[أم الأمراء]

باعتقادي إن الزوج اللي ينقل أخبار أمه وأخواته لزوجته هذا بيسوي العكس .. يعني بالمقابل بينقل أخبار زوجته لأمه وأخواته .. فمن أولها , لا أدري عن أهله ولا يدرون عني .. طبعاً أنا أقصد الأشياء الخاصة .. أما الأشياء العادية فما فيها شي , بالعكس أحس من قدري عنده إنه يقول لي مثلاً خبر خطبة لأخته أو لأخوه ... الخ

[غلا بريدة]

شوفي حبيبتي انا حريم اخواني ثنتين

وحده تموت بالجحاده وحنا نعطيها نفس الشي حتى هي سبحان الله ماتسأل عن شي لان كلن يرا الناس في عين طبعه

مع كذا انا احبها و اقدرها واحس انشاء الله يبي يجي يوم وتغير من طبعه .

اما الثانيه فديته كل شي تقوله خطبة او حمل او ولاده عشان كذ مانخبي عنها شييييييييييييي

الله يهدينا ويتوب علينا

[•°انكسار الأماني°•]

ْ

والله يا هالمتصفح غرق بالكلك
يستحيل أصدق بناتنا اللي يقولن عادي وليه الجحادة ؟
ياشيخات أفهم أنكن تخرطن بأموركن عند كل من هب ودب , ترى هالشغل قل تكانة مش رائع أبداً .
إذا زوجة الأخو من حمام الدار طيب والخالة ؟ وبنات الخالة ؟ والعمة ؟ وبنات العمة ؟
وزوجة العم ؟ وبناته ؟ وزوجة الخال ؟ وبناته ؟ والجيران ؟ وبنات الجيران ؟ وبريدة ؟ وبنات بريدة
وكذا أنتهت الكورة الأرضية طلعوا كلهم حمام دار .

|

شاطئ خوذيها معلومة مهمة عن أهل هذه المقطوعة الأرضية .
حريمهم يبن يعرفن كل شيء عن غيرهن لكن في المقابل مايبن يعرف عنهن مقدار أنملة .
لذلك بعض اللي هنا تفاعلن مع الموضوع بدافع لو أنهن حريم عيال وليس بدافع لو أنهن خوات زوج .



,,

ْ

[乂♥ متفائلة ♥乂]

اقتباس إذا زوجة الأخو من حمام الدار طيب والخالة ؟ وبنات الخالة ؟ والعمة ؟ وبنات العمة ؟ وزوجة العم ؟ وبناته ؟ وزوجة الخال ؟ وبناته ؟ والجيران ؟ وبنات الجيران ؟ وبريدة ؟ وبنات بريدة وكذا أنتهت الكورة الأرضية طلعوا كلهم حمام دار .

شيختي

مافيه مقارنة بين زوجات الأخ والأقارب إعتبرهن أخواتي أو أشد ,,

أجل برأيك إننا نكذب !

على العموم كل عائلة تختلف عن الأخرى ,,

[*..لــــورا..*]

اقتباس المشاركة الأساسية كتبها •°انكسار الأماني°• ْ والله يا هالمتصفح غرق بالكلك يستحيل أصدق بناتنا اللي يقولن عادي وليه الجحادة ؟ ياشيخات أفهم أنكن تخرطن بأموركن عند كل من هب ودب , ترى هالشغل قل تكانة مش رائع أبداً . إذا زوجة الأخو من حمام الدار طيب والخالة ؟ وبنات الخالة ؟ والعمة ؟ وبنات العمة ؟ وزوجة العم ؟ وبناته ؟ وزوجة الخال ؟ وبناته ؟ والجيران ؟ وبنات الجيران ؟ وبريدة ؟ وبنات بريدة وكذا أنتهت الكورة الأرضية طلعوا كلهم حمام دار . | شاطئ خوذيها معلومة مهمة عن أهل هذه المقطوعة الأرضية . حريمهم يبن يعرفن كل شيء عن غيرهن لكن في المقابل مايبن يعرف عنهن مقدار أنملة . لذلك بعض اللي هنا تفاعلن مع الموضوع بدافع لو أنهن حريم عيال وليس بدافع لو أنهن خوات زوج . ,, ْ

