[توست]

اقتباس المشاركة الأساسية كتبها هايين شكرا لك على غيرتك ولا نقول الا يالله الستر جزاك الله خير

والشكر لوجودك ومشاركتك ,, نسأل الله ان يحمينا من كل فتنه

وان يستر ويحفظ بنات المسلمين ,,,

[توست]

اقتباس المشاركة الأساسية كتبها الأسطورة الله العالم ياتوست إن آخر الليل تبدأ تهلوس ويجيكـ بلى .. وتحس إن العالم كلهم سوآ ^_^ .. ياحبيبي اللي يبي الشر يلقااوهـ بعز القايلة الساع 2 الظهر بشهر اغسطس > كناية على شدة الحر وكم من بنت وولد يتلاقون بالنهار ! يعني صار النهار أشد من الليل بالناحية هذي ! , , بعدين حبيبي كلو وآحد بالليل أو بالنهار يعني معقوله ماتزين الصيدهـ إلا بتالي الليل ؟ ! طيّب يابنات / لآتطلعن بالحدايق ولا المنتزهات ولا المنتجعات والشاليهات وكمآن الأسوآق لأن فيه ناس ترقم ويدرون بونيّات ,, وأيضا قصور الأفرآح لأن به تصوير من تآلي فلذالك القعود بالبيت ارحم لكن وأخف وعشان تبعدن عن مواقع الشبهات سمعتن ولاّ لا ؟ طيّب باللهِ ياتوست !؟ وش بقى للبنت عشان تستانس بعيشته وحياته ؟ ! هل تفرض على نفسه تدخل النت بوقت الظهر ؟؟ عشان مايكون به شباب ؟ أو أو ... ,,, تكفوووووووووووون ترفعّوا شوي عن هالخزعبلات اللي مالأمه أي دآعي !!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

الله العالم ياتوست إن آخر الليل تبدأ تهلوس ويجيكـ بلى .. وتحس إن العالم كلهم سوآ لا بس انت راد اخــر الليل وتحسبن كاتب الموضوع اخـر الليل

والله انا اذكر وقلت اخــر الليل فقط ولم اقل لاتدخل النت حتى

ولكن قلت الأبتعاد عن تجمعات الشباب في اخر الليل في بعض

المواقع . وبعدين وش دخل الحدايق والأسواق والمنتزهات والزواج

من وين جبت هذولي ..شكلك تبي ترد على موضوع ثاني ورديت هنا

عموماً يبقى تذكير لمن يريد التذكير واخذ الحيطه وليس غير ذلك ....



واذا كان التنبيه والتذكير والنصيحه خزعبلات ما اقول الا الله يرحم الحال بس

[توست]

اقتباس المشاركة الأساسية كتبها مدرعمة كلامك صح ميه بالميه جلوس الفتات في الليل بعد الساعه 1 خطاء في خطاء مشكور اخوي على الموضوع واللي ترد بالهواش تقرا الموضوع زين وتفكر في عقله قبل لا تندفع بالهرج الزايد وكل شخص وله وجه نظره وهذي وجه نظري وتقبلو مروري

مدرعمــه ,, احياناً يريحك من يفهم الموضوع بسرعه ,,

كذلك جلوس الفتاة اخر الليل ليس خطاء اذا كان على

مواقع نسائيه او ماسنجر مع صديقات وغير ذلك في

المواقع التي لايجتمع فيها شباب واخذ ورد او شات وغيره .

بكل احترام نتقبل وجهة النظر ....

[توست]

اقتباس المشاركة الأساسية كتبها ساكنة ببريدة اهااا الحييييييين فهمت طيب اخوي المخدرات وتروجيها الشباب مية بالمية هم وراها ليه ماتفتح موضوع وتقول يجب منع الشاب من قيادة السيارة اخر الليل لأنه به مروجين مخدارات اخر الليول والا لينه يبقى شاب ... اذا انتم شباب حنا بنات ولنا زي مالكم حق ... والا حلال عليكم حرام علينا .. وليه ماتقول ان الشباب هم مشكلة المجتمع اووووه لا لا صح اثرهم الرجال ملائكة مايغلطون والمخدرات الحريم هن اللي يرجون صح صح ... عفوا اخوي نسيييييييت مو حخنا مشكلة المجتمع وآفة يجب التخلص منها بس المشكلة الوأد حرام ... تهقى وشلون يتخلص المجتمع منا احتري موضوع لك تكتب فيه اقتراح للتخلص من البنات طبعا من غير الوأد لأنه حرام

بكــل تأكيد الشباب عندهم بلاوي وقلت في ردي بس انتي اقتبستي جمله منه

وسبق ان كتبت عنهم قبل ان اكتب عن الحريم وهذا الرابط

http://www.buraydahcity.net/vb/showthread.php?t=119800

اختي ليس ا لموضوع استهداف بقدر ماهو غيره وتذكير والله ,,,

والله يهدي الجميع من شباب وبنات ..



