 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
11-12-2009, 06:36 PM
|
#1 |
|
عـضـو
تاريخ التسجيل: Dec 2009
البلد: القصيم
المشاركات: 44
|
الأخوة المتزوجين... ُهنــــــــــــــــــــــــــــا دعوة للنقاش!!
بسم الله الرحمن الرحيم
مســـــــاكم ،صبـــاحكم..خير ورحمات،، أطرح موضوعي بقصد النقاش والحوار من عقول واعيه متفهمه قد أكون على صواب وأقع في الخطأ..لكن أنقل لكم وااااقع لااكثر.. وأوجهه مع احترامي للرجال وبالأخص المتزوجين.. بلا مقدمات ..يتلخص الموضوع.. ليه الرجل اذا تزوج يحب يحكم زوجته..بكل حاجه..؟؟! قبل لايجي هجوم ماأعمم ع الرجال فيه شريحه منهم تهوى الشي هذا،وفيه رجال والله والنعم.. هو تزوجه عشان تشاركه الحياة أو لأجل يحكم حياته!! ياكل رجل في بداية حياتك الزوجيه.. لما تعرفت على زوجتك.. أكيد بطبيعة الحال اكتشفت لها اهتمامات وهوايات وطبائع غيرلأنها عاشت في بيئه غير بيئتك..وكل هذا ماياصل للخطأ ولا للمكروه لكنه قد..قد: مايمشي ع مزاجك.. مثلا مثـــلا...... تحب خدمت الأقارب.. تحب تصور [مناظر طبيعيه]تهوى فن التصوير..يعني!!(مب للحريم) تحب الرسم.. الكتابة..(حركات مراهقه) تهوى المطالعه! (فلسفه) واصله بأهله وأقاربه...(مب خدامه لهم) له صداقات .. تحب السفر.. ليش الأشياء مثل هذي ترفض.. ليه الرجل أحيان يهوى يسحق شخصية زوجته..!! ويمشيه على هواه..وتصير صوره مكرره منه...هذا موت بالبطيء حتى الأكل نفسه يبيه تاكل زيه وتعامل الناس زي مايعاملهم ياخي إذا صار الناس يعاملونك معامله موكويسه ربما الخلل فيك، فلاتحرض زوجتك ضدهم يمكن هي تكسبهم وبروتوكولات الحياة يرسمه له من جديد.. ليه أول مايتزوج الواحد يفتح قائمه تحذيريه من بنات عمته فلانه تراهن نقادات وزوجة أخوه قد صلحت كذا وكذا..انتبهي لاتسولفين عليه.. وبنات علان يجدعن كلام وعياال الفلان شياطين..كل هذي أمثله.. خله هي تكتشف العالم الجديد بنفسه وتتعامل معه بطريقته يمكن أنت فشلت لسبب ما في التعايش مع واقعك وهي تنجح فيه وبعدين ليه أنت متزوج مكينه جديده؟؟ بتمشيه بخياراتك..!! للدرجه ما أعجبتك وبتغير فيها؟؟ أيها الأزواج الكرام الزوجه مجبره تدخل عالمك وتتعرف عليه وتعيش فيه وتتأقلم معه حق وواجب وعلى العين والراس....لكن ماله داعي يمسح كل حياته الماضيه.. ليه مايرضى به كشخصيه مستقلة بكيانها هواياتها ثقافتها اللي تربت عليه.. أما كــروح هنــــا يحق لك نقول: شريكـــه لك !!!!!! فتحت الموضوع من زمان ملاحظه وأطرحه الآن لسبب تزوجت صديقتي قبل سنه وعلاقتنا ببعض من ايام الطفوله.. من15 سنه..وعلاقة أشد من الأخوات..تقاسمنا كل شي بالحياة مواااقف كثيره دراسه وظروف صعبه..وأيام حلوة ومرة.. إلى استعدادها للزواج خدمتها فيه أكثر من شقيقاتها.. وكل وصاياي من خطبت..زوجك حطيه بعيونك.. وأهلي وأهله يعرفون عمق علاقتنا ومقدرينه ومحترمينه.. ومع هذا أول مالاحظ زوجها الشي ما أعجبه الوضع من زين المزاج!! وبعد ثلاث شهور من الزواج الأخ مان عليه..وقال بالخط العريض ..مافي شي اسمه صداقات..!! وأشياء ثانيه صعبه أذكره..من هذا القبيل طبعا ماقصرت المسكينه بنت حموله حاولت بالإقناع وشتى الحيل توضح صورة العلاقه (من دون غش) لأنها أسمى من انه تبهر بكذبات.. وكل العلاقه صفحات تشرف الحمدلله.. قلت له خلاص يابنت الحلال أهم شي رضاه هذا رجلك طاعته فوق كل شي، ولعلها مده..أوطفه.. صبرنا أربع شهورثانيه..مابه فايده راحت سنه..ماتغير شي والمدير كل مره عنده أوامر جديده..و يتطور يوم بعد يوم.. صارت تسرق نفسه سرقه تكلمن تشكي الحال من جوالات أخواتها وأخوانها إذا سيرت ع أهلها لأن المحترم يشيك ع الفاتوره بالتفصيل,, ياشين الحب إذا صار يغمت .,وهي ماتقدر تحاجه وتناقشه خلاص مابه حيل وهو زعول ومايرضى اذا زعل.. صراحه هذا دفن للواحد وهوحي!!..وتحكم.. ياعمري يارفيقتي طفشاااانه من المدير الفاضل!! وأنا ماغير أصبره واهون عليه والحقيقه هذا ظلم لكن ماأتجرأ اقوله.. والله يعلم رغم مكانتها الكبيرة وعلاقتنا العميقة إلا اني مستعدة أضحي بكل شي في سبيل ان حياته ماتنهار بسبب صداقه!! وش الصداقه آآآآه (في نظرك أيها الزوج الفاضل..) المهم مراعات لمشاعر المدير قلنا خلاص امسحي طاري صداقات وهوايات.و..........و...........مايسمح المقام بذكره! يعني اضطرت للموارات..لاتقولون كذب لا..بعض الأزواج يدفعون زوجاتهم لطبائع وفنون جديده..في سبيل رضاهم زوجتك مميزه بطموح ومواهب وعالم آخر من الأشياء المثيره تجي أنت بكل بساطه..تدفن كل هذا!! هل تطمح بزوجه إمعه؟؟! معقوله! معقوله بتفرح لما.. تلاحقك و سالفته وهواياته قولت :وين رحت؟ ومن ين جيت؟مع من رحت؟ ليش قلت كذا؟ وصار كذا..؟ ونهاية القصه الأسطوريه..... بعد كم سنه حتى لوكانت تحبه ومرتاحه له راح هي تمل ..تمل لأن هذا شي متعب..تملك وسيطره.. ونفس الشي وهو الأهم الزوج بيمل..ويدور غيره..! تتكرمون بإبداء الرأي.. وشكرا ((إذا كنت يازوجي تحبني فأحذر!...تقتل الحب في قلبي وأنت لاتعلم)) |
|
| الإشارات المرجعية |
|
|
النمط الأحادي