[بنت ناس ماتنــداسّ ّّ]

اقتباس المشاركة الأساسية كتبها خالديه هيبه ياحبيلتس رديت عليتس باالموضوع السابق شكلتس ماشفتي الرد مافيه الا معصره باالرياض ومكــــــــــه فقط ويوصلون لتس بعد. احاول اجيب لتس الرقم وارسله لتس باالخاص. بأذن الله وزيت (ارت) لايفوتتس وحده من قريباتي استخدمته تقول ينعم ويكثر تمدحه مـــــــره. تلقينه عند العطار

الله يجزاك الفردوس الاعلى من الجنه
ارسلي رقم التوصيل للمعصره على الخاص

[ظيغميه]

بسم الله الرحمن الرحيم

الأخت اللي تسأل عن علاج للحبوب الدهنيه لا ستخدمين أي شيء روحي لدكتوره تحلل لك و تصرف لك المناسب

لأن البشره تختلف من شخص لشخص لكن فيه حاجه بسيطه وكمان متوفره في كل بيت تخفف الحبوب و تصفي

البشره اللي هي المره خوذي منها شوي نقعيه بمويه دافيه و بقطنه أمسحي وجهك بمويتها و خليها ربع ساعه

بعدين أغسلي بشرتك و الله يشفيك أن شاء الله


...........................................



الأخت اللي تسأل عن صبغه للجسم عزيزتي خطر عليك تحطين ماده كيميائيه على كامل جسمك السموم يمتصها

الجسم بسرعه عن طريق الجلد و فوراً على الكلى أنت كذا ممكن تسببين لنفسك تسمم لا سمح الله

لكن أذا لمنطقه صغيره مثل الحواجب أنصحك بالصبغه الشفافه نفس اللي يحطوها المشاغل جداً رائعه و ما يصير

الشعر أصفر ولا يكثف الشعر لكن لابد من أختبار الحساسيه قبل الأستخدام بيومين و الله يدلك على اللي فيه

خير أن شاء الله



................................................




الأخت اللي تبغى فساتين لزواج فيه عند جرير أكثر من محل منهم لمسات طيبه فيه حجات نعومه و أذا ميزانيتك

تسمح فيه ثلاث فساتين لأيلي صعب تنوره سوداء قصة سمكه و فيها موديل من الأسفل و فوقها بلوزه خيال

قريبه جداً للتصاميم الفكتوريه أسعارها 2400 ريال و2500 ريال و2800 ريال

و فيه مانغو عنده فساتين نعومه مررره و سعرها مناسب للميزانيه اللي حددتيها


بالنسبه لصبغة الشعر أفضل شيء ويلا عصار و فيه جواته علبة مظهر اللون ما

يحتاج بروكسيد أخلطيهم مع بعض و أصبغي شعرك فيه أذا تبين بني فاتح أختاري أفتح درجات البني وأذا أشقر

رمادي غامق شوي أختاري أشقر متوسط و الأفضل تستعيني بمختصه علشان ما تتورطي روحي شهد فيه

هناء أنصحك فيها و الله ييسر لك أمورك



...............................................



الأخت اللي تسأل عن خيمة الساونا هيا ما تنحف لكن تنحت الجسم تخلصك شوي من السيلولايت و تنظف بشرتك و تفتح

المسام لكن عيبها الوحيد مع مرور الزمن يتوسع مسام الجسم علشان كذا الأفضل حمام بخار خفيف

و بالتوفيق عزيزتي



...............................................



زيت السمسم موجود في بريده عند محل لبيع المنتجات الفلسطينيه جداً رائع لكن مع الأسف

ما أعرف موقع المحل بالضبط

[ليت الدنيا تضحك لي]

انا شعري خفيف مررررة وسمعت عن رغوة تكثف الشعر اللي تعرف تسدح لي اسمه
وابي شي يكثر شعري وااااالله انه يكسر الخاطر يفشل مررررررة ماينفعله شي



اللي تفديني واالله له دعوة من القلب


انتظر ردودكم على احر من الجمر

[ويبقى الإحترام]

اللي يكثر الشعر زيت الحلب وعن تجربه وترى مايطلع بشعرك ريحة حلب _ دعواتك

[جاكلين مول]

انا بنتي مافي احد اخف من شعره والحمدالله بفضل الحنا طلع يجنن
بس مو اي حنا جربت كل من قال انا حنا الا هذا غييييير فيه زيت وانا مازيت شعره

[بنت ناس ماتنــداسّ ّّ]

السلام عليكم

يابعدي انتن كلكن تكفن ودي اعرف وشلون يسون البنات بشعورهم اذا كان الشعر مقصص من فوق قصير
وشلون يصير تقل منقز على سنع !! <<<< فهمتو ولا اعيد شرحي الكشخه

الله يرزق الي ترد كل ماتتمنى

[ليت الدنيا تضحك لي]

