[عبدالله الرقيعي]

كل واحد ياخذ له وحدة ويبلع العافية بسس
ويعيشة عيشة اوادم ويستر عليه وتستر عليه
عندك شباب ماتزوجه ولا عنز وشلون يعول مرتين او ثلاث
عندك شباب متزوج وعنده مره تنحط على الجرح ويبرى وتلقاهـ يغازل ويسافر ويلف ويدور وهو مافرك الارض مامداهـ له سنتين او ثلاث
وياويله تقول اففف
بنك التلسليف خله يعطي الي بياخذ الاولى بستررر
ولا الي يبي الثانية يدبر عمره ومن بغا الدح ماقال اح
تحياتي للجميع

[ونـاسه]

اقتباس المشاركة الأساسية كتبها ...flbynoo... .. طيب وراك جااي طاير واذا طموحي اخذ اردني ولا مغربي مو هم رجال وينشد فيهم الظهر واذا اخذته بيصير عزوتي وسندي بالحياة الاهم انه رجل ذو اخلاق ومتدين وعممر الجنسيه ماكانت عيب ..

عآد انتي ناشدتن عن الدين والخُلق..

من قلتي اردني والا مغربي وضح وش تبين..

يقضي الهرج انتي بس يقالك تبين تغثيننا ..ويبدو انك انتي اللي منغثّه ..

وفيه مثل ينطبق عليك قوووه ..

[...flbynoo...]

.

لأن تفكيرك سطحي
ماراح اجاريك بالكلام وارد عليك
ولآتدخل بالنيه

.

[ونـاسه]

اقتباس المشاركة الأساسية كتبها ...flbynoo... . لأن تفكيرك سطحي ماراح اجاريك بالكلام وارد عليك ولآتدخل بالنيه .

يابنت الاجواد انا ماافكر باللي فهمتيه ..

انا كان قصدي تبين رجل اي كلام .. اهم شي ماتزوجين سعودي..

وانتي اللحين بعقلك والا بس تبين اتضيقين صدري ..
فعلا لو يطلبك مغربي والا اردني بذمتك بتوافقين ؟؟

معليش انا مااقصد الاساءة

[ترنجه]

جوابي مطول شوي

أنتم ليه دائما حاطين الطلاق مشكلة مالها حل؟
وتعدون العدد لحلها والقضاء عليها

صحيح انكم مشكورين على جهودكم ولكن لي وجهة نظر بما إني مطلقه بلا فخر :

الطلاق مايعني نقص بالبنت وأغلب البنات تكون ضحية لواحد مايقدر المسئولية ومايعي كلمة طلاق <<

طيب إذا كانت البنت كاملة والكامل الله سبحانه وماينقصها شي ليه مجبرة تاخذ واحد متزوج وعمره فوق الاربعينات خصوصا لما تكون صغيرة بالسن؟

لاتكونون أنانيين
أوك الله قدر لها هالشي بس حرام عليكم تظلمونها وتحصرون خياراتها بالزواج بواحد متزوج وعمره كبير
أقل شي بيكون مافي توافق بينهم وتكثر المشاكل
وعموما الرزق والنصيب بيد الله سبحانه

ولكن وسعوا مدارككم شوي
مع احترامي لكل من يحترم كل مطلقه

وأنا ضد من يقول اتزوجها بشرط تعطوني بيت أو سيارة أو أرض ... خيررر ان شاء الله؟
مشارك بمسابقة بمول والا جريدة وفيه سحب والا ايش؟

أنت تبي تتزوج لمصلحتك أو علشان أنت محتاج للزواج فعلا ومستعد تسعدها وتعوضها وتضحي عشانها "وكانك متزوج تعدل بينها وبين زوجتك الأولى"!!

فيه شغلات تقهر وتنرفز بصراحة

أنا بتكلم من واقع تجربتي وماني منحرجة لأني ماني مجرمة ولاسويت شي غلط والحمدلله واثقة بنفسي:

تجيك وحدة مطفية النور تتصل بالوالدة نبي نخطب بنتك فلانه لأخوي الكبير متزوج وبكره بالجامعه<< وعمره فوق ال 48 ويقول أهم شي السنع
ترد عليها الوالدة بكل هدووء نتشرف والله بس مايناسبها... تدرين ان عمرها 25 ؟
ترد الحرمة اي وبعدين؟؟ ماهيب امخــــلّات ؟ <= مخلات = يعني مطلقه


يخررب ابووو بيت تفكيرها اللي مدري شيبي
والمخلاة على قولتها ناقصة والا فيها بلاء تاخذ شايب؟؟!!!!

