[أبو شباصة]

صباحكم نعيم , ومساؤكم جنة ..

الأمور ..

أشوف كلٍ نزل موضوع إلى حقين الكشكول أشوفهم بدو يحتسون عن البر .. (طال لسانه يوم طلع من الكشكول )

رحلتنا إلى بلادية الحسكي و نفود المظهور ، كانت الانطلاقة ظهر يوم الأربعاء 19/2 بعد أن خلص السلنتح اختباراتهم

كانت الانطلاقة من منطقة القصيم وبالتحديد مدينة بريدة على سيارتين جيب حوض الركاب (شخصان) و جيب باترول الركاب (ثلاثة شخوص )

وبالصور يتضح الموضوع

صورة للأغراض قبل المشية بدقائق

تعبئة الماء

الخضرة : من طماط وفلفل خيار قرع كوسة وبطاطس

كل شيء جاهز : الوعد [ عرق المظهور]
بس وهقنا اللي متكفل باللحمة .. يوم جينا الظهر قال ما حجزت شيء

دووسة وحدة ما وقفنا إلى [ بالأجفر] مرين ملحمة وخذنا لنا لحيمة

وحنا بالأجفر مرينا على هاللي ما يستحن على أرواحهن ما تسترن
وش تحسبه اللي طالع راسه من تحت

وصلنا مع الغروب
يا الله الحين شنكر وسحب من هالأرطى .. وش قال حماية البيئة
الجو الصراحة خياااااال .. دفئ الله يرزقكم اللي

وبعد الإحتطاب .. القهيوة

وبعد القهوة العشيء .. وهـ يااا حبيله
لحظة تكشين

العشاء خلص

تسلم الأيادي

مطرسة × مطرسة

حيااااااكم

لا تعليق

تعدل ياولد عاد طلعة خشك كسل أروح أطمسه

بعد العشي بساعات كل واحد مسك فراشة وما تسمع إلا الشخير .. حتى الآن الجو
أصبحنا واصبح الملك لله
قهوة وتميرات وشبورة وحركات

لقطة من فوق تندت الحوض

يكفي الدردبة إقاله به علم .. وش قال (القهوة كيف )
النفرة إلى تصليح الفطور

تقطيع الخضروات الفطور [ مرقة]
وفي هذه اللحظة برررد الجو وبدأت العجة ، عجة وبنفود
أبرد براد جان هالكالأيام ويستمر البرد حتى رجعتنا

آآآآآآآآآآآآآآآآآآآآآآآآآآآآي يااا أصبعي
وتغلمط بالفروة ومسح دموعي إقاله ما صار شيء
إقترح أحد الشبيبة : إني أحط لبتون على الجرح ليوقف سيلان الدم .. بتل يصبح
عجة وبرد واصبعك منقطع

الفطور جاهز
بس وشلون نبي نفطر والعجاج دفنا ..
وآخر حل توصلنا له الإفطار بالصندوق

بعد الفطور تمشين ولقينا هالمزيون

بعد الفطور إلى الحسكي
فرحة الوصول للحسكي سوينا رالي بالحسكي

ياااا الله

الجميع فرح بقدومنا

،، للمــــوضــــوع بقيــــــــة ،،

لا تبعدون ..
الجزء الثاني بثاني صفحة -بإذن الله -