[أكابـــر]

بصراحه شي يرفع الضغط يعني هذا اسلوب التشجيع عند المعلمات؟؟

طيب وعطينا الطفله كاس يعني انبسطت الحين

اخر ماله بيفك من التغليفه هذا اذا كان مغلف بالاساس وبيرمى في المطبخ هذا جهد سنه

خليك من الكاس اختي علبة تمر الله لايبطشبنا عنبو بليسكن وش بتسوي البنت بعلبة التمر
ماندري يمكن لشباصات الله العالم

تكفوون يالمعلمات عطوهم شي لهم ينبسطو عليه مو للمطبخ يابعدي

يعني وش بيكلفكم لكن الله المستعان

[cooool]

أنا لما كنت بالابتدائي حصلت ع جائزه وهي قدر كاتم وش كبره وش رايكم؟

[خيالة المذنب]

اقتباس المشاركة الأساسية كتبها نـ.ج.ـوٍم خيآلـــه .. حيآكَ .. يآقلبي شمعنىا بعض المدآرس تقدر تتحكم في الميزآنيه...! ثآني شيء المعلمه مآتفشل .. من ورحهآ تقدم شيء يفشل .. يعني اذا رآحت البنت لـ أهلهـــآ .. وش هديتكَ وصآرت الهديه غبيه . وسألوهـــآ وش أسم معلمتكم ..!!!!!!

لا بالعكس ليه تفشل..
المفروض تفرح.. المهم المعلمة ذكرتها وكافئت جهدها بهدية رمزية وصرفت مبلغ وقدره على طالباتها وهي مو ملزومة فيهم وتعلم أن المعلمة لو كان باستطاعتها لأهدت طالباتها أجمل الهدايا..

.
.
الملام الأول والأخير هي إدارة المدرسة صدقيني ..
بعض المديرات تقلل الميزانية المخصصة للهدايا وتستخسر أن تصرفها في هدايا للطالبات..والا الميزانية موجودة وتختلف باختلاف انتعاش مقصف وموارد المدرسة ..
كما أن الادراة العامة للتعليم تخصص لكل مدرسة وترسل لكل مديرة مبالغ خاصة للدعم والتشجيع للطالبات المتفوقات وكما قلت لك تستخسر المديرة صرفها في ذلك وتصرفها في احتفال تكسب به ودّ المشرفات التربويات أو تصرفه في تزيين المدرسة وما شابه..

طبعا لا ننس أن نشكر كل مديرة ومشرفة شجعت الطالبات وصرفت ماينبغي صرفه في وجهه وبذلت جهداً في اختيار الهدية وذلك لأهميتها خصوصا للطالبة المجدة المتفوقة

قبل أمس احدى قريباتي في المرحلة الثانوية كانت مكافأة تفوقها هدية من [ مكياجي] علبة مكياج على الرغم من أنها تعتبر رمزية الا اني اعتبرها اختيار موفق وهدية مرتبة محترمة وفعلا كانت تناسب سنها

واختي كذلك في المرحلة المتوسطة على أن مدرستها قديمة واتوقع ميزانيتها عادية الا ان المديرة حريصة على تكريم طالباتها كل نصف سنة هدايا المتفوقات من [ لايف ستايل] وعلى ذوق البنات في هذا السن وفعلا كانت تفرح فيها

مع التنبيه ان الطفل والابن حلو يعود انه يفرح بمن يكرمه ويهديه ويذكره لو كانت الهدية بسيطة

[هايين]

ههههههههههه
عاد الكاس ازين من هديه اولدي

معطينه قلم الي يسيل اذا استعملتيه
بنص ريال

المهم انهم انجحو
والحمد لله حنا نعطيهم

عاد اعيالي من انجحو
وهم هات ياشراء
ويمه هذي هديه النجاح

..

[كَـارِيـزْمَـا ©]

ههههههههههههههههههههههههههه
هههههههههههههههههههههههههههههههههه
اصبروا خلون أضحك شوي
ههههههههههههههههههههههههههه
ع الموضوع والردود ~~
أجل ذيك المعلمة تقول شريت لكن هدايا وضاعن بالبيت << اعنبوا هالبيت البيت الأبيض من كبره ولا شنوا
واللي تقول عطوها سكرية وتحتري العصر يجي عشان تسوي شاهي هههههه

نجوم ـــــ>>
هدية أختي بالإبتدائي مع انه متفوقة وجايبه الدرجات كاملة تدرين وشي؟؟!
هذولي البكلات اللي يجن ثنتين أو أربع بقرطاسه وحدة ,,, تحسبينه عطتن القرطاسة كله لا
جايتس وقاصتن كل بكلة بلحالة كل بنت له بكلة وحدة >> عرفتي كيف خخخ اللهم لا شماته


