[اللهذام]

تنسيم الفارس

أجل لفعت المدرس كف <<<<<< مادري عنك شكلك تسني علينا

[abo suliman]

7
7
7

ياحول يأبو فارس ... ( التسذب ) بوهـ بوهـ ..

أنت مبتلى .. فأصبر .

[خوي السرور]

ريح ثاني يولّف علينا

[ALHR]

اقتباس المشاركة الأساسية كتبها خوي السرور ريح ثاني يولّف علينا

وانت مشتغلن تكذب العالم ..

دبروا لنا الحنون بس ..

جيبوا رابط ملفه الشخصي هنا ..



..

[mr.khaled]

هههههههههههههههه

منهو الحنون ما أعرفه علشان أدبره يالهر

[الفـــارس]

طايب .. أجل دبرونا بالمنخرش

[ALHR]

..

المنخرش أبشر ..

شوي ويسير عندك ..

..

[المنخرش]

طيب شوي شوي وخر ايدك عن اذني
انا اجي اعرف امشي


سم يالفارس امر

[ALHR]

^^

بسرعه بس ..

والله يانا شديد يا عيال كلن جبته ..

المنخرش لا تنسى تحط احد بعدك غير المختارين ..

وحط واحد على طول يجي تكفى ..شركة الاتصالات تجرت من كثر ما ارسل ..

..

[mr.khaled]

هههههههههههههههههه

تكفون لا تدجون بولد خالتي بالرسايل

بإنتظاآآر المنخرش عجل علينا

[اللهذام]

المنخرش بانتظار مواقفكـ

يالله لاتبطي علينا مثل بعض ناااس

[المنخرش]

معليش رحت أقرأ الموضوع وش عنه..


طيب آسفين على التأخير..
مع اني والله مادري وشلوني اليوم .. تعيبان والله ولا لي خلق
لكن ماردك يابعدي..


كل عضو يُختار يذكر هذولي ..

1-موقف مضحك..
والله من الذهانه
هو المضحك هو المحرج مابينهن شي..


طيب .. موقف مضحك .. خل أتذكر..

القصة فيها (ثلاث أطراف)

الطرف الأول (أنا)
مره من المرارير .. كنت نايم
عاد إذا صرت نايم
مابي صوت وا نور هذولي أعدائي بالنوم
وانا خفيف نومي نوعاً ماء..
إلا عاد لقيام الليل هذي لابد منه ===>>> والله ياهي خطمه


المهم

الطرف الثاي(أبوي)
أبيي الله يحفظة ويجزاو خير ويخليه لنا ..
حبيب بالحيل



الطرف الثالث(أختي ام 9 سنين)
أختي خرشة ومنخرشة ومخترشة
تشيل البيت وتحطه وتقوم الدنيا ولا تقعدت إذا بغت أي شي
وأبوي الله يجزاو خير.. يسايه بكل حاجة (يحسبه تقتنع)


قبل 5 او 6 سنوات ..

(في صباح يوم الخميس) وأسد له نومه حتى أذان الظهر.. يحق لي يوم خميس
وإذ فجأة أسمع صوت رعد وصفارت إنذار وطبول الحرب
نظرت إلى الساعة وهي تشير إلى 10.30 تقريباً صباح الخميس

حاولت أتجاهل الموضوع ماقدرت فيه صووووت قوي جداً جداً .. مهب معقول
والبيت سيراميك .. شلق عاد والله يالصدى يلعب دور

قمت من الفراش وانا واصلة معي .. أبرتكب جريمة في حق هذه الأخت
قمت وقبل أنزل من الدرج قلت أبشوف وش القصة

وأشوف الوالد الله يحفظه جالس يقنع أختي (بحاجة ماعرفها)
وهي ملزمه تريد هالحاجة..
وتصارخ على ابوي وتريد هالشي
وابوي يهديها .. وهي يابس راسه..
المهم .. كان الوالد معطيني ظهره ويكلم اختي
واختي كانت أمام الوالد .. أي انها تراني من الخلف والوالد لا يراني ==>>> جته الله
لكني ماطلعت ولا اضهرت نفسي
جالس اويز من الدرجة..
يوم مليت من الأنتظار (ياوسع صدرك يابيي)
واطلع فقط طلعت جسمي بحيث اختي تشوفن وابوي مايشوفن لأنه معطين ظهره

شافتن بصدمه .. ثم قالت (خلاص خلاص سم يابيي أبشر)
أول مرة أحس إني هيبة

أنا رجعت للفراش وأنا ميت من الضحك

والوالد قام بعد جلسة طويلة من الإقناع .. ويضن نفسه منتصراً وقد أقنعها
هههههههههههه

عجزت انام ..
كل لحظة اتذكر هالسالفة وافطس من الضحك ههههههه

رحت للوالد بعد الظهر وقلت له القصة
وعيا يقتنع
لي راح وسأله ههههههههههههه


الفائدة من القصة

أنا هيبة البيت ولو تشوفنن عاد .. تراي ثقل








2-موقف مؤثر..

مؤثر..
يعني مؤثر من ناحية تغيري او حالة نفسية؟


كنت يوم الأحد الي فات في مستشفى التخصصي في عيادة العيون..

وانا جالس انتظر الدور..
إذ دخل علينا المستشفى

شاب ملتي أبيض (مكلبش) وعن يمينه ويسار
رجالنا البواسل
ومن الخلف
2 حبة مباحث مدنيين


يمشي وهو رافع الرأس ..
والكل بنظر إليه منبهر..

بصراحة علق الموقف في ذهني..
وقد أثر في









3-موقف محرج..


موقف محرج..؟
والله حيرتني

والله أذكر أنه حصلي موقف مع أحد الشباب هنا في بريدة ستي ..



القصة

كنت مسافر للرياض لعمل ما

وقد عزمنا احد الشباب جزاو الله خير..

دخلنا عنده وتغدينا ..

المهم رحنا نصلي من أول الأذان تقريباً ..

عاد أنا تحمست وهبت عندي..
وطلع الطوع والدين (ماودك الواحد يتحمس)

المهم صلينا العصر ..

بعد الصلاة قمت أنا وجبت سنه ركعتين

وكلن يناظرن
وانا خاشع في تلاوة سرية .. لله دري

حتى الآن ماحسيت بالموقف واحس اني أطوع أحد باقي لحية طويل واصير مفتي المملكة


المهم رجعنا للبيت مرة ثانية

قال واحد من الشباب يكلمنا (فيه واحد من العيال تسنن بعد صلاة العصر)
وهو مايدري انه مافيه سنه بعد العصر
واللي زاد الطين بله (أنه مسافر) ماعليه سنه

انا طمبست راسي وقد أحمرت أنامل شدوقي من الحياء
وقلت توبه أعودله
مايلزم الحماس

عاد الشباب كل واحد يناظر الثاني وانا مثلهم قاعد اناظرهم (إقاله مهب انا)




شكراً للك يالغالي.. وجزاك الله خير

والله بالنسبة للشخص ..
ماعرف أحد وانا ماقريت الردود والله..

وبصراحة بي نووووووووووم

أغديكم تدورون انتم


جزاكم الله خير


شكراً لكم


محبكم/أبو فهد

[ALHR]

..

المنخرش ..

من بعدك ورط احد يا خلفهم ..

..

[ابووليـــد]

" " "

خلاص هو قال دورو انتم ..


الأن هي بيد كاتب الموضوع ..!!

وشكرا.

" " "