[مشاكسه]

!!!!!!
أستغرب فعلاً من الناس اللي تقرا قلب؟؟
من قال حرام ولا حلال؟؟!!
أولا يالغاليات
نحن لسنا أهل لأن نحلل أو نحرّم قال تعالى(ولا تقولو لما تصف السنتكم الكذب هذا حلال وهذا حرام)
فسئلو أهل الذكر إن كنتم لا تعلمون
يعني موب على كيفكم تقولون عادي حلال أو حرام!!
أبي الحكم .. لكن من علمائنا
أجرئكم على الفتيا أجرئكم على النار ، يالحلوات هذا شرع لحد يفتي من راسه

الشي الثاني العبي كوره واللي تبين بس لأصحاب اللي مادري وش بلاهم ولا أدري كيف يفهمون*الموضوع يختص بالتشجيع لا اللعب

لأجل أن نصل إلى حل ,, أريد مناقشات جديه لا تحسب للأخطاء وفرض وجهات النظر!!

ومن الأساس الشيطان ماله حد يبدئ به تشجيع وينتهي بأشياء أكبر

وغير كذا المساله ليست بخروج العورات فقط .. بالعشق بالألفاظ اللتي تخرج من المشجعه بالتصرفات بإضاعة الصلوات بالحاله النفسيه والتوتر وغير ذلك من المساوئ.
وترى هي مطاط منفوخ هواء ويطايرون وراه تقل مهبل
مادري وش اللي عاجبهم فيها
وليه حنا نقول أهون من الافلام
المؤمن دائما يسعى للكمال
وكيف يكون على أحسن الأعمال والأقوال

وراجعي نفسك ياللي قالت (تبين اليوم كله عبااااااااده)
والله كلمتك موب هينه الله يغفر لتس
وانت أساسا ليش مخلوقه علشان تتابعين كوره؟؟ ولا تعبدين
والحيــــــــــــــــاة كلها عبـــــــــــــاده إذا أحتسب الأنســــــــــــــــان
الله يسامحكوالله يسكنكم الفردوس يا كل من دون وشارك وأبدى رأيه ..
بس ترى بختصار أبي حل للتعصب؟؟

[فتاة الورد]

اقتباس وترى هي مطاط منفوخ هواء ويطايرون وراه تقل مهبل مادري وش اللي عاجبهم فيها

[ تقل مهبـل ] ياكافي .. !!

يعني الشخص لازين رياضه صار تسنوه مهبول

ترى ذي الكلمه تقهر .. !!!

[ ما أدري وش اللي عاجبهم فيها ]

لكل شخص مايهواه ..

إذا ما أعجبتس موب ملازم يصيرون كل الناس مثلتس ..

في أحد يحب وأحد يكره

يعني ألحين أنتي تكرهينه ..

مايحق لي أنا أقول (( ما ادري وشلون مايحبونه ))

مهب غصب تحبينه ولا تكرهينه ..

كلن يحب على كيفه ..

[زحوووووووووفه ....]

عـــــــــــــــــــــــــــــــادي مرحلـــه وتعــــــــدي<<اشوف صار بيت شعر

ولمن كبــــــــــــــــــرت وعقلـــــــــــــــــــــــــت

تستحقر روحـــــــــــه وتقول تسيف انا اسوي تسذا

[مختبة]

اقتباس المشاركة الأساسية كتبها مشاكسه السلام عليكم ورحمة الله وبركاته ... حبيــــــــــــباتي.. حبيت أطرح بين عقولكن النيره هالموضوع لأنه بصراحه انتشر بشكل كبير للمناقشه وطرح وجهااات النظر ياحبي لكن ظاهرة التشجيع للبنات ومتابعة المباريات التعصب لنادي معين ,, حتى صارت البنت تلبس أساور ومطاريس الانديه وتصااارخ وتناقز وماتدرين وش بقت للجذاعين فكل وحده تعطيني رأيه هالمشكله واسبابه والحلول من وجهت نظره لا تحرموني مشاركاتكم ,, فانا مرشده بدار واوجه بهالمشكله بكثره حطو رد واحتسبو الاجر اتمنى ما تخذلوني مع السلامه

هههههههههههه

وانتي خليتي فيها منااقشه يا بعد قلبي
انتي خليتينا كلنا مضارعين للتشجيع باسلوبك حبيبتي

