[عزتي في عفتي]

اقتباس المشاركة الأساسية كتبها وَهجْ الدّعوَة|•• ^ ألاَّ على فكرة بنآت تدرووون أن كلّنآ محنّب معرسآت .!ّ جيل الأمّة يقولون مآنتزوج بنآت يدخلن النّت الخلآآآآ يهآالشّهبآن من شين علومكم بالنّت تحسبون كل بنآت حوآء خبيثآت ---> هذآ الرّد حينمآ هجت بي

آخ بس يا وهج انغث انا اذا شفتهم يسبون بنات النت ودي اغولهم فردا فردا <
ايه والله من سين علومهم بالنت يحسبوننا مثلهم
مالت عليهم شهبان قريح

نسيت اصبح عليكم بالخير

[نالا]

هلا وغلا فيك عزتي
انتي مره من المرات عطيتيني رقم الكوفيره؟؟

[حنين الأوطـان]

مرحبًا بالنفرات كلهم

وهج ..

يامال العافية ..وراك عجلة ..تمتعي بعمرك ياوخيتي ثم فكري بالعرس ترآ ماعندنا نماذج تحفز للتفكير

مير القضاء لاجاء مايرد

- كُتب الرد أعلاه وصاحبته في سكرة حرف أمرؤ القيس -

[بـحـور الـشـوق]

أصبح بالخير على أهل الخير .....

أخباركن ؟؟

[• إنِدثـار~]

اقتباس المشاركة الأساسية كتبها نالا حيا الله وهوجه اخباااااااااارك من زمااان عنك ويييييييييييييييييييييييييينك مشتاااااااااااقه لك حييييييل

يآآآالله أنك تحييّ هآالوجه الصبوووح
أخبآآآر خييير يآعسآآآآتس بخييير

ومير انه تشتآق لتس العآآآفيه , حنآآ وش نقووول
مير أنتِ القطوعة اللي مآتنشآفين

اقتباس المشاركة الأساسية كتبها عزتي في عفتي آخ بس يا وهج انغث انا اذا شفتهم يسبون بنات النت ودي اغولهم فردا فردا < ايه والله من سين علومهم بالنت يحسبوننا مثلهم مالت عليهم شهبان قريح نسيت اصبح عليكم بالخير

إي والله صدقتِ تربت يدآك -> توه ملبقة من السآحة
مير هالعِيلآن ذولآ عليهم تفكييير فآآصل الصرآآحة

أجل بزرنآ نتفه بثآلث وجآيتس يقول : مآآآدريت قلت اسمتس عند أخويآي
تخلخلت عظآآمك وهو الإسم عورة يآملآ الشسمه
ومير هآت يآمحآضرات وأن الرّسول يقول اسم زوجآته وبنآته وأمّه وعآآآدي ..
بل إنه عليه صلوآت ربي وسلآمه " حبّه لعآئشة ظآآآهر ومآ أخفآوه وقآل عيب <
مير لو مآقآلوا عيب .. خآفوا العين

اقتباس المشاركة الأساسية كتبها حنين الأوطـان مرحبًا بالنفرات كلهم وهج .. يامال العافية ..وراك عجلة ..تمتعي بعمرك ياوخيتي ثم فكري بالعرس ترآ ماعندنا نماذج تحفز للتفكير مير القضاء لاجاء مايرد - كُتب الرد أعلاه وصاحبته في سكرة حرف أمرؤ القيس -

متمتعة وآخر شيء بسجلّ حيآتي " العرس "
حتى أني أقول لأمي استآنسي بوسّع صدرتس للأبد إن شآء الله
الكفو قليل بهآلزّمآن

وأنتِ الصآدزة القضآء لآ جآء مآيرد , وعلى ذلك أُثري لكم بقصّة :- > مآقلت لكم هآجتن به

مير اصبرن بكتبه برد ثآني , هذآ تقل أنه صآر طويل

[نالا]

اشوا وهوجه رديتي بغيت احمق الا شوي
قلت يقاله تغلى ماترد

انا مسنتره ببريده ستي
اخبااااارك يالغلا
بشري عسى النتيجه زينه النصف الاول؟

[• إنِدثـار~]