يعنــي بنتسذب
آولآ وش نستفيـــــــــد آذآ تسذبنــآ
ثـآنيآ من المفترض آنتس مـآعممتي على الكل




والوحده آذآ علمتيه باللي يصير تحس بقدره ومكـآنته عندتس
مب تحس آنه بنت الجيــرآآن

[بقايا احساس]

الصراحه اول مره اقراء موضوع من اوله الى اخره
واكتشفت ان ثلاث ارباع البنيات
يتفلسفون وعايشششششششين بخيال واسع يحسبنه روايه

باااااختصاااااااااااااااااااااااااااااار
اللي يقدرك قدره
يعني هي تعلمكم اخته خطبت او تطلقت او او
علميه انتي ميخالف على العين والراس
بس اتحدااااااكم كلكم ان كانه بتقول ان اختي مخطوبه الابعد ماتملك وتبدا تجهز


وانتي ياعمري لو تدق مره تسال كود يعلم اخوك واخوك الله يرحم حاله كل شي يهذره لمرته وهي لامه وخواته


يعني مب حراااااااااام كذا
هي تدري وحنا يجحد عنا


لذلك لاوحده تقعد تفلسف علينا

[•°انكسار الأماني°•]

متفائلة

مش بإختلاف العوايل أنا لي تسع وتسعين أخو وكل واحد له زوجة يعني بهن وبهن .
والله يابعضهن مالي خلقهن ودي لاجن أطير وبعضهن أحبهن كحبي لمتفائلة .
ولكن طبيعة البشر مايبون كلاً يدري بهم خاصة في أشياء قابلة لعدم الحدوث من باب حبي للشخص لايعني أن أفشي له أسراري .
بصراحة يبقون الأقارب أقرب للقلب بنات خالتي فوق الكل مهما كان ويكون مامثلهن أي أحد وإن قرب حتى الصديقات .

صباحك بيلسان شيختي

~

لورا

وراك حاقرة بنت الجيران ؟؟ والله يابنات جيراننا أحبهن كبر السماء وعدد نجومها .
بكل صراحه يسون الحارة بمن فيها وبعدين بقولك شيء .
زوجة أخوك اللي بتقولين له أخبارك وبتعتبرينه حمامة دار هي ساكنة معكم ؟؟
وإلا مشطرة روحة في بيت مستقل ومتذابحين أخوانه مع أخوك يوم الملكة على هالشرط ثم تحط روحه حمامة .
على كيفه ؟؟ لا يابعدي مرتبة الحمامة تبي مشوار وكم شهادة كل شيء يبي البعيد بعيد والقريب قريب .
إسألين أنا والله ياأغلبهن لو تسكنينه بيت ملك بس بجنب بيتكم إن تلفظه وتروح لأجار بس البعد عن هالأهل .
أجل ماأعرف حريم العيال خوذين خبرة طال عمرك شيختي .

تصبحين على ورد ..

,,

[انسانهـ لا أكثر]

مهوب كل الحريم مشخاله على قولتكم فيه حريم احسن من 1000 رجال بحفظ السر

واذا على نقل الاخبار لزوجته شي عادي وما فيها شي اذا كانت من الي تحفظ السر ((بس كثير من الرجال ما يهتم في هذي الامور لانه يعتبرها توافه لايجب اتكلم فيها ))

وحابه اعلمك يا شواطى ان خوات زوجي ثنتين الي متزوجات .........اتصالوا على يسالوني عن اخلاقهن وحده قبل ما يخطبونها والثانيه اول ما خطبوها

والله انهم مهوب قريبين لنا ....بس يقولوا ان مرت الولد تعرفهن اكثر من اي احد .........

