[الـصـمـصـام]

اقتباس المشاركة الأساسية كتبها راقيه باخلاقي مانروح الحمد لله الا بالشهرين والثلاثه ومافيه شي اسمه تمشي او ترجيع هي طلعة وحده نشري حاجاتنا وخلاص مابالسوق الا الصداع ووجع الرأس وتطيير الفلوس على غير سنع مع قلة الطلعات وكثرة اخواني الحمد لله الا اننا نتكسف من يودينا ومن يرجعنا كل واحد يرسلك للثاني لو هو واحد يمكن يصير أبرك

العبرة ليست بكثرة الأخوان .. و لكن ينفعهم ..
و إذا شهرين و ثلاثة .. المفروض يبادرون من أنفسهم ..
و يحمدون ربهم على نعمة هالأهل ..

[الـصـمـصـام]

اقتباس المشاركة الأساسية كتبها ّّهمس المحبـــهّّّ يعني اروح اتمشى بس الحمدلله والشكر اروح لحديقه احسن مير أنا وامي وخواتي نطلع بالشهر مره وبطلعت الروح نلقا احد يودينا ولا نروح مع سواق الله يخلف اما الترجيع سالفه ثانيه اذا قلنا ودونا بنرجع قالو يعني ماتعرفون المقاس انا ابسأل الحين هالعيال ماشاء الله اذا شرو يعني مايرجعون مقيوس عليهم والله انهم يرجعون الف مره وحنا هوااااش اذا جينا نرجع ان شاء الله بالمستقبل نسوق ونريحكم بس اذا اذن لنا ابو متعب وحنا نلتزم باحجاب ومانطلع بالليل

لا إن شاء الله .. ما يجي إذن من أبو متعب ولا شيء .. سبحان الله نفس كلام بعض البنات ..
الظاهر التفكير واحد ..!

جربوا طلعة منظمة بوقت الروحة و الجية ، و بدون ما ترصون إخوانكم ساعة و ساعتين ..
و شوفوا هم يودونكم المرة الثانية ولالا ..

[الـصـمـصـام]

اقتباس المشاركة الأساسية كتبها anhar اذا كان هناك تفاهم تقل المشاكل ..والعكس ..!!

الاتفاق حل أمثل .. مع التنظيم ..
أشكرك ..

[الـصـمـصـام]

اقتباس المشاركة الأساسية كتبها الفقيره الى الله أنا ماأروح للسوق الا اذا بغيت حاجه فقط 00أدخل أقول بس متى أطلع منه والبعض يقولون بعضهم تتعشى وتتمشى فيه والله لو انه شاطيء 000 عاااد تمشي بالسووق وه بس 00

إي والله .. والله لو هو شاطيء ..
مجرد مقابلة كوارث أخلاقية ، خصوصًا أسواق الرياض ..

[الـصـمـصـام]

اقتباس المشاركة الأساسية كتبها بنت السفير عااااااااااد الله وأكــبر هالســوق كلهن سوقين وكل اهل بــــريده فيه .. ولاابعد حااااااااسديننا عليهن .. اجل خلونـــا نسوق أحسن ولااااانطلب منكم شي إلا الفلــوس ...

أنا أعاني من أسواق الرياض ..! بين كل سوق و سوق .. ( سوق ) ..!
و السواقة إن شاء الله ما تسوقون ، و الله يسخر أهلكم و إخوانكم لكم ..

[الـصـمـصـام]

اقتباس المشاركة الأساسية كتبها renad اجل النكته اخوي يقول ان كان تبون السوق قومون الصبح الساعة 8 ولكم الى الظهر <<كثر الله خيرك طويلة الروحة وين يالاخو بتودينا للبطحاء والله حتى البطحاء مايفتح ثمان لكن مانقول الا الله يصلحكم ويسخركم لنا<<وجه مطلع لسانه

ماشاء الله .. هذا الأخ المنظم ولا بلاش .. شكله أخ بار ..
الله يخليه لكم .. و بالنسبة للتسوق الصباحي فهو طيب ..
و إذا ما لقيتوا السوق فاتح روحوا للقرموشي و افطروا به .. لأن به قسم عوائل ..
و لا روحوا لجافا تايم و خلو قهوة الصباح هناكـ ..

و بالنسبة للبطحاء .. فأنا أنصح الجميع أنهم ما يودون أهلهم إلا للبطحاء ..
و لا للحلة ..

و الله يصلحنا و يسخرنا لكم ..

