[مخاوي الصمت]

اقتباس المشاركة الأساسية كتبها الــمِــقــدآم وش ديرته يآ حبيلك ترآي صعوبة تعلم

الله يشفيك ويعافيك

[إبراهيم الضبيعي]

^^
يا حبي للي يحشرونه بعد
اكمل اكمل

[مخاوي الصمت]

اقتباس المشاركة الأساسية كتبها إبراهــــــيم ^^ يعني رحت لموضوع قديم ابعدت عنا

وش يبي هذا بالضبط

[بدر بن عبدالله]

أبو غلا اللي يشوفك الحين يقول ذابحن لك بعير يوم إنك تبي تعصر الدم عليه الدخله كله نقطتين
دم وتيبس ، عموماً جواب جيد ، وسأتيك بالسؤال الثاني والثالث إن شاء الله

شكراً سحبيبي

[Bleeder]

أهلين أبو غلا
معليش ياخي خانن التعبير وكتبت كاس
ولكن خله بقاروره صحة <== افرض إن غطا قاروره الخل ضايع
ثانيا / يجبه = يحبه ،، برضه العجله خانتن
لكن مافكرت إنه خطأ إملائي

[GIVENCHY]

ابوغلا ..
هل عندك نيه تأخذ المره الثانية ولا لا ؟
<== رد لي بالخاص

[الـدعساوي]

وين طس له الرجآل

[xX DUNHILL xX]

^
^

يقرا الروايه اللي انت كاتب له ..,

xX DUNHILL xX

[الصباخ]

هههههههههههههههههههههههههه أبوغلا هنا .
هلا هلا بالحلوين، هلا بالزين كله .

بسم الله نبدأ وبه نستعين .
لو افترضنا إنك تمشي في طريق صحراوي (يعني مطيّنة) وراكب ددسن غمارة وباقي بالتانكي حق البنزين ربعه وكانت الساعة 11 الصبح وأقرب ديرة لك تبعد حوالي 400 كم، والطريق مهجور ونادراً ما يمر منه أحد وإن مر فإنه يمر كل أسبوع أو أسبوعين شخص واحد ويكون هالشخص من أهل البادية، المهم وأنت تمشي إلا ينفقع الكفر اللي قدام يمين، بعدين انفقع الكفر اللي ورى يسار بعدين أنشق الإديتر حق السيارة وبعده خبطت المكينة ووقفت السيارة همن بدت تحترق واحترقت كاملة، وأنت بهالحالة نزلت بسسسسسرعة وكان كل قشك بالسيارة وماقدرت تنزله للأسف، واحترقت السيارة بما فيها.
بديت تفكر وتفكر وتفكر وقلت مالك إلا تمشي بالمطينة إلى الديرة الجاية، لكن للأسف كنت نازل وأنت حافي ونعالك احترقن مع القش اللي احترق، وماعليك إلا قميص وسروال وفنيلة حتى الشماغ ما معك، اضطريت بما إنك تمشي بالقوايل إنك تفصخ القميص وتحطه على راسك علشان الشمس، وبديت تمشي ويوم مشيت حوالي ثمانين كيلو عطشت وبديت تحس بدوخه من الشمس والمشكلة مافيه أي ظل ولا أي بوادر حياة، وكله دقايق إلا تطيح مغشي عليك، ويروح اليوم كله وتصحى من بكرة الصبح بنفس الوقت، وللأسف ما لقيت القميص اللي على راسك، فاضطريت إنك تفصخ الفنيلة وتحطه على راسك علشان الشمس وبديت تمشي وتمشي ومشيت حوالي مية كيلو وبرضوا للأسف مالقيت أي حياة، ومن التعب والعطش والحرارة سقطت مغشي عليك، وقمت من بكرة وما لقيت الفنيلة اللي على راسك، وأنت مضطر إنك تغطي راسك علشان الشمس وعطشان وميت من العطش وظهرك احترق من الحرارة ورجلينك تقطعن من الحر والشوك، وش راح تتصرف بهالحالة؟؟

باين إني وهقتك إلى آخر شيء وما بقى معك بهالحياة إلا سروالك اللي عليك .

