[قتاله]

مصــــاكم ربي بالخير
.
.
.
اعرفكم بنفسي انا قـتـالـه وفي روايه ام القتاتيل على رأي حمني اخوي << اخلصي علينا
جيت هنا بدعوه من صديقه غاليه ياعين ابوي ياهي قصم بالله مو تطفل ... والا انا مااتسدح بالسيسان ولاني فاضيه بص وشسموه المنتدى اللي كنت اتبطح فيه ماادري وش جاهم صاكن له يومين ياصافقن لياتهم كوكب او منمصع واحد من افياشهم ماادري بص كلنا أمل يرجع زي اول ويزبطون امورهم مو بتله الخراب !
مالكم بالطويله ..طرحي دايم عباره عن سوالف وتوسيع صدر وفيها شوي نقد لأوضاع اسريه واجتماعيه نزاولها بشكل يومي
ترد بكلماتي مصطلحات شماليه ياعين ابوي اللي مايفهمهن يحط تحته خط ويغز اصبعوه وبالمناسبه حمني اخوي واصغر مني بسنه امي وتعرفونها امي طرفه جدتي اختي تعرفونه صابر عاملنا
هاظول ابطال سواليفي يالله نبدأ على بركة الله بسالفه طازجه مخصوصه لكم وبعدها اببدأ اطلع من الافريزر واسخن
الويك اند اللي راح قررنا نروح نحضر عرس سعدون ولد خالتي نوير من رجله الاول المهم داومنا انا وحمني الاربعاء نص دوام ومن الليله اللي قبلها مولمه شنطتي ولوازم العرس تعرفن يابنات كل شوي تفطنين لشي وفتح وصك بسحاب هالشنطه لين تقول عسا ماعرس
لما دخلت البيت واثر امي زاهمتن على البشريه كلهم ومعلمتهم بموعد روحتنا واثر خالتي نوير مسنتره بالصاله
وخالتي الجازي هو وتوأمه الصغنبوطين تقول اخاف اخليهم تاكلهم شغالتنا خخخ وكلــــه كوم وخالة امي من الرضاع ام طالب والله ياهي نشبة النشب قلت لامي اغدين بص اهون قالت انثبري بص ضاقت عينتس ياام القتاتيل يالله بس روحي حملي الاغراض بالسياره وترفقي على قش الناس رحت اصفهن بشنطة السياره وانواع الحلتمه وهات ياأصره ولفايز هه وبعد الغدا مشينا بأمان الله وسط صياح الوغدان التوأم من آن لآخر وسواليف الحريم اللي ترقي المر لين يوصل العيون كله تشكي وسب برجالهن والرجال عموماً وحمني يسمع ويبلع وهو ساكت خخخ ...واخيراً وصلنا محطة العتش << سيرد ذكرها كثيراً في سواليفي !
صلينا وكالعاده نزلت عزبتنا ترامس القهوه والشاهي علشان امي مايجيها هبوطها طلعت الفناجيل وبديت اصب لامي وخالاتي عاد امي ماتخلي شغل الشمال بدت تعزم الحريم اللي حولنا بمصلى الحريم وصبي ياقتاله ...فنجال المره ياقتاله .. مدي لهذيك ياقتاله خلتها امي دورية العتش اوب مسجد خخخ وحنا وخالاتي كاشفات لانو بمكان حريم وباقي الحريم متغطيات ومتجودات تقول بوسط شارع الصناعه من زود الستر وهات ياتنشيد وش انتم وش ترجعون له ووشي قهوتكم وحنا غيركم ماعندكم احد يبي مسيار ؟؟
وبخضم هالخرشه دوت صرخه من خالتي ام التوم يـــــــــــــــاويـــــــــل حالي نطلوا ولدي !
يـاقـــــــتالــــــــــــــــــــــــــــــــــه الحقي علينا ازهمي على الشرطه او حقوق الانصـــان هه!
يحول هالقتاله صارت سوبرمان وهات ياتدوير وموايق بوجيه الحريم وشناطهن اغدي احد موزي الوغد بشنطه تعرفون الحين الموضه الهجه بالوغدان ينفع بوقت عوزه وياعين حيي يااميمتي شلع ضغطه وهي منول عنده هبوط وبلشنا بأمي وخالتي الجازي جميع بربعه وحده يولولن وماامداني احط رجلي على الدرج الخارجي الا افغانيه شايله ولد خالتي وتحرج عليه بيبي مين ؟ حق انتي ؟ بيبي مين ؟!
قلت يابعد عيون الشمال كلهم تعالي ياحيي وش نوحتس تحرجين على الوغد واتله مع العلبا لخالتي قلت شوفي الصغنبوط احجريه مع اخوه وخل نشوف قصة رفيق وش عندها مع ولدنا << ماينتحارشون هه
واثر المسيكينه شافته يحبي يحاول ينزل من الدرج وشالته خافت عليه وهات يااتحريج وحنا بلشين بقهوتنا منيب قايلتن عسانا للمر عاد تنيذخت خالتي وصكت الافغانيه بخمسميه ... وتطيح علينا واصفها بجنب خالتي وامي وخالتي خخخ
بعدها قلتلهم قوه بس .. يسد ماجانا قوه عسى ربي يوصلنا بالصلامه كابوس صعب !
بعد وصولنا( العارض ) الرياض ارتحنا بالشقه ونمنا بعد عناء وهبلة الصغنبوط ماكانت السراير بالشقه كافيه تركت سريري للوالده ونمت بجنب ام طالب على الارض ويــــالـــيل اللــــيـــــــــــــــــــل ياام طالب لما جت حوالي الساعه الثلاث واسمعها تناديني قتالي قتـــــالــــي << بنطق اهل الشمال !
سمي ياأمي وش بغيتي اقولها وانا مابعد صحيت قالت قومي بظهري شي يتحرك ياحي قومي شوفي وشو
وانا اتوحش واقوم من طولي قلتلها وشو بص ياعين امي لاتخوفيني وقصم ان قلبي ماعاد يتحمل
تبين اناديلك امي قالت لا ياحيي بسرعه شوفي وش تحت ثيابي بدا يعض يمـــــــــــــــــــــــــــــــــــــــه ياام طـــــــــــالب
حرام عليتس انا توي ماابي اموت انتي بكيفتس بص انا لا امي تبين قالت (اروجي ) اسرعي يالله لايتمكن مني!!
وبعد فيها تمكن طيب ام طالب ابدخل يدي وربي يحميني ..اصبري ابقرأ المعوذات قالت وانا ابتحراتس عجلي لأفغى راستس بها لشنطه اللي جنبي استسلمت ودخلت يدي وفتحت عيوني على اخر شي وأويتز وانا اتحسس بشويش .. الا شي له سنون واصرخ لين قاموا كلهم .. قلت الحقوا ام طالب ياداخلن فيها جني له شظاف او ان ظهرها له سنون تجمعوا كلهم فوق راس ام طالب وانا لاصقه بالجدار حتى حمني جا يركض وهو منصفر ... بعدها قربت خالتي نوير لأم طالب وهي تقرا المعوذات .. وفتحت كل الانوار ووأقت بظهر ام طالب ورجعت على وراها وهي ميته من الضحك ومو قادره تحتسي بعدها صار كل واحد يويق ويضحك ومابقى الا انا وحمني .. قال قتاله دورك ويقي وعلمين وش تشوفين قالت امي انا اوريك ودخلت يدها وطلعت طقم سنون ام طالب من كثر التقلب طايح وناشب بظهرها خخخخخ بس وش عقبه ياام طالب ... راح ليلنا وفجرنا نويق على ظهرتس هه !
ياخزياه منكم كثرت الهذره وانا ايقالي عضو وشسمه جديد
انتظروا الجـــــــــزء الثـــاني
والى قــــادم قـــــتــــالـــــــه

