[محبة الحبيب]

انا ازين العده بس مو كل يوم
يعني مو حلا السفر اربع وعشرين ساعه..........

[المتزن]

أشكر جميع من مر وعلق , وأعتذر شديد الاعتذار لمن لم أعلق على مشاركته .

وسبب رفعي للموضوع هو موضوع المطوع العربجي متحت افندي

يعني عناد يالدب :D


وتقبلوا تحياتي 00
المتزن

[صاحب سمو]

اقتباس المشاركة الأساسية كتبها المتزن أشكر جميع من مر وعلق , وأعتذر شديد الاعتذار لمن لم أعلق على مشاركته . وسبب رفعي للموضوع هو موضوع المطوع العربجي متحت افندي يعني عناد يالدب :D وتقبلوا تحياتي 00 المتزن

زاد حضرتي استغرب وش جاهم على هالمواضيع
أول ما دخلت ساحة مفتوحة لقيت السالفة [ دبية ] و [ دبيات ] ,
وش جاهم الأخوان ........
بس قضيتوا .. الدبيات أحسن أحد:D
واسألوا الشيبان

[المتزن]

اقتباس المشاركة الأساسية كتبها صاحب سمو زاد حضرتي استغرب وش جاهم على هالمواضيع أول ما دخلت ساحة مفتوحة لقيت السالفة [ دبية ] و [ دبيات ] , وش جاهم الأخوان ........ بس قضيتوا .. الدبيات أحسن أحد:D واسألوا الشيبان

حنا ما دهورنا بهالامور إلا الشيبان وخرطهم

وبعدين حتى بالذوق لازم نمشي على راي الشيبان ؟؟! :D

لكن قضيت :

التنويع هو اللي أحسن أحد .


وتقبل تحياتي 00
المتزن

[خباب النجدي]

اخوي المتزن انا مافيني اتزوج سعودية <<<< وش عنده خباب اللبناني
اذا عندك رقم سوري يزوج ارسله على الأيميل بس ما اقدر اعطيك الإيميل اخاف احد الحاقدين يرسلي رقم التكروني الي يدق على الناس ثم ما ادري الا هو جايب اخبري لكن تلقى الإيميل عند الصمصام لأن الصمصام زوج ما يقارب 4 من اعضاء المنتدى سوريات مجتهد جزاه الله خير يحب الأجر اقول تراي امزح ماله داعي اتلفع

[صوت الفجر]

أحس أنك مالقيت موضوع تقولوه
أقول انظر من يتكلم!!!!!!

[صوت الفجر]

اقتباس المشاركة الأساسية كتبها القضاعي هين هالبنات يحسبن الدعوى لعب بس سوق واسكريم ومقاهي شوفن الشاعر وش يقول لاتحسبين العرس توفـي وكتكـات ولا تحسبينه توكـس والا بونتـي ولاتحسبين العرس تصفيق واصوات وانتي على صوت الغطاريف همتـي ولا تحسبين العر س كيكة وطرطا توصله قطعتيهـا و وصلـه بلعتِـي ولاتحسبين العرس كوشة ولمبـات وانت كما الطاووس فيهـا جلستـي ولاتحسبين العرس احلام في الشات يامـا بنيتيهـا ويـامـا هدمـتـي ولا تحسبين العرس روحة وجيـات هيا اقضبي بيتك عسـى مانهبلتـي ليلة سعيدة وانت احلـى الجميـلات تشخص عيون الناس اذا حضرتـي (واللاينر)حطيـه بــلا زيــادات لا يخـرب المكيـاج اذا دمعـتـي (والمسكرة)تحتاج لطـف ومـدارات حتـى يبـان الزيـن اذا غمضتـي (والاسبريه )رشيه حتى البصيـلات ينسك شعرك زين ولو كان زدتـي وترى(المحدد)فن يحتـاج رسمـات يبـان رسمـه زيـن اذا ابتسمتـي العـرس يابنيـة ماهـو شعـارات تفنـى مراسيمـه وتبقيـن انتـي ويبقى شريك العمر راعي الطويلات هذا هو العرس الحقيقـي عرفتـي اول نصيحة لـك حفـظ الصلـوات صلي العشا والفجر في كـل وقتـي وفي ليلة العرس الموفـق وبالـذات ادعـي الكريـم الله اذا سجـدتـي والتعري لاترضين عند الكوفيـرات ولبسك يملـي العيـن اذا لبستـي واللي على زوجك تحرضك مـراتارجـوك شوتيهـا شوتـت بلنتـي والصبرفي العشرة حتى على فتـاتياماحـلا فعلتـك يومـك صبرتـي واذا حفظت السـر مـع المـدارات زوجك ترى في عيونه انت كبرتـي والسوق يعني هاه وقت الضرورات والاتـرى زوجـك يـدور لمفتـي زيدي الغطاية وكثري في العبايـات والله يرضـى عنـك اذا ستـرتـي اوصيك بالكبسة وكثـر الإيدامـات حتى لو إنك مـن سببهـا متنتـي وخلي الرجيم اللي فشلتي في مرات سويـه مـرة واحـدة لا ولـدتـي اوراق شاعر يرسل ازكى التحيـات خصيـه بالـدعـوة اذا دعـوتـي