اقتباس المشاركة الأساسية كتبها جاكلين مول انا بنتي مافي احد اخف من شعره والحمدالله بفضل الحنا طلع يجنن بس مو اي حنا جربت كل من قال انا حنا الا هذا غييييير فيه زيت وانا مازيت شعره

وش ها حنا الله يخليك وين القاة وبكم سعرها والله اني محتاجه تخيلي شعري خفيف وناعم وش صار انتظرك ردي

[ليت الدنيا تضحك لي]

اقتباس المشاركة الأساسية كتبها ويبقى الإحترام اللي يكثر الشعر زيت الحلب وعن تجربه وترى مايطلع بشعرك ريحة حلب _ دعواتك

انشاء الله بجربه لك مني دعوة

[Deejor]

بنااات شرايكم بمشغل جوثن من ناحية قص الشعر
وكم اسعارهم
وياليت اللي تعرف رقم المشغل ترسله لي

وشكراً لكم ..

[جنَــاحُ حُلمْ]

اقتباس المشاركة الأساسية كتبها أمنيات |~ جناح حلم جناح لازم اضيف معه بروكسيد ؟؟

آي صبغه ضروري يكون فيهآ بروكسيد
آسم البودره ( بلوندر )

[نوره 23]

لكل اللي ردو علي
واللــــهـ ي جزاكــم الف خير

[نوره 23]

بنات تعرفون محل يبيع بجايم رجاليه رخيصه وحلوه ؟
محل ساعات نسائيه حلو ورخيص ؟

[زهووري]

من اراد التاكيد فليسأل لان الامر والمسألة مهمة للمسلمين

فتوى رقم ( 21778 ) وتاريخ 29/12/1421 هـ

الحمد لله وحده والصلاة والسلام على من لا نبي بعده ، وبعد :
فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من المستفتي مبارك صالح ، والمُحال إلى اللجنة من الأمانة العامة لهيئة كبار العلماء برقم ( 7868 ) وتاريخ 19/12/1421 هـ وقد سأل المستفتي سؤالاً هذا نصه :
( فقد انتشر في الآونة الأخيرة بين أوساط النساء ظاهرة تشقير الحاجبين بحيث يكون هذا التشقير من فوق الحاجب ومِن تحته بشكل يُشابه بصورة مطابقة للنمص ، من ترقيق الحاجبين ، ولا يخفى أن هذه الظاهرة جاءت تقليداً للغرب . وأيضا خطورة هذه المادة المُشقّرة للشعر من الناحية الطبية ، والضرر الحاصل له ، فما حُـكم الشرع في مثل هذا الفعل ؟ أفتونا مأجورين ، علماً بأن الأغلبية من النساء عند مناصحتها تطلب ما كُتِب من اللجنة ، وتَردّ الفتوى الشفهية فنرغب – حفظكم الله – إصدار فتوى . سائلينه سبحانه عز وجل أن ينفع بها ، ويحفظ لهذه الأمة دينها . إنه ولي ذلك والقادر عليه ) .

وبعد دراسة اللجنة للاستفتاء أجابت بأن
تشقير أعلى الحاجبين وأسفلهما بالطريقة المذكورة لا يجوز لما في ذلك من تغيير خلق الله سبحانه ولمشابهته للنمص المحرّم شرعاً ، حيث إنه في معناه ويزداد الأمر حُرمة إذا كان ذلك الفعل تقليداً وتشبهاً بالكفار أو كان في استعماله ضرر على الجسم أو الشعر لقول الله تعالى : ( وَلاَ تُلْقُواْ بِأَيْدِيكُمْ إِلَى التَّهْلُكَةِ ) وقوله صلى الله عليه وسلم : لا ضرر ولا ضرار . وبالله التوفيق .
وصلى الله على نبينا محمد وآله وصحبه وسلم .
اللجنة الدائمة للبحوث العلمية والإفتاء الرئيس
عبد العزيز بن عبد الله بن محمد آل الشيخ

عضـو
عبد الله بن عبد الرحمن الغديان

ة
نَقَلَهُ الشيخ/ عبد الرحمن بن عبد الله السحيم
عضو مكتب الدعوة والإرشاد




( للامانه الفتوى منقوله من اخبار بريدة )

[بنـــــــت عـــــــــــــــز]

اقتباس المشاركة الأساسية كتبها بنت ناس ماتنــداسّ ّّ السلام عليكم يابعدي انتن كلكن تكفن ودي اعرف وشلون يسون البنات بشعورهم اذا كان الشعر مقصص من فوق قصير وشلون يصير تقل منقز على سنع !! <<<< فهمتو ولا اعيد شرحي الكشخه الله يرزق الي ترد كل ماتتمنى

امممم شكلك تقصدين الموس..يعني هالتنقيز من مقص الموس