واصبري خل أقولك هدية أخت صديقتي
عاد أخته بالمتوسطة ليته بالإبتدائي يعني تستحين تقدمين له هدية غبية وما تسوى ْ~~
المهم أخت صقيقتي شاطرة والمعلمة تمدحه قايمتن قاعدة خلكم مثل هند ماشاء الله عليه شاطرة
وهند تستاهل الهدية وهند وهند ............الخ من المدح والمديح
وهي مواعدته بهدية ~~
إيــه شرحت هاكاليوم وقالت ياهند دوك هديتك
استانست البنية وراحت تاخذ هديته ~~~تدرين وشي ؟؟ غمضي عيونك شوي
مقلمة به قلم حبر سايل حبره ع المقلمة صايرتن المقلمة تقل لوحة رسام ومع القلم محاية روكو ممهونن جدفه منقرضة هههه
وبه آثار مسح (رصاصية مع الجوانب) ,,,,,,,,,,وبس هذي الهدية

ماصدقت صديقتي لين جابته تورين إياه وتحلف إنها هذي الهدية اللي اشغلته عنده المعلمة




إيـــــــــــــــــــه

>> أستغفر الله وأتوب إليه <<







~/

[وبيص مسك]

واااو لو يعطونن يوم انا بزر قلم كان يغمى علي من الفرحه

الله اقوى هداياهم منول تلفيع واهانات

الله لنا بس

[دلوعةafتفااااااحة]

ههههههههههه والله اهم شي انه هديه لو هي بنص ريال تلقينهم طايرين من الفرحه ...

[جُ ـنـﯛنَْ]

اقتباس المشاركة الأساسية كتبها نجديــــة ولهذا ياعزيزتي لا تهدينها حسناتك فأنتي عندما تتكلمين عنها تعطينها أعمالك الصالحة فكيف تكرهينها وتعطينها هدية عظيمة ! فعندما ترين مثل هذه النماذج من الناس رددي داخل نفسك / الحمدلله الذي عافني مما أبتلاهم به وفضلني على كثير ممن خلق تفضيلا بالتوفيق عزيزتي

مشكورهـ على التنبيهـ
لك خالص ودي والمتناني

[ألوان وتناتيف]

ترى المعلمة مهب ملزومة تطلع ريال من جيبة .. طيب وش تسوي إذا الإدرارة عطوه شوي لو أنا منه أجيب شي يواجه ولابدون أحسن ..

عموما حنا عمرنا ماإنتظرنا منهم شي لأننا نشتري هدايا النجاح قبل ماتطلع النتايج وأول مايرجعون من النتيجة نعطيهم الهديا وحفلة النجاح إذا طلعت نتيجة الكل .. بلى منة أحد ^^

[زهرة التفاؤل]

بدون زعل احس انكن شحادات <<<

المعلمه مو ملزومه تصرف فلوسها على بناتكن وخواتكن

الفصل كم طالبه فيه 30 طالبه تبن تجيب خواتم ذهب ل30 طالبه <<

مدرستي اللي اخذت بدل فيها حددت المديره لكل رائدة فصل 50 ريال قيمت الهدايا وان زادت فمن حسابهاا

والمعلمه ماهي بنك متنقل تلقين كل راتبهاا سلفيات وديون وحالتهاا حااله اخر الشهر حسابها صفر خاصه انا مقبلين على اجازه تكثر فيها المناسبات والسفرياات

يكفي شهادة شكر وتقدير للطالبه وكثر خيرهاا

بعض الطالبات وان كانت متفوقه تلقين لسانها طويل وماتحترم معلمتهاا هذي ما تستاهل ريال يصرف عليهاا
وانتم يا الأهاالي مو كلهم بعضكم حاطين بناتكم ملاك ولا يطلع الخطأ منهن وياويل المعلمه لو قالت فيهن شي لا وتشرهن ليش ماعطت بنتنا هديه من مكياجي والا من لايف ستايل والا هديه غاليه وتواجه <<



وجهة نظري اتمنى تقبلوهاا بصدر رحب ,,

[ج ــنتي غ ــايتي]

السلاام عليكم

حنا بالأبتدئي هدايانا كله شموع
وحفل تخرجنا قالو إدفعو120 المية للحفل والعشرين للدرع!
واللي ماتدفع عشرين مافيه درع
والي زاد الطين بلة بعض البنات دروعهن متكسرات
بس الحمدلله درعي مانكسر