[ابوخشــــه]

انا سبق ورديت على الموضوع
ولكن اثارني استغرابي وتعجبي للرد مره اخرى...!!!!

استغرب من اللي يسجلون عشان يردون على الموضوع وهم من خارج بريده ولايبون بريده والله غريبه
لهدرجه الموضوع مهم وخطير؟؟؟؟؟؟؟؟؟


تقبلوا تحياتي ولكم خالص دعائي بالتوووووفيق دنيا وآخره

[أبوعدي]

اقتباس المشاركة الأساسية كتبها كنود خربان اهلا بالبمحبين للخير ووجع للمثبطين لهمم الغيورين اولا كيف تخرج حرمه تتقهوى --وين حنا فيه-قطع الله رزق من يبحث عن الريال بذنب الكلب على حساب الدين والحشمة والحياء--آآآآآآآآآآآه للفضيلة التي ذبحت على جدران الرذيلة0 اقول حفظ الله نساء المسلمين --وترانا مدخولين يالربع---فقفوا في وجه الفساد والله معكم ولن يخذلكم--والسلام عليكم

جزاك الله خير يا أخي...

[بريق الكشتة]

اقتباس المشاركة الأساسية كتبها عبدالرحمن الثاني أتمنى لو كان المقهي في أسواق الوشاح مثلا .. لكن على العموم : لن يخرج له سوى الفويسقات الفاضيات .. وستجد لها الفاسق الفاضي .. ويلتم شمل ... على خايب الرجاء .

لن اسامحك مهما قلت

لقد قذفت اخواتي واخوات بعض الناس بما لا يمت للحق بصلة


وبالنسبة للموضوع والله لو هم فاتحين ملهى ولا مرقص على هالكلام والتجريح اللي كتبتوه على صاحب المحل

اقتباس اقتباس من مشاركة كنود خربان اهلا بالبمحبين للخير ووجع للمثبطين لهمم الغيورين اولا كيف تخرج حرمه تتقهوى --وين حنا فيه-قطع الله رزق من يبحث عن الريال بذنب الكلب على حساب الدين والحشمة والحياء--آآآآآآآآآآآه للفضيلة التي ذبحت على جدران الرذيلة0 اقول حفظ الله نساء المسلمين --وترانا مدخولين يالربع---فقفوا في وجه الفساد والله معكم ولن يخذلكم--والسلام عليكم

ياحبيبي والله لو هي طالعتن ترقص طلعت تتقهوى وش فيها يعني إذا صارت تبي تنفه عن نفسه شوي

هالمشاريع تبي تستمر مهما قلتوا وسويتوا

سلام

[URANUS]

واعجباه منكم ..!
كيف تنحكمون على شيء من الخارج فقط ..؟
ليتنا نرتقي قليلا بمواضيعنا .. أخي الكريم ألم تر أسواق الوشاح ...؟ مالفرق بينه وبين جوثن
والمشاغل النسائية ما اكثرها وإلى الآن لم نسمع ما تزعمونه من فساد وفتن !!
حبذا من أراد الرد أن يزور أولا هذا المكان ثم يحكم ولا يحكم بحسب مايسمع
من كلام الناس فقط

أخي أنك هنا قد أسأت الظن انت والكثير من الأخوة وبعض الاخوات
ليتكم زرتم جوثن قبل أن تتكلموا ..!!! ليتكم ولو على الأقل سألتم من زاره ..؟

وبرأيي المسافة بين جوثن ومقهى الشباب مسافة ليست قريبة ..!
لو أنك فكرت قليلاً قبل أن تكتب الموضوع وتحدث هذه الشكوك في هذا المقهى
لوجدت انه ليس هناك مجال للفتن ..!! (هذا هو الواقع ) وإلا لم يسمح المشائخ ورجال الدين
بفتح أسواق الوشاح .. المشاغل .. >> لم أجد سواها مشابهه لجوثن :D

أيضا .. لماذا لم يحدث شيئا مما تزعمون إلى الآن ...؟؟؟؟ ماذا ينتظر الشباب لأن يحدثوا الفتن او يغتصبوا او يفعلون ما يفعلون .. ماذا ينتظرون ..؟؟؟؟
لو كانوا سيفعلون شيء لفعلوا في بداية إفتتاحه .. أليس صحيح .؟!