وانكسار ليش ماهي من حمام الدار ..........بالله ايهم اكثر يدخل بيتكم .....زوجة اخوك او ما ذكرتي قبل

اقل شي زوجة الولد تجي مره با الاسبوع لم اهل الزوج .......اذا ما كان اكثر ....وتسافر معهم وغيره

وهذا يرجع لطبيعة مرت الاخوه هي حبوبه او لا

[شاطى الامــــــاني]

بصرااااحه يانكسار الاماني---كلامك 100%


انا مستغربه من ردود البنات---حسيت انهم شكليات!!!!!!!!!!

[أم الأمراء]

ايوة ,, أخباركم بعد .. وش صار ووش ماصار ... ؟!
الموضوع صار سواليف ما تلاحظوووون

[شاطى الامــــــاني]

اقتباس المشاركة الأساسية كتبها أم الأمراء ايوة ,, أخباركم بعد .. وش صار ووش ماصار ... ؟! الموضوع صار سواليف ما تلاحظوووون

بالعكـــــــــــــــــــــس نقااااااش حلوووووو


ووجهات نظر متنافره---

نفيد ونستفيد

[•°انكسار الأماني°•]

اقتباس والله انهم مهوب قريبين لنا ....بس يقولوا ان مرت الولد تعرفهن اكثر من اي احد .........

بصراحة اللي أتصلوا عليك ماعندهم سالفة وإلا خبرة ناس ذهانين يتصلون على مرة الولد ؟؟
ياشيخاتي كل أبوكن بلا تفرقه مايختلف إثنين على أغلبية توفر المشاكل بين حريم العيال وحمايلهن .
بغض النظر مين السبب بس المهم إن المشاكل بين الطرفين في أغلب إن لم تكن في كل البيوت وبلاش مثاليات .
تجي وحدة ماله إلا أخو واحد متزوج وتحكم من خلال تعامل زوجته لاااااااا كذا مانعتبرها نظرة .
لإن إذا صارت مرته حبيبة قالت حريم العيال يهبلن وإذا صارت شينة قالت حريم العيال وعععع .
حكمنا على أي شيء يلزمنا أخذ كميات كبيرة منه بحيث نشوف أكثر من نوع مش نوع واحد .

اقتباس وانكسار ليش ماهي من حمام الدار ..........بالله ايهم اكثر يدخل بيتكم .....زوجة اخوك او ما ذكرتي قبل اقل شي زوجة الولد تجي مره با الاسبوع لم اهل الزوج .......اذا ما كان اكثر ....وتسافر معهم وغيره وهذا يرجع لطبيعة مرت الاخوه هي حبوبه او لا

لاااه يابعد قلبي الوجعان مش من حمام الدار ولايحزنون ياحبي له وهي بعيدة وموفقة وعساه بسعادة دايمة .
وش فلسفات الناس يوم زواج بنتهم يقولون لأم الرجل (( شوفي يأم فلان إعتبري فلانة بنتك اللي ماولدتيه )) ناقصة بنات تجين تدزين بنتك بحلقه بعد .
حنا وش لنا بوجع الرأس بناتنا الرائعات غير مؤهلات إنهن يعتبرن حمام دار خلاص ماللتميلح داعي الوحدة تطلع على طبيعته .
مانبي حبابة زايدة ولانبي شر ,, خير الأمور الوسط والطيب اللي يحترم نفسه ويحترم غيره ولايتعدى حدوده مما كان ويكون .
مهما قلتن ومهما بتقولن مافيه مرة ولد تعتبر حمولته مثل أهله وإلا تقول كذا تراه شاذة .
والله يستر من العداوات بين الناس على أشياء ماتستاهل بس التخلف مع وافر الأسف هذا واقعنا مهما بالغنا في تلميعه ,
وترى حتى الحبيبات مايعتبرن حمايلهن أهل وهذا الصحيح أهلي أهلي وحمولتي حمولتي ومن الغباء خلط الأثنين ببعض بس المهم ماأخطي

ياأخت إنسانه //
حفظ الأسرار شيء وكشف الأسرار شيء ثاني .
يعني إذا زوجك قال أشياء خاصة في أهله فهذا ماله علاقة في كونك تحفظين السر وإلا تكبينه ,
بل المشكلة تقع في إن زوجك قال لك ماليس من حق أذنيك سماعه وهذا بحد ذاته تصرف مذموم .

