[عاشقة باريس نجد]

السلام عليكم ورحمة الله

اخواني واخواتي :اسمحولي اشارككم في هذا الموضوع ...(اول مشاركه)
بصراحه انا قريت كل الردود في هذا الموضوع لكن مالقيت الرد الي اعتبرة مقارب للحقيقة واتمنى انه يكون هو السبب الحقيقي
انا مو من بريده والظاهر انكم لاحظتوا من النك نيم حقي (من مدينه الظاهر ان بعضكم يكرهونها كره العمى )
لكن انا ساكنه فيها من زمان ولاحظت التطور اللي حاصل في بريده(ماشاء الله اللهم لا حسد) في السبع سنوات الأخيرة (وهذا لاينكره الا سفيه)..
وبغض النظر عن تطور السكان وما تبعه من ثقافة وتعليم ما ننسى الفضائيات (لها دور كبير)..
بس النقطه المهمه الي ولا واحد فيكم ذكرها للأسف مع انكم اكيد ملاحظينها لأنها لا تخفى على احد وهي :
مع تطور هذه المدينه وكبرها اصبحت (محط انظار )..!!
من مين يا ترى .؟؟
من سكان جميع مدن ومناطق المملكة (مثل الرياض تماما اول مابدت تكبر).مو الرياض لو لاحظنا سكانها لوجدنا فيها من جميع مناطق المملكه..
بريده كذلك ..
ياناس لو لاحظتوا الحين كثير تلاقون عوايل من الجنوب وكثير عوايل من الحجاز ومن الشرقية ومن الشمال ..
يمكن ماراح يأيدني في هذة النقطه الا اهل الوظائف الي لهم احتكاك مباشر مع المواطنين راح يقولكم فعلا..
اجل من متى وحنا نسمع انه فيه سكان في بريده من الشهري ، الغامدي ، الشراري، البلوي، الزهراني، الخالدي...!!(مع احترامي لجميع هذه العوائل)
كل هذي مو من بريدة بل نازحين من مدنهم ومن مناطقهم الاخرى..
وترى غير تطور المدينه هناك الجو المعتدل يجذب كثير من السكان والهواء النقي لكثرة المزارع وقلة الإزدحام في الشوارع(مع انها والله باديه بريده بالزحمة)..
لذلك اختلاف السكان واختلاف العادات والتقاليد خربط الموازين عندنا صارت بريده خليط زي ماقلتلكم اول واكيد راح تتغير البنات وكذلك الشباب مو بس البنات،،، تبي تصير زي الرياض وبتشوفون..


ومسأله انه قل الحياء عشان المراكز هذي جمله عاريه من الصحه..
طول عمرنا قبل لاتفتح المراكز هنا كنا مانتسوق الا من الرياض ومن المراكز الكبيرة في الرياض كمان لكن عمره ماكان سبب لقلة الحياء ..
وبيني وبينكم الي قليل حياها مو منتظرة لحد ما يفتح مركز عشان تمارس قلة حياها هناك..


مجرد رأي

[الغريب12]

بيض الله وجهك ياعاشقةباريس نجد والله ماقصرتي وفيتي وكفيتي هذا الكلام
وبس عندي ملاحضة ترى حتى بنات بريدة وغيره مهب ملائكة بل فيهم منهي قال حياه لكن الأغلب أنهم من غير بريدة ولله الحمد والله يهدي بنات المسلمين أجمعين
لكن قولي ولله الحمد لأن كل واحد ماوده يصيرون أهله فيهم الشر



ملحوظة : أنا من بريدة الغالية لكن قولك إننا نكره عنيزة كره العمى ترى هالكلام مهب صحيح
أنا استشف من كلامك إنك منصفة
وبريدة كما تعلمين مدينة كبيرة جدا لاتقارن بعنيزة
وأهل بريدة كما نتكلم في أكثرمن مجلس هم لا يكرهون أهل عنيزة وإنما يكرهون من يكره بريدة من أهل عنيزة
ووالله أنه إذا أتى من أهل عنيزة المنصف والمتعقل ولا يمنع أن يمدح مدينته لكن بشرط أن لا يسب غيره أو يجحف في المساواة فإننا والله نحطه بعيوننا قبل قلوبنا
ولك تحياتي

[مجنونه بس حنونه]

بكل مكان بالعالم فيه الخير وفيه الشر ولايقتصر على بريده فقط...
لكن انت رقيب نفسك وربي رقيبك

[بقايا ذكريات]

عزيزي كاتب الموضوع .. بعد التحيـه

سبق وأني وضعت موضوع مقارب لما كتبت وهو بعنوان [ بنات القصيم والفسـاد ]
ولكن الأغلب ينكـر الحقيقـه ..
مشكلتنا لا نعرف طرق التطـور .. فحالنا مثل حال [ أهل الباديـه ] عندما يخرج للمدينـه .