[مخاوي الصمت]

أهلا وسهلاً بالدعساوي

عموما شف مشاركاتك

اقتباس - ودخلت على أهلك , ولاهم يلحون السمبوسة والفلة

اقتباس - أنا لم اقل السمبوسة تلف أمام عينه , وانما قلت الحشوة

ياعمي طير أنت وسمبوساكم شكلكم تزينون على الجمر

اقتباس - بالنسبة لخروجه بدون النعال , فهذا دليل على شدة الحرآرة وصعوبة الموقف

يعني تبي تقنعن إن الواحد من شدة الحر يبي يمشي حافي
تستهبل أنت

- بالنسبة للشوكة وإختبارات الذكاء صدقني إنك جبتها بالمقاس
ههههههههههههههههههههههههههه أجل يضيع المشط منداخل الفلافل

- بالنسبة للمحفر اتفق معك

يعيش الدعساوي يعيش يعيش يعيش

[مخاوي الصمت]

اقتباس المشاركة الأساسية كتبها الــمِــقــدآم إبرآهيم / الصرآحة من زمآن وأنآ حآقد على هالثقة العميآء اللي به

أي ثقة ؟

[مخاوي الصمت]

اقتباس المشاركة الأساسية كتبها الـدعساوي طيب مآعلينا , ولا تقعد تتفلس ثغرآت مآثغرآت انا أعطيك الموآقف , وابي ردة فعلك , وكيفيت خلاصك من هالموقف , والموآقف اللي بعطيك إيآه وآقعية وبالامكان ان تحصل , لكن اريد المخرج النموذجي لتك الموآقف بسم الله : أنت شخص بلاك الله بالصيد , وفي يوم من الأيام وأيضا برمضان وايضا في يوم حر شديد , دق عليك وآحد من الشبآب المقآريد , قال يآبوغلا وش عندك هالحين , قلت أنت , أنا والله إني بي نووووم , ولا اشوف الأرض , وأيضا الجوع والعطش لعبي لعب , قآال أقولك أدحر الشيطآن , قوه معي نبي نآصل منقع مآء نبي نصيد به , أنت رقت لهآتك , وجآز لك الوقع , ومبآشرة وآفقت على هذا العرض المغري بحكم إنك رآكب , يوم جت وقت المشية , قال يآبوغلا ترى نبي نروح على سيارك , موتري خربآن , قلت مآبه فآيدة , المهم مريته ببتهم اللي بقريح , المهم , وانت بنص الطريق , فجأة أنقطع سير المكيف , سيورك لك عليهن , لاوالله البلشة اللي بلشتوا به , بعز الظهر وبدون مكيف , المهم تحملتوا وكملتوا الطريق درآيش , المهم , منقع المآء له طريقين , طريق طويل جدا لكنه شآرع مزفلت وشوية مطينة , وطريق مختصر لكنه نفود , اتفقتوا على انكم تدخلون مع النفود , بحكم ان الوقت مآيسعف , وقفتوا قبل المدخل , ونسمتوا كفرآت الهآيلكس , ووآصلتوا الطريق بعد جهد وعنآء وثلآث تغريزآت , العطش في هذه اللحظة وصل لحد الثمآلة , وصلتوا لمنقع المآء , طلعتوا البوآريد , أم صتمة والثآنية أم خمس , أنت السوآق شفت لك فرق طيور مآء , أسرعت بتجآه الطيور , يميمن ويسآر ويمين ويسآر , وخويك مطلع أم خمس , يبي يرمي الفرق , الأولى مآصآبت والثآنية صآبت ثنتين , ويوم رمى خويك الثآابة وإذبكم بوسط الطين وعلى جآال منقع المآء , الموتر علق بالطين الى الدفرنس , يعين مآفيه امل تطلعون , دقيتوا على كم وآحد من خويآكم , لكن للأسف الجولآت مقفلات , المهم جمعتوا طيوركم اللي صدتوا وحطيتوهن بالصندوق , وجاء الآن تفكير كيف تطلعون السيآرة , الشآرع يبعد عنكم كيلو او اكثر بقليل , لكن صعبة تطلعون لانكم تآفلين العآفية من الحر , دورتوا لكم شجرة حولكم وقعدتوا به , جآء خويك يبي يدق على الدفآع المدني , لانه الحل الوحيد بهذه الحآالة , وهو يدق , على طووووول , ركضت لم خويك , وقلت له قفل السمآعة بسسسسرعة , وخذ ام خمس ورح بعيد عن , والسبب مرت دوريآت وشآفتكم وهدت , قلت اكيد انه لكم , المهم خويك المطفوق , هذا أخذ ام خمس ورآح بعيد بحكم أن السلآح مآله ترخيص , حطيت انت ام صتمة بالموتر , المهم دقيقتين ووصلت الدوريآت لمك , على طول قآال لك اثبآتك , طلعت أنت الاثبآت وعطيته إيآوه , وقآل وش جآبك هنا , المهم لقيت له انت صرفة ومشت عليه , يعني مآعلمته انك جآين تصيد , والاتفآق انك لوحدك , المهم حآول يطلعك الرجآال , لكن مآقدر , وهو يربط الوآير , شآف بالصندوق طيور , هنا اكتشفت الكذبة الأولى إنك جآي تصيد , حآولت تفلت من الموقف لكن دون جدوى , وصرفته انت ان الطيو هذي صآيدهن بأم صمته وأم صتمة به تصريح , مشت الأمور , وأنتم جآالسين تطلعون الموتر والتعب لعبك لعب الموت تشوفه قدآمك , وفجأة تسمعون صوت رمي , دب دب دب <-- صوت رمي , قال الشرطي الرمي هذا من وين أنت , حآولت تصرفه , لكن هو مصر , لانه وآصل بلاغ بخصوص الرمي , والمنطقة لايسمح بها الصيد , يمين ويسآر وتبي ترقع , لكن الشرطي أصر إنه يسحب عليك , ويروح وويشوف وش السآالفة , فعلا سحب عليك وطآر لمصدر الرمي , واذ به يشوف خويك يلآحق فرق طيور<-- طفآقة رآعين الصيد , تم القبض عليه , وخويك مآزال على اتفآقيته انكم كأنكم مآتتعارفون , الآن الوقت حول المغرب , وانت ترى الموت امام عينك , وبعد نصف سآعة من ذهاب الشرطي لخويك , قررت تروح تشوف وش السآلفة يوم وصلت واذا الدنيا خلي , مسك خويك , وودوه لم القسم , رجعت لم السيآرة تبي تطلع الجوآل علسآن تدق على خويك , ويم وصلت ودور المفتآح وتدور المفتآح , واثر المفتآح معطيه خويك وخيك قفل الموتر , على طول كسرت المثلث , ويم فتحت الموتر , واخذت الجوآل , واذا بعنصر المفآجأة الجوآال انتهى شحنه , ولا يوجد شحن بالسيآرة <-- وش موته بهذه الحآلة - أنت صآئم , والآذان مآبقي عليه شيء , من اين لك الأكل والشرب - أكيد تقول بروح للشآرع لكن الشآرع هذا خلي السيآرة تمر كل سآعتين لانه طريق غير رئيسي - السيارة مابه لاماء ولاحاجة - المآء القريب منك , مآء المصلحة غير نظيف وش موقفك في هذه الحآالة , جآوب من دون فلسفة