إن الهيئة أو المشائخ لم يغفلوا عن هذا الشيء أو ينتظرونكم حتى توقظونهم
فهم أعلم مني ومنكم ... لو وجدوا عيبا في المقهى لما تركوه مفتوح إلى الآن ..؟


.
.

تذكر قول الله عز وجل

( ما يلفظ من قول إلا لديه رقيب عتيد )

فلا تكتب بكفك غير شيء ***** يسرك في القيامة أن تراه

وشكراً على غيرتك ..! ولنرتقي ولو بالقليل في ردودنا ومواضيعنا ..

في جعبتي الكثير .. ولكن السطور لا تتسع ..

[dawahy]

ماشفت شي اخوي ما نقول الا الله يستر على محارمنا ومحارمكم

[برداوي منتهي]

الله يستر
من هل مقهى
ولي يقول أنه مايستاهل
فذلك يعني أنه منهبل
مع أحترامي للجميع

[بريماكس]

نأسف للسادة الأعضاء و العضوات ..
فالذي لا يستطيع إكمال الموضوع و لا يمتلك إضافة .. يستطيع أن يدع الموضوع لغيره
و نأسف لحذف بعض الردود التي تدعو لحذف الموضوع أو إغلاقه ، هناك هامش من الحرية يمكننا أن نسير فيه و بحدود الإحترام .

شكراً للجميع

[مقلع نت]

جزاك الله 1000 خير على نقل مثل هذه الملاحظات

تحياتي لك

[بريداوي كول]

ههههههههههههه وش نقف مكتوفين والحرمه ماله الا قبره وبيته
الله لايبلانا الحمدلله اني من الرياض وبعيد عنكم اجل 70 متر يالظالمين
بجده والرياض مفتوحه على بعض ماعدا جدار صغير طيب اللي يبي يغازل بيغازل
واللي تبي تغازل بتغازل اهون على الاقل من اللواط وانتم اعلم بحال ديرتكم اللواط فيها
صار اسهل من الدخان ههههههههه الله يفككم ويفكني من شركم

[فراشة الالماس]

اشكرك اخوي ابو عبدالعزيز على غيرتك لكن اسالك بالله ايهم ارحم النخيل وما ادراك مالنخيل الختلاط والبلوتوثات والبنات والعبايات والشباب والبس والشعور اللهم لك الحمد واللعب بالملاهي وغيره ام مشغل خاص بالنساء حتى انت ذكرت انه يبعد عن فن جن كيف 70 متر يعني ارحم من اختلاط العثيم والنخيل ،ابي اعرف انت ايش فكرتك عن المقهى جميع المشاغل والوشاح السوق النسائي يوجد فيه مقهى وكفتريا بس تدري انهم ما قالو يوجد مقهى علشان كذا انتم ما زعلتو وعماتو ضجه عليهم.

لذلك اين غيرتك انت ورجال الهئيه عن ما يحدث في النخيل والعثيم وغيره.

(اللهم انصر الاسلام والمسلمين)

ارجو من الاخت سـSaraــاره تهدي اعصابها وتنقي ملافظها.

[وحــــــــداني]

