[السوحي]

اقتباس المشاركة الأساسية كتبها بريداوية مقهورة لو قصدك خير ما كنت كتبت الموضوع بهالطريقة و أنا أستغرب من مشرفين المنتدى وينهم عن موضوعك !! خاف الله في كلامك اللي تقوله ثاني مرة أقولها لك و أصلا مبين من كتابتك للموضوع بالأول و أسلوبك ما فيه لباقة و لا شي كلام زي كذا ما يكتب بمنتدى أنت واحد حاقد على المدرسة و بس تبي تشوه سمعهتم و ما تدري وشلون اتق ربك في كل كلمة تطلع منك شي ما شفته بعينك لا تنقله و بعدين حتى لو كان صحيح الكلام و شفته بعينك ما يجوز التشهير بهالطريقة و تراك قذفت كثير بنات و معلمات و اداريات بذمتك لـ يوم القيامة و قذف المحصنات الغافلات من السبع الموبقات استغفر ربك على اللي سويته و يا ليت الادارة يحذفون هالموضوع :: عندك شي اتصل بالادارة و قل لهم اللي عندك و بس

هدأي من روعك قليلاً
فما هكذا يكون النقاش .. كلُ له وجهة نظر ودليل وشهود
بهذا الأسلوب لن نخرج بنتيجه ..

[هلالي وبس]

يابنات رياض القصيم اقول : على من تلعبن بكلامكن هذا ؟؟
وياليت تكون عندكن الشجاعه مثل اللي عند زميلاتكن اللي اعترفن بوجود كل هذا في مدرستكم؟؟
والا هن يكذبن وانتن الصادقات؟؟؟؟؟؟؟؟؟؟؟

[هلالي وبس]

ملاحظة:
لاحظوا ردود طالبات تلك المدرسة وانتم تحكمون عليهن ؟؟؟؟؟؟؟؟

[المقهوره]

انا عندي حل ياطالبات (رياض القصيم).. قال تعالى ( ولاتجعلوا الله عرضة لأيمانكم)
بناء على هذه الآيه الكريمة وعظم وعيد من اقسم بالله كاذبا او غير مباليا .. مارأيكن ان تقسمن بالله العظيم ان طالبات المدرسة (جميعهن) لايلبسن القصير ولا النقاب ولا عباءة الكم؟؟؟؟؟؟؟؟؟؟؟؟؟؟؟؟؟؟؟
وحينها لن نملك بعد ( القسم) إلا التصديق!!!!!!!!!!

[بريداوية مقهورة]

يا عمري أنتم يا بنات رياض القصيم
ما في حل
أبد
قضاؤكم و قدركم إنكم تعيشون مع ناس زي هالأشكال
يخربون كل شي و يطلعون من السالفة بعد
و يسوون نفسهم أبرياء و قصدهم خير

[شهيد الأمة]

السلام عليكم ورحمة الله وبركاته

ياأخوان يأخوات الموضوع وصل تقريبا 7صفحات هل خرجنا بنتيجة هذا شي والشي الثاني لا تجرفكم العواطف إلى هاالدرجة التنزية عن مدرسة رياض القصيم أو رشقها بالتهم لنكن معتدلين كما هو منهجنا ولنخرج بفائدة

أخواتي أنا أختكن من رياض القصيم ولكن من معرف أخي

سواء كانت الحجة لنا أو علينا يجب أن يكون كلامنا مؤدب ويتصف باالأخلاق الفاضلة ويتميز بالحياء وبكل هدوء أما هذا العواصف الهوجاء على الأخ الغضنفر أنما قالها من منضورة هو وأختة صحيح أنة أخطى حين عمم لكن يبقى أنة أخ مسلم لكي مهما كان ولا يتوجب الدعاء علية والتأمين على دعاء بعضكن أتقين الله في كلامكن .
ثانيا الأنسان مهما بلغ من المعرفة لن يكون معصوم من الأخطاء وكل أنسان يأخذ من كلامة ويرد إلا الرسول صلى الله علية وسلم ورياض القصيم ليست كتاب منزل حتى لا تخطي مهما بلغت من العلو والأرتفاع .

