[أبوفارس الخالدي]

الحقيقة أخي الليزر مبدع لكن ..

في بريدة عدة أماكن مثل هذا ..

أنا أعرف مكانين ..

واحد في على الدائري الداخلي الغربي
وواحد عند مسجد الجاسر بحويلان ..

فأتمنى إذا وضعت مسابقة أن تبتعد عن التشابه
أو قمت بتصوير أول الطريق وليس آخره ..


تصفيق حار لإبداعك ..

[هذا أنـا ... !]

اقووووووووووول ...




تراي .... علقت ...



وشكلي مانب طابن هالموووضوع ...



ايههههههههههههههههههههههههأ

[خب الحلوة]

تبي أوصفلك الإنجلزي ولا بالعربي
.

.

.
.

.

.نزولاً عند رغبة الإخوة باللغة العربية

وانت ماسك طريق حويلان يجيك مسجد الجاسر على اليمين قبل المسجد فيه طريق يدخل يمين
هذا هو
وقدام ماسكين فيه عشرين مروج مخدرات قبل ثلاث شهور تقريباً.

[الليـزر]

الآن أكمل لكم الوصف
وللأسف تراي ما دريت إنه فيه أكثر من مكان متشابه
بهذه الصورة
بس أعجبني المنظر قلت خلني أصوره

نكمل لكم
بس بعد الصلاة
قربت الإقامة !

[الليـزر]

صلينا ولله الحمد
الله يتقبل بس

أحس إني طولته حقيقة ونص الشباب
يبي يجيهم ردة فعل من مواضيعي
وأنا أعتذر أشد الاعتذار
قلت أدامنا في الطرائف والتنكيت والسواليف
ناخذها سواليف
أما إن كانت تبي تؤدي إلى تكتير بعض الإخوة والزعل
فلا وألف لا

لي عودة قريبة لإعطائكم الوصف كاملاً
وأجيب الورود للفائز وأجي
بس المشكلة أبو خرشه ما شفناو ولا جاب الجائزة
ولا كأنه بالديرة

لكن ما عليكم
لعل الجائزة ضمير مستتر تقديره تتجي إن شاء الله

[الليـزر]

وين الإعصار يعطينا ورد وحركات

اسمعوا معي كويس

إكمال الوصف

قلنا تلف يمين إذا جاك حرف تي
خلك معي
تستمر إلى أن تأتيك إشارة الخليج حقت جامع الخليج ( الونيان )
لف يسار
ثم لف يمين
وين صرنا الحين ؟
مسكنا طريق القناة
جيد ؟
تمام
استمر سيدا >> أكيد يعني
اهجد بس
لا تقاطعنا
قلنا استمر وخل المقبرة على ايدك اليسار
إن حصل تسلم على بعض أقربائك بالمقبرة فيحبذ ذلك
وتراها قد تكون سنة مهجورة وللأسف
( كنت قد نهيتكم عن زيارة القبور ، ألا فزوروها فإنها تذكركم الآخرة )

أنا عاد أنتظركم برى
إلى أن تنتهوا من السلام
لا تبطون تكفى
ترى الشباب ما ودهم نصيّف

[الليـزر]

يا شباب
حرام عليكم
صيفتوا يا اخي
وبعدين جمعوا معي ورد
ما لقيت إلاّ شويات


تدرون لعلهن يكفن
أبكمل الوصف ثم أشغل الهلي وأروح أجيبهن !
شكراً لكم

[الليـزر]

عاد أبخلي هالرد مميز شوي
وصلنا النهاية ولله الحمد



شفتوا حطيت وجه يبتسم
هذا أول الغيث نعلة ! آسف أول القطر مطرة

خلكم معنا

هنا نكمل التوصيف
ثم نعلن الفائز
وعلى الجميع الحضور ! حتى مدير المدرسة يبي يجي
إلى الفراش أول واحد

زين

يالله نكمل الوصف

بسم الله الرحمن الرحيم
ثم الصلاة بعد والسلام
على نبي دينه الإسلام

وبعد

أولاً أحب أن أعتذر من بعض الشباب اللي كتروا شوي
وأقول إن شاء الله ما أعودها
حقيقة كنت أبستعرض بخف دمي لعلي صرت ثقيل دم
أبجيبها بطريقة مرحة وطريفة لأن المكان واالزمان وشبة الضو تناسب المقام
ولكن لعلي بديت أخاف من النعال والبوت والفوتبول ولا يهونن الزبوريات

