["بريداوي"]

اعوذ بالله يالحماس

[الـدعساوي]

ابوعزيز , اظن وقت السحبة وصلت

[~ [ جناح ] ~]

الدعساوي /: لا تراو قايلن لي أبنزل حلقتين و أختم .. إلا إن تسان حقين الساحة جارّينه عندهم فهذا شيء ثاني

[كآيدهمـ]

ما شاء الله عليك يابو صم اجل تواعدهم بجلسات اغاني لم كلثوم

لاتنسانا نبي نسمعه كل ابونا بعد

هذا الي عنده ضروف ويبي يفارق البيت اهوابو راس

[العاصف]

حياك الله أبوعبدالعزيز .. كمل وووينك .. !!
وراك ساحب علينا .. يابوقريات ..!

[إبراهيم الضبيعي]

اشم ريحه سحبه
ابو عزوز عجل علينا

[الـصـمـصـام]

يا هلا بالعيال ..

لا تخلو مطرسة من المطارس من طلاب ( مهايطيين ) يعني ابن أمك تغلط عليه ولا تكلم عليه ، و من هالطلاب واحدن أجودي اسمه ( عزوز ) عزوز المهايطي ، أول ما دخلت عليهم بفصلهم نط علي يقول والله إنك تشبه لأخوي طيب أنا وش علي منك أنت و أخوك ..

و يبلشنا بهالسالفة ، إلين تطور الأمر و راح يجيب لي عقال عشان ألبسه و أصير زي أخوه بالضبط ، و بعدها راح ينادي أخوياه اللي معهم بنفس الحارة عشان يثبت لي إني اشبه لأخوه .. أففف أقلق راحتي قسم بالله ، و جت الطامة بدا يصورني عشان يوري أخوه الصور و أنا موسعن الصدر بس ولو تراه ( سوا حاجات مش بطالة بالكشتة ) <=== غيرنا العبارة مراعاة للذوق العام

عزوز هذا يصلي بمسجد على الدائري ، و دايم أوقف بهالمسجد من حسن الحظ ، و طبعًا الولد به مراجل ماشاء الله ، يلزم و يعزم ، بس والله لو يحب السماء ما جيته ، معروفه حركات التشبيك مع المدرسين ذي ، و الدليل أنه هالحين ماعمره عزمن

بحدى الأيام نزلت بالفسحة تحت مع الطلاب ، إلا ويجين عزوز .. و معه واحدن من ( النماص ) <== بلد جميع في المنطقة الجنوبية من المملكة ، و عزوز طبعًا من ( الطائف ) ، قال لي عزوز : أنت يا أستاذ تقهر ، أبيك تجي لبيتنا و تعيي ليش ..؟ قلت له : والله ياخوي أنتم طاردين الرسول من مكة منتب عجزين تطردون مدرس تفسير من بيتكم عااااااد خويه اللي جنبه طاااح ضحك عليه .. و حسيت إني فشلت الولد <=== لا ياشيخ ..

فجيت أبرقع قلت لعزوز : على الأقل الرسول اللهم صلي و سلم عليه فكر أنه يروح للطايف لأنه بهم رجاء .. لكن ماراح للنماص و انتهت الفسحة و كنت عند فصل عزوز .. و علمتهم أن بكرا عليهم اختبار .. و ينط علي عزوز معترض و رافض بشدة أن الاختبار يكون باتسر .. ؟! ليييش ياولد ؟ وش السبب ..؟ قال عندي ظروف .. قلت ابراعيك <=== أهم شيء الاختبار يصير و الرجال معترض ؟

مسكته على جنب و قلت بصراحة وش عندك ؟ قال اعتزال نواف التمياط يا استاذ قلت طيب قبل المباراة و بعد المبارة ذاكر .. قال لا يا استاذ ابروح للملعب و بعد شوي اخوي بيجي و نروح .. قلت طيب خذ كتابك معك للملعب هههههه مير يعصب و يقول ( ام ام مزاجك ) قلت على العموم أنت تعال و اذا نقص عليك شي نحلها بطرق أخرى <=== شوفوا الرأفة بالطلاب

انتهت الحصة .. رحت للفصل اللي جنبهم و عزوز يلاحقن يحاول اني ألغي اختبار باتسر ، و أنا بيني و بينكم ماسكة عناد و كرشته و راح لفصله ..


صرت أنا عند الفصل اللي جنبهم ( أنجس فصل بالمدرسة كله ) قرود من جد ، لازم تمسح بهم الأرض و تهوش لمدة ربع ساعة و تغسلهم غسل عشان كل واحد ينثبر بمكانه بصراحة أنا ماهنا أبرد مني .. لكن بهالفصل تشوف انفعالات غير متوقعه .. يفور الارديتر حقي ونوصل الـ H ..

هاوشتهم كالمعتاد و عطيتهم من الكلام اللي أنتم خابرين ، و أسكتوا الحمد لله ، و حنا ساكتين انفتح باب الفصل ، ولاه النشبة المهايطي ( عزوز ) .. أنا معصب و الفصل ساكت و منب فاضي له هو و سالفة تأجيل الاختبار .. مباشرة قلت لعزوز ( لو سمحت انقلع و لا أشوف وجهك ) و يرد علي العفريت ( لا تغلط لا أحوسك ) ... و يهههههههههههههههههج .. اخس ياقليل الخاتمة

و الله إهانة .. و اطلع برا و طردي أنا و ياه بالأسياب ، خربت قسم بالله والله لو يوقف بوجهي المدير لا أفرشه هو وياه إلين مسكت هالمهايطي ، و جبته مع رقبته للفصل اللي كنت فيه ، و قعدت أطقطق عليه ، و كان برنامج ترفيهي رائع لي و للطلاب على هالخبل ..

[إبراهيم الضبيعي]

هههههههههههههههههههه
الصدز انه عارفن لك عزوز
اما سالفه الطايف مالك داعي الصدز

[الـصـمـصـام]

هلا إبراهيم ..

لو ما أعرف أنه يتقبل ما قلته ..
تراه بتله يتطنز بلهجتي القصيمية المقدسة
مع إني إيقالي مخفف ..

شرط لو تهرج عليه أمي والله ما يفهم ولا كلمة ههه

[فارس 7]

^^

ابو عزوز .. متأكد انك مسكته ؟؟

[الــمــفــتــرس]

Buraydah City
ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ



ههههههههه
هذي مدرسة ولا تعذيب
كملللللل




ܓܢܚܛܓܢܚܛܓܢܚܛܓܢܚܛܓܢܚܛܓܢܚܛ
Al moftares

[كآيدهمـ]

هههههههههههههه
اجل يبي يحوسك
ليه اشماغ انت مثلا

العربجي ذا تلقى قلبة ابيض

[[ لــمّــآح ]]

اقتباس هاوشتهم كالمعتاد و عطيتهم من الكلام اللي أنتم خابرين ، و أسكتوا الحمد لله ، و حنا ساكتين انفتح باب الفصل ، ولاه النشبة المهايطي ( عزوز ) .. أنا معصب و الفصل ساكت و منب فاضي له هو و سالفة تأجيل الاختبار .. مباشرة قلت لعزوز ( لو سمحت انقلع و لا أشوف وجهك ) و يرد علي العفريت ( لا تغلط لا أحوسك ) ... و يهههههههههههههههههج .. اخس ياقليل الخاتمة

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه
ودي أشوف وجهك بالمدرسة

[sssــlــيـoـآآآنــ]

على العموم أنت تعال و اذا نقص عليك شي نحلها بطرق أخرى
7
7
7
+ =