[حكاية اليمة]

اقتباس المشاركة الأساسية كتبها امـــيره بكلمتي الله يشفيه ويعافيه واكيد اذا كان مايتروش ويكلم نفسه في الحمام اكيد يحتاج رقيه يمكن تعرض لضغوط نفسيه والا تعرض لضرب ماتدرون خصوصا انه اول حياته ماشفتو عليه شئ انتم اذهبو به الى شيخ يرقيه واذا ماشفتو منه تحسن اذهبو به الى طبيب نفسى بس اول شئ الرقيه الشرعيه لانه احتمال يكون عنده مس اوسحر اسال الله العظيم رب العرش العظيم ان يشفيه ويعافيه وترى عندى رقم شخص موثوق يرقيه او يدلك على علاج نفسي كثير من استفاد منه اذا تريده ارسلي على الخاص

ضغوط نفسيه مادري لكن شي طبيعي ان ولدك مايذاكر او يهرب من المدرسه
مانت مصفقله وقايلله ممتاز وكفو الا بتطقه وتلعن خيره

[حكاية اليمة]

اقتباس المشاركة الأساسية كتبها فيري لو سمحت اخوي شنو مليت منه؟ لعبه هو؟ الولد فيه حاله نفسيه .. لازم يتعالج مو تتركه الاشياء اللي تشوفها من انسان مريض نفسي .. بسالك وديته دكتور نفسي وجلسات علاج والا بس قاعد تطق فيه وتطرد فيه؟ لازم تتحمله هذا ولدك شنو مليت منه؟

اشكرك اخوي بس تكفى لاتعصب والله ماعاد فيني حيل اكثر من كذا
لابالله موديه دكتور نفسي
بس شكلك ماقريت موضوعي زين الله يهديك

[ديـالا]

اقتباس المشاركة الأساسية كتبها عطشــانة دم ! الله يقر عينك فيه ويهديه اتوقع من شده حرصكم تعاملونه معامله سيئة وتجعلونه مايتحمل مسوليه نفسه قبل المسؤلية عموماً لانكم تعاملونه كالطفل تماماً ولا تعطونه حريه يعني وشفيها اذا غنى بالحمام واذا طول بتغسيل يديه وبعدين كبير هو على انكم تأمرونه بالنظافة وتفريش اسنانه ومن ناحيه صلاته بدون وضوء تظاهر بأنك مصدقه لانه بنظرك اكبر من كذا واظهر له انك فخور به وتثق به تماماً بذلك سيحرص على ان يكون كذلك اجعل له حريه اتركه ليتعلم من اخطائه و يبحث عن الحلول بنفسه لا تمشي معه كظلاله وكأنه طفل تخاف عليه من السقوط قم بتوجيهه بالمعقول واجعله يسقط وينهض بنفسه..

اتمنى تقراة الرد هذا صح ..

الله يشفية ويقر عينك فية يارب

بس
انتم معاملتكم معة كانة بزرر اعذروون و احس من موضوعوعك تبينة مثااالي خيالي فهو يحس انة مضغوط و يجاوبكم بالعصيان والا مبالاة حاطين بالكم ع كل شي
وش تحاسبونة ع نضافة والا تفريش اسنان ؟؟
اذا كنت ياصاحب الموضوع امراة فاتوقع انة مافية مس لان الحريم وانا معكم ما يفكرن الا بالعين والمس
واما اذا كنت رجل فودة لشيخ وارتاااح
تغافلوا عنة و خلوة هو يتحمل مسولية نفسة
وازيد اذا مانفع روحوا يادكتورنفسي ولا يقرا علية على اني اتوقع مايحتاج بس لو تعدلون
المعاملة معة..
اسفة قسيت شوي بس تفاعلت معكم ... الله يقر عيونكم فية دنيا واخرة يارب

[سفيرة السلام]

اللهم رب الناس أذهب البأس اشفه أنت الشافي شفاء لايغادره سقما

لاتشره على ولدك أو تحمق عليه تراه مهوب بعقله أبد
لاتشد عليه ترى الشده ماتجيب نتيجه بس تتعبك أنت

جرب توديه للرسيني بالمريدسية يمكن يعطيك صباخه
وإن مانفع وده للصمعاني بالرياض
ويمدحون دكتور المخ والأعصاب بمستشفى التخصصي واحد قريب من حالة ولدك شفاه الله على يد هذا الدكتور

الله يعجل بشفائه ويقر عينك بصلاحه عاجلا غير آجل ,,

[خوي آلوحيد.]