ولكن أرى من أخت الغضنفر أو قريبتة لماذا توقفتي عن النهي عن المنكر عندما رأيتية ولم تنهي عنة؟ دائما تبدا المشاكل من الملاحظات يجب مداواة الجرح على الفور أي لماذا لم تبلغي المديرة أو المسؤلة عن ذلك.هداك الله إلى سواء السبيل

أرجوا التعقل من كلا الطرفين في الردود

أختكم :أخت شهيد الأمة

[السوحي]

اقتباس المشاركة الأساسية كتبها ameerah اقول اخ رايق وراه ماتستحي على وجهك وتفارق برا الموضوع , الموضوع لا ناقة لك فيه ولا جمل يعني لو احد متكلم عنك او عن خواتك ... الخ كان قومت الدنيا بعدين اذا انت تقول ما دخان من دون نار انا عندي لك حادثة صارت لك انت وصديقك : طلعتوا للنخيل ودخلتكم بنت على انكم اخوانها وغازلتم بنات الناس ورقمتوا العالم وطلعتوا مع شلة بنات وتمشيتوا .. الخ . شفت انه من السهل انك تتكلم عن اي شخص ... وانا ما اعرفك فهل سيقول الناس كما قلت : لا دخان من دون نار ؟؟ استطيع ان اقدح في كون الغنضفر عاقل وان الصحيح انه مختل عقليا حسود حقود على نجاحات رياض القصيم فجعل من نفسه الرجل المقدام الذي ينقذ البشرية من الفساد ... يبدو انه مازال في حالة الطفولة ومتأثر في روبن هود او بعدنان وانقاذه للينا وقريتهـا , واعتقد وبلا شك انه من المتابعين لسبيس تون وام بي سي 3 ..

ليكن حديثنا ونقاشنا داخل في نطاق الأخلاق والهدوء
أيها الإخوه ، هل فقدتم عقولكم .. أهذه أصول الحديث واحترام الطرف الآخر ووجهة نظره ..
أرى بعضكم وقد بدا يقدح ويسب ويشتم الطرف الآخر ..
لم نعهد الحديث يدار بهذه الطريقه ..

إلزموا الهدوء يا إخوه فـ الموضوع لا يحتاج لهذه القسوه والغلظله ..

[السوحي]

اقتباس المشاركة الأساسية كتبها المقهوره انا عندي حل ياطالبات (رياض القصيم).. قال تعالى ( ولاتجعلوا الله عرضة لأيمانكم) بناء على هذه الآيه الكريمة وعظم وعيد من اقسم بالله كاذبا او غير مباليا .. مارأيكن ان تقسمن بالله العظيم ان طالبات المدرسة (جميعهن) لايلبسن القصير ولا النقاب ولا عباءة الكم؟؟؟؟؟؟؟؟؟؟؟؟؟؟؟؟؟؟؟ وحينها لن نملك بعد ( القسم) إلا التصديق!!!!!!!!!!

عذراَ

ليس إلى هذا الحد
غير ان الموضوع لا يستعدي إلى الحلف ..

كلها ترهات وكلام لايعرف صدقه من كذبه ..
أيضا لاتنسو أنكن أنثاوات .. ليكن كلامكن لينا وخطابكن لينا
وليكن الخلق الحسن غطائكن سواء ان تقبعن خلف معرفات ام ظاهرات ..

[ ولا تجهرن بالقول ... ]

[السوحي]

إخوتي بنات بلدتي .ز
كلامي سابقا ليس إلا غيرتن عليكن ورأفتن بكم ..

إن لم يعجبكن الهرج ، فاضربوا به عرض الحائط ..
فأنتن لستن ملزمات بالدفاع ..

بارك الله بكم ونفع بكم
وجلعكم مغاليق للشر مفاتيح للخير وسدد على طريق الخير خطانا وخطاكم ..
..