احتري موضوع لك تكتب فيه اقتراح للتخلص من البنات طبعا من غير الوأد لأنه حرام وش حنا بلا حريم ,, الله يحفظكن بس من كل مكروه والجميع

[توست]

اقتباس المشاركة الأساسية كتبها بـنـت الدلع انا وحده ما اعرف انام الا اذا صليت الفجر كذا طبع فيني ومتعوده عليه وش تبوني اسوي بوقت الفراغ هذا ، اللي هو قبل الصلاه ؟ هل فيه شي ثاني غير النت اقدر اضيع وقتي فيه لين يذن ؟

ماقبل الصلاة هناك افضل افضل الأعمال هو الصلاة وقرأة القران

ولايمنع من دخول النت ولكن اخذ الحيطه والحذر فقط ,,,,,,,,,,,

بعدين السهر مهب زين النوم سلطان ..

[الأسطورة]

توست / تنآقضآت عجيبة !

اقتباس المشاركة الأساسية كتبها توست والله انا اذكر وقلت اخــر الليل فقط ولم اقل لاتدخل النت حتى ولكن قلت الأبتعاد عن تجمعات الشباب في اخر الليل في بعض المواقع .

جآآآوبت عنّ الله يعافيكـ
7
7

اقتباس المشاركة الأساسية كتبها توست فأنا ضـــــــد جلوس الفتاة على النت اخــر الليــل , ناهيك عمن تتعامل مع الشات وغيرها من المواقع التــي يكثر بها الشباب . عموماً تبقى وجهة نظري فما وجهة نظركم ؟؟؟؟

وأنا ماجبت شي من رآآسي ,, كل هالكلآم اللي رآح من لسآنكــ !
الموهيم / تبقى وجهة نظر !

اقتباس وبعدين وش دخل الحدايق والأسواق والمنتزهات والزواج من وين جبت هذولي

مآلهن دخل بس اللي وصل بكــ التفكير إنه خطر تجلس بآخر الليل على النت ! فــ خروجه للحدايق والسوق أكبر وأعظم من جلوسه أمام النت !

عالعموووم جزآآك الله خير على غيرتكـ ,,

[البارونة]

اعتبر هذا الطرح نابع من حرصك

فجزاك الله خير

وكلامك صحيح بنسبة 80 بالمية واتمنى أخواتي مايزعلون..

الفتاة بحاجة رقابة مهما كان..والعالم عندنا مليان فضايح..بعد عوالم النت،،،
والله يستر على بنات المسلمين

[توست]

اقتباس المشاركة الأساسية كتبها *سـكـر خـشـن* آخر آلليل ووحدهـ ونص آلظهر كلهم سوآ سيد توست آلتخويف وآنك تضع آلبنت آمآم تهديد آسلوب غير نآجع آنمآ آن تحمي نفسه هو آن تعزز آلثقه فيهآ وفي آعتقآدي هي آسآس في بنآء شخصية ثآبته لآتتغير آو تتآثر بسهوله . . آضآفه آلى مكآنتهآ بيننآ فلهآ دور متميز وعطآء آجتمآعي آحيآنآ يتفوق علينآ آضآفه للآلوآن من آلمسآهمآت آلآيجآبية وتذكر لهآ كمآ >>>> لآدم ومسآله آلوقت ودخوله آلآنترنت وخروجه ليست ذآت آهميه << شـكـرآ

هلا بك سكر خشن .. الثقه موجوده والتربيه هي اساس كـل شي

ودليل اننا نعطي الفتاة الثقه هو قولنا دخول الفتياة مع الشباب في

اخــر الليل تقريباً ولم نقل عدم دخول الفتيات الى النت بصفة العموم

فهناك من هي اطهر وانقى من ي شاب , وقد يكون المقصــــــــد

من الموضوع هو التذكير وليس التخويف ,,

ومسألة الوقت هي ليست بمقياس ولكن اخذ حيطه وحذر فقط .

