[لين القصيم]

السلام صديقاتي

ودي اعرف وين يسون البازارات ببريده ؟ومتى؟

[جبر الخواطر]

فيه بازار قبل شهر اللي كتبت عنه اختنا نورة11

واتوقع بها الوقت مافيه بازارات ,,

[BU7OOR]

ضررروووري بناات ..


أحد يعرف شي عن أحلام العمر .. A7lam Al3mr

وينــها أفقدهــاا !!

[الاحساس الوردي]

يالله بنات تكفون ردو علي لو باي فكره او انشوده او فلاش

الاجتماع اول العطله ولا سوو شي

[نوووسة]

مرحبااااااا
وشلونكم اناشاءالله بخير
ياليت اللي تعرف مشغل يضبظ الصبغة لا تقولي فربينيا او دار شهد
جربتهم مايضبطون اللون نفس اللي ابيه
وبعدين عندي فساتين حللوة وفخمة وحابه اعرضها بمشغل ياليت اللي تعرف مشغل ثقة
ومشكوررين

[تباشير المطر ~]

اقتباس المشاركة الأساسية كتبها الاحساس الوردي السلام عليكم ورحمة الله وبركاته طلبت مني بنت جيراننا ان ابحث لها عن افكار وتصاميم جديده وجيده لتعرض او لتوزع على النساء لان عندهم اجتماع سنوي للعائله كله(يعني كبير مره)والسنه هذي عليهم الاجتماع. وانا بذلت جهدي ودورت بالانترنت بس مالقيت شي .. فـ ياليت تساعدونه ببعض الافكار مثل فلا شات ترحيبيه تعرض على البروجكتر او اناشيد اومطويات اونشرات توزع او مسابقات جديده للنساء او اي شي يمكن انه ينفع لاجتماع عائلي كبيييير تكفون اي وحده عنده فكره لا تبخل علينا جزيتم خيرا وبورك فيكم

اختــي لي عودة بعد الأختبارات

سأحــضر لكي الأفكار بعضها جــاهزه

اختك في الله

نورة

[الغادية]

اقتباس اقتباس من مشاركة الاحساس الوردي السلام عليكم ورحمة الله وبركاته طلبت مني بنت جيراننا ان ابحث لها عن افكار وتصاميم جديده وجيده لتعرض او لتوزع على النساء لان عندهم اجتماع سنوي للعائله كله(يعني كبير مره)والسنه هذي عليهم الاجتماع. وانا بذلت جهدي ودورت بالانترنت بس مالقيت شي .. فـ ياليت تساعدونه ببعض الافكار مثل فلا شات ترحيبيه تعرض على البروجكتر او اناشيد اومطويات اونشرات توزع او مسابقات جديده للنساء او اي شي يمكن انه ينفع لاجتماع عائلي كبيييير تكفون اي وحده عنده فكره لا تبخل علينا جزيتم خيرا وبورك فيكم

هذا رابط لموضوع الأخ الصمصام ان شاء الله تستفيدي منه
http://www.buraydahcity.net/vb/showt...D1%E4%C7%E3%CC

وأحسن انشودة ترحيبيه سمعتها هي أنشودة محمد البريك (يامرحبا بالي ) ورابطها موجود في الموضوع الي عطيتك

كلامي على شكل نقط كل ما تذكرت شيء راح أكتبه ولو ماكان الكلام حول بعض


*في أحد اجتمعاتنا العائلية تم أحضار سلتين الأولى
تم جمع جميع أجهزة الجوال في السله الأولى
اما السله الثانيه فجمعنا فيها فلوس يعني كل يحط الي معاه خمسه اريال عشر اي شيء
ويعد الجمع راح يعطا المبلغ لأول وحده يرن وجوالها

*فيه مصالي تباع على ريالين يسمونها مصلى الجيب تصفط وتحط بالشنطه فكره حلوة لو توزع بالإجتماع مع بعض الهدايا لاتسالينن وين يباع بس اشوفها كثير بالأسواق اطلعها الوحده اذا جت تصلي وشفت وحدة في عالم حواء تبيعها

