[قُنصـل ~]

/،ْ..





مِن طَبِيْعَة الأنثى حُبُ الجَمَال وَالتجَمُّل وَاتِّبَاع كُلِ جَدِيْد يُسْهِم فِي زِيَادَة جَمَالِهَا وَأَنَاقتِهَا ..
وَمِن الْمُسلّم بِه وَالْمَعْرُوْف أَن الْوَسَطِيَّة فِي كُل الْأُمُور هي الْحَل الْدَّائِم فَلَا إِفْرَاط وَلَا تَفْرِيْط ..
وَلَكِن أَحْيَانَاً تَأْتِي ظُرُوْف وَأُمُوْر تُجْبَر الْشَّخْص عَلَى الْتَفْرِيْط فِي أَمْر مُعَيَّن لِحُدُوْثِ الْوَسَطِيَّة فِي أَمْرٍ مُهِم ..!
وَمِن هُنَا ماوَدَدت أَن أَبْدَأ بِه رِسَالَتِي .. لِكُل أخ .. لِكُل أَب ..وَلِكُل زَوْج !

الْأَسْوَاقُ الْيَوْم لَيْسَت كَمَا هِي عَلَيْه فِي الْأَمْس !
عِدتُ أُمُور وَظروف طَغَت عَلَى جَوِّ الْأَسْوَاق وَأُولاها .. الْلِّبــَاس !
فَكَوني إِمْرَأَة وَاعْلَمُ بِأَمْرِ الْسُّوْق .. أَتْعَبُ كَثِيْراً .. كَثِيْراً .. فِي تَحْصِيْلِ الْجَمِيْلِ الْسَّاتِر !
وَهَذَا يَأْخُذ مِنِّي وَقْتَاً لَن أَقُوْل لَيْس بِالْقَلِيْل .. بَل بِأَكْثَر مِمَّا تَتَخَيَّلُوْا ..!
كوني أُرِيْد الْجَمِيْل الْمُتَنَاسق الْسَّاتِر هَذَا يَأْخُذ الْكَثِيْر لِتَحْصِيْلِه ..!
فَأَرَى يَوْمِي قَد انْتَهَى وَأَنَا لَم أَكْمِلهُ بِبَاقِي (الإكسسوارات ) .. لِأَنِّي لَم أَجِد (تنورة طويله) ..!
فَأُضْطُر لِلْمَجِيء يَوْماً آَخَر ..
وَتَقْرِيْباً هَكَذَا مَع كُل (تيور ).. ! وَمَع كُل أُخْت ..!!!
حَتَّى الْأَطْفَال لَم يسلموا !
فَأضْطر أُستّر بـ ( الهيلاهب ) وَغَيْرِه ! وَهَذَا سَيَزِيد مِن أَمْر وَقْتِي !


لِذَا أَيُّهَا الْأُخْوَةُ الْكــِرِآم أَعِيْنُوْا أَخَوَاتِكُم وَبَنَاتكُم وَزَوْجَاتِكُم .. بِهَذَا الْأَمْر
وَلاتَجْعْلُوهُن يَسْتَسْلِمُوْا لِلْقَصِيْر وَالْعَارِي بِحُجَّة ( مالقيت وماعندي وقت ) !
ولاتُربِكونَهُنّ بالسوق بسبَبِ اسْتِعْجالِكُم ..!



كَوْن أَبِي وَأخوتِي الْقَرِيْبِيَّن لِي لَم وَلَن انسَى مَايَقُوَلُونَه (ويشق ) بِخَاطِرِي وَيُسْعِدُنِي وَأَفْخَر أَنَا وَوَالِدَتِي وَشَقِيقَاتِي ..
( خوذن الوقت اللي يكفيكن واللي يريحكن اهم شيء تلقن اللي يعجبكن ويرضي الله )
لاحرمهُم ربي دعائَنا ..~
+

أَرْجُو أن لا تَرُدّ وتقُولْ أقصِد ( المكثرات في امر خروجهن بكثرة مفرطة )..!
فأَنْتُم أَرْسلْتُم لإَخواتِكُم ونَحْنُ نرُدّ على إِخْوانِنا !