[ســ Sara ــاره]

النكته اللي يقول عباة كم ونقاب
ورب الكعبه ان بنت عمي برياض القصيم
وربي ان عباته وااااااااااااسعه من القديمات اللي مالهن كم
ولاتلبس نقااااااب ممنوع عندهم
ومره لبست نقاب ورب الكعبه ان وحده من المشرفات ساحبته من الشارع ودخلته المدرسه
واخذت النقاب منه
انا مدري من وين تجيبون هالخرط
والا اللي تقول قصير خخخخخخخخخخخخخخخخخ
صح يضربن بالمكياج ويلبسن بلايز اشكال والوان بس عاد ماتوصل للقصير
لاتزودون

[وكما قال الشاعر]

اقتباس المشاركة الأساسية كتبها رعشة هدب حبيت أقولك اللي وصل المعلومة لك الله لايوفقه لأتها كـــــــــــــــــــــذابه والله يبتليها كان تكلمت بأعراضنا الله لايسامحك لادنيا ولا أخره والله أنها المدرسة أشرف منك ياوقح وربي وقح إذا كنت تعمل لأحد المدارس الخاصة وكان الغرض إنك تسبب بترك هذه المدرسة ربي يشل يدك وتخسر دنياك وأخرتك ياااااارب ياعزيز ياقادر . للمعلومية أنا سجلت على شان أرد عليك بس لأن بهذه المدرسة لكن راح ادعي عليك ليلي مع نهاري وربـــــــــــي لايسامحك .

ههههههههههههه
الله يرجكن يابنات بريده الي يشوفكن يقول المدرسه متقاطاتن به
ولا راعي المدرسه دافعن لكن هديه ولا مدرسكن ببلاش .. ياحليكن

كل ماقريت رد لكن ظحكت على سخافتكن
الحين تاركاتن المطبخ وتاركاتن امهاتكن واختباراتكن وجاياتن تدافعن عن اربعة جدران
تدافعن عن مدرسه .. الله يفشلكن انت وهممكن .. دورو لكن شي ابرك من هالهرج الي منتن طالعاتن منه بنتبيجه .. والله اني أحس انكن سويتن طهبله بالمدرسه على هالموضوع وشكلكن بالإذاعه قايلاتن خبر .. موضوع في منتدى بريده ستي يسب مدارس رياض القصيم انكروا
مابقى تقولن الا
فداكي ارواحنا ورقابنا يا رياض القصيم
وتطقن تصاميم بالساحات والمقصف والفصول .. ما أقول ألا الله يخلف غلى بنياتنا من هالسخافات ..
انا ادري ان الي يبي يقرى ردي بيحقد علي ..لكن والله ردودكن يرفعن الظغط .. ما كأنكن بنات وحمايل ..
كل وحده ترد رد الي يشوفه يقول هالي كاتبه رجل من الهواش ، استرجاااااااااال
روحن قولن لأهلكم اننا نهوش رجال ونحاتسيهم بالمنتدى .. ان ماجاكم طراااااق يمشي صرليوووون
منب ابو ناجد .. الحين انتن تركتن عفتكن وحيائكن وجايتن تحاتسن رجال بطريقه مادري وش تبي ..
الله يهديكن بس ..




والي يرحم وااااااااااديكن لاتفشلننا انت وهرجكن ..

على فكره .. ترااااي ماااا أميل إلى أي مقوله لاني من أهل بريده الي بالريااااااض
لكن هرجكن يقهر ..

[ســ Sara ــاره]

اقتباس روحن قولن لأهلكم اننا نهوش رجال ونحاتسيهم بالمنتدى .. ان ماجاكم طراااااق يمشي صرليوووون منب ابو ناجد .. الحين انتن تركتن عفتكن وحيائكن وجايتن تحاتسن رجال بطريقه مادري وش تبي .. الله يهديكن بس ..