*وفيه العب الي توزع ويوضع فيها حصن المسلم بعد ما تجلدينه بتجليده حمراء شمواه وتحطين عليه بطاقة مكتوب عليها الي عبارات مع اسم صاحبة الإهداء او العائلة

*من ضمن الأشرطة الجميلة التي أنصح بتوزيعها شريط (ردريقو البرازيلي ) وشريط (إبراهيم الأمريكي ) ورعة تناسب جميع الأعمار لأنهم يتكلمون عن قصة إسلامهم وهي غريبه جداً وخاصتاً ردريقو

اقتباس المهم.. سويت لأهل زوجي مسابقه عائليه في أجتماعهم العائلي.. والصراحه كان مميز بشهادة الجميع ولله الحمد.. واليوم أن شاء الله بعصر مخي لكم.. وأعذروني إذا أفكاري مبعثره.. واي وحده عندها أستفسار عادي أسئلو..أنا حاضره.. (ياليت المشرفات يحطون نسخه منه في المتحف لأني تعبت فيه) أول شي بقول لكم عن تجهيزي للمسابقات.. 1/ الجوائز: طبعا جبت فكره من عندي..بأني ما اتعب نفسي واشتري هدايا وأقعد أغلف فيها..ويمكن ماتناسب الفائزات.. أخذت من زوجي مبلغ في حدود ال (250 )ريال.. مصروفه ريالات وخمسات وعشرات وعشرين.. طبعا مكثره من الريالات.. وجبت ظروف رسايل عددها على حسب تحديدي للفائزات في كل مسابقه.. وكتبت عليها من الخلف(الجوائز برعاية أبو ريان) وحطيت مبالغ مختلفه.. ظرف حطيت فيه ريالين..وظرف حطيت فيه7ريال.. وظرف حطيت فيه5ريال.. وظرف حطيت 10 ريال..وظرف 12ريال.. وظرف 15ريال.. وظرف واحد حطيت فيه 20ريال.. وظرف واحد حطيت فيه 30ريال.. وهكذا.. وجبت ظرف وحطيت عليه علامه حطيت فيه خمسين ريال.. لأني أبيه في مسابقة تحدي.. وفي كل مسابقه بكتبها بعلمكم كم حددت جائزه عشان تعرفون كم ظرف سويت.. 2/ سويت أرقام للسحب على الجوائز في آخر المسابقه في أوراق صغيره.. .. نبدأ بسم الله: = أول شي لما حضرت الأجتماع وشفت الناس بدو يكثرون..وزعت عليهم أرقام السحب.. أنا مسويه نسختين من كل رقم.. نسخه بالقلم الأسود وزعتها..والنسخه الثانيه بقلم الخطاط الأزرق حطيتها في سله حتى نسحب منها.. وزعت الأرقام على كللللللللللللل الحريم والبنات إللي في صف أولى متوسط وفوق..البزران لا ماعطيتهم..لأن لهم ألعاب ثانيه.. وبعد عطيت الشغالات كللللللللللللهم..قلت خليهم يفرحون مساكين.. وحتى الصبابات عطيتهم.. =وجبت معي ستكرات أرقام صغيره(مثل أللي تجي مع شنط السفر) ولصقتها تحت خمس بيالات متفرقات في صينية البيالات كللللللها.. المفروض أني حاطتها تحت الفناجيل.. بس المشكله الحريم يجون للأستراحه بالتقسيط..