[litk t7s]

.







الحين البنت يوم تولد مكتوب على جبهتها خدامه مجانيه ؟

وش سالفتكم كل يوم حاطين موضوع بوه علثه يومن راقبوهن ويومن لايروحن لصديقاتهن ويومن اكرفوهن والحين وشوله شغاله

ان ماترفهت ببيت اهله ودلعوه من بيدلعه واذا عيالهم كثارين تبدا البنت تلاحقهم بالترتيب
قسسسم ببيتي مابوه شغاله بس اسمحو لي تفكيركم همجي واذا طق بابهم ذيك الساعه وجت بتعرس بشهر تقدر تتعلم كل شين

ولاحقه على الشقا والمسئوليه والكرف اذا اعرست
وبعدين صادقه لحن الخلود بعض الرجال ينافخون على اخياتهم ولااعرسو شف وش يصير ناس متعجرفه

مشكله ماينزل هالمواضيع الا الشباب العزوبيه : يوم انكم تبون تكرفون خواتكم وانتم وش حضرتكم

كل ماقلنا شي قلتو حنى يالشباب نقضي حاجاتكم وش الحاجات ياحلالي تشششش
يعني خبز من البقاله ! تقضون حوايجنا طلعتو ... وتودات السوق مره بالشهر طلعت حوايج
تطلعون وتستانسون والحين وقت بران وطلعات وتخييم وتدخلون وتجون هنا تتشرطون سلااااااااامات

اسمحو لي على هالاسلوب بس مواضيكم مدري وش تبي من الحياه
الناس حروب ومشاكل وذولا شغالات وبلاك بيري وطلعات الله يعظم اجر البنات الي متحملين مواضيعكم

اتمنى ترتقون بمواضيعكم..





.

[ساعي نحو الهدف]

مرحبا أخي


من حق البنت أن تطلب شغاله إذا هي تدرس أو موظفة وتتعب فكيف بتعمل بالبيت

وهي ياخي لها حق بالراحة يكفي إن بعضهن ترتب البيت وتدرس أخوانه
وكل واحد بالبيت يطالبه بشيء

بصراحة الله يعينهن


يعني إذا البيت صغير ومرتب فمايحتاج بس المشكله بعض البيوت كبير

والعيال كثارين والابو كثيره عزايمه فضروري الشغالة

ثنكيو فري ماتش

[بسكاتي اذلكـ]

.. يعني بالله بيت اهلي أنآآآ مثلي مثل اي فرد بالعائله اذا الولد بيشتغل مثلي << ماعندي مانع
أمــا يجيك هالولد يــدوج ويرجع للبيت متى ماملّ << وين العشاء ؟ خير ان شاء الله شغاله عند ابوه انآ !!
والله بصراحه شــي يغث جيبولي بس دليل يقول انو البنت واجب عليه تكـرف بهالبيت !!

اذا بسوي شي فـ ( ابوي وامي ) هم اللي واجب اخدمهم غيره لااا مصيري متزوجه وبنكرف فـ بيتي ..

[الكونتيسه]

قلتي في كلامك(فالحين بالطلعات والتفحيط والدشوش والنت واللعب ببنات الله) الطلعات انتم بعد تطلعون التفحيط بعض الشباب مو كلهم الدشوش حتى البنات يتابعن دشوش النت حتى البنات يستخدمن النت الدليل انتي اللعب ببنات خلق الله ماعتقد شاب يبي يقرب فتاة هي مارضت(يعني السبب انتم)
اختي كيف تبيننا نساعد اهلنا وانتي بالاساس ماساعدتي اهلك وتجافعين عن بناتجنسك
اعتقد لو بدال الرد هذا رتي تساعدين امك كان الحين كسبتي آجر شكرا لك

تقارن طلعاتنا بطلعاتكم حنا نطلع ايه بس مومثلكم اوبع وعشرين ساعه طالعين انا عن نفسي مااطلع الا نهاية الأسبوع وبعدين على قولتك انه حتى البنات يتابعن الدشوش ويدخلن نت انا معك بس عالأقل اخدم نفسي مو مثلكم جيبيلي مويه وين العشاء اكوي لي ثووبي ومدري اييش وش حضراتكم انشاالله شغاله عندكم انا الواجب علي اساعد امي وابوي بس
وبعدين على اي اساس تحكم على اني ماساعد امي الحمدلله ربي شاهد علي مو مضطره اني احلف واقسم وابررر لك
وشكرا

[نجود]

طيب ولي خواته متزوجات مافي بالبيت الا هي اوامه وابوه واخوانه والبيت كبير ماتقدر عليه الوحده هي تكنس ولا تغسل ولا تطبخ ماتقدر على ذا كل تنظيف البيت مو سهل

