقره لاااا من 2005 وتحت هن الطيارات :..