[العقرب 11]

اقتباس المشاركة الأساسية كتبها توست اذا لعنت خيري وهي كله ملح يمكن تكون مقبوله ,, وبعدين معروف السعوديين الشباب كلهم جمال وخفة دم يالله من فضلك وكل الجنسيات يتمنن السعودي. لأني من ضمن السعوديين رديت عليك ياصاحبة السمو اشكر لك المتابعه

منين لهم الجمال مدلهم كلهم كشابير كل 100 واحد مثلي كلي ملح هههههههههههههه
لاكن الواحد لصار مايشوف بنات ولايسافر لو ياخذ شينه تكون بنضره احسن بنت بالعالم
وانا اشوف ان الكشابير هم الي يخذون الزينات والمزيون ياخذ شينه ولا وش رايكم

[مراسلكم]

شكلنا في حلب وإحنا ما درينا
لا للمجامله يا أخي الحبيب لا جمال ولا يحزنون زيهن زي أي بنا في السعودية والخليج لكن الناس ما زالوا يمشون على السمعة السابقة وهي أن أهل القصيم أهل دين وأهل صلاح هذا كل مافي الموضوع من وجهت نضري

[بـــ sunـــــريدة]

توست والله ما لك حق نطيت ردي الشرهة على اللي يشارك بمواضيعك

[توست]

اقتباس المشاركة الأساسية كتبها بـــ sunـــــريدة أبشركم بحثت عن كلمة <<< مندقمات >>> . مأخوذهـ من الدقمه وهي قطعه في سلف تشغيل السيارهـ ، فا معروف أيام الددسن والهايلوكس دقمة السلف تخرب على طول ، وما تخرب الإ مع الشباب والشيبان الحارين ومن الحرارهـ اللي فيهم يمسك المفتاح ويحطه بالسلف ويعلق يدهـ بكل قوهـ الإ بيشغل السيارهـ اذا ما أنكسر السلف من حرارته علشان تسذا أقتبست مندقمات من الدقمة اللي تخرب بالسيارهـ من الحرارهـ والجلافه طبعا أيام زمان بس الحين ما فيه سلف يخرب الإ نادر أو يمكن قلوا الرجال الحارين اللي يقومون ويقعدون كل البيت بنظرة وحدهـ بس يدرون أنه زعل رجل البيت فا مندقمات يعني مار عليهن رجال حارين و فاهمين الدين ومستانسين بحياتهم مخلينهن حريم من جميع النوآحي تعرف تتصرف بوقت الشدايد وشلون تصرف حياتها ومتربيه صح . الحين يطلع علينا أحد يقول الدين بكل مكان ندري بس أغلب القصمان حريصين على الدين ولا يهونون بآقي رجال الدين بباقي المنآطق . ************************************************** ***** وبالنسبه للقصميات والطلب عليهن لأن الناس تشوف بعينها القصيميات بكل مكان وين ما تروح القصيميه وبكل مكان تصير هي سيدة المكان وهي اللي تجمع الناس سواء جيران أو أقارب أو زميلات بأماكن العمل حتى بالمنتديات والموآقع .... الخ . المهم أنهن شقرديات من جميع النوآحي (( دين + ذمرهـ "ربة بيت" + أخلاق ))الإ ما ندر وليس تقليل بالمنآطق الثانيه يوجد بنات ما شاء الله عليهن بس قليلات ما يقارنن بالقصيميات . بالرياض مثلا ، تحصل حي كامل ما يعرفون بعض بس اذا سكنوا قصمان عندهم تحس أن الحي ينتعش ويبدون يتعارفون وزيارات وتكون فيه جلسات أسبوعيه وتعارف بين الجيران بكل أطيافهم ومناطقهم والسبب القصمان اللي سكنوا بجنبهم . علشآن تسذا القصيميات يملن العين والشباب يحبون البنت المتفاعله مع المجتمع والفاهمه للحياة والمتفائله بحياتها وقنوعه بإرادة الله ولا تبحث عن المستحيل بقدر ما تبحث عن أرضاء ربها و الوناسه مع الناس والتداخل معهم بكل عفويه . والجمال جمال الروح . تقبل مروري .

