[نبض المشاعر]

السلام عليكم

كيف حااالكم يااا بنات ..

عندي مشكله بسيطه وابيكم الله يعافيكم تساعدوني بحله..

بنت اختي متزوجه من سنه تقريبا وحمولته كل اسبوع عزيمه ولازم تحضر ولا ياويله من خالته ..

تزعل ويزعل ولده اللي هو زوجه ويزعل خاله ..والبنيه تنعفس عفس ..

تعرفون مره تكون الوحده له خلق تروح ومره ماله خلق مره تكون تعبانه مرتبطه مع اهله بزواره

بروحه بجيه يعني ماهي ملزومتن بهم .. لا وزود على كذا حامل ونساة والضعيفه حالته حاله ويوم

الاربعاء عندهم عزيمه وقلت لها انا وامها لا تروحين ماعليتس منهم منتيب ملزومتن بهم وحرشناها

عليهم شوي المهم ان زوجه زعل وامه زعلت وحالته حاله ...ونكدوا عليه الضعيفه ..

سؤالي .

.وش رايكم بتصرفي انا وامه هل اخطينا او اننا جادات ..؟؟

هل هي ملزومتن تحضر كل عزايمهم ..؟؟

والله اني تحسفت اني شوشته على اهل زوجه بس وش اسوي رحمته يوم شفته تعبانه ..

بنات لو وحده منكم كذا وش لون راح تتصرف ..؟؟؟

انتظر تفاعلكن يالغوالي ...

[فخر بريدة]

يأاإابعدي رحمممته ~
حمووووله ترفع الضغط « الله لا يبلاإاناإ

وماإحسكن سويتن غلط !!

أترررك النقاإاش للي مجربين الحموله هع

سلاإاإم

[شًقِـــآؤٍة صًِغَآرٍ]

لا ماهي ملزومه (ومالهم حق) اذا كانت حامل وتعابانه المفروض اهم يعذرونه _
وانتي لاعمرك تدخلين به هي وحمولته

[ملاك الغلا]

وعليكم السلام ورحمة الله وبركاته ..

المفروض ماتضغط على نفسه عشان خاطرهم
بس مادام ان زوجه مايرضا الا اذا راحت لاهله فتحاول تناقشه بهدؤ انه ماتقدر وبالذات مع الحمل
وان شاءالله يوافق
أهم شي ماتنكد حياته عشان هالموضوع

وانتي وامه ماخطيتم يعني كل شي وله حد
والله يعينه ويسخر له

[بحرالفكر]

بس رجله بيقول له تقدرين تروحين لعزايم اهلك واهلي تعبانه

الله يسخر لبنات المسلمين

[موكا بارد]

اهم شي رضاء زووووووووجه تحمل التعب الشكوى الله يالله تسلم من الحموله وزوجه

[ريما الغلا]

والله تبين رايي بالموضوع الحموله ماينعطون وجه يعني لوكل اسبوع تروحين لهم وجتك مناسبه فجأه اوظرف طارئ مايقدرون اغلب البنات تعاني من هالشي لاتفهموني غلط
قولي لها روحي بس لاتعودينهم كل اسبوع يعني تشوف الوقت المناسب بس اهم شي ماتنقطع عنهم وتخصص يوم في الاسبوع لخالته عشان ماتزعل اذا ماجت وانتم وجهتوها ما اعتبر انكم حرضتوها وبالنسبه لزوجه على قولت البنات تقعد وهومروق وتفهمه انها تعبانه وماتقدر كل اسبوع تروح ترى كلنا جربنا نفس الشي وعانينا منه ولازالنا

[سوآلف حرف]

صراحه فعلك انتي وامها غلط


قولوا لها تتفاهم هي وزوجها وخالتها بهدوء ويطلعون بحل
وانتم اطلعوا من السالفه افضل لكم ولها
خلوها تصرف عمرها
وتقول لزوجها انا حامل وتعبانه ولا اقدر اجلس كثير لانه يضرني
وما رااح يجبرها تروح يبي يعذرها اذا جته بالاسلوب الزين
اما بالهواش وامي تقول وما ادي ايش راح يعاند ويزعل

[مهاااااااااااوي]

اذكان بيزعل وانا تعبانـــــــــــــــــــه واروح لاهله عمره مارضى
بجد والله وش هاالتعقيد

[غريبة الديار]

**

الحمــوله وما أدراك ما الحموله !!

الله يعين اذا جتن حموله زيهم وخ بس


**

[لوليت]

ولله زين ماتسويتن وأنا وراكن أبشبه ولله الحياة الزوجية مو للأهل هي للزوج لكن يبدو إن زوجه ماله شخصية يركض وراء أمه سواء على صواب او خطأ الله يصبره ويفك عوقه

[الدنيا لحظه]

السلام عليكن ورحمة الله وبركاته

خواتي حبيباتي لا اعرف من اين ابدا

محرجه جدا من موضوعي ولكني احترت والواقع اجبرني الجأ اليكن بعد الله واعرف رايكن

رغم اني قليل ادخل النت ومن زمان ما دخلت وما احب اكتب بالنت يعني الا اني دخلت وبموضوع قوي شوي

بصراحه اخوي متزوج من فتره 10 سنوات تقريبا ومن كم سنه وهو يرغب بالزوجه الثانيه وبشرط قصيميه .... ولكن

الوضع المادي مو راضي يتعدل عنده

يقول ابي اتزوج وحده مهرها محدود والزواج حفله صغيره عائلي بس والمشكله يقول مدري كيف اقدر استاجر بيت

وبما اني مدرسه كل ما اشوفه يقول دوري لي وحده اتزوجها مسيار بس اعلن زواجي واضيفها معي بكرت العائله يعني مو بالسر الزواج سنه سنتين لين تتعدل الامور وينتهي الدين الي عليه ويستاجر لها

صراحه كل ما اشوفه سيألني ويلح علي دوري لي من زميلاتكن الي تبي رجال كفو بس الدنيا ماهي على كيفه

يعني يبي مسيار ومدرسه

وانا كل مره اقول مالقيت وانا ماقد طرحت السؤال على اي وحده من زميلاتي ما قدرت اخطب وحده واقول لها ابيك لاخوي بس زواج مسيار

وش الحل معه

عندي بالدوام بنات اعمارهن 29 و30 ماتزوجن بس ما قدرت اعرض عليهن مسيار

وش الحل

وش اقوله تعبت وانا اكذب عليه

بانتظار راي حبيباتي




اختكن الدنيا لحظه

[ماءالسماء]

نصيحة مني لا تخطبين له ولا شي خليه هو يدبر روحه إذا ناوي الزواج

ليش تحطين نفسك بمشاكل أنتي بغنى عنها !!

وكمان حذاري تواجهين أي وحدة من زميلاتك بزواج المسيار لأنك بتجرحينها بكلامك

وهي مو معقولة بتوافق على هذا الزواج بس بتنحرجين وتتفشلين ..

[بنت الهاشمي]

ياختي اسمحلي انا بنظري مب مسيار اسميه تعسار وقلة ادب
استغفرالله مدري وشلون الناس راضين فيه اجللس ماتزوج ولا اتزوج نطله
بس اذا انتي عادي عندتس يتزوج مسيار جس النبض عندهن فيه بعضهن عادي عندهن
بس مب المشايخ حرموه انا اصلن مادخل مزاجي من يوم انتشر سبحان الله قلبي كاره وصار حرام الحق بين الباطل بين
ان شاءالله اكون افدتك