هذآ سلّمكن الله , جذعن شآيفن رويحته
يوم أنه تخرّج من الجآمعة بتقدير " مخقول بوآسطة "
قآل لأميمته بعرس ......
وترآي أبي شعره .... حتّى انه عآدّن الشّعر عد .. يقول لو تنقص ولا تزيد شعرتين مآأبيه
وجسمه .... وطوله .... ولون البشرة ....
ولون العينين .... ودقّة الأنف ..... " قآيسه بالمنقله ترآوه "
وآالشششسمه ... إلى آخره من الوصفآت



لآ وع مآ أبي ذي .. أذنه قآيلتن كذآ ..
وهذا رموشه مدري وش قآيلآت ..
هذي مآجآزن لي لون عيونه ..

ايه المهم أنه بالنهآية أعرس بس وش أخـذ ,,
آخذ له وحده الزّين يهج عنه ( وخلق الله حسن ولا قصدنآ نتطنّز )
بس شووفو آخرة اللي يتشررط آخذ له وحده الحمد لله على قسمته !

عآد طآآآر به غصبن عليه


+ وبالمقآبل وآآحد أعرفه قووة , ابن الحلآل مآعليه , يترزّق الله
وشكله مآعليه .. ومن هالأمور ~
يوم جآء يعرس قآلت له أمه إن شاء الله إني لأدور لك مزيونه
قآل : وشو أنآ يآ أميمتي .. وشوله أتشرط وأنآ عآآرف روحي .. > والله أني رحمته
مير دوري لي وحده على قدي , الزينه تبي وآحدن زين مثله ومنصب وإلخ
وتبآآرك الله .. يرزقه الله على نيّته مرتن قمرررر لا إله إلا الله ماشآآآآء الله ..

فـ لذلك , قولوا لأخوآنكم لآ حد يتشرط

[حنين الأوطـان]

وعليكِ السلام ورحمة الله وبركاته ..

سعودية ..وفهمناها ..ماركة وش سالفتها .؟!

وهج ..

الله أنتِ

[• إنِدثـار~]

اقتباس المشاركة الأساسية كتبها نالا اشوا وهوجه رديتي بغيت احمق الا شوي قلت يقاله تغلى ماترد انا مسنتره ببريده ستي اخبااااارك يالغلا بشري عسى النتيجه زينه النصف الاول؟

لآآآ وش دعوآ نسسحب ؟؟
يآحبيلتس نتيجتي الحمد لله مآعليه بفضل ربي ..
أنتِ علوومك وأخبآر النّتآيج ؟

[• إنِدثـار~]

اقتباس وهج .. الله أنتِ

تحسّون أن هآالرد تسسسسليك

[نالا]

الحمدلله بخير وابشرك نتيجتي حلوووه جيد جدا مرتفع

[نالا]

يالله اجل بمان الله
مع السلامه

[حنين الأوطـان]

وهج

سبحان الله ..الله يزين المرأة في عين بعلها فلايرى لها مثيلة وأن أجمع أهل الأرض على قبحها ..

والرجل كذلك يزينه الله في عين زوجته حتى ماترى في الرجال من هو على نفس درجته

ومرد الأمر كله توفيق الله والتأليف بين القلوب ..فلايقاس الأمر - كما أرى-

بالتشرط أبدًا لإني أره

حقًا للرجل وللمرأة - وإن كان للمرأة بدرجة أقل بكثير - لكن المهم ان يقنع الأنسان

بقسمة الله له وماكل مايتمنى المرء يدركه

وأقم الصلاة

[بـحـور الـشـوق]

هلا بتس حنين

حنين ؛؛ وفهمناها الأوطان ؛؛ وش سالفتها ؟؟؟

وحده بوحده

ماخبرت لتس إلا وطن وااااحد ...

اللي هو السعوديه ؛؛ ياااابعد السعوديه

يوزري وعاااااجبن .. أهم شئ اني فاهمته ...