[عزتي في عفتي]

عجيب!!
كل أو أغلب بنات المنتدى لا يحبن السوق !
أجل من هن النساء اللاتي أمتلأت الأسواق منهن (:

وأتوقع كثرة الخروج للسوق راجع على كثرة أفراد العائله
يعني اللي عنده خوات او بنات كثار فالله يعينه ويعظم اجره
أما بالنسبه لي فالحمدلله متفقه انا وأبي على طلعات محدوده بأوقات معلومه


شكرا لك الصمصام
موضوع رائع
زاد من جماله بساطتك بالطرح ..

[اصعب حب]

بالنسبه لي ما اطلع الا اذا صار عندنا عزيمه طارئه

او بغيت حاجه..

يعني من غير الطلعات الاساسيه مثل طلعه دخول الصيف ودخول الشتاء..

بس اذا تبي الصراحه بعض الاحيان نطلع اذا سمعنا انه فيه بضاعه جديده

او محل توه فاتح..

نحن على روس اخواننا لين نروح..

اخي الصمصام:ابدعت بخط اناملك وابدعت بإسلوبك..

..شاكره لك ومقدره..

[قائد المجد]

كلام حقيقي للأسف وياكثر المصايب اللي صارت
من كثر طلعات الحريم للأسواق ولكن انا
مع الأعتدال لاتفريط ولا افراط

[ما تَهَاب]

نعم أوافقك "في حال وجود السائق" أما إذا كانوا الاخوان هم اللي يودون ويجيبون
ف يمكن يمر الشهر والشهرين بدون روحة سوق مو تقصير منهم
الله يجزاهم خير ولكن لأننا نعلم يقينًا انه شي مكروه جدا جدا
بالنسبة لهم ف نضطر لتوفيرهم للحاجة اللازمة !..

الأمر الآخر , كثير من الرجال شرط من شروطهم ان يكون التسوق صباحا و كان أحد اخوتي منهم حتى صار له
محلات يتردد عليها والان لايمكن يسمح لنا بذلك معه أو مع غيره , والحمدلله ..

أما بالنسبة لتمنيكم ان يكون المجد والشرقي والأسواق هذي هي المرغوبة والله ان المولات الكبيرة
اهون واريح نفسيا من تلك الأسواق و يكفي خلوها تقريبا من العمالة اليمنية ..


+ أخيرًا ثقوا ان كثيــر من البنات يتمنون ان لنا زي موحد كـ حال الرجال لراحتهن أولا وأخيرا ..


أعتذر على الإطالة..

طرح جميل ,شكرًا لكم ..

[فاعلة الخير]

والله الوحده ما تطلع للسوق الا للحاجه

صار السوق مكان تجمعات ومطاعم واكل


وفساد وغييره
بس الله يهديهن

الوحده ترووح لم السوق بدوون اي حااجه

بس توسع صدره

ولا تستر او تحتشم تطلع متجمله ومتطيبه

هذا صار مو سوق

صار مكان فتنه وغييره
بس الله يهديهن

[أحلى صبية]

اقتباس ممتاز .. التنظيم طيب .. بس أنا أفضل التسوق الصباحي ..

مش مشكـــله خله صباحيه اهم شي تقضي حاجتهن .....
يااصبااحيه يااا مافيه بس ترى الصبح شووي يعني يالله يومين بالاسبوع..
الاربعااء يمكن يكون أفضــل ولأن الليل طويل,,بيقضن حاجاتهن...

[ثلاثينيه رايقه]

انا من ناحيتي ما اصدق ان فيه عنصر نسائي مايحب السوق سواء انسات او سيدات واتحدا اي وحده تقول ما احبه

وبعدين ليش انا متوظفه الا عشان اطلع السوق واشتري كل اللي في خاطري بس اللي قاهرني ان السوق صار معياره

لي من كثر ماتكلم عنه اخت زوجي مخزنه اسمي بالجوال ام الاسواق بس المشكله ماتشوف روحه اللي مخيمه

بالسوق

[إبراهيم الضبيعي]

والله شيء مضحك

اكثر الردود هنا يقولن والله نطلع بالشهر مره !
والي تكره السوق ولا تطبة إلا للحاجة !
اجل هالي يتخاطمن بالسوق وبشارع المشاغل منهن

انا الي مستغرب منه شارع المشاغل
لأني ساكن حوله امر من عندة اقل شيء خمس مرات باليوم
وتشوف ما عمره فضى ينغش من هالحريم سواء بالاجازات ولا بأيام الاسبوع

الله يكافينا الشر
مشكور حبيبي ابو عبدالعزيز