قلت خليني أحطها تحت البيالات يكون عدد الحضور أكثر.. وبديت أرحب فيهم بالمكريفون وأقولهم أني بسوي لهم مسابقات(وعيوني على الصبابه وهي توزع البيالات عشان أشوفها إذا خلصت من التوزيع حتى أبدا) وقلتلهم جوايزنا اليوم غير لأنها عباره عن مبالغ ماليه<<<تشققو الحريم ههههه.. المهم يوم خلصت الصبابه قلت يالله نبدأ : المسابقه الأولى وهي: أني حطيت تحت خمس بيالات ستيكرات صغيره فيها أرقام..أللي تصير في بيالتها تجي تاخذ جائزتها.. وبدو الحريم يقلبون في البيالات..قلت أنتبهوووووووو لا تكبون البيالات على أنفسكم وألا على بزرانكم من الحماس..وقعدو يضحكون.. المهم جتني خمس حريم ببيالاتهم يبون جوائزهم وقلتلهم أختارو من الظروف.. وكل وحده تفتحها وتورينا كم كسبت.. وكنت أعلم البقيه بالمكريفون عن مبلغ كل وحده.. ملاحظه: (حددت للمسابقه هاذي خمس ظروف جوائز) اللعبه الثانيه: طبعت مسابقه على عشر ورقات يعني ل10 متسابقات.. ووزعت مع الأوراق أقلام رصاص جايبتها معي.. وقلت لهم لا تفتحونها لحد ما أقول لكم.. وقلت لهم أن المسابقه مرررررررررررره سهله..وأول ثلاث فايزات لهم جوائز.. نص المسابقه: (أقروها زين) أخذتها من وحده من الأخوات جزاها الله خير.. مسابقة أسرع إجابه 1/أكتبي أسمك في أعلى الورقه. 2/إقرأي الخطوات التاليه بدقه، خطوة بعد خطوة، وأفهميها فهما جيدا، وحاولي أن تعيدي قرآءتها أكثر من مره، وركزي أثناء القرآءة ثم بعد ذلك إقرأيها من جديد ثم نفذي الخطوه الأخيره وسلمي الورقه.. 3/أحسبي.. 3+4= 4/أكتبي الأرقام من (1) إلى (10) تنازليا.. 5/من مؤلف تفسير إبن كثير. 6/ ما معنى كلمة (كتاب) باللغه الأنجليزيه.. 7/مؤلف كتاب في ظلال القرآن هو: أ/ خالد الرضيان.. ب/ سيد قطب.. ج/عبدالعزيز العيد.. 8/أحسبي: 8&#215;9-5+3 وأكتبي الناتج في وسط الصفحه من الخلف. 9/كم يبلغ عمرك بعد ضربه في ثلاثه؟ 10/كم يبلغ وزنك بعد الغداء؟ 11/إذا وضعك أحد في مكان موحش ومظلم ماذا ستفعلين؟؟ 12/كم عدد أصابع الحضور؟ 13/هل إستطعتي أن تحلي الأسئله السابقه؟ 14/ جميع إجاباتك السابقه غير مهمه..قولي بصوت مرتفع (الله أكبر) حتى تأخذي الجائزه.. أتمنى تكونون فهمتو المسابقه هاذي.. يعني المطلوب من كل هالأسئله أنها تقول: الله اكبر.. لأن الأسئله كللللللللللها أستهبال..ههههههه<<<<لعبت عليهم.. وحده من الحريم ماشاء الله أول ماقرتها على طول قالت: الله أكبر.. قلت لهم يالله بسرعه باقي فائزتين.. والحريم والبنات أنوااااع الغش وتلاقون عشر مجتمعين على ورقه وحده على بالهم متحمسين خخخخخخخ.. وأخيرا قالو ثنتين: الله أكبر.. قلت للبقيه: أقرو المسابقه زين..