[$خارق الجبال$]

اقتباس المشاركة الأساسية كتبها litk t7s . الحين البنت يوم تولد مكتوب على جبهتها خدامه مجانيه ؟ وش سالفتكم كل يوم حاطين موضوع بوه علثه يومن راقبوهن ويومن لايروحن لصديقاتهن ويومن اكرفوهن والحين وشوله شغاله ان ماترفهت ببيت اهله ودلعوه من بيدلعه واذا عيالهم كثارين تبدا البنت تلاحقهم بالترتيب قسسسم ببيتي مابوه شغاله بس اسمحو لي تفكيركم همجي واذا طق بابهم ذيك الساعه وجت بتعرس بشهر تقدر تتعلم كل شين ولاحقه على الشقا والمسئوليه والكرف اذا اعرست وبعدين صادقه لحن الخلود بعض الرجال ينافخون على اخياتهم ولااعرسو شف وش يصير ناس متعجرفه مشكله ماينزل هالمواضيع الا الشباب العزوبيه : يوم انكم تبون تكرفون خواتكم وانتم وش حضرتكم كل ماقلنا شي قلتو حنى يالشباب نقضي حاجاتكم وش الحاجات ياحلالي تشششش يعني خبز من البقاله ! تقضون حوايجنا طلعتو ... وتودات السوق مره بالشهر طلعت حوايج تطلعون وتستانسون والحين وقت بران وطلعات وتخييم وتدخلون وتجون هنا تتشرطون سلااااااااامات اسمحو لي على هالاسلوب بس مواضيكم مدري وش تبي من الحياه الناس حروب ومشاكل وذولا شغالات وبلاك بيري وطلعات الله يعظم اجر البنات الي متحملين مواضيعكم اتمنى ترتقون بمواضيعكم.. .

اختي انتي بقولك(وش سالفتكم كل يوم حاطين موضوع بوه علثه يومن راقبوهن ويومن لايروحن لصديقاتهن ويومن اكرفوهن والحين وشوله شغاله) يعني كان الشباب رائيهم واحد وكان الشباب تفكيرهم واحد يعني اللي كتب موضوع (راقبوهن) و (لايروحن صديقاتهن) شخص آخر او اشخاص آخرين وانتي رديتي وكان راي الشاب واحد او كان الشباب هذا تفكيرهم (اتمنى ماتخلطين الحابل بالنابل ) اما موضوعي يبدو لي انك ماقريتي موضوعي او قريتيه على عجله
لاني في آخرين سطرين قلت (لولا مشاكل الشغالات ماقلت الكلام هذا) يعني المسالة مو حقد المسالة قناعة داخليه ان الشغالات بهن مشاكل مايعلمهن الا الله يعني انا يعلم الله اني خايف على المسلمين لان كل المسلمين واحد يعني ماقلت لاتلبسون ملابس زينه او لاتكثرون الطلعات
يعني قلت الشي هذا لانه به مضره بغض النظر عن منفعته لان مضرته اذا وقعت افسدت كل منفعته وهذي بحد ذاته مشكله
اتمنى اختي الكريمة انك ماتدرين علي كان انا اللي كتبت المواضيع اللي ذكرتي

شكرا لك

اقتباس المشاركة الأساسية كتبها ساعي نحو الهدف مرحبا أخي من حق البنت أن تطلب شغاله إذا هي تدرس أو موظفة وتتعب فكيف بتعمل بالبيت وهي ياخي لها حق بالراحة يكفي إن بعضهن ترتب البيت وتدرس أخوانه وكل واحد بالبيت يطالبه بشيء بصراحة الله يعينهن يعني إذا البيت صغير ومرتب فمايحتاج بس المشكله بعض البيوت كبير والعيال كثارين والابو كثيره عزايمه فضروري الشغالة ثنكيو فري ماتش

شكرا لك

اقتباس المشاركة الأساسية كتبها بسكاتي اذلكـ .. يعني بالله بيت اهلي أنآآآ مثلي مثل اي فرد بالعائله اذا الولد بيشتغل مثلي << ماعندي مانع أمــا يجيك هالولد يــدوج ويرجع للبيت متى ماملّ << وين العشاء ؟ خير ان شاء الله شغاله عند ابوه انآ !! والله بصراحه شــي يغث جيبولي بس دليل يقول انو البنت واجب عليه تكـرف بهالبيت !! اذا بسوي شي فـ ( ابوي وامي ) هم اللي واجب اخدمهم غيره لااا مصيري متزوجه وبنكرف فـ بيتي ..

