[الملونة]

,












هل انتي كل شوي تناظرين الساعة ؟؟








.

[عآشقة قسمهآ ..]

وين أسئلة ماتهاب عشان أرد دفعة وحدة

[عآشقة قسمهآ ..]

اقتباس المشاركة الأساسية كتبها الملونة , هل انتي كل شوي تناظرين الساعة ؟؟ .

خخخخخخخخخخخخخخخخخخخخخخخخخخخ
في حالتين فقط :
1- الطبخ
2- الإختبارات

اقتباس المشاركة الأساسية كتبها سعـوووديه مـاركــه إن شاء الله انه آخر سؤااااال << والله ما أدري عنتس # بآخر توقيعتس ( السطر الأخير) كتبت بنيتك / غااااده .. فمن تكوووون غاده ؟؟!!!<<اتركي عنتس اللقافه أولاااااه لا تنجلدين

غادة أنا

[أبتسم وكُلـ أمل ـي]

أهلا عشوقة

معزومة على عزيمة أو حفلة المهم تجهزتي وتلبستي وركبتي السيارة ومشيتوووو
دخلتي القاعة لا ومتأخرة بعد يوم دخلتي تفاجأتي واثرتس ...... لابسة نعال البيت
والمشكلة ثوبتس لازم يلبس معه عالي
وش موقفتس بالحالة ذي وش تبي تسوين ياساترررررر يارب

[ما تَهَاب]

اوووووه نسيتكم

1- لو حصل لك جنسية غير السعودية ايش بدك تختاري
2- لو شافك ولد بالغلط تتحركين بسرعة والا تصنميـــن وكأنك تقولين تمقل ياإبن العم
3- لو تقدم لك شاب ملتزم ولكنه يدخن وتقدم كذا مرة ومُصِر الا ياخذك والتدخين ابتلي فيه في ايامك المراهقة وعجز يتركه وش تسوين << خشت جو
4- لو جتك فرصة للخروج خارج المملكة للدراسة مع محرم وفي قاعة منعزلة عن الطلاب , تقبلين ؟
5- شخصية تحاول عشوقة الاقتداء بها ؟
6- شخصية معاصرة تعجبك ولكن ما تبين تصيرين مثلها ؟ << تجي تجي
7 - الرياض وش تعني لك
8 - صفة في " ماتهاب" تتمنى عشوقة تغيرها
9- من هو شيخ عشوقة الأول ؟
10 - رأيك بـ :
1- الشيخ عدنان العرعور
2- حميدان التركي
3- ناصرالعمر
4- حامد الضبعان
5- الزواجات الكبيرة
6- جامعة الإمام
7- خالد الجليّل
8- نورة الفايز
9- قناة المجد
10- بريدة ستي

وبس ,,
وهـ واخيرا خلللصت

[الملونة]

.











^^



ماتهاااب والله انتس دخلتي جووو














.

[عآشقة قسمهآ ..]

اقتباس المشاركة الأساسية كتبها أبتسم وكُلـ أمل ـي أهلا عشوقة معزومة على عزيمة أو حفلة المهم تجهزتي وتلبستي وركبتي السيارة ومشيتوووو دخلتي القاعة لا ومتأخرة بعد يوم دخلتي تفاجأتي واثرتس ...... لابسة نعال البيت والمشكلة ثوبتس لازم يلبس معه عالي وش موقفتس بالحالة ذي وش تبي تسوين ياساترررررر يارب

هههههههههههههههههههههههه بأضحك وأفشل وأنحرج واذا كنت أمون عليهم بأضحك وبأستانس
لأنه أكشن ووناسة أما اذا ماأمون بأجلس وأدق على أي وحدة أعرفها ماجت وأقولها تجيب لي جزمة
أو أدق على خيو يجيب لي اياهن