أنا كاتبه في البدايه في الخطوه رقم 2: (نفذي الخطوه الأخيره وسلمي الورقه..) والمطلوب في الخطوه الأخيره أنك تقولين (الله أكبر) وتسلمين الورقه... مو ضروري تجاوبون على الأسئله<<<رفعت ضغطهم هههههه قعدو يضحكون على غبائهم ههههههههه.. المهم عرضت ظروف الجوائز على الفايزات الثلاث وقلت افتحوها وعلمونا عن المبلغ..وعلموني وصرت أقول بالمكريفون (فلانه كسبت كذا وفلانه كسبت كذا وهكذا) وطبعا مثل ماقلت لكم حددت للمسابقه هاذي 3 ظروف جوائز.. المسابقه الثالثه: مسابقة الهديه.. جبت علبة صغيره.. علبة هديه حقت سلسال ذهب.. وحطيت فيها 25ريال.. وغلفتها أكثر من غلاف ..وبين كل غلاف وغلاف لصقت ورقه فيها طلب.. المهم: قلت للحريم بخلي أخت زوجي تفتح الهديه وبنشوف وش مكتوب فيها.. فتحت الهديه وقرت الورقه المكتوب عليها: (عفوا الهديه ليست من نصيبك..الهديه من نصيب أم أصغر طفل في هذا الإجتماع) وخذنا الهديه وعطيناها أم أصغر الطفل(توووها طالعه من النفاس) وقلت لها أفتحيها خلينا نشوف وشفيها.. فتحتها و قلت لها أقري وش مكتوب فيها: قرتها : (الهديه ليست من نصيبك الهديه من نصيب أنحف وحده في هذا المجلس..) وعطينا أنحف وحده موجوده الهديه وقلت لها أفتحيها نشوف وش فيها.. فتحت الهديه أنحف وحده.. وقرت وش فيها: (الهديه ليست من نصيبك..الهديه من نصيب صاحبة الحقيبه الحمراء..) وطلعت لنا وحده شنطتها حمراء..وعطيناها الهديه وقلت لها أفتحيها... وفتحتها وقرت المكتوب فيها..(الهديه ليست من نصيبك..الهديه من نصيب صاحبة أطول شعر من البنات أللي ماتزوجو..) وأنتخبو وحده شعرها طويل.. وعطيتها الهديه وقلت أفتحيها ... فتحتها وقرت المكتوب فيها..(الهديه ليست من نصيبك..الهديه من نصيب آآآآآخر عروسه متزوجه.) وطلعت العروسه..وعطيناها الهديه وقلت أفتحيها.. فتحتها وقرت المكتوب فيها (طبعا آخر طلب هذا لأني عذبتهم) وقرتها : (الهديه ليست من نصيبك..الهديه من نصيب أسرع وحده تجيب لي كتيب أذكار أو مصحف ..) جت حرمه معها كتيب أذكار.. وعطيناها الهديه إللي مغلفه وفيها المبلغ.. ماعطيناها ظرف.. طبعا في الطلبات ما كتبت(أسمن وحده ولا أقصر وحده.. حتى ما أحرج أحد..) المسابقه الرابعه: مسابقة تحدي.. وأعتبرها أحسسسسسسسن مسابقه.. كنت لابسه تنوره سوداء وفيها موديل وحركات.. وجبت معي تنوره عاديه ثانيه عشان المسابقه هاذي.. رحت تخبيت في غرفه ولبست التنوره العاديه تحت تنورتي.. وطلعت على الحريم وقلت ألحين بسوي لكم مسابقة تحدي.. وأللي تشوف أنها قد التحدي تطلع.. طلعت بنت في الكليه يعني مو صغيره.. قلت لها عند الحريم بالمكريفون.. أبغى أسوي حركات وابغاها تقلدني في كللللللللللل أللي أسويه..وإذا أتقنت نفففففففففس حركاتي..