[هالي]

اقتباس المشاركة الأساسية كتبها جاردينيا وأنت الحـــــــــــــــــين مسوي أحصائية يوم انك تتكلم وبعدين انا ماقلت شي من عندي انا اتكلم عن الواقع اللي عايشه فية ياشاطر كلامي 99 % ينطبق على الواقع ودي ادري وش حنا مسوين لكم كل يوم منزلين موضوع عن البنات تقل جايات من المريخ الله يهديك بس

أكثر ما أعجبني فيك إستقلاليتك وثقتك بنفسك بحيث أنك تردين وتناقشين ولا تجعلين الآخرين


يحدثون عنك ولك الحق بمعارضة اي رأي غير مقتنعه به قولي رايك ناقشي لاترددي مايقوله


غيرك بهذا تصنعي لك شخصيه قويه وبالنسبه وهل أنت مسوي إحصائيه اقول كثير من مشاكل


الزوجين سببها تدليع البنات وعدم تقبلهن الوضع الجديد شكرالك

[صمت النار]

اقتباس المشاركة الأساسية كتبها هالي ولك الحق بمعارضة اي رأي غير مقتنعه به قولي رايك ناقشي لاترددي مايقوله غيرك بهذا تصنعي لك شخصيه قويه

في الصميم

وبصراحة المفروض هذا الرد يكون موضوع مستقل

[هالي]

اقتباس المشاركة الأساسية كتبها صمت النار في الصميم وبصراحة المفروض هذا الرد يكون موضوع مستقل

تسلم يالغالي وش يمنع حط موضوع بعنوان لماذا البنت لاتثق بنفسها خخخخخخخخخ

[هالي]

اقتباس المشاركة الأساسية كتبها قفاز مخملي حــــــــــــــــــــــالات نــــــــــــادره في بريدة من توفر سائق خاص للبنت تطلع على كيفها انا اعرف مـــــد لـعا ت كثير تعدلن بعد زواجهن ؟؟؟؟؟؟؟

نتمنى ذلك

[هالي]

اقتباس المشاركة الأساسية كتبها مابنكسر صابر اولا اخوي يقول المثل خذ مدلعه ولا تاخذ ملطمه والبنت العاقل تتكيف مع زوجها اين كان الا اذا انت تتكلم عن نفسك بالعكس البنت بحاجه لدلال شديد حتى لا تنفر من الاهل وتلجأ لظلام تقبل مروري

بس ماسمعت هالمثل من قبل سمعت اللي سمعته هو خذبنت عاقله ولاتاخذ مدلعه خخخخ

[السامي البريداوي]

كثير من الشباب عندما يخطب فتاة

ويصله معلومة عنها أنها مدللة

مباشرة ينصرف عنها .

وأعتقد أن لوكان السبب الوحيد لعدم تدليل الفتاة لكفى.

[المنخرش]

الدلال والدلع سمات تميزت بها الأنثى ..
فهو جزء لا يتجزأ من أنوثتها ..



والدلع والدلال فطرة موجودة في كل فتاة
فلا توجد فتاة على وجه الأرض ليست دلوعة ..


لكن هناك من تحافظ على تلك الفطرة وتبرزها
وتتفنن في إظهار أنوثتها ودلالها ..


وهناك من تكبت تلك الفطرة الطبيعية
وتتناساها مع زحمة الأيام والحياة


إنها تظلم نفسها بذلك ..
وتتخلى عن طبيعة فطرية
وجاذبية أودعها الله فيها ..


نرجع للموضوع

اقتباس المشاركة الأساسية كتبها هالي وبالنسبه وهل أنت مسوي إحصائيه اقول كثير من مشاكل الزوجين سببها تدليع البنات وعدم تقبلهن الوضع الجديد شكرالك

طيب هل مصدر أقول (من المصادر الخاصة والموثوقه ..؟)

أجل انا أعرف أقول


أقول ان أغلب الطلاق من عدم الدلال للبنت
وإذا كانت البنت لاتتدل ععلى زوجها .. يحصل الطلاق

هذا مصدري انا كما انت

اقتباس فيما نقول وكل سيحاسب على كلامه لكن والله إن طرحي لهذا الموضوع هو للمصلحه العامه فقط وليس لشيئ

المصلحه العامه ياعزيزي .. أنك تجيب أشياء مثبته .. لاترمي جزافاً من كلام عاري من الصحه ياغالي
انا والله ودي أستفيد وودي أعرف وكيف .. لكن أخذ كلام من غير واقع وغير مثبت وغير موجود .. وفي مجتمعنا يثبت العكس .. هذا أعتقد انه غير منطقي فضلاً ان يكون للمصلحه العامه ياعزيزي

اقتباس لم نحدد أحد بعينه موضوع عام وإذا بتعاند وتبي تدلع بناتك هذا راجع لك بس تحمل مايترتب على ذلك عقب الزواج

في كلامك السابق تقول كل يطرح ماعنده ويأخذ ويعطي والآن تقول (يعاند) صار اللي مايخذ بكلامك .. انه يعاند .. أي مصداقيت ماتقول يابعد قلبي .؟

أنا هذا رأيي .. وهذا الحاصل
مو معناته أنها عناد ..!!