هلا بالصن كله اجل دقمة سلف ههههههههههه وربي اني اقول وشي مندقمات
اجل معناها انهن حريم صح وسنعات >> توه يدري ان معناها كذا اشونك ياصن انقذتنا

والله ان اهل القصيم ينعشون احيانا بالرياض ولا غيره ..
بس هالوقت مايبون كذا الناس يبون يدخل ويطلع من البيت ولا احد يدري عنه لاجار ولاغيره
وشقرديات والله والنعم وهذي الشهاده لله انهن شقرديات بس (( الأولين )) وليس بنات هالوقت.
الا القليل منهن ..

صن بريده اشكر حضورك ياللغالي...وتسلم على البحث عن الكلمه اتعبناك والله .. بس ريحتنا ..

[توست]

اقتباس المشاركة الأساسية كتبها كربة النخلة السلام عليكم: حيا الله توست تصدق إذا صار النهار أجوع شوي وأتذكرك لو إنك جنبي كان على طول أحطك بالبطن ياطعمك بس ومثل ما قلت وأَضل أقول مواضيعك متميزة دائماً وعلى الجرح خيوووووووو وإلى الأمام، أعود إلى موضوعك: أما عن السبب في اختيار بنات القصيم فعلى ما أظن أن المشهور عن بنات القصيم الدين والأخلاق والجمال <<< خلنا نمدحهن أغدي تحصل لنا وحده، ولايهونن بنات المدن الأخرى فكذلك يوجد في المدن الأخرى بنات ذات دين وأخلاق وجمال، لكن ماجعل الأنظار تتحول إلى بنات القصيم هو أهل القصيم الذي كثر عنهم تناقل هذا الكلام وهو أن بنات القصيم بنات ذات دين، وكذلك أيضاً ماتتتمع به مدن القصيم من كثرة المشايخ جعل لها صيتاً في الخارج، أما عن أنهن صاحبات كلام كثير فليس كلهن هكذا فيوجد من هي صاحبة كلام كثير ويوجد من هي ذات كلام قليل. وشكري هيه أخي توست على مثل هيك موضوع. وتقبل مروري. لك ودي واحترامي. مع تحيات: كربة النخلة. والسلام خير ختام.

"]هلا بالغالي والله وسهلا الى الحين جوعان يالبى قلبك على الجوع كلي لك ..

والله اعتقد ان السبب الرئيسي هو ماذكرت اخي وكما قلت يمكن الصيت هو الذي

جعل الكثره تبحث هنا ولكن يبقى الكثير من الدين والجمال في باقي مدننا الحبيبه ..

اخي اشكر حضورك ياغالي ..
وشكرا لك انت ولك تحياتي..

مع تحيات: كربة النخلة.
والسلام خير ختام.[/quote][/size]

[توست]

اقتباس المشاركة الأساسية كتبها قمر بيتنا كأني أشمّ رائحة ( التندر والسخريه ) !!! اولا : كل مكان يوجد فيه الطيب والرديء ! والسعوديه ولله الحمد يغلب جيدها على رديئها الاف المرات .. ثانيا : مالفائده من هذا الموضوع ؟ ثالثا : اذا ظلت نظرتكم قاصره تجاه القلة من النساء السعوديات فليكن في علمكم ان هذا ليس تندرا بها او سخرية من شكلها إنما سخريه بخالقها الذي احسن كل شيء خلقا ثم هدى .. سبحان الله يامثبت القلوب ثبت قلبي على دينك .. اليس هذا من صنع الله الذي أتقن كل شيء .. أليست هذه حكمة الله ومشيئته ..هل لتلك المسكينة الدميمه النادرة جناية على سوء شكلها وبشاعة مظهرها !!! اعلموا ان السخرية بخلق الله هي سخرية بالخـالق .. اسخروا قدر ماتشاؤون .. فلن يغيظنا ذلك .. لان الذي خلقنا اعلم بما يناسبنا ويلائمنا منكم .. {ياأيُّها الَّذين آمنوا لا يَسخَرْ قومٌ من قومٍ عسى أن يكونوا خيراً منهم ولا نساءٌ من نساءٍ عسى أن يَكُنَّ خيراً منهنَّ ولا تَلْمِزوا أنفُسَكُم ولا تنابَزوا بالألقابِ بئْسَ الاسْمُ الفسوقُ بعد الإيمانِ ومن لم يتُبْ فأولئك همُ الظَّالمون(11)}

اولا : كل مكان يوجد فيه الطيب والرديء ! والسعوديه ولله الحمد يغلب جيدها على رديئها الاف المرات ..