دعوة الوالدين مستجابه .. ادعوله بالشفاء ....
اللهم اشفى مرضنا ومرضى المسلمين

[فيري]

اقتباس المشاركة الأساسية كتبها حكاية اليمة اشكرك اخوي بس تكفى لاتعصب والله ماعاد فيني حيل اكثر من كذا لابالله موديه دكتور نفسي بس شكلك ماقريت موضوعي زين الله يهديك

شلون ماعاد فيك حيل الله يهديك ... الولد مريض يعني المفروض الحين ماتعصب عليه ابد

بالعكس لازم تشفق عليه وعلى الحاله اللي هو فيها ... هو مش طبيعي عشان تعامله كذا

طيب استمريت معاه والا وديته مره وحده بس؟ والدكتور اللي وديته له شاطر؟

[أبو رُبـــــى]

اسال الله أن يشفيه ..

أخي .. عليك بالرقية الشرعية فقط لا غير ..

ولا تمل بل داوم عليها وبإذن الله ستجدي ولكن لابد لها من شروط ..
وهي أن تثق تمام الثقة بأن الله سيشفيه بالقرآن ..
وإلا لا تتعب نفسك بالذهاب للراقي .. !

أما عن المستشفيات النفسية فأنصحك بعدم الذهاب إليها ..

فكم من شخص ضاع بسببها فهي ليست بذاك المستوى الملطوب .

حفظكم الله .

[تمر القصيم]

الرسول صلى الله عليه وسلم من اصبر الناس
اصبري وصابري ورابطي وكوني مثل رسول الله
صلى الله عليه وسلم

[نايف123]

الله يشفيه وأن شاءالله لايبلانا بأبناينا والافضل أن يكون عند الذين يراعون المرضى النفسانيين
مدة اشهر اوسنة لكي يورح العائلة

[البكاء الصامت]

الحمد لله الذي لايحمد على مكروه سواة
ابشرك ان مرض ابنك سهل ولا تحتاج كل الي انت فيه من ضيق
كان ابن لأحد اقاربي مثل حالة ولدك وكان مايجلس الى بمكان مضلم
ومع العلأج والرقيى والمعامله الحسنه رجع طبيعي

[عبدالله سليمان]

الله يكتب له الشفاء العاجل وجميع مرضى المسلمين

قلوبنا معك يا اخي ومعه ولن ننساكم من الدعاء

[زين الثائر]

من شرحك للمشكلة ... هذا مرض نفسي ولاشك في هذا ( اعتقد بانه فصام .. فالاعراض اعراض فصام اقرأي عنه ! فهو يعيش في خيالات وعالم منفصل تماماً عن عالمنا ) ... سوء التعامل مع الحالة قادة لهذه المرحلة .... لكن لكل شيء علاج ..
احجزي موعد لدى الدكتور عبد الحميد اليحيى في مستشفى الحبيب عند مقابلة الدكتور اشرحي له الحالة واطلبي ان تكون بقية الجلسات في التخصصي كونه يداوم صباحاً هناك .
الدكتور ممتاز وسيحدد العلة بإذن الله

[راجية رضوان ربي]

ترى حالت ولدك سهله بإذن الله ..

ولا تتضايق ولا تشيل هم ...
اسئل الله العظيـــــــــم ان يحملك الصبر ...
وان يشفي ولدك عاجل غير آجل ...

مع انتي اتوقعه مراهقه شديده ...
كثير يجيهم كذا ..

لاتضيق صدرك تجيك الأمــــــــــرآض والمشكله جدا بسيطه ...

لن ننساه من دعوآتنا ...

[حكاية اليمة]

اقتباس المشاركة الأساسية كتبها سفيرة السلام اللهم رب الناس أذهب البأس اشفه أنت الشافي شفاء لايغادره سقما لاتشره على ولدك أو تحمق عليه تراه مهوب بعقله أبد لاتشد عليه ترى الشده ماتجيب نتيجه بس تتعبك أنت جرب توديه للرسيني بالمريدسية يمكن يعطيك صباخه وإن مانفع وده للصمعاني بالرياض ويمدحون دكتور المخ والأعصاب بمستشفى التخصصي واحد قريب من حالة ولدك شفاه الله على يد هذا الدكتور الله يعجل بشفائه ويقر عينك بصلاحه عاجلا غير آجل ,,

مشكوور الله يجزاك خيرر على الدعوة الطيبه
بس وين مكان الرسيني بظبط