لا نعرف الحل الأوسـط في كل أمورنا ..

قبل فترهـ من الزمن وليست ببعيدهـ .. عندما ترى النساء بالأسواق قليلُ أن تجد إمرأهـ
قد لبست عباءهـ [ مخصر ] ..
أما الآن .. فقليل أن تجد إمرأهـ قد تحشمت بكل حشمتها .. إلا من رحم الله رب العالميـن ..
تظن بعض النساء أن التطور والموضه .. على حساب الزينه .. في الأسواق والمعاصي ..
هذا هو المؤسف .. حقاً .. لكنك عزيزي ستجد الكثير هنا ينكرون الحقيقـه فلا تتعجـب من قولهم هم دائما هكذا

[أبو سليمان55]

ماهو عاد

[أنا شاطر]

قل حياهن من الدشوش
قل حياهن لأنهم يشوفن أخوانهن سلق
قل حياهن لأن مابوه أهل
قل حياهن لأنه تأثر بخوياته
قل حياهن لأنه تشوف العالم غير

[خالد00]

اقتباس المشاركة الأساسية كتبها الاسيره صدق انكم بعيدين نظر التغير مطلوب وقله الحياء تعود للتربيه مو لوجود مراكز فيها !!!!!!!!!!!

انا رايي من رايها من التربية البلا

[الخفاش]

اللهم اهدي شباب المسلمين وبناتهم

[هـتـلـر]

اقتباس $$آنا اللي بالهوى شاطر ... أحب وأجامل وبقلبي أخاطر$$ قل حياهن من الدشوش قل حياهن لأنهم يشوفن أخوانهن سلق قل حياهن لأن مابوه أهل قل حياهن لأنه تأثر بخوياته قل حياهن لأنه تشوف العالم غير

صاتز ولله

[قاهر الروس]

.
.

لو كان هناكـ خيراً في أهل بريدة عامة والمشرفون هُنا خاصة لألقموا صاحب هذا الموضوع حجراً بإغلاقه ..

لو أردنا أن نتكلمـ عن الزمن يعني ( حريم أول و حريم الحين ) نقول لنرى ( شباب أول وشباب الحين ) ..

بعدين اللي مزروع فيها الحياء .. لن تتغير حتى ولو كانت في وسط تكساس ..

أنا لإبراء الذمة لم أقرأ الموضوع .. ولكن كما قيل ( الكتاب باين من عنوانه )

ولتمسحوا وجوهكمـ .. فهنـ بنات بريدة ..

فإن بلغتم في اعتلائكمـ النجوم .. فلتعلموا بأن النجوم تحت أقدامهن

.
.

[طيرالمحبه]

انامن اهل بريدة ويشرفني ذالك

تقول وحده اخوي يقول انا ابي زوجتي من بريدة قالوا الحريم بنات اول الحين صاروا اشد من غيرهن

اختكم

ام تركي

[د.سليمان]

كل الشكر والتقدير لكل من شارك بوجهة نظره في هذا الموضوع وأخص بالشكر( عاشقة باريس نجد ) بوجهة النظر المعتدلة والتي تبين علو صاحبها بالفكر الصحيح.
أما الأخ ( قاهر الروس ) أفيدك علماً بأن أهل بريدة وغيرها فيهم خير إن شاء الله ولا أعتقد إذا كان هناك بعض الإنتقادات لبعض المواضيع لا تعجبك فأرجو أن تحتفظ برأيك أو يكون ردك عقلاني.
وأحب أن أحيط جميع من لم يتقبل هذا الطرح لهذا الموضوع فعليه أن يحترم وجهة نظر أي شخص مهما كانت وجهته........... وبحكم عملي فاوالله أن هناك نساء طاهرات مطهرات يطهرن الأرض التي يمشين عليها وهناك نسبة قليلة ولله الحمد تتمنى أن ينزع الله روحها لأنها فعلاً فاسدة وهذا الفساد لا أحد ينكر وجوده بكل العصور ولكنه ظهر بالأونه الأخيرة بشكل علني وظاهر ,,,,,,, وذلك لقلة الوازع الديني لدى بعض أولياء الأمور في المجتمع ولكن ولله الحمد أنهم قله.
أخيراً شكرا لكاتب الموضوع وتحيه طيبة للجميع,,,