نعم كلام صحيح ولايحتاج شهاده من احد ...


ثانيا : مالفائده من هذا الموضوع ؟
لا اعلم ولكن اعتقد انك جاوبتي وانتي تقولين مالفائده من الموضوع .


ثالثا : اذا ظلت نظرتكم قاصره تجاه القلة من النساء السعوديات فليكن في علمكم ان هذا ليس تندرا بها او سخرية من شكلها إنما سخريه بخالقها الذي احسن كل شيء خلقا ثم هدى ..

لم تكن نظرتنا قاصره ولم نسخر فهن امهاتنا واخواتنا ونسائنا وهن عرضنا وهن كل شي
ولكن قد نكون تكلمنا عن صفه من الجمال فيهن فقط ..
انا لأدري لماذا البعض يفهم الموضوع من منطلق اخر اتمنى منك قراءة الموضوع جيداً
دون النظر الى رد اوردين ولكن الى صلب الموضوع ..
فسوف تجدين فيه المدح لهن وتفضيلهن من قبلنا نحن وقبل منهم خارج المنطقه فأين السخريه
التي تتكلمين عنها ..

قمر بيتنا ., شكراً لحضورك وتعليقك الذي يكون لرد او ردين فقط..

[توست]

اقتباس المشاركة الأساسية كتبها مدحت شوقي بريده توست .. شكلك دب ومدور علشان تسذا اسمك توست .. والا لو انت طويل تسان يسمونك صامولية .. <<((== جاك هالمالغ عااااااااد ايقالوه يمون .. يابعدي انت الصرااااااحة انك تظلم بنات بريدة .. يالبي نص جمال الكون نازل ببريدة .. ونص دلع العالم ببنات بريدة .. صحيح بعضهن بهن جفاسة يبي له شوي شنب وتصير ولد .. ولكن مع ذلك تبقى بنت بريدة بعيوننا هي الأجمل والأرقى والأميز .. وبشهادة كل منهم خارج بريدة من اللي يتمنون البريداويات .. <<((== وش رايك بالأجمل وألأرقى والأميز .. احس انك تناظر فوق مع كل كلمة اجمل ارقى اميز .. انا لو يخيرونن بين بنت من بريدة وبين فيفي عبده .. تسان اختار بنت من بريدة .. <<((== ولو شكل هالهدر ماشاف هالدربية فيفي عبده .. تصدقون عاااااد اني احس ان فيفي عبده هذا جواب مهوب اسم .. واحد يسأل يقول فيه عبده .. والثاني يقول في في عبده .. <<((== والله وتهج بوه هالكمخة .. توست مطخة وسلاااااام بطعم السمبوسة .. سي يو ..

هلا بسيد الغالين كلهم نورت المتصفح اخي

والله اني منب دب واقرب مالي صموليه على قولتك ههههههههههههههه

والله ماظلمت احد يالدب يعني ياناس لازم امدحهن ولا اصير ظلمتهن

وعلى قولتك فيه الجلفه وفيه الجمال والدقه والله يزيدهن انشاء الله..

اما فيفي عبده يالدب فيفي عبده كبيره الحين عمره ثلاث تلاف سنه
شكلك من الأولين يالدب ..

ومطخــــــــــــــــــه لك وتسلم على المرور الرائع دمت بخير اخي

[توست]

اقتباس المشاركة الأساسية كتبها ام خيال اقول يابنوتات اشوفهم جابوا حاصلكم والله يا انتن معطياتهم وجه اتحدا اي واحد فيهم يروح يأخذ اجنبية زوجة اولى الا عاد اللي فيه شي ولا يقبلون به البنات يأخذونهن زوجة ثانية وثالثة لأنهم مايثقوا باللي تمسك البيت له وتضف عيالة وتربيهم زين الا بنت ديرتهم ... يتكلمون كذا واذا جزم الواحد على الخطبة قال لأمة ولا لأختة دوروا لي بنت عائلة محترمة .. ويسألون عن خوالها واصلها وفصلها .. بس يحبوا يثيرونكم في مواضيعهم ...

والله يأم خيــــــــــــــــــــــــــــــال ما اثرنا احد مجرد موضوع بس الربع والشباب والشباصات
تفاعلــــــــــــوا مع الموضوع وصار لجه وصجه ,,

بعدين تبين الصدق اكيد مالنا غناة عن السعوديه الشكوى لله لكــــــن نصبر ونحتسب >> وبالجنه
انشاء الله ...