وإذا قال هذا قاله الرسول ؟؟!!!
حتى مع إحترامي للجنس الآخر ماعندكم أدناة طرف للمسؤلية

[مـــلاذ !]

الدبيات أحسن مابهن أنهن خفيفات دم بسسس
ولاهوب كلهن بعد
بعضهن تشوفهن يجيك الماغص من شينه
ياخوي خلنا على العصل الخفيفات تقل غزال عندك
مهوب تدربى قدامك تقل عجينه الله لايبلانا

لاتزعلن يالدببه :D

[ツحـبـر شـفـافツ]

يقال ,, أن الخف رحمه .. وكثرة الأكل ظلم للنفس ,,

والرشاقه مطلوبه من الطرفين لا الشباب والا البنات ,,

شكرا

بباي ,,

[قباصة من القباصات]

انا احب الدبيات يضحكون

بس افضل الرشيقات لأنهم الجمااااااااااااااااال كله

[قباصة من القباصات]

ورجاء لحد يغلط على فريق الرشاقة <<<< ذذذذذذ متاثرة ببرنامج كشتات

[ب ر ي د ا و ي]

الأب..............

علي لا تنسى تمر المطعم تجيب العشاء لاستراحة العيال<< يقصد الشيبان

علي خذ اهلك ودهم للسوق وجبهم انا ابنام ..الساعه 10 <<يجون من السوق وهو طويل البقى يتبطح بالحوش

علي خذ سيارتي فلله وغير الزيت واغسله على الدرب

علي انقز نزل الاغراض من السياره

الله يخليهم لنا ويقولون السكر والضغط.........

الأم.....................


حصه قولي للشغاله تطبخ الغداء انا تعبانه<<ضحك بالتلفون إلين الظهر

حصه قولي للشغاله تسويلنا حلاء نبي نروح لأم ابراهيم بكرى

ويقولن وراه الرجال طايحين بالمسيار

لا تتعدى المداعبه فالأباء لو طلبوا الغالي والنفيس نعطيهم :D

[قرناس]

3 ملايين سعودي مصابون بالسمنة نصفهم من النساء


مكة المكرمة - عمار الجبيري

أكدت إحصائية حديثة أن أكثر من 3 ملايين مصابين بالسمنة في المجتمع السعودي وأن ما نسبته 40 في المائة من المجتمع من كافة الشرائح المجتمعية مهددون بالإصابة بهذا الداء نصفهم من السيدات.

وشددت الدراسة على أن إهمال الرياضة البدنية وتناول الوجبات السريعة تأتي في قمة الأولويات المسببة للسمنة.

وحذر استشاري علاج السمنة الدكتور فؤاد نيازي من التداعيات الخطيرة التي تنتظر دول الخليج من جراء ارتفاع نسبة السمنة في المجتمع، مشيراً إلى أن من كان سميناً في الصغر سيظل كذلك في كبره.

وبين أن البدانة مسؤولة عن كثير من الأمراض التي تفوق ما يسببه التدخين من أبرزها أمراض القلب والسكتة الدماغية وارتفاع ضغط الدم ومرض السكر والسرطانات بأنواعها المرارة والثدي والرحم والحوض والمبيض والبروستاتا والتهاب المفاصل والنقرس إضافة إلى مشكلات التنفس كالاختناق أثناء النوم وارتفاع الكوليسترول والشعور بالاكتئاب وتغير في الرؤية والحساسية للبرد والإمساك وسقط الشعر وظهور عادة الشخير. وشدد الدكتور نيازي إلى أن السمنة تؤدي إلى قصر الأعمار وارتفاع نسبة الوفيات ما بين الثلاثين والأربعين.

[الــبــازوكـــة]

جميل جداً !!!!

الجميع هنا بدأت تصف نفسها لتؤيد أو تعارض !


هلا أرفقتن صورة توضيحية أفضل !


[ مللنا الإسلوب التسويقي ] !









.