اقتباس المشاركة الأساسية كتبها ماتهاب اوووووه نسيتكم 1- لو حصل لك جنسية غير السعودية ايش بدك تختاري 2- لو شافك ولد بالغلط تتحركين بسرعة والا تصنميـــن وكأنك تقولين تمقل ياإبن العم 3- لو تقدم لك شاب ملتزم ولكنه يدخن وتقدم كذا مرة ومُصِر الا ياخذك والتدخين ابتلي فيه في ايامك المراهقة وعجز يتركه وش تسوين << خشت جو 4- لو جتك فرصة للخروج خارج المملكة للدراسة مع محرم وفي قاعة منعزلة عن الطلاب , تقبلين ؟ 5- شخصية تحاول عشوقة الاقتداء بها ؟ 6- شخصية معاصرة تعجبك ولكن ما تبين تصيرين مثلها ؟ << تجي تجي 7 - الرياض وش تعني لك 8 - صفة في " ماتهاب" تتمنى عشوقة تغيرها 9- من هو شيخ عشوقة الأول ؟ 10 - رأيك بـ : 1- الشيخ عدنان العرعور 2- حميدان التركي 3- ناصرالعمر 4- حامد الضبعان 5- الزواجات الكبيرة 6- جامعة الإمام 7- خالد الجليّل 8- نورة الفايز 9- قناة المجد 10- بريدة ستي وبس ,, وهـ واخيرا خلللصت

1- بأختار سعودية
واذا لازم لازم أختار غير الجنسية السعودية بأختار [بآكستانية أو أفغآنية وهالطقة ] نظرآ لإنهم
غير غير همم وصبر وايمآن وحب للخير وصدق واخلاص ودين صح
أو اذا ماحصل [يآبنية] علم وعمل وتطور وثقافة وكل شي تبيه تسويه بإيدكـ وتخترعه بلحظة !
2-بصرآحة تصير لي بس كل مرة تختلف ردة فعلي على حسب المكان والولد
مرة ببيت عمي صبخت بالممر مع ولد عمتي كلنا نمشي مئتين [صدز انه بزر وأصغر مني بس فشيلة]
وجيتك وغطيت وجهي بيديني ووقفت لأنه مافيه مجال أهج ماأقدر أمشي من قدآمه ولا أقدر أرجع لوراء
لأنه مكان توجهه .. عاد هو تدارك الأمر وطس
ومرة دخلت على كم رجل بالمجلس مع ابوي ياانا طايرة مادريت انه بوه أحد
وأنكس ركض يعني هجيت انا وطلعت موب هم هجوا من المجلس وطلعوا
وهيك يعني على حسب الموقف ~
3-بأرفض أكيد فآضية له يجين التهاب رئوي من دخآنه
هذا غير حرام وأكرهـ الدخان كره العمى .. ومافيه ملتزم يدخن وش صار الإلتزآم أجل ؟!
4-أكييييد اذا كانت عندي رغبة أكمل أو أدرس في تخصص آخر أكيد بأروح لو هو بالمريخ
5-مافيه شخصية محددة كل شخصية تعجبني أقول ليتي مثلها وودي آخذ من كل وحدة أو واحد الي
يعجبني فيه .. مثلا اذا قريت عن شخصية تاريخية تأثرت بالمرة وتمنيت آخذ دورها أو أكتسب الميزة
الي فيها ومثلا الشيخ القرني حبآبته وطيبته وأخلاقه وغيرته على النبي عليه السلام ومثلا معلمتي
بالدار ثقتها بنفسها وثقافتها ورغبتها ببناء ذاتها ومثلا وحدة تعجبني بحبها للقرءاة بنهم وكتاباتها الرآقية
وشعرها العذب وكذلك أمي بطبخها للمطازيز وهيك يعني ~
6- ههههههههههههههههههههه مدري
سلمان العودة يمكن بس مو ماأبي أصير مثله لا أبي أصير مثله بتغييرآت غير بسيطة
7- تعني لي البغض والزحمة وضيقة الصدر والحشرة والغربة ههههههههههههههههه
من الله سبحان الله مالي خلقها بس أحب أهلها لأنه كل أقاربنا عمومتي وخوالي واخواني وماتهاب هونيك
8- امممممم القطآعة والحساسية الزآيدة
9- كثير اساليبهم تعجبني ويشدوني وكبار بمعنى الكلمة لكن أكثر واحد أتأثر فيه ومن صغري أتابعه
هو: الشيخ/عائض القرني
10-
1/الشيخ العرور شيخ هادئ وطيب وحنون من ناحية الإسلوب أقصد اللطف واللين في النصيحة تميزه
2/حميدآن التركي منآضل ومجآهد دون سيف .. في نظري شجاع بطل صابر والله يفك أسره
وجميع اسرى المسلمين ~
3/مدري ناصر العمر شخصية مميزة ورآئدة ووآثقة لكن أحس فيه صرآمة ومشكلتي ماأتابعه كثير
لذلك أحس رأيي بيكون مجحف
4/ شخصية لطيفة وفكاهية وظريفة وممتعة ومحبة للخير ولكن أرى أن يقلل من الإستهبال
5/اذا كان قصدك الكبيرة الي هي عكس العائلية وناسة وفلة وتعارف على مدى أوسع وأونس
أما اذا قصدك المتكلفة فلا شك اني أتضايق فيها وماأحس بالرآحة .. هذا غير نظرة الدين للإسرآف
والتبذير وشناعة العقوبة والوصف
6/جامعة رآئدة وأظنها مميزة بهيئة تدريسها ونموذجية مقررآتها اذ أنها أخرجت علماء ودعاة أفآضل
أحببنآ أسآليبهم وتأثرنا بندآئهم .. ومع ذلك أجهل نشآطاتها وعيوبها بحكم بعدي عنها المكاني
والإخبآري ~
7/ في الحقيقة أنا لا أعرفه ولكني بحثت عنه ووجدت نفسي أجهل شيخ فاضل ذا صوت عذب شجي
تظهر عليه سمات الوقار والخشوع .. تمنيت حقيقة الصلاة خلفه .. وأشكرك لأنك أتحتِ لي فرصة
التعرف عليه ~
8/نورة الفايز امرأة طموحة وواثقة ولكن بلاشك ينقصها الإهتمام بصورة المرأة المسلمة ~
وإن كنت صرآحة لا أحبذ ان أذكر رأيي فيها لأنها ربمآ تكون أرفع عند الله مني
وأجهل أخلآقها وتعاملها ومابينها وبين خالقها ربمآ أفضل من كثير بيننا من المهتمات بحجابهن ~
ولأضعك في الصورة أكثر أعتقد أن هنآك من يستحق منصبها أكثر منها فهناك أخوات أسهمن في
انجازات وتقدم في أمور كبرى ليست هينة ومع ذلكـ لم يزلن في الكليات يلقين المحاضرات فقط !
ولا أخفيك أعجب من تفتحها المبهم اذ خالفت المادة المانعة من دمج الصفوف الأولية !
والله بها أعلم .. هدانا الله واياها ~
9/قناة المجد أفضل قناة عندي وأحبها حب عظيم
قناة اسلامية متطورة ورآئعة ولم أتوقع منها هذة الإنجازات السريعة .. بارك الله في جهودهم ~
10/حاولت أتركه كثير ولم أستطع وإن دل على شي فهو يدل على اني أعشقه
هذاغير الهدية الي قدمها لي من معرفة أخوات فاضلات يعجز اللسان عن وصفهن وتقف المشاعر
خجلى أمآم ماقدمنه لي .. ويؤثر القلب الصمت خشية أن يقصر في تبيآن مدى محبته وامتنانه لتلك
الأوجه الطيبة
ولا اخفيك أنه ساهم بشكل كبير في تطوير خواطري المتوآضعة وثقافتي البسيطة ~

