[a m2aa]

عذراً أخي الفاضل !


على ماذا بنيت حكمك هذا ؟؟يمكن الإجابة (( على 1% من الفتيات أوتكون أحدى قريباتك أنت ))

الأخــــــــــــــــــــــــلاق هي الأساس في هذا الوقت
((( وش الفائدة بشاب _ وسيــــــــم ولا يمت بالأخلاق بصله ))

[الحياة مدرسة]

اقتباس المشاركة الأساسية كتبها من الجماعة المشكلة اننا اصبحنا لا نفرق بين ما يناسب الرجل و بين المرأة فأصبحت الاجابات تأتيك فوريه بقول من حقها كما هو من حقك في هذا الموضوع ومن المعروف ان الجمال مطلوب بأن يكون بالمرأة لأن جمال المرأة يعتبر من الاساسيات في قبولها كزوجة ولا اقصد الجمال المبالغ وانما الذي يتجاوز الشكل المقبول اما الرجل فلا يشترط بأن يكون جميل او وسيم و لا ينقص الرجل شكله اذا لم يصل درجة القبح فكيف نجعل الجمال حق للمرأة كما هو للرجل ؟ من الناحية الدينية الرسول صلى الله عليه وسلم ذكر ان الجمال من المميزات الحسنة التي ينبغي وجودها في الزوجة ومن شروط اتمام الانوثة هو الجمال ولا اعتقد ان لإتمام الرجولة هو نفس الشرط ..

[حبيبتهم]

بتكلم عن نفسي

بالنسبه لي مايهمن الجمال كثر مايهمن انه يصير رجل يخاف الله فيني
يعرف وشلون يقدر البنت ويتعامل معه على انه انثى له مشاعره واحاسيسه مب يتعامل معه وكأنه واحد من خوياه بالاستراحه
يعرف انه مثل ماهو له حقوق هي بعد له حقوق
ولاقيل اسمه بين الناس قالوا والنعم بوه وبأخلاقه


وش بيفيدن لاصار جميل وحلوو وهو مايعرف من الدين الا الصلوات الخمس اللي معتبرهن عاده مهب عباده !!
وش بيفيدن لاصار جميل وحلوو وهو رخمه مايعرف من علوم الرجال شيء !!
وش بيفيدن لاصار جميل وحلوو ويعرف ويكلم عشر من بنات الشوراع !!
وش بيفيدن لاصار جميل وحلوو ولسانه متبري منه !!
وش بيفيدن لاصار جميل وحلوو وهو معتبرن قطعة ديكور بالبيت !!


الأخلاق ثم الأخلاق ثم الأخلاق ..



يعطيك العافيه على الموضوع ..

[يعجبني تفكيري]

اقتباس المشاركة الأساسية كتبها حبيبتهم بتكلم عن نفسي بالنسبه لي مايهمن الجمال كثر مايهمن انه يصير رجل يخاف الله فيني يعرف وشلون يقدر البنت ويتعامل معه على انه انثى له مشاعره واحاسيسه مب يتعامل معه وكأنه واحد من خوياه بالاستراحه يعرف انه مثل ماهو له حقوق هي بعد له حقوق ولاقيل اسمه بين الناس قالوا والنعم بوه وبأخلاقه وش بيفيدن لاصار جميل وحلوو وهو مايعرف من الدين الا الصلوات الخمس اللي معتبرهن عاده مهب عباده !! وش بيفيدن لاصار جميل وحلوو وهو رخمه مايعرف من علوم الرجال شيء !! وش بيفيدن لاصار جميل وحلوو ويعرف ويكلم عشر من بنات الشوراع !! وش بيفيدن لاصار جميل وحلوو ولسانه متبري منه !! وش بيفيدن لاصار جميل وحلوو وهو معتبرن قطعة ديكور بالبيت !! الأخلاق ثم الأخلاق ثم الأخلاق .. يعطيك العافيه على الموضوع ..

صح لسانتس
كلامتس سليم
وهذا اللي انا ابقول



ولك مني اجمل تحيه
وتستاهلين خوذي

[• إلـيـزآبـيـث •]

أهم شي الأخلاق ..

[طموح مشرق]

تهمني اخلاقة أكثر من الوسامة

انأ وش أبستفيد لما اخذ واحد وسيم ولايملك ذرة خلق ولا يخاف الله فيني.....