[توست]

اقتباس المشاركة الأساسية كتبها ابو نواف 0200 والله ماجاب النكسه لنا الى ذا التفكير طيب وفتحته فاليل او فالنهار وش المطلوب الي تبي علاقه مع واحد راح تلقاها لو الساعه 2 الظهر وسع خيالك وخل البنات فحالههن وكاني اشوفك فالشات بعد 12 فاليل تدورلي والله لو شغاله بس احنا عايشين في كذب

قد يكون الموضوع غير مناسب لك فهذي وجهة نظر خاصه

مع يقيني انك لاتوسع خيالك مع من هم تحت مسؤوليتك

اخي هناك فرق بين الخيال وبين التفكير اتمنى ان تجد الفرق

بينهم قبل الرد حتى يتسنى لي ان اسمع وجهة نظرك .... دمت بود

[توست]

اقتباس المشاركة الأساسية كتبها **الصداقه رمز** هلا اختي ايه في شي ثاني تقعدين عليه غير النت قبل ماتقعدين وتضيعين وقتك اقري قرآن وصلي لك ركعتين عمل قليل متواصل خير من عمل كثير منقطع انا ماقولتس لا تقعدين اقعدي على النت لكن بعد انشراح قلبك وطمئنينته بذكر الله والصلاهـ ازين من النت الي بس يضيع الوقت هذا كله محاسبون عليه سواءً خير ام شر الله يفتح على قلوبنا وينير دروبنا ويهدينا الطريق المستقيم شكراًلكِ اختي

كلام عين العقل والصواب .,, اتمنى الأخذ به من الجنسين

[توست]

اقتباس المشاركة الأساسية كتبها المعــتزة بحجابها أخوي ( توست ) صدقت والبنات علامهم كل وحدة ( شايلة شراعها ) هو ماكتب إلا يبغى مصلحتكن.. لكن يا (توست) احنا بنات ووقت النهار أغلبه شغل وجلسة مع الأهل ولا نفضي للنت إلا بالليل عاد أنا بنت الليل ..

الله يحفظك وجميع بنات المسلمين ,, واللي شايله شراعها

ربي يحفظها ايضاً وشي متوقع شيل الشراع

[توست]

اقتباس المشاركة الأساسية كتبها بحر الحنان مشكور اخوي توست كلامك صح في صح بس مو اي وحده تجلس بالنت اخر الليل معناه على الخراب لا والله بس احياننا ماتيصير الوحده عنده وقت الا في الليل يصير وقت فراغه بس اشكرك من كل قلبي على حرصك علينا الله يوفقك ان شاءالله

بحر الحنان ,, بكل تأكيد ليس الكل ولكن التذكير للجميع

ودائماً التذكير لايخصص ,, الله يحفظ الجميع

[توست]

اقتباس المشاركة الأساسية كتبها متقهويه ديزل ياأختي كلامك مو كله صحيح اذا صارت البنت تخاف الله قبل تخاف من اهله وش اللي يمنع انا مثلا ماكنت اسهر عليه بالليل بس لمن سجلت بمنتدى ملتزم لأحد الناس الطيبين المعروفين بلتزامهم صرت طايحه فيه ماقوم الا وهو يذن الفجر لأني الاقي بنات بمثل عمري من كل انحاء السعوديه اسولف مع هذي واتناقش ذيك وانزل مواضيع مو شرط اللي قاعده عليه بالليل قاعده على خراب واللي ينخاف منهم هم العيال ياشين وراهم يوحش يدخلون اشياء ماأقدر اوصفها من وصاخته مير ماقول الا الله يهدينا انا مادري منين يبون يعرسون ولا يبون سيارات زينه مثل اللي بتوقيعي<<<<<<<<<<< فديته وهم بهالوضع

والخوف على العيال ايضاً , وهو مجرد تذكير لأاكثر ولا اقل

حمانا الله واياكم شر كل فتنه ,,,

[توست]

اقتباس المشاركة الأساسية كتبها شقاوة انثى لاوبعد ازيدكـ من الشعر بيت اناا عمري 15 واقعد طول الليل....} ع النت واهلي مايقولون شيء لانهم وااثقين فيني والعمده ع التربيه...} سلآلآلآلآلآلآلآلآلآلآلآلآلآلآلآلآم....}

شقاوة اثنى , بكل تأكيد لست مسؤولاً عنك حتى لو كان عمرك 13 سنه

حتى لوجلستي مهب طول الليل لو تجلسين الا يوم العيد

ولكن هــو تذكير فقط ,,, ونعم التربيه هي الأساس

ولكن يبقى اخذ الحيطه والحذر واجب مهما كانت التربيه