[乂♥ متفائلة ♥乂]

عـاشقة

شـكراً ولاتفي لإتـاحة الفرصة يا صـاحبة القلب الكبير ..

ممتنة لحضورك ~

[عآشقة قسمهآ ..]

الرآئعة مآلكة الإحسآس البآذخ الوفآء [متفآئلة] ~


طلبت فتح الموضوع لحآجة وآحدة فقط في نفسي وآثرت سكبهآ هنآ أمآم الجميع ~
درر نآصعة أمثآلكـ لايفيهم شكر ولاتجآزيهم بآقة ورود ~
من خلآل هذآ المتصفح أعدتِ لي ذكريآت جميلة وبوآسطته وقفت لحظآت محآسبة طويلة !
واعترفت لنفسي قبل السآئلة بأمور أتهرب من الإجآبة عليهآ أحيآنآ وأجهلها آحيآن آخرى ! ~
~~~~~~~~~
ليس لذآكـ فحسب بل كريم عطاءكـ وذوق كلمآتكـ وجزيل صنيعكـ وطيبة قلبكـ أخجلتي وأجبرتني على البوح هنآ ولو كآن باليسير ~
آرآكـ تقدمين بلا جزاء وترفعين شأن غيركـ وأنت أعلى شأن ومقآم وتغمرين غيركـ بالعطآء وأنت أحق بذلكـ ~
~~~~~~~~~
شكرآ ولاتفي ودمنآ لكـ ولنآ دمتِ وعسى أن تجآزيكـ دعوتي ~
محبتكـ .. غآدة ..