بالنسبه لي مااااا اواااااااااطن شي اسمه كووره ولا عمري بحياااتي تابعت مبارااة

بس بالنسبه للبنات اللي يتابعون

خلونا اول شي نووولقي نظره على هذه الفئه من البناات

نلاحظ ان اغلبهم مابين 12-21 سنه

وبعلم النفس يتعبرون هذا هو عمر المراهقه

والفتره هاذي فيها طاقات كبيره فاعتقد انو شي ليس سيئا لو صرفت بعض هذه الطاقات هذا متابعة المبارات احسن من اشياء تاانيه>> يمديكم على اللغه العربيه بس



ومن النااااحيه الشرعيه ,,, كره القدم مااااااهي محرمه

ولا هي مخصصه للمتابعه من قبل الرجال دوون النساء



يعني وبين قوووووسيييين -- خلووو البناااااات يعيشووون حيااااااااااتهم


دامه مافي شي يضره ولا يضر دينه وسمعته ولا تكبرون المسائل دمتم بود

[فتاة الورد]

اقتباس تستحقر روحـــــــــــه وتقول تسيف انا اسوي تسذا

هه .. والله يانتم صدز ..

مهب عيب ولاهوووب حرام الأمر مايستااهل الحقران

[(.. بسمـة أمـــــل]

تشجيــــــــــــــــــــــــــع <<<والله ارحم اللي تشجع حتى الكوره مو من العاب البنات اصلا

[الدكتور.فهد]

اذا تشجع هلال الزعيم فهذا ان شاء الله ما فيه شي اما اذا تبي تشجع غيره فهذا ما يصلح وجدا عيب



البنت مو له الكووره صراحه ابدا لانه على طول تبي تحب الاعبين هوساوي ولا منتشري.ههههههههه


انا فرضا لو اتزوج وادري ان زوجتي نصراويه او قد شجعت النصر على طول اووت



اما اذا صارت قد شجعت الهلال فقط فهذا عادي ولو تكون وماتزال تشجع الهلال فانا بأسلوبي اخليها

تترك الكووووووووره....................ز




اهم شي انه معي ما تشجع ابد وعيب البنت تشجع

[فتاة الورد]

بسمة أمـــل :

اقتباس تشجيــــــــــــــــــــــــــع <<<والله ارحم اللي تشجع حتى الكوره مو من العاب البنات اصلا

أضحك الله سنك ..




أجل ترحميـــنه

ياكــــآآفي ..

ولا مهب من ألعاب البنات .. وإذا صار ؟؟

يعني مهب من ألعاب البنات خلاص قطعـآ مايجوز تلعب به بنت

وترى الرياضة للجميع .. فلذلك الرياضه مهب للولد بس ..

وأنا أمووت على شي إسمه كورة .. وعـــآآدي جدآ جدآآ أشجع

والله هالرحمــه ما لأمه داااعي .. !!!!

مهب لازم تشجعين .. ومهب لازم أبدآ ترحمين اللي يشجعون !!!!!!!!!

,,


[ أنا كرويــــة حتى النخــــآآع ]

[مشاكسه]

اقتباس المشاركة الأساسية كتبها فتاة الورد بسمة أمـــل : أضحك الله سنك .. أجل ترحميـــنه ياكــــآآفي .. ولا مهب من ألعاب البنات .. وإذا صار ؟؟ يعني مهب من ألعاب البنات خلاص قطعـآ مايجوز تلعب به بنت وترى الرياضة للجميع .. فلذلك الرياضه مهب للولد بس .. وأنا أمووت على شي إسمه كورة .. وعـــآآدي جدآ جدآآ أشجع والله هالرحمــه ما لأمه داااعي .. !!!! مهب لازم تشجعين .. ومهب لازم أبدآ ترحمين اللي يشجعون !!!!!!!!! [ أنا كرويــــة حتى النخــــآآع ]

منتب لم التعصب ابد تونا
الله يفتح على قلبك ويردك إليه رداً جميلاً
سررت بمشاركاتك لكن إذا أمكن انت تفيديني وتحضرين لي (بحكم من أحد علمائنا بتحليل أو تحريم)
مشاركات الردود المكرره .... ياليت ما تكرر
أنا أبي حل ما أبي مشكله

[لحن الـقثار]

لعب كرة القدم لايعني بحد ذاته الحرمه ولكن الاعجاب بالاعبين ، والتغني بهم ، وبالفرق اللتي يلعبون بها ، أما لعب الكرة رياضه من الرياضات لا أكــــثر ولا أقل إذا تمت بها الشروط ...