بعطيها ظرف فيه أعلى مبلغ (50ريال) أو تاخذ ظرفين هديه لها.. وأنتم ياجمهور تحكمون على أتقانها.. المهم بديت أستهبل وأركض وهي تركض معي.. جلست على الأرض جلست معي.. حبيت راس عجوز.. وسوت مثلي.. وحبيت على يد أخت زوجي..وبعد سوت مثلي.. سويت حركات كثييييييييره وكل ماسويت حركتين أو ثلاث..أسأل الحريم: وش رايكم فيها ضبطت وألا لا..والحريم يقولون أيوه ضبطت.. وأقول لهم: لاااااااا مستحيل أعطيها الهديه..بعجز بها.. وبعدها أسوي لي كم حركه.. بس هي ماشاء الله عليها ضابطه.. قلت شوفو ألحين أتحدااااااااااااااها..(أنا أللي تعبت هههههههه) وفكيت سحاب تنورتي..وفكت سحاب تنورتها.. سويت نفسي أفصخ تنورتي..وسوت مثلي بس مو بأتقان.. وفاجأتهم بحركتي.. فكيت سحابي وخليت تنورتي أم الحركات.. تطيح على الأرض وطبعا علي التنوره الثانيه.. أتفاجأو الحريم..بعضهم قعدو يصارخون.. وبعضهم غطو عيونهم بيديهم.. وبعضهم حطو يديهم على وجههم.. على بالهم أني فصختها صدق.. طبعا البنت ماقدرت تسوي مثل هالحركه.. وضحكنا عليها.. وقلت جزاء لها لأتقانها الحركات تاخذ لها ظرف واحد وماشاء الله عليها طلع لها ظرف فيه (35ريال) المهم: خفت يقولون عني هالعجايز أم ريان ذا إللي ماتستحي على وجهها..تعرفون تفكير بعض العجايز..لبست تنورتي قدامهم والتنوره أللي من داخل سحبتها من تحت.. وقلت لهم بالمكريفون.. هاذي تنوره ثانيه أنا جايبتها معي لاتحسبونها شلحه أو بطانه.. المسابقه الخامسه: طبعا المسابقه هاذي أنا جايبتها معي أحتياطيه..على حسب الوقت.. وهي مثل لعبة: (وش في الصندوق يا مرزوق) إذا كان فيه وقت كافي.. لأن بعدها بيكون السحب على الجوايز.. جبت معي علبة هديه مقاسها وسط..وجبت معي أغراض طبعا جديده وغير مستخدمه مثل: (كريم يدين/ فرشاة/ موس حلاقه/ بسكوت/ منديل جيب) وكنت أحط شي واحد في الصندوق بدون مايشوفوني.. وأروح لهم وأسألهم عن الموجود بداخل العلبه.. وأللي تعرف تاخذ أللي موجود في الصندوق هديه لها... المسابقه السادسه: السحب على الجوائز.. نادينا الشغالات والبنات وقلتلهم يالله ببدأ في السحب على الجوائز.. وكان باقي (10 ظروف) وخليت ولدي ريان يسحب من الأرقام واللي يطلع رقمها تجي تاخذ جايزتها وتفتحها قدامنا وأعلمهم بالمبلغ.. فاز في السحب 3 شغالات وعجوز والباقي حريم وبنات.. وبعدها قلتلهم مره ثانيه: أن الجوائز برعاية أبو ريان أدعو له ولحرمته وعياله.. (حللت الجوائز) وأنتهت المسابقه.. والله لحد ماطلعت من الإجتماع كل شوي تجيني وحده تشكرني وتثني على المسابقه وعلى الجهد.. لأني كنت في بداية حملي والصراحه نسيت التعب يوم شفت أن الجميع يشكروني.. الحمدلله على كل شي..