ام خيــــــــــــــــال اشكر لك الحضور ولو انك عطيتنا النار شوي بهالرد ...

[توست]

اقتباس المشاركة الأساسية كتبها العقرب 11 منين لهم الجمال مدلهم كلهم كشابير كل 100 واحد مثلي كلي ملح هههههههههههههه لاكن الواحد لصار مايشوف بنات ولايسافر لو ياخذ شينه تكون بنضره احسن بنت بالعالم وانا اشوف ان الكشابير هم الي يخذون الزينات والمزيون ياخذ شينه ولا وش رايكم

العقرب والله حرام عليك مهنا ملحنا ابد حنا يالشباب السعودي رزه وشخصيات
والله التوفيق بيد الله .. والزينه زينه نادره ولاتشره اذا جيت تخطب ترا ماهنا زين زين ..


العقرب اشكر لك التواجد ونورت المتصفح ياعقرب >> وعنبو شيطانك مالقيت غير هالاسم يخوف .

[توست]

اقتباس المشاركة الأساسية كتبها مراسلكم شكلنا في حلب وإحنا ما درينا لا للمجامله يا أخي الحبيب لا جمال ولا يحزنون زيهن زي أي بنا في السعودية والخليج لكن الناس ما زالوا يمشون على السمعة السابقة وهي أن أهل القصيم أهل دين وأهل صلاح هذا كل مافي الموضوع من وجهت نضري

مراسكلم والله ياهي صعبه في حلب لكن تبقى بنت القصيم مطلب الكثير ماشاء الله عليها
وهذا واقع وليس بيدي يمكن على شان الدين وسمعته بين المدن الاخرى ..

تسلم على تواجدك في متصفحي اخي ..

[ابوعلي99]

ارى ان المقياس الوحيد اللي مفروض نعتمدة قبل الزواج هو دين البنت ما دام انها مسلمة فهذا بحد ذاتة سبب كبير جدا للسعادة أما غير هذا فواللة اني اشوف انة مبالغ فية
فكل بنات المسلمين فيهن بركة ان شاء اللة



يمكن عشان القصيمية ممكن تتقبل زواج زوجها عليها من زوجة ثانية

اللة أعلم

[توست]

اقتباس المشاركة الأساسية كتبها بـــ sunـــــريدة توست والله ما لك حق نطيت ردي الشرهة على اللي يشارك بمواضيعك

هلا بك مــــــــــــــــــــاعاش من ينط ردك والله ومالنا غنــــــــــــــاة عنـــــــــــــك

وربي اني ماشفتـــــــــــــه ياخلفـهــــــــــــم من كثر الردود لكن اعتــــــــــــــــذر

من كل قلبي لك ...

شمس بريده اعتذر مره ثانيه وانتظر رجوعك مره اخرى ولك العذر اخي الغالي.

[** حَـنيـنُ الأُخـوَّة **]

هراااااء <<<<<< خسارة لحظات رمضان تهدر على هذة الترهات ..

[ali170]

اقتباس المشاركة الأساسية كتبها توست الســــــــــــــلام عليكـــــــــــم ورحمة الله وبركـــــــــاته ... الكثير من خارج القصيم من اصدقاء واقارب اجد زوجاتهم من اهل القصيم وهو اصله من خارج المنطقه وقد طلب مني صديق لي اذا اعرف عائلـــــه لكي يخطبون منها لأخ صديقي وهو من اهل الرياض طبعاً فعند سؤالي لـــه لماذا يريد اخوك ان يتزوج من القصيم قال ياخي يقولون الجمال عندكم والله هل بالفعل من اجل الجمــــــال ام ان اهل القصيم لهم ميزه اخرى يريدها من هو خارج القصيم .. اعتقد لأن بنات القصيم لازال الكثير منهن ولله الحمد محافظات فهذا قد يكون السبب الرئيسي .وهذا ليس تقليلاً بباقي مدننا الحبيبه ولكن لماذا اذاً؟؟ الحين ينغرن بنات القصيم يحسبنه جمــــــــال والله شكل الجمال من جنب القده. وانتم ماذا تقولون ماهو السبب ؟؟؟ شارك بما عندك اخي العضـــــــــــــــــــــو.

الله أعلم !!!