و الله ولي التوفيق@

[البروفسوره]

اقتباس المشاركة الأساسية كتبها ✿مـــلاذ✿ صررراحه ماأيد تشجيع الكوره للبنت والولد... هذا كله غزوا فكري ليلهوا شباب المسلمين..

وش التعقيد ذا انتي معارضه التشجيع للعيال بعد اعوذ بالله يابنات شجعن على راحتكن والشجيع مو بس للعيال حتى البناااااات


انا الصراااااااحه مااشجع لكن من وجهة نظري عادي البنات يشجعن والتشجيع مو بس للعيال حتى البنات بعد

ليييش دائما الولد اذا سوى شئ محديلومه والبنت اذاسوت شئ حتى ولو ماكان غلط الكل ياقف ضده؟؟؟؟؟؟

يابنات اللي يشجع لايتأثر بكلام اللي معارضين وشجع على راحتكن نابطن وصارخن ولجلجن على كيفكن اذاصرتن ببيوتكن

[entar22]

صراااااااااحه مهزله وقله ادب بمعنى الكلمه درست بمدرسة وشفت البلاوي عند البنات أحد المرات قطعت دفتر طالبه وشخبطت على دفتر اخرى وعلى هالسالفه الله يهدينا غصب علينا ................

[رحيل ,,]

ياخزياااااااااااااااااااااااااااه بس !!!!!!!!!!!

ودي بس أفهم ليش البنت تشجع !!!

قسم قلة أدب !!

يعني وشلون تشتهين تناظرين وتتابعين الكورة وعورة الرجال تطلع مع الركض !! وأغلب لبس اللاعبين نص الفخذ !!

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

السلام عليكمـ ورحمة الله وبركاتهـ ..
فضيـلة الشيخ / عبدالرحمن السحيم .. حفظه الله
...........

فتـاة في الخامسة عشر مغرمــه بمتابعة المباريات وتشجيع أحد الفرق ..!

حاولت نصحها ولكن لم تقتنع !

قالت لي أخيراً أعرف ابنة الشيخ ( الفلاني ) وهي تتابع الكرهـ والمباريات ولم ينهاها أحد هي أولى ..!!

وقالت لي أيضاً : إذا جئتني برأي أحد المشايخ الفضلاء فسأقتنع ..!
نصيحتكـ وتوجيهكـ لها ..
جزيت خيراً ..


الجواب /
وعليكم السلام ورحمة الله وبركاته
وجزاك الله خيرا

أولاً : لا يجوز الاستدلال بأفعال الناس على إنكار أمر أو إقراره ؛ لأن أفعال الناس ليست بِحُجّة ، وإذا كانت أفعال وأقوال الصحابة اخْتُلِف في كونها حُجّة أوْ لا ؟ فكيف بِغيرهم . بل إن أفعال النبي صلى الله عليه وسلم الْمُجرَّدة مُختَلفي في الاستدلال بها ؛ لأن من أفعاله صلى الله عليه وسلم ما يحتمل الخصوصية ( أي : أنه خاص به عليه الصلاة والسلام ) ، ومنها ما يدلّ على الاستحباب ، إلى غير ذلك من الأحوال التي تطرأ على الفعل ، بِخلاف أقواله عليه الصلاة والسلام ، فهي لا تحتمل الخصوصية .
وأقصد بذلك ما يُنسب إلى بعض أهل العِلْم والفَضْل ، فلا يجوز الاستدلال بها ، سواء في بيوتهم أو ملابس بعض أهلهم ، أو غير ذلك ، فهي ليست حُجّة ؛ لِوُرد الاحتمالات على ذلك الفعل ؛ فقد يكون العالم لم يطّلع أصلا على ذلك الأمر الذي يفعله أهله ، أو يكون له حِكمة في عدم الإنكار في ذلك الوقت ، أو يكون قد أنْكَر ولم يُسمع له ، وكان يُقال : أزهد الناس في عَالِم أهلُه !!
أو يكون العالِم قد غَفَل عن ذلك الأمر ، فإذا نُـبِّـه له تنبّه .. إلى غير ذلك من الأمور التي تمنع من الاستدلال بِفعل العَالِم ، فضلا عن أفعال أهله .

