[الخفيات]

تصدقون أن هذه السيارة شايفه قبل 25 سنة مع رجل كبير كان يوزع اللحوم عليها وتوفي رحمه الله

[ابوخريف]

اقتباس المشاركة الأساسية كتبها وليد96 لا شف البنقالي مبسوط

مبسوط للتصوير وماعليه شرهه

[ابوخريف]

اقتباس المشاركة الأساسية كتبها الخفيات تصدقون أن هذه السيارة شايفه قبل 25 سنة مع رجل كبير كان يوزع اللحوم عليها وتوفي رحمه الله

صدقت اخي سألت احد كبار السن وقال لها فوق 30 سنه

[عذب الإحساس]

اعوذ بالله

[ابوخريف]

اقتباس المشاركة الأساسية كتبها caaaaaaaat وين مراقبين البلديه ولا بس يوقعون ويروحون للبيت وينامون لاويقولون نبي الترسيم

تنفخ في قربه منشقة

[مايهزني ريح]

ياخي إذا كان اللي يسوي هالسوايا

البلدية أجل التجار وراعين المطاعم

القذرة ماعليهم شرهه

[max]

سكراً اخووي على الموضوع الجميل شفو لو انه قدامي اقسم اني لا اصفقه بطراق اقسم ونا الفعه اتصل على الشؤووون الصحية لمين يجون ويشوفله حل

[ابوفيصل 911]

وين مراقبين البلديه ولا بس يوقعون ويروحون للبيت وينامون لاويقولون نبي الترسيم ؟؟
موظفي الآمانه والبلديه ما هنا اكثر منهم ومن سياراتهم الرسميه في كل مكان بس بدون نفع ولا امانه ولا ضمير ويستغلون سيارات البلديه الرسميه لأشغالهم الخاصه والدوران بالشوارع وزيارات البوفيهات ولم ارى اكثر من سياراتهم الرسميه فهم اكثر من سيارات الشرطه وغيرها مع العلم بأن جميع اعمال البلديه بيد مقاولين ولا يحتاجون لسيارات رسميه من البلديه ولكن الواسطات تلعب بشكل كبير في البلديه حتى حارس البوابه معه سيارة رسميه يذهب بها لبيته ومعه اربع وعشرين ساعة الخلاصه البلديه ماكوله من البعض وممصوص دمها مص على حساب مصالح المواطنين وعلى حساب الوطن وصدق من سماهم ( البلاء والأذيه ) .

[ابو شرين]

بصراحة انا اشهد انك ما قصرت سويت اللي عليك والموضوع الحين بذمة المسؤول

معقول هذا المنظر

انا قبل كم يوم رحت اجيب سمك واعتقد الصورة من نفس المنطقة
المهم على مايجهز الطلب لقيت داعوس على قول اهل الشرقية بين الملاحم قلت خل اشوف وش فيه عمري مادخلته والولد الله يصلحه سالني وش فيه هنا وخلاني اجزم على الدخول
المهم دخلت وانبهرت اول مرة اشوفهم لحوم معلقة وشي يروع والله لو يمسكون احد من الداخلين ويذكونه ويصلخونه ويبيعونه بعد ما احد درى عنهم شارع سكاكين وسواطير

[زعيم القصيم]

والله العظيم مهزلة

[تميمي وكلي فخر]

حاميها حراميها

الله يرحم الحال

[بنت الخليج555]

الله لايحللهم على القذارة

[ابوخريف]

اقتباس المشاركة الأساسية كتبها ابو شرين بصراحة انا اشهد انك ما قصرت سويت اللي عليك والموضوع الحين بذمة المسؤول معقول هذا المنظر انا قبل كم يوم رحت اجيب سمك واعتقد الصورة من نفس المنطقة المهم على مايجهز الطلب لقيت داعوس على قول اهل الشرقية بين الملاحم قلت خل اشوف وش فيه عمري مادخلته والولد الله يصلحه سالني وش فيه هنا وخلاني اجزم على الدخول المهم دخلت وانبهرت اول مرة اشوفهم لحوم معلقة وشي يروع والله لو يمسكون احد من الداخلين ويذكونه ويصلخونه ويبيعونه بعد ما احد درى عنهم شارع سكاكين وسواطير

شكراً على مرورك

[دموعي دلع]

حسيي الله على الأهمال وبعز النهار
اللي ما يخاف الله خف منه
لا حول ولا قوه الا بالله العلي العظيم ((وش بقى ماتلاعبوا فيه))
قسم كرهوني يع ((تكرم النعمه))