\/

اقتباس المشاركة الأساسية كتبها رساويه السلام عليكم .. أبحاول ما أعلق كثير على المفردات التهويليه والتعظيميه زياده عن اللزوم اللي استخدامها صاحب الموضوع .. لأني إن بديت ما انتهيت .. صدق الله العظيم .. يالها من آيه تحمل معناً عظيماً وخلقاً كريماً .. ألا وهو الأمر بالمعروف والنهي عن المنكر .. والذي لو أغفلناه وتجاهلناه لتداعى ديننا / مجتمعنا وانهار .. فـ لا استطيع صراحة أن اتخيلنا وقد قال كل شخص فينا (أنا وش دخلني .. كل واحد حر) .. جزاك الله خير أخي على إيراد هذه الآية الكريمة وتذكيرنا بها .. بس للأمانه .. تراني جلست عشر دقايق تقريبا وأنا اقرا موضوعك وأعيده احاول اكتشف وش دخلها هنا .. ماعرفت وين المنكر بالضبط؟ والإخوان اللي يطالبون برقم صاحب المقهى لمناصحته (امتثالاً للآية الكريمه) .. أيضاَ عجزت اعرف وشو المنكر اللي بينهونه عنه؟ سلمت يمينك أخي الكريم على هذين السطرين الرائعين .. كل هذا لايختلف عليه عاقلان .. إيه يـُعقل وراه مايعقل؟ .. لاصارت ملتزمه بحجابها في طريق ذهابها وطريق عودتها لـ هالمكان اللي مافيه أي نوع من الاختلاط .. ومبتعده عن كل مايغضب الله .. وذكرت إسم الله قبل ترشف قهوتها بالعافيه .. فـ ليش ما يُعقل .. إلا يوجد .. وواجد بعد ولله الحمد سواء عجزت أو ما عجزت .. دامها ما ارتكبت مايغضب الله .. لا اعتقد إن لك حق الاعتراض (لا أنت ولا غيرك) ولا المطالبه بإغلاق المقهى حتى لو علمت إن المرأه هذي الله يحفظها بعزها ماتطبخ حتى طبق بيض ببيتها .. هما ربها بإذن الله بإذن الله بإذن الله إنه راضي .. ثم محارمها راضين؟.. لك الحرية في أن تمنع محارمك عن ما أحل الله .. لكن أن تطالب بمنعه عن غيرهن ؟؟ إيوااااااااااااااا وصلنا خير .. قل إن هذا اعتراضك من البداية .. إيه هذا مبحث آخر .. ومنطقي جداً إنك تعترض عليه وتطالب بإبعاد المقهى قليلاً .. عاد يجرونه .. يشيلونه بشيول .. مالنا شغل يتصرفون .. أما مسألة إنك بتطالب بإقفاله لأنك مب مستوعب إن نسائنا يشربون القهوه خارج بيوتهن .. فـ مع احترامي أقترح أن تفكر قليلا بمحاولة الاستيعاب .. لأنه صدقني هالشي يـُعقل بس أنت يمكن ماودك تعقله.. ......................... ياليتك يا أخي الكريم ذكرت لنا من هو المقصود بقولك (من قال) .. أهو الله عز وجل .. أم رسوله الكريم عليه أفضل الصلاة وأتم التسليم؟.. أم أحد سلفه الصالحين؟ << لأنه كما تعلم وتعلمون جميعاً هذي هي الأقوال المعتبره في شرعنا .. ياليت ترجع وتذكر لنا من أي المصادر الثلاثه استقيت هذين القولين .. فقط لـ نكون على بـيـّـنه جزاك الله خير .. لأن أبوي وبقية محارمي الله يطول بعمرهم معطيني أنا وباقي قريباتي وجه .. فـ ياليت تقولي مصدرك عشان انبههم على خطئهم إن ثبت .. ......................... أخاف عليك أخي الكريم أن تكون قد ارتكبت إحدى الكبائر الموبقات وهي قذف المحصنات المؤمنات الغافلات والعياذ بالله .. فقد تذهب إليه مسلمة طاهرة صايمه مصليه (ولنقل عن طريق الخطأ إن كنتم منتب مستوعبين إنه ممكن وحده عاقله تروح له بالقصد) .. وتكون أنت قد نعتتها بالفويسقه .. وتكون بذلك قد دخلت في حكم القاذف .. إن ثبت أن إحدى المقذوفات بريئة مما قذفتها به .. وإن لم تكن قد قذفتهتن .. فأخاف عليك أن تكون قد دخلت في حكم إدعاء علم الغيب والعياذ بالله .. حين أخبرت وجزمت بثقه بأنك تعلم تمام العلم بأنه لن يخرج له في المستقبل سوى الفويسقات رغم أن هذا علمه عند الله وحده .. فـ انتبه رعاك الله .. فـ كلنا مسؤول عن ما تسطره يداه .. ................................ طيب هذاك انتي فتاه .. وأنا فتاه .. وداخلين نت من بيوتنا مارحنا مقهى ولاشي.. فـ ما أدري صراحه وين المشكله لو (لاحظوا اقول لو) صار فيه نت بالمقهى؟ .. لاسمح الله طبعاً ............................... ياجماعة الخير بس أبوجه لكم كلمه قصيره (قد ما اقدر).. كل واحد فيكم دخل هنا وقام يولول ويصيح ويتحسر على ضياع الدين .. واللي يصيح واهيئتاااه على وزن وامعتصماه.. واللي قذف الفتيات المسلمات اللي سبق لهم الذهاب لهالمقهى .. واللي يقول لازم تنرفع شكوى .. لاتسكتون .. عشان مايفسدون بناتنا .. واللي تقول الي تبي تقهوى تنادي صديقاته عنده في البيت او الملاهي .. كلكم كتبتوا وحكيتوا .. لكن ولا واحد فيكم الله يجزاكم خير ذكر اسباب اعتراضه؟ يعني بس ابعرف ليش المقهى فيه مفسده والملاهي لا؟ .. فيه أخت سألت صاحب الموضوع ماهي العله الدينيه اللي بتذكرونها فـ رد عليها بـ هالرد المبهم الغير مقنع .. ((العلة الدينية هو أنه باب من أبواب الفساد . . لا أعني المقهى وصاحبة . . بل أعني أنه سيكووون باب إلى وصول الفساد والضياع)) << قل والله .. طيب حتى أنا اقدر اقدم خطاب عن مدارس البنات اقول فيه ((ستكون باب إلى وصول الفساد والضياع)) واسكت :-| .. بدون ذكر اي تفاصيل ولا توضيح.. ومثل ماقالت الأخت الله يجزاها خير .. فيه سوق نسائي اسمه وشاح .. وراكم ماقلتوا عليه شي؟ .. يعني اللي أثار حفيظتكم فقط كون هذا المبنى النسائي اسمه ((مقهى))؟؟ يااخواني تراني لاني من بريده .. ولا قد طبيتها .. ولا اعتقد فيه سبب يخليني اجيها بعدين .. بس المسلمين هم المسلمين بكل محل .. وغيرتهم على دينهم بكل محل مهوب ببريده بس .. عشان كذا لنا كلنا الحق نبدي راينا في هالشي مع ذكر اسبابنا المنطقيه وأدلتنا اللي تأيد كلامنا .. لا تعطون مسألة اضعاف حجمها وتهولونها .. فـ هذي لا هي من شيم الإسلام ولا من شيم الرسول صلى الله عليه وسلم .. احرصوا على دينكم / نسائكم / مجتمعكم / مدينتكم .. وحاربوا كل فساد فيها .. وأنا اهنئكم على هالحرص .. بس مب معناها تحاربون كل جديد فقط عشان اسمه .. وتطالبون بإغلاقه وقطع رزق صاحبه بلا عله ولاسبب مقنع .. بدال ماتكسبون الأجر على هالشي تراكم تجيبون نتيجه عكسيه على انفسكم .. صرتوا كـمن يحرم ما أحل الله بغير حق .. لو إننا مشينا على هالتفكير من كم سنه مضت .. ورفضنا التجديد والتغيير الحلال .. كان الحين حنا نروح لمشاويرنا على رجولنا بحجة إن السياره من اختراعات الكفار .. وكان بناتنا ونسائنا لا راحوا للمدارس ولا تعلموا ولا وصلوا للمكانه اللي وصلولها الحين بفضل الله ومنته .. قليل من الوسطيه يارعاكم الله.. ........................ أدري بيجيني انتقاد وكلام وقذف على هالرد .. لكن أنا قلت اللي عندي .. وأصلا ماسجلت بهالمنتدى إلا عشان هالموضوع وبمشي .. خوذوا راحتكم بالتعليق .. اللي بيرد علي بعقل ومنطق واحترام .. فـ له علي حق الرجوع والرد بكل أدب واحترام مثلما عاملني .. واللي بيقذفني ويتهمني بما ليس فيني إن شاء الله .. فـ أقوله خذ راحتك .. إن شاء الله إنه آآجر لي عند ربي واعذروني على خلط العاميه بالفصحى .. ترا عندي امتحانات مشيبه راسي .. ومدري وش قردني وطحت على منتداكم في عز انشغالي .. لكن ما أقول إلا الله يجعلها خيره..