ثانيا : من أراد أن يستدلّ على أمر فليستدِلّ بِالكتاب والسنة ، ففيهما الحجّة ، وهما الحجة عند التنازع ، كما قال ابن عبد البر رحمه الله .

ثالثا : الرياضة – وأعني بها كُرَة القَدم – في وضعها الحالي مُنكر يشتمل على عِدّة مُنكرات ، ومن ذلك :
1 - صرف الأموال الطائلة على كُرة القدم والأندية .
2 - إضاعة الصلوات بسبب متابعة المباريات ، بل إن بعض الشباب يذهب للملعب قبل المباراة بساعتين أو أكثر ليحجز له مكانا ، ولكنه لم يذهب يوما إلى صلاة الجمعة قبلها بساعة !!
3 – كشف العورات .
4 – التنازع والتخاصم .
5 – إهدار الصحة ، ومن يرى شخصا مُتحمِّسًا يُتابع مباراة كرة قَدم يُدرك ما أقصده !
6 – السبّ والشتم ، سواء للخصم ، أو لِلاّعِب الذي يُشجِّعه إذا ما أضاع هدفًا !!
7 – الاهتمام بِسفاسف الأمور !
8 – محبة الكفار والإعجاب بهم .
وقد يقول بعضهم : إنه لا يُعجَب بالكفار ولا بالفُسّاق ، وإنما يُعجَب باللعب النظيف ! على حدّ قولهم !
وأقول : هذه حُجّة داحضة ، وقول باطل ، يُبطِله ما نراه مُنتَشِرًا في أوساط الشباب من لبس ملابس عليها أسماء الكفرة ، بل – والله – لقد أسِفْتُ حينما رأيت أكثر من شاب في الدور الثاني من الحرم ، وهم يُطِلّون على الكعبة المشرفة ، وعلى ظُهورهم أسماء لاعبين كُفّار !
ويُضاف إلى ذلك أيضا تقليد حركات أولئك اللاعبين ، بل وقصّاتهم ، وتعليق أسماء الأندية على السيارات ! .. إلى غير ذلك مِن مظاهر الإعجاب بالكُفّار !

إلى غير ذلك من المنكرات التي تحتف بِكُرة القدم .

رابعا : في كل حال لا يليق أبدًا بالفتاة أن تتابع المباريات ، فليست كُرة القَدم منها لا في قليل ولا في كثير ، ولا هي من الأشياء التي تحسن بالمرأة ، ولو خَلَت من كُلّ مُنكر !



ــــــــــــــــــــــــــــــــــــــــــــ

وهذه فتوى من موقع الشيخ ابن جبرين رحمه الله



رقم الفتوى (11315)
موضوع الفتوى مشاهدة النساء للمباريات

السؤال: ما حكم مشاهدة المباريات بالنسبة للمرأة بقصد التسلية والتشجيع؟

الاجابـــة لا يجوز مشاهدة المباريات حيث أن اللاعبين رجال متجردون غالبًا عن اللباس الساتر، وقد يبدو بعض الفخذ وقد تتمثل العورة وراء اللباس وذلك فتنة للنساء ولو كان القصد التسلية ففي الإمكان التسلي بالذكر والقرآن وكتب الحديث والفقه والأحكام

قولن آمين الله ينزل على قلوبكن بغض الكورة !!

[*عزيزة نفس*]

اقتباس المشاركة الأساسية كتبها أبو شباصة ياااااااااا عيني على الكلاااااام الحلووووو .. تشجع بس بدوون تعصب .. مثل اللي يقول أبي بيض بدون شكشوكة .. يبن يشجعن بس بدون تعصب ووينكن من حريم منول .. كانن يستاانس لجلسن بالبيت تزرع وتحصد وتسني وتطبخ وأنتن من قووة الفرغ يبن يشجعن ..

ايه انا اقول تناضرالمبارات وتميل لفريق تشجعه بس من دون تعصب يعني موتحب له واحد من الاعبين او اذا خسر الفريق تصيح وتلفع الي عنده..افهمن

وعلى فكره موب تشوفونن اتكلم يعني مدمنه مبارات
لي 4 شهورماشفت الكوره