[MEHWAR]

كلامك غير صحيح ابدا

انا متاكد ان 99% ما يهتمن بالشكل مره اهم شي الاخلاق والدين

الا اذا كان الواحد ما ينبلع ابدا يعني بالعربي قبيح جدا

فهذا يحق لها ان تعيش مع واحد حليو او على الاقل مهب شين


يعني انت من اين لك او كيف حكمة على كل البنات بهذا التفكير

[مختلفة جدا]

قالوا لك ماعندنا عيون ووده تشوف الزين قدامه!!

مثل ما أنتم تبون الزين وشي مايصير قذى على عيونكم حنا بعد أكثر منكم
لأننا بنات نهتم بالجمال أكثر منكم معشر الفتيان

...
أنا مايقهرن كثر واحد لا وسامة ولا شهادة ولا وظيفة ويجيك يتشرط
يبي بنت مزيونة ومتخرجة ومتوظفة وصغيرة !!
يعني بالله متى بتدرس وتلقى له وظيفة وتجيك عمره عشرين واحد عشرين!!!!

[مختلفة جدا]

اقتباس المشاركة الأساسية كتبها أبوراشد خذها مني البنت تبي وسيم وغني وحبيب ودين ومعه سياره زينه ويسافر به لتركيا ولا ماليزيا وموظف راتبه عشرة آلاف ( فل كامل ) بس هذا كله تشهوي وبالأخير تقبل بعادي وحالته وسط ويسافر به للطايف ولا من دين ووظيفته على الرابعه ولا مراسل لذا نصيحتي من الآخر دور وحده ماله من التشرط ( وياكثرهن ) وتشرط انت على كيفك لو انت ركبه . ,,,,

إن تشهوينا على قولتك ولا لقينا شهوتنا هذا يدل على الشباب كله على نفس الحالة .. إلا وهي الحالة اللي ذكرته ( وشهد شاهد من أهله)
ومن ثم تقول ( وتشرط أنت على كيفك) دليل على أننا معشر الفتيات نملك من المواصفات مايتمناه الشباب بس يطب ويتخير ( ظهر الحق وزهق الباطل إن الباطل كان زهوقا)

[مختلفة جدا]

اقتباس المشاركة الأساسية كتبها خوآطر مكسوره وش فيه اذا كان شيفه ماهو انساااااااااااااااان,وبعدين ترا ماهو هو خالق نفسه,لو خااالق نفسه كان خلى نفسه آيه من الجمممممممممممال,بس الواحد يقول الحمدلله على نعمة العاافيه والاسلاام.. وماافي انسان كامل والكماااال لله سبحاانه ومثل ماقال اخووي مابي حيل1 اذا زوجك مملوح بيااخذوونه البنااات منك مافي احسن من الشيفه خخخخ

طيب هو يوم إنه يتشرط ويبي بنت مزيونة .. ليش ماياخذ بنت عادية وش فيها ماهي إنسانة ولا هي اللي خلقت نفسه ولو بيدها خلت نفسها آية من الجمال

[مختلفة جدا]

اقتباس المشاركة الأساسية كتبها عاشق النور هههههههههههههههههههههههههههههههههههههههههههههههههه ههههههههههههه >>ركبه ياخي اسلوبك يضحكن يا لبى قلبك يا ابو راشد والله ان كلامك اقوى شي زين ض1 كلامك مو 100 بالميه بل 5000 بالميه لان البنت من جد مثل ما قلت >>تشهوى ..

الولد أبدا مايتشهوى!!

[صوت المطر]

يمكن تبي وسيم ومزيون علشان تكشخ به عند خوياته

[مختلفة جدا]

اقتباس المشاركة الأساسية كتبها عاشق النور ردي لك تلقاه بالصفحات السابقه عن الجزئيه الاوله واما عن الجزئيه الثانيه اللي تتحدث فيها عن شخصك فهو شي راجع لك كرجل انك تبحث عن الجمال لانك رجل ما يعيبك شي كرجل ..

ليه ؟ الرجل ماله عيوب!!

[مختلفة جدا]

اقتباس المشاركة الأساسية كتبها عاشق النور يا عطشانه ما فيه شي وش غاثك او وش اللي يخليك متعصب مع الموضوع .. لانه هذا نقاش واللي موب قد النقاش لا يشارك .. ..ودي .

طيب ليش إلا ملزم تنقنعنا مانفكر بالوسيم على قولتك!!
كل واحد حر باختياره..

النقاش باب من أبواب الديمقراطية .. كذلك أيضا حرية الاختيار شكل من أشكال الديمقراطية