هههههههه حلوه نحاكي رجال بالمنتديات
قلتها منتدى من ورى شاشه وماتشوف غير كتابه
واهلنا ياخيي يدرون اجل من وين لنا كمبيوتر مدري الى متى هالتخلف بكم
قال رجال قال

اقتباس والي يرحم وااااااااااديكن لاتفشلننا انت وهرجكن

من زين هرجك عاااد
شف نفسك قبل انت واسلوبك

[وكما قال الشاعر]

هههههههه

اقتباس قلتها منتدى من ورى شاشه وماتشوف غير كتابه

تحاتسين رجال ميخالف
لكن موب بهالطريقه .. هواش وقلة حياء
الحين محارمي وقريباتي استحي او بالاحرى ما أقدر إني أحتسي معهن تسذا .. وشلون مع ناس ماأعرفهم خلقه غير انهم موب من جنسي .. أنا لو أطمع ان اختي تحاتسي رجل بهالطريقه تسان قطعت رقبته مابقى الا هي

اقتباس واهلنا ياخيي يدرون اجل من وين لنا كمبيوتر مدري الى متى هالتخلف بكم

يشرون لتس كمبيوتر مانقول شي تدخلين الانترنت مانقول شي يدرون اهلتس لكن اهلتس مايدرون انتس تحاتسين رجال ليته بأسلوب مره مسلمه عاقله نحسبه والله حسيبه انه ملتزمه وبنت حمايل بأسلوب الله يخلف اسلوب شوارع .. أدعي الله انه يهديتس

اقتباس من زين هرجك عاااد

أنا هرجي نعااااااااااااااااااااااااااااااااااال
لكن الحمد لله احاتسي الي قدامي بأسلوب إنسان موب بأسلوب بهيمي
إذا بنقاش سبيت ونحيت وأهم شي وجهة نظري هي الي صح وغيرى هو الي مخطي
والحمد لله إذا أبهارج احد موب اسب واشتم احاتسيه بالمعقول ..

وانتن الظاهر تهاوشن موب عشان نشوف من الي صح ..
اصلن انت الي معكن الصح والي غيركن خطأ ، انا اخبر الي يبي يناقش حتى يعرف منهوالصح من الي مخطي حتى بالأخير كلن يقتنع موب تسننا كفار اعوذ بالله كل واحد يسب من جهه والي يدعي على اخوه من جهه والقضيه كلها ماتسوي تفاهه خربطه قله حياء موضوع تافه الله يخلف بس

[مدحت شوقي بريده]

السلااااااااااااااام عليكم ..



الصراااااااحة أنا من يوم شفت هالموضوع .. وأنا فيه سؤال فالقن رااااااااااااااسي ..
قعدت أفكر وأفكر وأفكر .. الين نبت بمخي دمل من كثر التفكير ..
حتى المخ عندي يقول لي .. وين الناااس مبطين ماشفنااااااك .. خابرك دجاجة ماهنا تفكير الله يخلف :D ..

بس الصراااااحة إنه إنشطب راسي من هالسؤال اللي عجزت أعرف جواااااااااااااااااااابه ..


سؤالي هو .. وشلون تجي ( مدارس رياااااااااااااااض القصيم )
يعني هالمدارس بالرياااااااااااااااض وإلا باااااااااااالقصيم ..
وإلا المدااااااااااارس بااااااالقصيم وراعيهن بالرياااااااااااااااض ..

لأن اللي اعرفه إن ماهنا ديرة إسمه ( رياض القصيم )
كل اللي اعرفه ( الرياض ) أو ( القصيم ) أو ( رياض الخبراء ) بس رياض القصيم جديدة هذي ..

حتى إني سألت جدتي لطيفة ..
وقالت لي قل آمـــيــن .. الله يجعل أميمك ماتجيب غيرك ياهالثور : :D ..
هاللحين مقومن من النوم علشان تسألن هالسؤال ..
منهوا حمار هالقايلية اللي قايلن لك إني خريجة ( جغرافيا ):D
ماتدري إني حتى القلم ماقد مسكته .. الى الطبشيرة أول ماشفته أحسب إنه ( بقل ) :D

رح بس لأميمك خله تعطيك شَراب غير هاللي عليك تراااااااك أدودت بنا ..:D


ولا عمرك تسألن مثل هالأسئلة تراي والله لاأعثي بك ..

سي يو ..