..عُذْرَاً عَلَى الْإِطَالَة ..
وَشُكْرَاً لَكَ أَيُّهَا الْكَرِيْم فَقَد أَوْجَدتَ لِرِسِالَتِي مَكَان ..!

[الـصـمـصـام]

اقتباس المشاركة الأساسية كتبها فاعلة الخير والله الوحده ما تطلع للسوق الا للحاجه صار السوق مكان تجمعات ومطاعم واكل وفساد وغييره بس الله يهديهن الوحده ترووح لم السوق بدوون اي حااجه بس توسع صدره ولا تستر او تحتشم تطلع متجمله ومتطيبه هذا صار مو سوق صار مكان فتنه وغييره بس الله يهديهن

الله يهدي الجميع ..
شكراً لك ..

اقتباس المشاركة الأساسية كتبها أحلى صبية مش مشكـــله خله صباحيه اهم شي تقضي حاجتهن ..... يااصبااحيه يااا مافيه بس ترى الصبح شووي يعني يالله يومين بالاسبوع.. الاربعااء يمكن يكون أفضــل ولأن الليل طويل,,بيقضن حاجاتهن...

صحيح .. الصباح أو الظهر .. كلها تمشي ..
و بعدين نستغل الإجازات للتسوق ..

اقتباس المشاركة الأساسية كتبها ثلاثينيه رايقه انا من ناحيتي ما اصدق ان فيه عنصر نسائي مايحب السوق سواء انسات او سيدات واتحدا اي وحده تقول ما احبه وبعدين ليش انا متوظفه الا عشان اطلع السوق واشتري كل اللي في خاطري بس اللي قاهرني ان السوق صار معياره لي من كثر ماتكلم عنه اخت زوجي مخزنه اسمي بالجوال ام الاسواق بس المشكله ماتشوف روحه اللي مخيمه بالسوق

أح .. متوظفة عشان السوق ..!
حاولي تقللين ، و إذا كان لك أولاد أو بنات لا تخلينهم يتأثرون بهالشيء ..
ما قلنا شيء في الشراء ، لكن الشغل الشاغل السوق ..! مشكلة ..

اقتباس المشاركة الأساسية كتبها إبراهــــــيم والله شيء مضحك اكثر الردود هنا يقولن والله نطلع بالشهر مره ! والي تكره السوق ولا تطبة إلا للحاجة ! اجل هالي يتخاطمن بالسوق وبشارع المشاغل منهن انا الي مستغرب منه شارع المشاغل لأني ساكن حوله امر من عندة اقل شيء خمس مرات باليوم وتشوف ما عمره فضى ينغش من هالحريم سواء بالاجازات ولا بأيام الاسبوع الله يكافينا الشر مشكور حبيبي ابو عبدالعزيز

والله ما ندري .. لكن يمكن فيه أحد ما يحب السوق ..
أنا مثلك تفاجأت بعدد الأخوات اللي ما يحبن السوق ..
تشكرات حبيبي ..

اقتباس المشاركة الأساسية كتبها سماااهر والله أني أرررررررررررررررررررررررررحم قسم لي أكثر من أسبوعين وأنا أتطلب أخوي سلوم يودين لسوق بس ماش قضينا من الإختبارات وجت الكشتات .. اليوم من كثر ماترجيته حول أصيييييييح .. ماأروح لسوق لا طالعة روحي ..عشرين مره من كثر الترجي ماعندنا تمشيه وبعدين أروح أشتري مره وحده وبس ... الأمنية الوحيدة .. اللي ودي به .. أني أسحب بيتنا وأحطه قبال النخيل..

الله يعينكم عليه و يسخرهـ لكم ..
عاد الواحد بعد ما يهمل أهله ..

