[ديوان]

بسومة انا كنت اتابع عند الدكتورة زينب بالطب الشامل , شاطرة وممتازة والمواعيد على كيفك ولافيه لطعة انتظار ,, يعني روحي وانتِ مرتاحة ,,

الله يقومك بالسلامة ,,

[ام احلا بنوته]

ايوه اختى الرزه انا في الثامن الله يتممه ان شاءالله ياارب

اهلين اختي تحكمني قناعاتي

الدكتوره هويدا وهقتنا وراحت الله يهديه بس يقولون صار عندها ظروف علشان كذا راحت
ويمدحون الدكتوره نادره عندهم بدله بروح ان شاءالله بكره واشوف
الله يتمم على خير

[ام رسيل]

الله يهون عليكن وتقومن بالسلامه ان شاء الله

انا ..لسا والده قريب .. واي سؤال انا حاضرة

مع تمنياتي لكن بدوام الصحه والعافيه

[ام احلا بنوته]

اختي الرزه
اليوم رحت لدكتوره نادره مدري احس غير عن هويدا ياليت تردين على باسرع وقت
ابغى اسألك ياليت تردين متى تركتي الابر انا الحين اول اسبوع من الثامن واخذتها اليوم وتقول لازم تكملين الى نهاية الثامن وانااا ماودي اكمل مليت خلااااااااااااااااااااااااص
واذا تقدرين ترسلين رقم الدكتوره هويدا اكون لك شااااكره؟؟؟؟
ردي الله يخليك

[إنكسار الظل]

.. مرحبا حبيباتي ..

.. عزيزاتي ..

.. انا عندي شغله متعبتني كثير ومقلقتني .. ياليت القاء منكم اللي يريحني ..

.. بنات انتم لما تقرب ولادتكم ويجيكم الطلق وين تروحون يعني تحبين تروحين يم احد اثناء الامك ويهتم فيك او لا ؟؟ او تجلسين في بيتك لحد ماتوصلي لوقت ولادتك ..

.. لاني بصرحه محتاره انا ساكنه في الاسياح وماعندي احد .. وولادتي راح تكون في بريده باذن الله .. يعني مادري وش اسوي ساعتها ؟؟

.. ثاني شي .. بعد ولادتي مادري فين اروح عندي ثنتين من خواتي يقولن تعالي خلصي نفاسك عندنا .. بس انا منحرجه كثير منهم ... ولا ابي اثقل على احد

.. وقلت لزوجي خذ لو شقه مفروشه ببريد اجلس فيها خواتي يجن يمي اهون من اني اجلس عندهم ورفض .. يقول اجلسي بالاسياح وانا اهتم فيك ..ز

.. وش رايكم ياغوالي رائيكن يهمني ربي يسعدكن ..

.. ادري يمكن هالمداخله شطحه بعيده بس يطير النوم من عيني لا تذكرت هالشي خاصه اني بكريه مادري وش السالفه ..

.. ولكن سلامي ..

[دانوو]

هلا بك أختي انكساار..
الله يهون عليك ويسهل درووبك..
بالنسبة لوقت الولادة ع حسب نفسيتك سواء كنت تخافين أو لا وبعدين الولادة ما تخوف لانك تبين بس الفرج..
وبالنسبة لي انا جلست ببيتي ثم رحت للمستشفى وطلبت تنويم لحد ماولدت طبعا جلست تقريبا5ساعات تنويم وأمي مادريت إلا بعد ماولدت يعني ماعلمته يوم بدا الطلق وكذاا أنا ماحبيت أزعجة صراحة,,وأنتي براحتك..
وبالنسبة بعد ماتولدي نصيحتي روحي لخوااااتك لان الايام الاولى تعععب ودوووخة والبيبي يبي احد معه انتي ماتكفين
وزوجك ماراح يقوم بكل شي ع الاقل الطفل بيقدر يغير له أويعطيه رضعة؟؟؟؟ مااااتوقع ,,وانتي ادرى
اجلسي عند خواتك الـ20 الأولى أوأسبوعين وبتكونين بعدها خفيتي وبعدين روحي لبيتك..
تعب مابعد الولادة مو شي سهل وبتحتاجين انتي رعاية من غير مايكون عندك احد ثاني للنونو..
هذا رايي والله يتمم عليك بخير..
ولاتنسين .....بشرينا..

[الــ ع ــود الأزرق]

كلام الغاليه دانو سليم..

واذا اختك ماعندها شغاله انصحك تاخذي وحده بالاجار الشهري حتى تكون مساعده لأختك وماينحاس وضع بيتها في قعدتك عندها..

اما وقت الولاده لاتروحين لأحد واطلبي الفرج من ربك بس اهم شي رتبي اغراضك من بدري..والاشياء الي تشرب وقت الطلق حتى ماترتبكين..واهم شي لاتنسين كتاب (الافاده في ماجاء في ورد الولاده ) من بداية التاسع..

فرج الله لك وقر عينك..