ردك غريب وغريب جدا لانك تقولين(الولد يرجع ويقول وين العشاء ؟؟ شغاله عند ابوه انا) مادري من تقدصين ان كان اخوك فاكيد انك شغاله عند ابوه

اقتباس المشاركة الأساسية كتبها الكونتيسه قلتي في كلامك(فالحين بالطلعات والتفحيط والدشوش والنت واللعب ببنات الله) الطلعات انتم بعد تطلعون التفحيط بعض الشباب مو كلهم الدشوش حتى البنات يتابعن دشوش النت حتى البنات يستخدمن النت الدليل انتي اللعب ببنات خلق الله ماعتقد شاب يبي يقرب فتاة هي مارضت(يعني السبب انتم) اختي كيف تبيننا نساعد اهلنا وانتي بالاساس ماساعدتي اهلك وتجافعين عن بناتجنسك اعتقد لو بدال الرد هذا رتي تساعدين امك كان الحين كسبتي آجر شكرا لك تقارن طلعاتنا بطلعاتكم حنا نطلع ايه بس مومثلكم اوبع وعشرين ساعه طالعين انا عن نفسي مااطلع الا نهاية الأسبوع وبعدين على قولتك انه حتى البنات يتابعن الدشوش ويدخلن نت انا معك بس عالأقل اخدم نفسي مو مثلكم جيبيلي مويه وين العشاء اكوي لي ثووبي ومدري اييش وش حضراتكم انشاالله شغاله عندكم انا الواجب علي اساعد امي وابوي بس وبعدين على اي اساس تحكم على اني ماساعد امي الحمدلله ربي شاهد علي مو مضطره اني احلف واقسم وابررر لك وشكرا

اختي انتي حكمتي علي اني ماخدم نفسي ولا اساعد اهلي وانا قسم بالله اساعد اهلي(ماكان ودي احلف بس الشكوى لله) وانا حكمت عليك انك ماتساعدين اهلك فسامحين واسامحك
جزاك الله خير واشكر لك حسن اسلوبك

[noof]

ا انا بصراحه عجبني موضوعك لكن اشوف انك

انتا جبت الموضوع من المشاكل الي يسون الشغالات وماجبتها من انو البنت ليش تقعد فاضيه وماتشتغل لكن انا

اشوف بعض الي قروا موضوعك فهموا بالشقلوب(الله يخلف على العقول) ومافهموا نو قصدك عن مشاكلهن

وسحرهن وبلويهن الي ماتخلص ولو نقعد نعدد مشاكلهن مانخلص و ولا السنه الجايه فلو تعاونا وقسمنا والله ماراح نحتاجهم ابد

شكرا على موضوعك الهدف وتقبل مروري noof

[الكونتيسه]

ياليت كل الشباب يساعدوون اهلهم واخوواتهم عشان محد يجيب خدامه
انا عن نفسي ماعندي مشكله لو اكرف ببيتنا بس اخووي يساعدني اما اني بكرف لحالي نوووو
مثله مثلي وكل واحد يرتب اغراضه

[طفلتك شــابت]

اقتباس المشاركة الأساسية كتبها اصعب حب للاسف حبيبتي اخوك مو رجال اللي مره تغيره خارق الجبال شكراً على موضوعك الرائع لكن لي تعليق على بعض الردود الاتي لفتت انتباهي فاعن من تتكلم عن عدم معاونه الاخوه بأشغال البيت والرجال عامه عن عدم ترتيبهم وغسل ملابسهم انا عن نفسي لو اشوف اخواني يغسلون ملابسهم اويرتبون غرفهم (على انه الحمد لله ماصارت)بس اقولك لو تصير بأنفيهم عن الشي هذا يبقى ان الرجل له قيمته واحترامه انا اصلاً ماادري وشلون قلتيه غريبه اللي مااستحيتي اما عن من تطرقت لوجود خادمه في البيت وانها تستطيع معرفه الشغل والطبخ في حياتها الزوجيه عذراً لكي فأنك لاتقارنين بمن عاشت حياتها بدون خادمه وانا استغرب لوجود خادمه في منزلا لايوجد به مريض ولا كبير في السن اقولك صدق اني اذا رتبت البيت بأتعب لكن اموت ولايصير ببيتنا شغاله وكل من كان تحت يديه خادمه وتلازمها نفس المكان بأنه مستريح الاعضاء ولكن غير مستريح القلب اياً كانت جنسية الخادمه شكراً لكم جميعاً

للأسف يآقلبي.....وش هالتفكير لك ....

