[طالب طب]

الحمد لله ع السلامة حبيبنا أبو مهنّد
ما شاء الله تقرير رائع وجميل ~

لا تنسَ تجغف لي مهنّد

[طموح شاب]

رحلة موفقه أخي أبومهند


لاكن عندي ملاحضه على بعض الصور لوجود نساء



تقبل مروري

[buraydah]

اقتباس المشاركة الأساسية كتبها &جرجس& ^ الحمد لله على السلامه . وه بس الله يحفضه من كل شر. ^ تحياتي: &جرجس& ^

لك تقديري على ردك أستاذي جرجس وتقبل الله دعائك
وأنت كذلك حفظك الله من كل شر ..

اقتباس المشاركة الأساسية كتبها شًقِـــآؤٍة صًِغَآرٍ الحمد له عسلامتك انت والمدام ومهند الله يحفظه لكم اقول الصراحه ولا اجامل مثل اللي يجاملون .. بصراحه كل الصور موب زينه كله اسواق ومصور محلات والجمارك وعماير وأكل الا اللهم مهند و اليخت هو اللي فتحو نفسي شوي .. عفوا" مايستاهل تميز واذا زعلتو ترى اعرف اجامل اكثر من اللي فوق .. لو مخلي وجهتك لـ أبها كان احسن واجمل ..

الله يسلمك أختي شقاوة صغار ، والصراحة مطلوبة لتعديل الخطأ لكن ذكرتي أنه أعجبك اليخت وصور مهند وهذا شيء ممتاز وأما عن تصويري فهو تقرير لرحلتي وليس تقرير عن الكويت لأني أتقصد نقل الصورة في هذا الموضوع سواءً تصوير الطرق أو الجمارك لتصل المعلومة أكثر لمشاهد الموضوع حتى يعرف المسافة ونوعية الطرق التي يهتم بها الرجال أكثر ، وحتى تصوير المطاعم والأسواق فهذه تعتبر مكملة للرحلة ومفيدة أيضاً للزائر خاصةً من يريد جمع معلومات لزيارة الكويت ، وأما عن الموضوع فهو بنظرك لايستحق التميز فهذا رأيك وأحترمه والتميّز راجع للمشرف وعلى حسب نظريته

ولعلي جعلت رحلتي إلى بلدة ساحلية فهذا شيء مقصود بحكم أن الأجواء باردة من الصعب الذهاب إلى أبها كما تقولين أو غيرها من المدن الباردة مع أني أكره قطع مسافة كبيرة حتى في وقت الصيف من أجل مدينة أبها أو غيرها من المدن التي زرناها كثيراً ..

اقتباس المشاركة الأساسية كتبها يتيمه فقيره ذكرتنا بسفرتنا بس احنا اذا رحنا عند اختي نقعد مانستاجر

شكراً لردك أختي فقيره وأعتقد أن الرحلة ستكون أجمل إذا كان هناك قريب تسكن معه ويدلك على الأماكن الجميلة هناك وحتى لو استأجرت الأهم أن يكون شخص يدلك ويوجهك ..

اقتباس المشاركة الأساسية كتبها على بلاطه ماشاء تبارك الله تفصيل ممتاز ورحله ولا اروع منهاوتوقيت حلو الحمد لله على سلامتكم وهذا اللي ذكرته شي بسيط من دولة الكويت الشقيقه يعطيك العافيه يالغالي اعتقد لان كثير من الكويتيين ترجع اصولهم من القصيم وهذا معروف

شكراً لردك أخي بلاطه والأروع هو تواجدك
صحيح أن الكوتيين لهم جذور سعودية والعكس كذلك خاصةً القصيم

اقتباس المشاركة الأساسية كتبها rèmàn يعني لاصار المدير منزل موضوع تحطون له تميّز حقين النسمات لازم نغبي عنهم الاشراف أبو مهند والله هالموضوع يستاهل التثبيت بس المشرفين هاجتنبهم تقريرك توب يا أمر

أهلاً حبيبي rèmàn تشرفت بردك والموضوع ليته لم يوسم بالتميز حتى ماتزعل علينا
وبنفس الوقت تخالف كلامك وتطالبهم بالتثبيت ، وشلون أفهم الحين .. !

[زحـل]

تقرررريرر حلوو الحمدلله على السلاااامة ..

والله يخليلك مهند وامه

[buraydah]

اقتباس المشاركة الأساسية كتبها المنخرش ماشاءا لله والله انفلت ماشاء الله عليك .. كذا صح يابو مهند وشوله الواحد يكنز تقاريره بالجهاز والله الكويت ماش أحس انه شوي صعبة

تشرفت بمرورك حبيبي أبوفهد أستاذ التقارير ، بصراحة الجهاز مليء بالرحلات لكن لم يكن لها استعداد أو المحاولة لإضافتها بالمنتدى ، لأن بعض الرحلات يكون التصوير في منتصف الرحلة أو هناك أشياء مهمة لم أصورها ولذلك أفضّل أن تبقى في الجهاز بحكم أن ليس لها بداية ونهاية ، والكويت بكل أمانة تستحق الزيارة (عوائل فقط) في مثل هذه الإجازات القصيرة ..