اتمنى ان كل حرمة تحط نفسها بهالموقف وتخطب لاخوها والا ابوها وتستنقص بنات الناس تحط بنتها بمكان المطلقه خصوصا لما تنظلم بزواجه وطلاقه

شي من جد غرييييب
وبالنسبة لي أقسم بجلال الله ماهمني ومبسوطة جدا الحمدلله بحالي ووضعي وواثقة بنفسي ومؤمنة بقضاء الله وقدره ومستحيل احقر نفسي وأتزوج واحد أي كلام بس علشاني مطلقه
ولايعني كلامي إن طموحاتي كبيرة ومستحيلة.. أنا أبغى بس يكون فيه توافق بين الخاطب والمخطوبة بالعمر والمستوى الثقافي والاجتماعي وكذا

ولاتشنّعون على المطلقة إذا انخطبت وقالت "لا"
عشانها بس مطلقه ومطلوب منها توافق على أي واحد حتى لو هو عاهه بكبره !<العاهه لاتنحصر بالعاهات الجسدية وانما العقلية والأخلاقية وماعليكم قصور فهم


آسفة طولت عليكم <= بعد ايش


ويسلمووو يابن الفايزية على طرحك ونتمنى يكون فيه حلول كويسه وعملية موب بس ملاقط بين الحريم والرجال

[ومض المعاني]

اقتباس المشاركة الأساسية كتبها ...flbynoo... . بـنــاات اصبرو شهرين بــس شهررين ونأخـذ اردنـي ولآمغربـي ويالله من فضلك .

معليش اختي قلت مالقيتي غير الاجنبي
ولد الديرة يصونك وعنده غيرة على اهله موالاجنبي ماعنده الا الخراط

[ليت حلمي يتحقق]

حكمة تعجبني كثيرا وتنطبق على الموضوع...
{الرجل يقول مايشاء بالمرأة ...والمرأة تفعل ماتشاء بالرجل}

[ابن الفايزية]

ترنجة من الأعماق اشكر مداخلتك ووفقك الله .

[ابن الفايزية]

اشكر مروركم ومض المعاني وليت حلمي يتحقق . كلمات في الصميم .

[ابن الفايزية]

......................... مجرد اقتراح ............................ وفقكم الله ؟

[برنسيسة بريدة]

أيتها الأترجة ردك الرائع سما بالموضوع المتهالك بين _بعض _الردود الرديئة ..!
رزقك الله ماتتمنين ,وبارك به وبك ..

[شےــم ـس الـےـودااااع]