الرسول صلى الله عليه وسلم كان يساعد أهلة وكان في خدمة أهله

أشرف البشر بأبي وأمي صلى الله عليه وسلم.....

مافيها شي إذا إتبعوو سنة الرسول صلى الله عليه وسلم وإلا بس جيدين

بالتعدد وتطويل الشعرمآيآخذون الا اللي على هوآهم ومبتغاهم

[دنيا الغلا..]

والله لااااازم نجيب شغاااله عالنت والا في الدرااااااااااااااااسة ماحب الشغل بس مو كل شي عليهااا انا اشتغل بس موكثيييييييييييييير................وبععدين اذا كااانت بنت وحدة في البيت بس مااامعاها اخوات اكبر منهااا..
اجل تشتغل لوحدهاااااااااا..................لاازم لاازم

[طفلتك شــابت]

اقتباس المشاركة الأساسية كتبها أنثى أستثنائيه والله أني يوم كنـــت ببيت أهلي وأنا كـــد ومــد لاشغاله ولاشي... ومع ذالك ألقى وقت للنوم وللنت وللمدرسه >>>كل شي بوقته.... ويوم تزوجت بعد أنوآآع الكرف والشغل والطبخ ووووو... والحمد لله مـــآآآضرن ولاهم يحزنوون...< باالعكس اللي تتعود على الشغل تدآآآآآوم عليه....>>

متأكده إنتس بنت؟؟

ومن أي عصر تكفين لأن أمي مثلتس خخخخخ قسم بالله

وكل بيت له ظروفة اللي تحكمة يمكنكم ببيتكم متعاونين ومتفهمين ماشاء الله

وماعليكم داخل وطالع

[دلـــــع]

والله حــــــــــــــــآله مابقى الا تمرون على كل بيت وتوزعون الشغل موب احسن ..

لا بالله ماخليتو شي كل ذي لقافه ..!


طيب بنات وكثار اوكي مالكم شغل اهلهم ويدلعونهم مثل مايبغون

وبعدين لاحقات على الكرف ببيوت رجالهن خلوهن يستانسن ولا بس الوناسه لكم بس !!!!!!

ليه انتم فاهمين ان البنت لازم تقعد بالبيت وتكرف وماله كلمه وووو الخ ...

هو !! مهيب انسآآآنه وتحس مثل ما انت تحس .؟!

ولا انتم مهنتكم الدوجـآن بالشوارع والكوفي والإستراحات و السفرات وووو ..

حتى الحين بعض الناس جآيبه سواويق ليه ماتقول الى هالدرجه وصل بعيالنا الدلع .....!

الواحد لاقالوا اهله نبي غرض قال انا مشغوول << وش عندك عاد يالوزير ماغير مقابل خوياو

طيب اقل واجب تسويه رتب غرفتك وغسل ملابسك ولا تحوس << اما الغرفه ماتقعد ييوم الا وهي رأس على عقب ...!!!!!!!!!!

ويجي من باتسر رتبو غرفتي حشى والله لو انك مسوي حرب بالغرفه ماصارت مثل كذا !!!

ترا ذي مو فلاحه ذي قذاره



استغفر الله ..................

[ماعلينا من الناس]

اقتباس المشاركة الأساسية كتبها طفلة صغيرة بصراحة السواق قليل جدا مقارنه بالشغالات وليته على شغاله وحده احيانا تنتين والبنات نوم ونت وسوق وتليفون بس الله يصلح الحال وليت الشغالات سالمين الناس من شرهم سحر وقتل وبلاوي الله يكفينا الشر

وش ذا المثاليه ياشيخه

كح كح ياناس الناس وصلو للقمر وهذولا يقولون وشوله شغاله
وبنات نت وتلفون وسوق ...

اموووت بالهيااط ماشااءالله سنع سنع

[نالا]

اقتباس المشاركة الأساسية كتبها اصعب حب لكن لي تعليق على بعض الردود الاتي لفتت انتباهي فاعن من تتكلم عن عدم معاونه الاخوه بأشغال البيت والرجال عامه عن عدم ترتيبهم وغسل ملابسهم انا عن نفسي لو اشوف اخواني يغسلون ملابسهم اويرتبون غرفهم (على انه الحمد لله ماصارت)بس اقولك لو تصير بأنفيهم عن الشي هذا يبقى ان الرجل له قيمته واحترامه انا اصلاً ماادري وشلون قلتيه غريبه اللي مااستحيتي

اختي الكريمة لعلي اسألك سؤالا
ايهم افضل الرجل ام المرأة بنظرك؟؟؟؟؟ والسبب؟