[ahoak2002]

اقتباس المشاركة الأساسية كتبها sg'hk ياجماعة الموضوع مهب موضوع ريالين ... هالوقت هذا الواحد يزوج بنته مو يستن أحد لين يخطبها .. إمام المسجد اللي عندنا وهو كبير في السن زوج المؤذن لحسن أخلاقه ودينه بألف ريال فقط وهو ليصح الزواج وليس للقيمه لإن الزواج لايصح إلا بالمهر .. أما من أعتقد بأنه تقليل بحق المرأة فهو بالعكس بالنسبة لأي شخص لا يطلب منه مهر عال فهو بديهي راح يقدر أهل زوجته وسيكن لزوجته الإحترام والإمتنان لعدم التكلفه عليه ومن يستطيع الآن الزواج بدون ديون وقروض . طبعاً في حال الأب زوج إبنته بمبلغ بسيط ليس معناه إنتهى وضعها بل بالعكس الأب يتحمل مصاريف البنت من الألف للياء حتى لو وصلت 100 ألف ريال . مع تحياتي للجميع ـ ابو سليمان

صادق أخي العزيز .. وكم هو جميل فهم القبول والرضى عند المتقدم ليخطب بنت تكون له زوجة العمر وبداية عمر جديد من السعادة ولا يحكمها أي مبالغ مادية فالمال يذهب ويبقى التواصل العاطفي والحب والذكريات الطيبة متى نفهم إن الزواج لا يمكن أن يقدر بالمال ويجب على البنت والرجل البحث عن طريق السعادة في المقام الأول وليس كم تدفع حتى نعطيك البنت أعوذ بالله من بعض الناس وطريقة تعاملهم مع بناتهم ويعض الرجال عندما يفكر كم تستاهل وكم ادفع... أنا لا اقول يجب أن لا يدفع الرجل مهراً بل يدفع ويجب أن يعرف الرجل بأنه ليس مقابل شراء سلعة بل يجب أن يعرف بأن هذا المهر جزء بسيط من مقدار الزوجة التى هي الأم والمربية والحنان ونور البيت وكم أنا معجب بردود كثير من الأعضاء والعضوات الذين عرفووو ماذا نعني بموضوع الريالين
تحياتي لك

[ابويسرى]

خلاص اجل سوو حمله لتخفيف المهمور وسموها خلوها تصدي ااااقصدي تعنس ويصير المهر 15الف ياسلام الواحد يعرس ويستانس هلا والله راحت علي والا كان اشارك معكم في هالحمله ؟؟

[خوي أبو سمير]

ابي 2 بريال فيه

[الجبل الخفيف]

ياسعد الهنود البنت تدفع مهر لي الرجال
لو حنا كذا كان اخلي مهري 100 الف
عشان البنات يموتون من الحره

[أحلى صبية]

احيـــانا في عـــوائــل تشتري الرجال شراء لأن الحيــن قلو الرجال
اللي ينشد بهم الظهر .....

لذلك بعضهم هم اللي يدورون لبناتهم رجال بس مو اي رجال..<<<<<
ولا أتــــوقع انه اذا كان رجال حكيم الناس شارينه شراء <<<بعدين يعاير بنتهم أنه رخيصه...
الرجل رجل ؟؟؟

[©أمير العشق©]

زوجات بريالين ........

وبعد كل التعب الأب يربي أعز ما عنده ويتعب يجي واحد بعد ما يستاهل وياخذها وهو حاس بأنها رخيصة لا لا أنا أختي لو تقدم لها واحد حتى لو يستاهل لازم يقدرها ويعرف أنها درة في بيتنا

[ahoak2002]

اقتباس المشاركة الأساسية كتبها أحلى صبية احيـــانا في عـــوائــل تشتري الرجال شراء لأن الحيــن قلو الرجال اللي ينشد بهم الظهر ..... لذلك بعضهم هم اللي يدورون لبناتهم رجال بس مو اي رجال..<<<<< ولا أتــــوقع انه اذا كان رجال حكيم الناس شارينه شراء <<<بعدين يعاير بنتهم أنه رخيصه... الرجل رجل ؟؟؟

أهل الصلاح من الرجال كثيرين ولله الحمد والشكر ... وأنت صادقه في كلامك مهما كان فالرجل الذي يخاف ربه يبحث عنه في كل مكان فالناس تبحث عن السعادة لبناتهم والتفكير في المال يكون في الأخير .. وفي نظري لا يمكن رجل صالح أن يعير زوجته إلا المريض والناقص فهذا مرفوع القلم عنه
تحياتي لك

[غيد11ء]

خيرالامور اوسطها
يعني مو ريالين ولا 100الف
واحس تقليل من حق البنت هالريالين
يسلموو
..

[ربطه حمرا]

اذا كان مهر البنت ريالين صارت رخيصه عند الرجل وصار يدور عليه الزله
او بعد يقول مهب حلوه ابي احسن منه (هماه بريالين)
اما اذا كان المهر ثلاثين او اربعين ألف (قال أهم شي الاخلاق)






تكفى يالجبل الخفيف لا تخلي البنات يعنسن (واقفة عليك)

[hilaly2010]

السلام عليكم
الزوج مو مهر بس الزوج استقرار الزوج محبة الزوج سكينة
الحياة صارت كلة ( كم معك ) ناس كانت مهورة ملايين وبعدين وش صار طلاق وعيال ومشاكل
ابحث عن صاحبة الدين وصاحب الدين والباقي بسيط الزواج كلة عبارة عن ستر لزوج وزوجة

[صافي النية]

لا أعتقد التقليل من حق الزوجه بهذا المهر إذا كانت راضية عنه ..فما أجمل أن يكون المهر قليلاً جداً ليسهل على الشباب الزواج..

والمعروف ديناً أن المهر كله للفتاة تتحكم به ماتشاء وتكاليف الزواج المفترض من ولي أمرها لكن للأسف عادة انتشرت وأقبح لها من عادة بأن يكون تكاليف الزواج من المهر ولا يصفي لها إلا القليل من مهرها والذي هو حق لها ..

لكن المشكلة بنظري في هذا الزمن ليس المهر إذا كان معقولاً بل النفقة على الزوجة وآجار البيت وغير ذلك فهي المتعبة لقلة وجود الوظائف أو لوجودها وقلة مرتبها الشهري فبذلك يصعب على الشاب الزواج دام تلك هي حالته..

شكراً لك..

..

[عبدالله]

الاعتدال مطلوووووووووووووووووووووووووووووب

[ahoak2002]

اقتباس المشاركة الأساسية كتبها الجبل الخفيف ياسعد الهنود البنت تدفع مهر لي الرجال لو حنا كذا كان اخلي مهري 100 الف عشان البنات يموتون من الحره

من قل ما دفعوا البنات إلا من شاف ناس تستاهل عاد معهم حق يخاطرون .. امزح

[قمردين]

يازين أهل الجنوب عندهم تيسير بازواج مو معقول !!


من يخاويني إلى الجنوب نتزوج نجمع فقط 5000 ريال فقط ؟؟