اقتباس لست أطالب بالتعامل مع البنت بغلظه وشده ولكن الوسط زين ومن هذا وضعها فالموضوع ليس موجها لها والله

إذا هات تفصيل (الوسط عندك)
خلنا نسفيد .. يمكن أننا لم نختلف في وجهات النظر ويكون تعبيرك هو الحائل بيننا

هات مفهوم الوسط عندك .. شاكر لك طرحك عزيزي

اقتباس كثير من الشباب عندما يخطب فتاة ويصله معلومة عنها أنها مدللة مباشرة ينصرف عنها .

وأنا اقولك ياغالي .. ان كثير من الشباب عندما يخطب ويصله انا الفتاة ليس مدلعه
ينصرف عنها مباشرة ..
ويبحث عن اللتي تملأ حياته بالدلع والدلال

[ســلســـبيلا]

[quote=هالي;2078865]سبحان الله في ردك الذي تم حذفه قلتي بأنك مدلعه بشده وكل شي مهيألك نعم ولن انكر وقلت انه مع ذلك تربيه اخلاقيه سليمه وكلاُ يشهد بذلك>>>>>>>>وأنك متخوفه من الزواج>>>>>> نعم ولكن ليس بسب الدلع ولاكن بسسببكم ياشباب ومن اشوف واسمع من لعن الجدف للمره لو اني واثقه انكم بتكرموننا وتحطونا بعيونكم والله ماخفت بل رفضت كل من تقدم لك بسبب تدليع أهلك وخائفه من الزواج بسبب التدليع !لا مو من الدلع وانا قد المسؤليه وقدود ولاكن من خوفي منكم ومن الي سونه
لو اني حسيت انكم ياشباب بتأخذون البنت من بيت اهله معززه مكرمه وتعزونه وتحترمونه كان الموضوع اختلف وماظن شي بيمنعني كان اوافق على الطايربس الي اشوفه يخوف وربي وقسم بالله اني من سجلت المنتدى وشفت سواياكم>>>صرت بخوف مايعلمه الا الله تدري ليش لانكم اعيالنا وشبابنا منا وبنا


واليوم تدعين علينا وتحملينا مسؤلية أمر لم نرتكبه>>>بتخلي نفسك من المسؤليه ماتقدر الله شاهد فوق والناس بالارض شهوده >>> والله انك زت الطين بله ومو بس انت والكلام عام لهم كلهم>>> بس قلي شلون ماارتكبتوه انت اسأل البنات بالله وشف وش ردهن انا ظنيت ان هالاحساس بس بي ولاكن شفت ردود بعض البنات في موضوع ثاني مثليالله يهديك بس ويصلحك ويوفقك بحياتك >>>> اللهم امين وانت كذلك يارب

بدل ماتشكريننا هجمتي علينا>>>> وربي اني من عرفت المنتدى وهالمواضيع وهالردود وانا بهم لايعلمه الا الله وشلون ومعقوله كذا شبابنا >>>>> ومليت وانا اقول رفقا بالقوارير بس ماعندك احدعلى العموم إذا جاك الزوج الكفؤ الذي أوصى الرسول به فتوكلي


على الله واقبلي به>>>صعبه ياشيخ تخيل اطلع من دار العز والكرامه للدار المذله والمحقريه والاهانه لمعلوميه كان المطوع عندي شي بس هالحين خربتو هالنظره وثقي بنفسك فعدم الثقه نتيجة الدلال والدلع الزائد !!>>> اخطات مع احترامي لك انا واثقه من نفسي بس موواثقه منكم الله يوفقك ويحقق لك ماتحلمين به ويرزقك الزوج الصالح>>>>اللهم امين ياحي ياقيوم وانت كذلك ويعلم الله إن أمنيتي هو التوفيق للبنين والبنات 0>>>> بس طلبتك اسال البنات اذا كان هذا الشي اثر عليهن والا لا تكفى نزل موضوع وبذلك يتضح لك ولغيرك هالامر ادري ان الرد بيحذف مثل الي قبله بس اتمنى انك تشوفه قبل

[الأمبرطورة]

كلامك عين الصواب تقبل مروري

[داويتي جراحــــــي]

أختــــــــي زين البنـــــــات خلي نظريتكـ تجـــــاه الملتزم ثابته ولاتغيرينه
لاتقولين كان عندك شي والحين خربوووه بالعكس ماجابته أمه اللي يشوه صورة الملتزمين بعيوننا.....صدقين الملتزم يبي يراقب الله بكل تصرف يتصرفه معك...
وبالعكس هم اللي يدللون ويكرمون ويعززون وأنا مب من الناس اللي يتكلم عن الخيال عندي أمثله من واقعي القريب..
2 من قريباتي ووحده من صديقاتي رجالهن ملتزمين والله ثم والله إني أحسبهم والله حسيبهم من أسعد العـــــــــالم...
وماأقول كذا من الظاهر لي بس لاااااا وحده منهن صديقه مقربه لي جداً والحين صار له 5 سنوات متزوجه...
ماشالله لاقوة الا بالله الله يديم عليهم يـــــــااااارب..