اقتباس المشاركة الأساسية كتبها aboreef تقريرك مهبوووول ورهيييييييييييييييييب بس الغريب إن تقريرك حق جيتكس كله صادفنا ولاقينا وشفنا وقابلنا وهالتقرير مافيه ولا صدفة واللي قاهرن إنك ماجبت لي أي طاري بهالتقرير مع إني مفتش أنا وإياك قوقل إيرث ساعتين كاملات نتفرج على الكويت قبل تسافر لكن أوريك الأيام بيننا يالسوبر فايزر

أهلاً أبوريف ، أنت الرهيب ياحبيبي الغالي وزيارة الكويت ليس هناك مناسبة مثل معرض جتكس حتى نلتقي بأحد ولكن بالصدفة فعلاً التقيت بحبيبنا فـــادي التويجري أبولجين ، هو الوحيد فقط
تشرفت بردك ..

اقتباس المشاركة الأساسية كتبها givenchy آرجوء من الأدآرة آرجآع التقرير وشكرا ( رحلة ماليزيا ) ..

مرحباً بك حبيبي صالح تمنيت أن ردك في صلب الموضوع لكن تقرير رحلة ماليزيا ستعاد بإذن الله ، ألف شكر لك ..

اقتباس المشاركة الأساسية كتبها relax تقرير رآآئع بوركت ابا مهند

الأروع مرورك أستاذي relax والبركة في تواجدك وتشرفيك ..

اقتباس المشاركة الأساسية كتبها قصيمية وهيبتي قويه ياحبيلتس بعد تكلمي وخوذي راحتس وانا معتس وكلامتس صحيح مايستهال التميز لا تزعل علينا يا ابو مهند>الله يخليه لك مهند بس انا لحضة كثير بالمنتدى بما اني كنت اول متصفحه وعشرته اكثر بعد ماسجلت فيه وبعد ماغيرت اسمي (نكي) لحضـــة ان منتدى بريده ستي مافي تميز ومافي تثبيت الا اللي يعرفونهم او رئيس اقسم كذا وكذا قليل اشوف التميز او التثبيت واحد من الاعضاء العادين ولحضة فيكم الشي يقهر كنا ننتكلم انا واختي كنت اقول اذا حطيت صوره رمزيه بس ايدين اجي من بكرا يحذفونه وانا اللي قهرني وراه بزارين العثيم يصورون ولا بعد مو اي بزارين تكون مشاءالله حلوه وتفتن ولا يحذفون الصور؟ مشكله حطين قسم خاص لصور صدق انا طلعت من الموضوع بس اختي شقاوة هي اللي خلتني اطلع اللي بقلبي بس حبيت انبهكم ياليت تشجعون غير الرئيسن من الاعضاء وليس العضوات> العضوات هذا موجهه الى رئيسة قسم بنات بريده انا تكلم عن الاعضاء ياليت تفهموني تبون تحذفون لجل ماتتضح الحقيقه عند كل قراء احذفو سلام قصيميــه وهيبتي قــويه

مرحباً بك أختي قصيمية وهيبتي قويه ولعل مشرفنا الخفاش أوضح لك في رده السابق ماهي آلية تمييز المواضيع ومن الطبيعي جداً أن تختلف الآراء هل هذا يستحق أو لا ، وذكرتي الصور الرمزية فأنا والمشرفين أي صورة رمزية مخالفة يتم إزالتها وجميع المحذوف فهو يستحق الحذف لمخالفته لشروط الصور الرمزية والتواقيع كما في موضوع (أبو محمد النجدي) في قسم الشكاوى ، وإذا كانت الصورة طبيعية ومحذوفة فبإمكانك مناقشة المشرف عبر القسم المساعدة والشكاوى وسيتم الرد عليك وإيضاح كل شيء وليس هناك ظلم لأحد بإذن الله فالجميع سواسية .. بارك الله فيك

[(أبوبدر)]

مشاالله تبارك الله ..
تقرير اكثر من رائع ...
اولا ,,, تصوير الشائع للعطور ,,,, ممتاز
ثانيا شكلك وانت في القارب رافع صوتك على مهند
لان شكله وهو جالس ضايقا صدره
رجاء رجاء الا مهند لو سمحت والا ترى يبي يصير علمن ثاني

نراك على خير يافندم

[سفانه]

حليله الكويت >>اول مره يطيح بيدي تقرير عن الكويت
آثره مامن بعد عن ديارنا
ويظهر لي انهم محافظين ,, عكس مايصور لنا في الإعلام
لاغرابه بأسماء اللوحات
فالكويت كثير من سكانها من القصيم

الحمد لله ع السلامه ابو مهند
والله يقر عينك بصلاح مهند