[الرومي]

المشكلة مو انه يسوق سيارة المشكله انه تحت السن القانوني هذه واحدة الثانية ان مثل ماقال ابوه عسكري يعني اذا مسكته الدوريه يدق على ابوه او واحد من الجماعة يفزعله ويمشيه وعيالنا يبهذلهم بهذله مالهم من ينصرهم الله يعيين بس

[سعداف]

قيادة الأطفال للسيارات في بريدة قضية قديمة وما زالت قائمة !
والسبب أولاً وأخيراً يعود لأولياء الأمور

الوالد جالس بالبيت والأهل ودهم يروحون للسوق يقول للرضيع خذ أهلك للسوق ، ويالله
لا قيادة صح .. وتلقى معه حريم وحده تقوله رح يمين والثانية تقوله رح فوق

حتى مع التفاتيش اللي ماليه الديرة تلقاهم يسوقون داخل الحارات ويستعرضون قدام إخوياهم

[ا ح ن 1]

والله من الحسد خل الناس تترزق ولا عليك من احد الديره فيه مرور وامن كامل وش عليك قعد تصوره والله لو اعرف الرجال كان اخوض بطنك بجاحه على الاخر اتمنى احد يعرف الصغير هذا ويشوف حل لهسقيم

[ابوركبه]

انا مااقول الا ياشين البجاحه وبعدين وش دخلك
بالله جادين انتم هذي مواضيع (لاتعليق )

[احلى عضو]

يترزق الله

[تيجان]

لاحول ولاقوة الا بالله

[جرحي المجنون]

اقتباس المشاركة الأساسية كتبها @جرّوح@ , يآنآس آفهموآ وآعقلوآ شوي !! آول شي من الناحية الأولى .. لو خطف وش رده فلعل آهله ؟؟ ثآني شي ؟ ياخي وش هالهمجيه بزر لسى مآيطول الدركسون ويسوق ؟؟ بالله عليك لو يصدمك آنت وايآو وش موقفك ؟؟ قسم بالله مآسبب الحوادث ولا هبل بنأ إلا هاللي يتكسون !! تلقآه بآآخر آلشارع يمين يشوف وآحد ثم يجعف وآلدينه يسآر ؟؟ ليش فيه وآحد يآشر بآيده !! خلنآ من هاللي يتكسون !! نرجع لموضوع الطفل هذآ .. يآخي الدولة حطت لنآ آنظمة وقوآنين .. الدعوى مب همجيه !! لازم يكون معه رخصه قيادة !! ياخي تخيل يصدمك معك حريم آو آي شي .. آو يتسبب بوفآة آحد .. صدز نقول مكتوب ومقدر وممكن آنه آي وآحد يصدم .. بس ياخي ع الأقل تلقاه يعرف يسوق من قبل وقضآء وقدر .. آمآ مثل هالشكليآت يمشي على البركة !!!!!

<< احسنت عين العقل

[سـ وسـ و]

الله يستر عليه

[AZo0oZ]

...



ياكاتب الموضوع
انت (( ماتستحي ))


هل استأذنت منه قبل لاتصوره وتنشر صورته قدام الله وخلقه ؟

<< وان كان مخطئ بس مايحقلك تصورهـ >>


صح ولا انا مخطي ؟


..



..

[رأس النفود]

وهل حرام يترزق الله ..؟

[moment of peace]

فيه احد قلك انتا مضحك ,,صار الكل يدور الشهرة بس ينزل موضوع يحاول يلتقط صورة حتى لو باب بيتهم ههه مشكلة اذا صار النت بأيدي ناس ماتعرف كيف تستغله كان بأمكانك ماتشهر فيه بالسوء كان المفروض تضرب فيه مثل وياليتك كنت مثله على الاقل انا مااسميه طفل اسميه رجل في زمن قلت فيه الرجوله جالس يسوي حاجه غالبية الناس تعتبرها خطأ مع ان الخطأ الطرارة والابتزاز والمصائب اللي ماانزل الله فيها من سلطان بالعكس ياليت كل الشباب بدل مايفحطوا في الشوارع يعملوا مثله فلوسهم تكون حلال وبطريقه مشروعه بعدين ياليت الناس الحشرية تنقرض خصوصا في القصيم ياربي الفضول يذبحهم بعضهم يموت لحد مايعرف ايش نوع الدجاج اللي بتاكله من الحشرية يجلس يلف في نفايتك حتى يقول اها هذي صورة التقطها وانزلها في منتدى بريده ستي هههه انا مااقصد شخص بعينه

[صالح الجاسر]

الان كل اللي تقولونه (افتراضات )
محتاج
ابوه يشتغل بالمرور
ممكن يكذب الولد
اخذ سيارة المزرعة (وهي بالعادة تكون قديمة )ويبي يجرب انه (يتكس )
وحتى لو كان محتاج ياليت مايشتغل هالشغلة لا ن فيها خطورة عليه لانه صغير في السن؟؟؟؟؟؟؟؟
الله يحمانا من كل سوء

[الــغــلا]

وش فيكم على الرجال
ابو تالا قصده انه خايف على الولد
لو صار له حادث لسمح الله
الله يهديكم كل موضوع تفسرونه
على كيفكم

[{ ابوحاتم }]

والـله وتـوهــق بالمـوضـوع صاحبنا

احسب خطواتكـ قبـل تتـحسـف ..!


تم خرش المذكور