اقتباس المشاركة الأساسية كتبها سامي بريدة أكثر الحريم السوق يجري بهن مجرى الدم بصراحة لو تفتح سوق بطايتهم قالن ودنا لمه ما هنا حبهم لتومر وخاصة على اخوانهن الله قل آمين يكرهّن بالسوق وما يطلبنه غلا بالسنة مرة او مرتين لا وازيد من الشعر بلكة اكثرهن قلة حياء لو تلاقيت انت وحده منهن لازم تبعد انت عنها والاصدمك ولا جابت خبر شكرا عبودي

هلا بك .. والله بالنسبة لقلة الحياء اللي أشوفه بالسوق .
تضيق الصدر .. ياخي تخيل .. والله صارن البنات يغازلن العيال ..!
و يجدعن عليهم كلام قلة حياء .. والله إن الولد على جفاسته يستحي ..!
تستغرب من هالعيانات ، و والله لو ما يجي من السوق إلا أن الوحدة تشوف هالنوعيات
كان يكفي ..! لكن الله يصلح الحال و يهدي الجميع ..

اقتباس المشاركة الأساسية كتبها عطشــانة دم ! تعالوا الى كلمه سواء لازم الرجل يفهم طبيعه البنت ولازم البنت تفهم طبيعه الرجل يارجل افهم البنت مخلوق يحب السوق غصب عليها لانها تحب الزين والشراء واللي يقول ساعه بالسوق ماتكفي يالله اربع ساعات(وشلون تقول ساعه بعدين لاقالت لك من بكرا ابروح للسوق قلت بس تترددين عليه كل يوم اوديك) لان البنت اكثر حاجات (مب لازم اعددهن ) الرجل(ثوب+شماغ+طقيه)بس وان كشخ اخذ كبك وحاجاتها بااشكال والوان يعني يبيلها وقت تتخير وزود على كذا اغلى من حاجات الرجل يعني تبي تتأني اكثربـالاختيار حتى ماتضطر انها ترجع همن تاقف ببلعومه وتنسى انك تلاحقه بسرعه بسرعه والبنت المفروض ماتروح للسوق الا لحاجه يعني مره كل شهر اوشهرين وبس وياعرب صلوا عليه...صلوات الله عليه

معتس حق ..
بس إذا كان غرض بسيط .. خلاص ساعة و تمشي ..
بعضهن إذا ما لقت هالغرض لازم تاخذ لفة على السوق كامل ..!
و يضيع الوقت ، لا هب اللي شرت اللي تبي ، و لا هب اللي راحت لسوق ثاني تاخذ حاجتها منه ..َ!
شكراً ..

اقتباس المشاركة الأساسية كتبها ابو عـمر ليته تسذا والله كان اهون كل الحمل علي ادعوولي أولآه به عرس قريب , الله يعين على فلتته الاعصاب والله يصلح بناتنا على هالطفّه اللي صارت هوايه ذذ وُفقــت عبدالله

ههههه الله يعينك ..

اقتباس المشاركة الأساسية كتبها البيااان ذكرتوني با خوي الله يخليه لنا اذا شاف أحد تعبان من العنصر النسائي يسألها مالك خاطر بالسوق واذا قالت ايه قال منتب تعبانه !!! وبعدين انتم ياهل القصيم كله سوقين على ما سمعت العثيم والنخيل , يعني المفروض ما يتضايقون وأسواقكم أكيد غالبها الستر ,يعني مافيه شي يضيق الصدر, وشلون لو أنتم بالشرقية أو الرياض وش بتسون !!!أنا من رأي ان كل بيت المفروض فيه سوااااااااق أولاً يقضي حاجاتكم لان يندر بها الوقت تلقين عيال ينفعون الا ما رحم ربي ,,

ماشاء الله ذا فاهم النفسيات ..
والله يا أختي أنا بالرياض ..
و للأسف الأسواق إذا دخلتها بالليل أتعذب من اللي أشوف من ضياع شباب و بنات المسلمين في المولات الكبيرة ..
شكرا لك ...