شكراً .

.

[شاطى الامــــــاني]

انكسار الاماني

[blink]وفيتــــــــــــــــي وكفيتــــــــــــــــــــي[/blink]

[انسانهـ لا أكثر]

[q

uote]بصراحة اللي أتصلوا عليك ماعندهم سالفة وإلا خبرة ناس ذهانين يتصلون على مرة الولد ؟؟[/quote]
اكيد فيه حريم شر الله يهديهن...وبيشرشحن العمات ..........بس هم مهوب ساليني لاحالي تلقيهم سالين 10 قبلي ....واكيد اذا جلست اسبها ما راح يصدقوني ...بس بيشوفون انا ادعم الي سمعوا اولا ...و فيه اشياء مرة الولد تكون اقرب من غيره بالنسبه للعمات

اقتباس ياشيخاتي كل أبوكن بلا تفرقه مايختلف إثنين على أغلبية توفر المشاكل بين حريم العيال وحمايلهن

انا لا انكر المشاكل .......وحتى بين الام وبناتها توقع مشاكل .....بس ما ياصل حد الكره والقطيعه

اقتباس تجي وحدة ماله إلا أخو واحد متزوج وتحكم من خلال تعامل زوجته لاااااااا كذا مانعتبرها نظرة

صدق انا مالي الا مرة اخو وحده.......بس والله ماقست عليها بس ....اشوف حريم خوالي وحريم اعمامي ...وحريم اعيال خوال واعمام ....وحتى حريم اعيال حمولتي .....يعني كل المحيط الي حولي ..........واجد انا الصالح فيها اكثر بكثير من الطالح

اقتباس لاااه يابعد قلبي الوجعان مش من حمام الدار ولايحزنون ياحبي له وهي بعيدة وموفقة وعساه بسعادة دايمة

ترجع هذي الا انها وجهة نظروقناعه ...لايلزمني انا اقنعك بها .......بس الي اشوفه انها تحوس معنا دايم ..........بكذا صارت وحده منا

اقتباس وش فلسفات الناس يوم زواج بنتهم يقولون لأم الرجل (( شوفي يأم فلان إعتبري فلانة بنتك اللي ماولدتيه )) ناقصة بنات تجين تدزين بنتك بحلقه بعد . حنا وش لنا بوجع الرأس بناتنا الرائعات غير مؤهلات إنهن يعتبرن حمام دار خلاص ماللتميلح داعي الوحدة تطلع على طبيعته .

لاتتعدا هذه المقول حدود المجامله فقط
ويا حبيل قلبك مو غصب تصير بنتكم ......ما مسكوكم من رقبتكم وقالوا تعالوا خوذو بنتنا .....

اقتباس مهما قلتن ومهما بتقولن مافيه مرة ولد تعتبر حمولته مثل أهله وإلا تقول كذا تراه شاذة

عرفه انا اهلي غير وحمولتي غير ....وما قلت انهم واحد
اكيد حب الاهل اقوى
بس لاضير من حب الحموله خصوصا اذا ما جاء منهم ضرر ....واذا صرتي انتي وبناتهم صديقات ...يصير لهم مكان في القلب

اقتباس يعني إذا زوجك قال أشياء خاصة في أهله فهذا ماله علاقة في كونك تحفظين السر وإلا تكبينه , بل المشكلة تقع في إن زوجك قال لك ماليس من حق أذنيك سماعه وهذا بحد ذاته تصرف مذموم .

صاحبة الموضوع تقول مو مشكله انها تعرف ...المشكله انها تنشر الخبر ...فيها حريم اذا قالها زوجها شي لايمكن ان تخرجه ......ارجعي وشوفي كلامها

انا اقولك وبصراحه لايمكن يجي زوجي من اهله ويجلس يقول وش صار عندهم ....بس اذا جاء مناسبه للكلام قال عادي ....وانا احترم خصوصيتهم ...والله ما اعلم احد ....اتكلم عن نفسي لان السوال موجه لي ....

واشكرك يا انكسار على المناقشه الحلوه ........

احترامي وتقديري لك