\/
\/
\/

وعليكم السلام ورحمة الله وبركاته ،،

مشألله تبارك الرحمن

الله يوفقك في امتحاناتك ويخليك لأهلك اختي الغالية

كلام جميل بتباكي وشفقه على اهل المنظقة

رفع الله قدرك اختي الكريمة

سجيليني اول المؤيدين لكلامك ..

ياجماعة الخير لاتشمتون بنا العالم الموقع مسجل فيه اكثر من عشرة الآف عضو والزوار اكثر ومن جميع انحاء المملكة ويشوفون هالموضوع وردود بعض الأعضاء اللي تحوم التسبد

ياليت تكون ردودكم مثل رد الأخت الفاضلة رساويه اوبعض الأعضاء وهم للأسف قليل سواءً مؤيد او معارض المهم مزيد من التعقل والأحترام بالرد وبعيداً عن التطبيل او التطير بالعجة

وياليت اخوي ابو عبدالعزيز قارن بين المشاغل والملاهي والأسواق عموماً وبين هذا المقهى (النسائي)!!

بعض الردود التي ما انزل الله بها من سلطان فيها قذف على محارم المسلمين والسبب هذا المقهى (النسائي)!!


معقوله وبسبب موضوع مقهى (نسائي) يعطيك الحق انك تقذف بنات المسلمين التي ربما تكون من قذفت اختك او قريبتك !!


كفانا الله واياك شر هذا الرد!!

ماهكذا يكون انكار المنكر اذا هناك مايستدعي لأنكاره فما بالك لو يكون الأنكار على غير منكر !!

من لديه معارضة اتمنى ان تكون بعقلانية واحترام للجميع (القراء،الزوار،الأعضاء،او صاحب المقهى)

حتى اذا هناك فائدة ترجى ممكن تقبلها اما ان تكون معظم الردود تجريح فما اعتقد ان نجني فائدة..

عذراً لك صاحب المقهى عذراً لك ايه القارئ الكريم عذراً لجميع من مسسناهم بأذى من رد بعض الأخواة الكرام


اخيراً اختي الفاضلة رساويه بأسمي واسم جميع الأعضاء والمشرفين ندعوك للبقاء معنا في هذا المنتدى العظيم فبأمثالك نرتقي ونعلوا

وشكراً لكم
وفقني الله واياكم لما يحبه ويرضاه

تقبلوا فائق ودي واحترامي

اخوكم وحـــداني

[خوي السرور]

اقتباس جعلي اعنس وامووووت من الجوع والفقر ولا اتزوج بريداوي متخلف

قال تعالى في سورة الأحزاب .. ِ (( ) وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآَتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا (33)

فوصفكـ القرآن بالتخلف باعتقادي انه كفر مخرج للملة (( إذا قصد قول ذلك )) والعلم بعد الجهل حجة على المرء بأن يحذر في كلامه ولايتشرب أقوال بني علمان .. أهلكـ اللهقلوبهم ومن ناصرهم ..

[سيف الشجاعة]

السلام عليكم ورحمة الله وبركاته



شكرا اخي ابا عبد العزيز على الموضوع والى الامام



ارجو من الاخوة والاخوات الاعضاء ابدا الراي باحترام وعدم تعصب

اقتباس المشاركة الأساسية كتبها بريداوي كول ههههههههههههه وش نقف مكتوفين والحرمه ماله الا قبره وبيته الله لايبلانا الحمدلله اني من الرياض وبعيد عنكم اجل 70 متر يالظالمين بجده والرياض مفتوحه على بعض ماعدا جدار صغير طيب اللي يبي يغازل بيغازل واللي تبي تغازل بتغازل اهون على الاقل من اللواط وانتم اعلم بحال ديرتكم اللواط فيها صار اسهل من الدخان ههههههههه الله يفككم ويفكني من شركم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

[:: البــديــوي ::]

الله يعين السواقين ؟؟؟ مهزلة والله .... هل يعقل أن نرى مثل هذا يحصل ونظل ساكتين !!

على أقل تقدير لو أن هذا المقهى >> عائلي << لقلنا .... ممكن تشابهاً بالمطاعم العائلية ,,

لكن نسائي فقط >>> فهي فهلاً مهزلة .......... ولا يجب السكوت عليه بل يجب أن نحرص إخواني على إغلاق هذا المحل بشتى الطرق والوسائل النظامية طبعاً !!! أو أن يقوم بتحويله إلى مقهى عائلي .. وهذا أحد الحلول ,,,,