[مــرعــب]

اقتباس المشاركة الأساسية كتبها بولوهي كلام جرايد شفته قدامي اكثر من مره ما يصور الا اذا بقى تقريبا 50 متر وكنا مره نمشي 100 ويوم لمحناو تقريبا 100 متر او اقل هدينا الى 40 لزوم الحيطه ولا صار شي ولله الحمد

كلامك بدون دليل ولا توهق العالم لو سمحت
قبل كم يوم واحد يحلف بمشاركة بالله العظيم انه ماشي 70 والسرعة المحددة 80 وصاده الفلاش
كل كلامه من نمونة كلامة يا عزيزي
بدون دليل

اقتباس المشاركة الأساسية كتبها بولوهي ياخذه منك اذا عرف وشو لان بعضهم ما يدري مصدرك اما توليف ما يصلح

كل الناس عندك تولف ؟

انزل الرياض وعليك حق 10 آلاف ريال اذا كان كلامي أنا والأخ غير صحيح

تراي رحت موقع مرور الرياض وما استطعت رفع البند المذكور

اعتبرها توليف وخلي مرور يمشي ويمسك كوبرا معك وشف وش يبي يسوي

@


تدري وش المشكلة
إن مرور بريدة محترمين زود ويكتفون بالمصادرة بلا غرامة حسب كلامك مع أن الرياض ما يتركونك تمشي الا ضابطين أمورك وساحبين الجهاز وحاطين الغرامة عليك


محدثكم / م ر ع ب

[مــرعــب]

قمة الذكاء عند بعض الناس

يطالبون ساهر يعلمهم وين يوقف همن يعربدون ولا جا مكان ساهر هدى السرعة

ههههههههههههههههههههههههههههه

على بالكم لعبة الغميضة هي

الله يعين الأرض عليكم

[السيف السعودي]

يعطيك العافيه

[السيف السعودي]

اقول سمو الذوق تبي مكانتهم تلقاهم على طريق الملك عبد الله عند النخيل

[صـالــح]

900 بشهر و 1200 قريبه بطريق

[xX DUNHILL xX]

الان باص ساهر بالبشر قبل الدوار على اليمين بالخدمه بعد الصرافه حقت الرياض ...

xX DUNHILL xX

[ابو خالد2]

يا شباب فيه جهاز يكشف ساهر وموجود في بريده

[ابوخريف]

كل صبح مقابل مؤسسة النقد بجميع الاتجاهين
يومياً مـــــــــــــــــــــــــــــــــــــوجود

[ابوخريف]

اقتباس المشاركة الأساسية كتبها ابو خالد2 يا شباب فيه جهاز يكشف ساهر وموجود في بريده

نعم كلامك اخوي ولكن مايلتقط ساهر الا من مسافه قريبه تقريباً 100 او 150 متر يعني مايمديك تهدي

[de4]

اقتباس نعم كلامك اخوي ولكن مايلتقط ساهر الا من مسافه قريبه تقريباً 100 او 150 متر يعني مايمديك تهدي . .

الي تتكلم عنه بـ 450 ريال
فيه واحد يلقط على مدى 400 كيلو بـ 700 ريال وعليها

واحب اقول ان نظام ساهر من اجل استنزاف جيوب المواطنين

نظام تحديد السرعة موجود لدى دول العالم من زمان مانقول فيه شي
اما انك تجيب لي كاميره متنقله !!!

لا ومحددين السرعه قبل لا يحطون الباص
ابي اعرف طريق سريع يقولون السرعه المحدد 70 كيف نسوق على كذا يبون يخلون الطريق يزدحم من كثر الي يمشون بشويش !!

[الوزير2]

استفسار لو سمحتوا
- كم مرة يتم تدبيل المخالفة .
وهل تدبل كل شهر مثلآ 300 بعد 3 شهور تصبح 900ريال

[غريب احساس]

التدبيل مرة واحدة

يعني الأولى الأدنى
والثانية الأعلى

[سعداف]

اقتباس المشاركة الأساسية كتبها الوزير2 استفسار لو سمحتوا - كم مرة يتم تدبيل المخالفة . وهل تدبل كل شهر مثلآ 300 بعد 3 شهور تصبح 900ريال

المخالفات تأخذها حد أدنى .. بعد مرور شهر ترتفع للحد الأعلى ولا ترتفع زيادة بعد الشهر الاول

والمخالفات عندنا أربع أنواع :
1- الحد الأدنى 100 والحد الأعلى 150
2- الحد الأدنى 150 والحد الأعلى 300
3- الحد الأدنى 300 والحد الأعلى 500
4- الحد الأدنى 500 والحد الأعلى 900

والله أعلم !

[California]

ساهر الان قبل عيادات المستقبل

بااص