هذا الي أتحضره الأن ولي عودة ان شاء الله .

[كل الزين]

السلام عليكم

الله يعافيكن خواتي ابي مساعدتكم ارجوكم لاتبخلن علي؟؟؟؟؟؟؟؟؟؟؟

ابي مشغل حلو يضبط الصبغه انا ودي اخصل على لون الشعر وابي لون ثلجي بس قليل اللي يضبطه....ياحبيلكن اللي تعرف مشغل زين لاتبخل علي والله لادعيله وتعلمن احسن كوفيره بالمشغل........

[M!Ss TOOFEE]

مشغل نهاوند

[طبعي كذا]

8
8
8
8
مشغل نهاوند <<الصراحه فاشل الااذا كان حظ
معليش اختي من وإلى الثرى اتكلم من تجربه

[الاحساس الوردي]

اقتباس المشاركة الأساسية كتبها نورة 11 اختــي لي عودة بعد الأختبارات سأحــضر لكي الأفكار بعضها جــاهزه اختك في الله نورة

الله يعطيك العافيه ويوفقك باختباراتك وتاخذين الاولى على القصيم ان شاء الله

انتظرك على احر من الجمر

على فكره الاجتماع يوم الخميس الاسبوع الثاني من العطله

[الاحساس الوردي]

اقتباس المشاركة الأساسية كتبها الغادية هذا رابط لموضوع الأخ الصمصام ان شاء الله تستفيدي منه http://www.buraydahcity.net/vb/showt...D1%E4%C7%E3%CC وأحسن انشودة ترحيبيه سمعتها هي أنشودة محمد البريك (يامرحبا بالي ) ورابطها موجود في الموضوع الي عطيتك كلامي على شكل نقط كل ما تذكرت شيء راح أكتبه ولو ماكان الكلام حول بعض *في أحد اجتمعاتنا العائلية تم أحضار سلتين الأولى تم جمع جميع أجهزة الجوال في السله الأولى اما السله الثانيه فجمعنا فيها فلوس يعني كل يحط الي معاه خمسه اريال عشر اي شيء ويعد الجمع راح يعطا المبلغ لأول وحده يرن وجوالها *فيه مصالي تباع على ريالين يسمونها مصلى الجيب تصفط وتحط بالشنطه فكره حلوة لو توزع بالإجتماع مع بعض الهدايا لاتسالينن وين يباع بس اشوفها كثير بالأسواق اطلعها الوحده اذا جت تصلي وشفت وحدة في عالم حواء تبيعها *وفيه العب الي توزع ويوضع فيها حصن المسلم بعد ما تجلدينه بتجليده حمراء شمواه وتحطين عليه بطاقة مكتوب عليها الي عبارات مع اسم صاحبة الإهداء او العائلة *من ضمن الأشرطة الجميلة التي أنصح بتوزيعها شريط (ردريقو البرازيلي ) وشريط (إبراهيم الأمريكي ) ورعة تناسب جميع الأعمار لأنهم يتكلمون عن قصة إسلامهم وهي غريبه جداً وخاصتاً ردريقو هذا الي أتحضره الأن ولي عودة ان شاء الله .

اختي الغاديه

بصراحه كفيتي ووفيتي وش اقول وش اخلي

الله يجعل ماسعيتي له في ميزان حسناتك

وباذن الله ماراح ننساك من دعائنا

الله يجزاك خير ويوفك

انتظر منك المزيد

[نيران]

اقتباس المشاركة الأساسية كتبها كل الزين السلام عليكم الله يعافيكن خواتي ابي مساعدتكم ارجوكم لاتبخلن علي؟؟؟؟؟؟؟؟؟؟؟ ابي مشغل حلو يضبط الصبغه انا ودي اخصل على لون الشعر وابي لون ثلجي بس قليل اللي يضبطه....ياحبيلكن اللي تعرف مشغل زين لاتبخل علي والله لادعيله وتعلمن احسن كوفيره بالمشغل........

إذا كنتي تبغين خصل .. خواتي كلهن صبغهن حلوووووو
عند مشغل نور بالصفراء .. الكوفيرة سماح >> تراها صبغه الزين .. بس القص ما جربناها ..

[كل الزين]

الله يجزاكن الجنه اخواتي اللي رديتو اعلي اللي معرسه الله يسخر لها زوجها واللي ما اعرست الله يرزقه الزوج الصالح عاجلا غير اجل ....بس وش رايكم في مشغل شهد زينه صبغته؟؟؟؟؟؟؟؟