___________________________
الشي الثـــــاني بالنسبه لصلب الموضوع ..أيضـــــاً عندي مثـــــال من واقعي عن تدليع البنات...
من صديقاتي أيضـــاً سواقهم اربع وعشرين ساعه عند الباب وين ماتبغى تروح
ومستحيل أهله يمنعونه عن شي ويقدرون طلباته وماعندهم إحتقار للبنت مثل البعض من سائر البشريه!!!!!!!
المهم
تزوووجت قبل سنتين وسكنت بالشرقيه بعيد عن أهله بعد
والله يديم عليه يااارب عاااااايشه...
يعني كــــــلامكم بالهــــــواء معليش.... إذا هي إرتاااحت بحيـــــاتهـ تدليـــــع أهله راح تكون نتيجته إيجابيه ومستحيل تكون سلبيه....

[مخروشة بريده]

صمت النار

يالعقلاني

ليش ماتجاااوب على موضوعك الي مسكر

مسوي فيه فااااهم

رفقا باخوك الصغير

[بودرة نونو]

اقتباس المشاركة الأساسية كتبها داويتي جراحــــــي أختــــــــي زين البنـــــــات خلي نظريتكـ تجـــــاه الملتزم ثابته ولاتغيرينه لاتقولين كان عندك شي والحين خربوووه بالعكس ماجابته أمه اللي يشوه صورة الملتزمين بعيوننا.....صدقين الملتزم يبي يراقب الله بكل تصرف يتصرفه معك... وبالعكس هم اللي يدللون ويكرمون ويعززون وأنا مب من الناس اللي يتكلم عن الخيال عندي أمثله من واقعي القريب.. 2 من قريباتي ووحده من صديقاتي رجالهن ملتزمين والله ثم والله إني أحسبهم والله حسيبهم من أسعد العـــــــــالم... وماأقول كذا من الظاهر لي بس لاااااا وحده منهن صديقه مقربه لي جداً والحين صار له 5 سنوات متزوجه... ماشالله لاقوة الا بالله الله يديم عليهم يـــــــااااارب.. ___________________________ الشي الثـــــاني بالنسبه لصلب الموضوع ..أيضـــــاً عندي مثـــــال من واقعي عن تدليع البنات... من صديقاتي أيضـــاً سواقهم اربع وعشرين ساعه عند الباب وين ماتبغى تروح ومستحيل أهله يمنعونه عن شي ويقدرون طلباته وماعندهم إحتقار للبنت مثل البعض من سائر البشريه!!!!!!! المهم تزوووجت قبل سنتين وسكنت بالشرقيه بعيد عن أهله بعد والله يديم عليه يااارب عاااااايشه... يعني كــــــلامكم بالهــــــواء معليش.... إذا هي إرتاااحت بحيـــــاتهـ تدليـــــع أهله راح تكون نتيجته إيجابيه ومستحيل تكون سلبيه....

كلام جميل ...
الملتزم والرجل اللذي يضع الله نصب عينيه في كل شئ هو من افضل نعم الدنيا للمراءة المحظوظة .. ومن رزقت بشخص ملتزم يخاف الله في دينه ودنياه اقول لها ابشري بالسعادة والحياة الجميلة ..............................
ولكن المشكلة كيف تعرفين انه ملتزم فعلا وليس ديكور ملتزم توارث اللحية وقصر الثوب من اباءه واجداده وهو ابعد مايكون عن الدين والخوف من الله وكل همه بالحياة ( الحريم ) !! و (الكبسة ) !!



ختاما أردد المثل المعروف ..
خذ مدللة ولا تاخذ ملطمة ...........

[صوت من الألم]

اقتباس المشاركة الأساسية كتبها مخروشة بريده اشكررررررررررررررررر المنخرش على الردود الرائعه بالصراحه انك حجرت الصمت الناااار والحمدلله انك سليم مووواااااااا مثل بعض ناااس يفتح موضوع ويغلق والاجابه بمخباته للحين

[ما تَهَاب]

سؤال الحين أنتم السواق تعتبرونه دلع !!!!

مارح اتكلم وأقول قالت فلانة بتكلم عن نفسي أنا بعد ماكبر الوالد الله يعطيه الصحة والعافية والعيال أنشغوا بحياتهم ودراستهم جابوا لنا سواق " والله اني أعتبره راح الدلع " من غير شر
والان بعائلتي اللي ما معها إلا بزر بزرين السواق وزوجته شي طبيعي عندها " هل تعتبره دلع هالشغل !! "

[ أنا اعتبر السواق دلع للرجال مو لنا .. ]

من جد نظرتك غريبة وبعض كلامك مع احترامي بعيد عن الصواب ولكن أنت والمؤيدين لك ماعليكم طبقوا اللي تشوفونه صحيح والله يعينكم ويعين عليكم .

بالتوفيق ..!!