[قمرالواحدةوالسبعون]

الله يعينك عاد عندكم بالرياض زحمة والاسواق بعيدة
بس عندنا ببريدة الاسواق قريبة لبعض
اما الي ساكنين باخر بريدة ممكن تكون بعيدة شوي

[الصباخ]

ههههههههههههههههههههههههههههههههههههه بروح أضحك ويمكن ما أرجع..
أنا ما ضحكت كثر ما ضحكت على اللي يقولن ما نحب السوق هههههههه ..
وشكلك يا عبدالله ما كتبت هالكلام إلا من حر ما توجس ههههههه ..

[برااسي حتسي]

ياااااااااااااااااااليل وانتم ماعندكم الا هالحريم حطين حيلكم بههههههههههن الي يقول يقول ليش المرأه تطلع كثير واللي عن السوووووق واللي يقول راقبوا خواتكم بصررررررراحه ماقد شفت اعضاء يتشكون من الحريم كثر اعضاء بريده ستي الله يعين حريمكم عليكم

[الثلاثي المرح]

هههههههه توي جايه من موضوع بمنتدى بريده وفيه واحد جالس يشتكي ويقول ليه البنات يتسلقن النفد
لاطلعن للبراري وانت اللحين تشكي وتقول لاتكثرن طلعات لسوق نعنبو ابليسكم يالبرداوين ههه وربي ودكم تحشرون البنات بقفص وتقفلون عليه
يعني البنت وين يبي يلقون لهم متنفس يطلعن له



مير الله يرحم الحال بس العالم في تقدم وانتم حاطين حيلكم بهالحريم المسكينات

[ياحبيلتس يانا]

اقتباس المشاركة الأساسية كتبها فسفوريه أنا من وجهة نظري السوق يعتبرأفضل مكان للتمشيه أو تغييرالجو والجلسه الرايقه سوى مع العائله اوالصديقات , أنا الصراحه لو الود ودي كان حتى الشهريه تصير بسوق (الشهريه = اجتماع العائله)

اجل الشهريه منتب صاحيه هههههههههههههههههههههههههههههههههههههههههههههههههه ههههههههههههههههههههههههههههههه

[GoOdGirl]

بالنسبة للاسواق والشراء ماني مههووسة ابدا فيهما
لكن احب اتمشى بالمولات والمنتزهات رغم شحها الا انه متنفس بطبيعة الحال

[يعجبني تفكيري]

صحيح السوق مو صلة قرابه بس الانسانه بحاجته
والله تطلع الروحه بطعونه وكل واحد قولي لفلان
والله فيه بنات معسكرات بالمولات خيييييييييرالحمدلله الله لايبلانا
والله يكون بعون الجميع

[ماعلينا من الناس]

ميييير مين بيودينا بكرا للسووق..!
مالت هو في احد بيوديناحتى يحط موضوع وسالفه


مدري بتجلب الفكاهه ولا وشو


اتمنى يحذف الموضوع :$
لان العنوان لااطيق اشوفه حتى بعض الردود

[إبراهيم الضبيعي]

والله ياخي ودك تسكر كل المحلات ما تخلي لهن إلا الوشاح

[الصباخ]

اقتباس المشاركة الأساسية كتبها إبراهــــــيم والله ياخي ودك تسكر كل المحلات ما تخلي لهن إلا الوشاح

من يقولك إن الحريم يحبن السوق؟
كل الحريم ما يحبن السوق ولا يروحن للسوق إلا بالشهر مره ويجلسن بس ساعة .

[ّّهمس المحبـــهّّّ]

اقتباس المشاركة الأساسية كتبها إبراهــــــيم والله ياخي ودك تسكر كل المحلات ما تخلي لهن إلا الوشاح

والله ودي اسكر كل الاستراحات مااخلي لهم ولا شي

[joOojoOo بريده]

لا انا بالنسبه لي اذا بغيت اروح للسوق
مررره كل شهرين
وكل وتجي العائله الكريمه
بس جد وناااسه
شوي نتمشى واذا خلصنا تعشينا
ومع السلامه
احس انكم مكبرين الموضوع شوي