أولاً / تحية إجلال وإحترام لهذا العسكري الذي قام بتأمين الحواري والأحياء من السرقات والتفحيط والدوران أجل عسكري رايح للبر بمكان ما يمره إلا سيارة كل ساعتين

صورة مع التحية لمدير الدوريات في مدينة الصحراء

عموماً ودي أدري كيف تقول أني قاعد بالسيارة وأم صتمة معي والعسكري أخذ إثباتي وحاور يجر السيارة بالواير ثم بعدها تقول أن العسكري راح لمكان الرمي وأخذوا خويي للمركز والمفاتيح مع خويي
حاولت أجيبه من هنا ومن هنا عجزت خصوصاً أن السيارة متعلقة يعني المكيف يبي يرفع حرارة السيارة ومهب مبرد اصلاً يعني الدرايش مفتوحات فكيف مدري

ومع هذا لنفرض جدلاً إن هالشي صار إذا أذن أفطر بجغمة من ماء مسحات السيارة
واروح للشارع وأحتري سيارة والحمدلله على كل حال

من رايي تطلع كتاب وتطبعه وتكتب اكثر الكتب مبيعاً

[مخاوي الصمت]

اقتباس المشاركة الأساسية كتبها إبراهــــــيم ^^ وش العذاب هذا

عادي يا حبيلك

[مخاوي الصمت]

اقتباس المشاركة الأساسية كتبها الــمِــقــدآم ^ إيه إيه كمل مآبه جزء ثآآني

الخير واحد يا بعدي

وإحتمال ينافس مكتبة جرير بالمطبوعات