اما القعده عند زوجك وانتي بكريه فما انصحك فيه اقل شي ال 20 يوم الاوله..

[امس]

مساء الخير حبايبي الحمل
انا عندي مشكله واتمنا احد يساعدني يكون مر بالتجربه هذي
انا تاخرت علي الدوره ولما حللت منزلي طلع عندي ايجابي ((يعني حامل ))) مشكلتي اني لما رحت للمستشفى الولاده والاطفال اخذولي اشاعه تلفزيونيه وقالو مابين شي في الرحم
وبدت الفلسفه حقتهم قالو لازم ناخذ لك تحاليل وفحوصات نتأكد لايكون حمل خارج الرحم ...؟؟؟؟؟
عاد انا هجيت ((طلعت وخليتهم )) لاني خفت وضاق صدري
ابي نصايحكم وافضل دكتوره من الناحيه هذي شاااااااااااطره
تكفون لاحد يطنشني والله بحاجتكم وبحاجت خبراتكم

[نجديــــة]

^^
لاتفوتك د.سلوى بمستوصف المحيميد تجنن
أني لكِ من الناصحين

ويارب يخيب ضنهم وتصيرين حامل جوا الرحم
ويقر عينك بشوفته سليم معافى ..

[الواثقة]

اقتباس المشاركة الأساسية كتبها امس مساء الخير حبايبي الحمل انا عندي مشكله واتمنا احد يساعدني يكون مر بالتجربه هذي انا تاخرت علي الدوره ولما حللت منزلي طلع عندي ايجابي ((يعني حامل ))) مشكلتي اني لما رحت للمستشفى الولاده والاطفال اخذولي اشاعه تلفزيونيه وقالو مابين شي في الرحم وبدت الفلسفه حقتهم قالو لازم ناخذ لك تحاليل وفحوصات نتأكد لايكون حمل خارج الرحم ...؟؟؟؟؟ عاد انا هجيت ((طلعت وخليتهم )) لاني خفت وضاق صدري ابي نصايحكم وافضل دكتوره من الناحيه هذي شاااااااااااطره تكفون لاحد يطنشني والله بحاجتكم وبحاجت خبراتكم

أعرف وحده معرفه شخصيه تأخرت عليها الدوره وراحت مستشفى الولاده والاطفال قالوا مابين شي يمكن يكون حمل خارج الرحم .. تركتهم وجت للرياض وراحت لمستشفى هنا قالت لها الدكتوره الحمل باين له 3 اسابيع يعني لو حللتي قبل 3 اسابيع الحمل واضح .. يعني لاتصدقينهم وروحي تأكدي بمستوصف ثاني .. الله يريح قلبك ويطمنك ..

[إنكسار الظل]

.. عزيزاتي ..

||~ دانوو ..

||~ العود الازرق ..

.. مشكورات وربي يجزاكن كل خير ويجعل السعاده والتوفيق دائما في طريقكن ..


.. الله يسهل لنا ويكون في عوننا ..

.. وكل عام وانتم بخير ..

[الصمت الحاكي]

تسيف حالكن ...

بنات اللي والده بالقصيم الوطني / او الحبيب تعطينا خبر .. عندي كومة اسئلة له ...

الله يوفقكن ويحقق لكن مناكن

[الصاتز ياطى عباتي]

اقتباس المشاركة الأساسية كتبها أمٍيًرٍهُـ مٍنْ وٍحٌيً آٍلخُيًآٍ’لَ قصمنجية الحمدلله ع سلامتك ماااتشوفين شر الله يعوضك خير نجديه مبروووك ويتربى بعزكم بسألكم انا ببداية الشهر االرابع مافيه شي يوضح نوع الجنين غير السونار مثلا نوع الاكل او الوحاام

الله يتمم لتس ع خير ..~
ويسهل عليتس قولي آمين ..~
شوفي بالنسبه للجنين يبين من الرآبع عآدي عآد وحده قآلت لي آنه توحمت ع حوآمض وجآبت ولد والحلو بنت < فآنتي شوفي نفستي وكل وحده تشوف كلآمي تقول هي وش توحمت عليه ووش جآبت علشآن نتآكد <<

[الصاتز ياطى عباتي]

اقتباس المشاركة الأساسية كتبها دانوو أهلا بالصمت الحاكي.. انا كانت ولادتي شتوية .. طبعا البيبي ملابسة كله شتوي او ربيعي وأنا أخذت لي لبس استقبال من فلور بالنخيل بس بـ700 ريال وثاني من دبي بشارع الصناعة بـ300 كلهن صيفيات وأخذت لي جلابية شتوية من واحة الجلابية بـ80 حلوة .. وأنا الآسبوع اللي فات شفت عند الحسون ملابس رضاعة شتوية بس شكله عاااادي مرة ومدري بكم.. اتمنى افدتك واي سؤال حاااضرين

يآزينتس بعد عندي آحسآس آنتس ذويققه <..~
طيب من متى آنتي آخذتهن وممكن تورينن اللي بـ700
تعرفين لزوم الكشخه للحمووووله < آوووت