اقتباس المشاركة الأساسية كتبها بهاجر مالي مقاعيد صباح الخير لكل صاحب عين رفة عينه بهذا المنتدى .,. لابد من التهيئه قبل الزواج لأن الزواج حياة وعمر ومستقبل وانجاب اجيال ولابد قبل ان تطرح القضاء على العنوسه نطرح سبب كثرة الطلاق والعنوسه الوقت هذا اصبحت البطاااااااااااله ظاهره وسبب من اسباب العنوسه والتخلف والجهل بعدم احترام مسئولية الزوجه ومدى معرفة خفايا وطقوس وحياة الزواج والتهيئه نفسياً ومعنوياً ومادياً قبل الاقدام عليه . واصبح الكثير يزوجون ابنهم لأجل يعقل ويصبح رجل > بنظرتهم فقط . ولا ينظرون للبنت قبل الأقدام على الخطبه فقط ينظرون لأبنهم ولمصلحتهم ان هذي مصلحه . والبنت لا تهمهم مصلحتها واحترامها . ولابد قبل ان يتقدم الزوج ان يرسم له خيال واسع بعد الزواج ويتخيل لنفسه انه متزوج ويعيش حياة ما بعد الزواج وينظر لهذا الخيال هل يعجبه ويروق له ويستطيع العيش او لا وكذالك ينظر لغيره من من تزوجو وسبقوه بالزواج ويسأل ويستشير . ولا يظن ان البنت كالرجل عندما يطلقها تصبح كوضع ما قبل الزواج . البنت تصبح الملامه والعين عليها لما تطلقت وما السبب ويخلقون من نسج خيالهم المتخلف اسباب سيئه تصبح البنت هي السبب بالطلاق ويصدقون ما قالو والرجل رجل لا احد يلومه ولا يتطرقون له ؟ ويكثر القيل والقال عليها . وعندما ينتشر الخبر يأتي لها هذا الشايب وهذا المتزوج وهذا الرجل بالأسم والشكل فقط وتسوقهم الغريزه فقط . وتصبح البنت فريسه لهم . ويلح الأهل عليها . وذاك الرجل المطلق وجد بنت غيرها وتزوجها وعايش حياته واصبحت طليقته ماضي لا يتذكرها ولا يعاب هذا الرجل والعيب فيه فقط لأنه رجل اي تفكير هذا واي دين يسمح لنا بهذا التخلف والجهل وعدم الأحترام . شاهدو ما نراه بالشواع من تخلف وعدم تقيد بالنظام وغيره وتأكد انه غير متقيد بنظام بيته وزوجته . ولابد ان نصنع لها العذر بكل تأكيد . على التحمل لأجل اولاد لها من هذا الرجل الغير مبالي . ولابد ان نعرف ان الزوجه اكثر غيره وحب لأبنائها من زوجها . الزوج يطلق ولا ينظر لها ولا لأولاده او ترضخ وتقول له تزوج بأخرى ماهذا الزمن وماهذا الرجل بهذا الزمن ولكن يوجد من الزوجه ما نجده من الزوج ولكن قليل وبنسبه لاتذكر امام نسبه الرجل وعدم احترامه لنفسه قبل احترامه لزوجته والكلام يطووووووووووووول .,. كم انتي مغلوب على امرك يا بنت بلدي . وبعض البنات تريد الزواج كي تصبح زوجه فقط مثل غيرها ولكي تغير حياته وروتينه وتفعل بحياته بعد الزواج ما لا تقدر عليه قبل الزواج . فقط لهذا السبب ولا تفكر ربما تجد عيشه مقرفه ومتعبه وفيها الأهانه والظرب والشتم لم تجده ببيت اهلها . وتندم ولكن الصبر والسؤال عن الزوج ولمده طويله لا يمنع لأن بعد القرار سوف تعيش حياة طويله لذا لا يمنع من السؤال والتشديد بالسؤال عن الزوج قبل اتخاذ القرار . كي يصبح قرار صائب علماً انني لم اتزوج واصبحت اهرب من البيت لكثرة طلب الأهل ان اتزوج ولكن قلت هذا الكلام من خبره اصدقاء وما نسمع ونشاهد ونتصفح ولو الود ودي احط نظام للي يطلق ويجي يبي يتزوج > لابد ان يشرح سبب طلاقه قبل عقد نكاح له . هي لعبه البنات يطلق ويتزوج ويطلق ويتزوج شكراً على الطرح المفيد اخي ( ابن الفايزيه )

اشكركـ على هذهـ المشاركه الرائعه ...
فعلآ البنت مالها اي ذنب اذا كان الشخص مو كفو للزواج ولا هب قد المسؤوليه ..
بنات الناس مو لعبه بيديهم لازم نشوف حد لهشي اللي زاد..
شكرآ واعتذر على المداخله مره اخرى ...
سلآآآآآآآآم...

[moment.11]

بس من وجة نظري مآلة دآعي اذا تزوج مرة ثآنية يعطونة آعآنة
لآنه خلآص عندة زوجه مآهو محتآج ثآنيةة ومحد جبرة
قآل آعآنة قآل > الله يصلحكم تبون تكسبون من وراء بنات النآس خخخ

[المحاميه ماريا]

انا اشوف احسن يزوووووجون الشباب اللي ماتزوجوا
كان مايبقى بنات همين يفكرون بثانيه وثالثه