فأجمعنا أمرنا وربطنا عفشنا
وصملنا على أن نكمل التوصيف وننتهي

:D
هذا الوجه فاصل بين المقدمة والتوصيف
فقط لا غير
التوقيع : رقم الشيك :

طيب



إكمال التوصيف
باللون الأحمر حتى تبين

وش قلنا حنا
طيب خل المقبرة يسارك والخليج يمينك متجه شمال
تجيك الإشارة اللي بها أرقام
اللي من اليمين يجونك اللي جايين من السوق ومن الجامع
أيوه طريق الملك فيصل
عليك نور بس لا تقاطع مرة ثانية

ممتاز

مع هالإشارة رح يسار
أوه
شكلكم عرفتوا وين حنا رايحين له
طيب ما يخالف

إذا لفيتوا يسار تجيكم الإشارة الثلاثية هاه
خلوها وطولوا
يجيكم بنك الراجحي على اليسار
لا تلتفتون عليه يمكن تصدمون
انتبهوا للدرب زين

يجيكم دوار حويلان
ديوروا
:D
أصلاً حاطين صبات ما تقدرون تديورون
انبه لا تصدم الصبات أنت واياه
ما لي دخل بكم

تسيف تسذا
قصرت من الكتابة ياخي
مهب معقولة

أبتلين وأجي
حقيقة والله مهب لعب
قصرت

<<< ياخذ نفس وهو ياطا بالفارة على اعتمد الرد

[سفروت المسفرت]

اقول يالليزر زغل على مسابقتك واذلف الله يقلع اللي يتابعك انت وجهك

وش هالخرط الفاضي أنت رجال تبي تعطينا الوصف أو أبلع العافية وانطم


اعذرن على الاسلوب بس ماهنا اشن من لمني حمقت

[الليـزر]

غفرانك

[سفروت المسفرت]

اقتباس المشاركة الأساسية كتبها الليـزر غفرانك

مع اني حمق لكني مت من الضحك الله يقلعك
أجل غفرانك ههههههههههههههههههههههههههههههههههههههه
عاد تصدق أول مرة تنكت زين

يالله عطنا المكان أو ابرسل لك عنتور يتوطى بطنك

[المتحرك]

ههههههههههههه بعدهم اااااااااالليزر اذكر جيت هنا اول ما ارتز الموضوع وتوك توصلهم بذا

ههههههههههه شف لا جى المفرق ذاك ديوربهم يصلون قبل <<<< قط خخخخ

[الليـزر]

آسف على التأخر
وحقك علي سفروت
ارسل لي ياسمين تفاهم معي
لا تجيب لنا جلوف

الرد القادم هو النهاية بإذن الله
وسيكون بلون خاص
خاص والا خاص >>> ما لقى شي يقوله !


..

[الليـزر]

..
الرد الأخير
وبعده يقفل الموضوع

يا شباب
أبشركم وصلنا
قولوا كل عام وأنـ آسف الحمد لله على السلامة

إكمال الوصف
تؤشر وبلون عنابي متوسط
علشان تكون كعنوان

قلنا إذا جاك دوار حويلان
استمر
يجيك مديور وسيع ويمينك مسجد المطوع
لف يسار رايح لحويلان
متجه أي جهة يا سفروت
شمال
خطأ جنوب والله يا أنت ضايع

نعم
قلنا تتجه جنوب مشمل ناحية حويلان
إذا مشيت لك شوي
يبي يجيك خط من اليمين هو اللي يوصل بطريق حويلان وهو جاي من إشارة الدرع
من خب البريدي
تعدّه
أبداً
إذا تعديته بشوي
يبي يجيك مسجد الجاسر على اليمين ( أول مسجد ) على الخط
دق ريوس وادخل قبله يمين
إذا دخلت لك شوي
ديور
:D

إذا ديورت ووجهك للشارع
ترى المكان المراد والمعني هو اللي وراك

:D

:D

:D

على كذا وصلنا
وأأسف على ثقل الدم

يبقى الفائز
وكما أرى
أنه صاحب رد رقم ثلاثين

لأنه أول من جاوب
والا فيه ناس عقبه جاوبوا

تحياتي للجميع
وعاد حفل التكريم
الله يعينكم نبي نفتح له موضوع ثاني
أوسع لنا وأشرح شوي
من هالكتمة
والا

وش رايك يا سفروت يا غالي ؟

خلاص تم

هيا

فإلى هناك

:D

..