[حَنِيني لِطيْبة]

مساتس الله بالرضى والعافية ..
حيا الله الشماليين كلهم .. وكل الشماليين خياله

اقتباس المنتدى اللي كنت اتبطح فيه ماادري وش جاهم صاكن له يومين

<-- شكله المعـ.. لي سنه أحاول ومعيي ولد الذينا كره ولهت عليهم

اقتباس صلينا وكالعاده نزلت عزبتنا ترامس القهوه والشاهي

<-- فالينه بالمسجد يالي ماتستحون
اولاهـ متى تروحون لـ الرياض نخاويكم ، تقل كشته ما شا الله

اقتباس ودخلت يدها وطلعت طقم سنون ام طالب من كثر التقلب طايح وناشب بظهرها

ههههههههههههههه
قلت شكله صارور ، بس صارور وشضاف مايجي

ننتظر ننتظر بس لاعمرتس تحطينه بنت بريدة ، بالكفي الله يصلحتس ، xx !

[هايين]

ههههههههههههه
الله يخوي ابليسك
اسنون
ضحكت وحامت كبدي بنفس الوقت

سواليفك مدهشه
امتعينا بالقادم

.الله يبارك بمنتداك الي تعطل .

..

[الأمل بالله]

ههههههههههههههههههههههههههههههههه

مبـــــــــــــــــدعة يا بعد حييي إنتي >>> قلبت شمالي

الا شـ معنى ( وهات ياأصره ولفايز ||| تنيذخت )

ما فـمـتـهـومـشـي !!


و عـ قولة هاييين الله يبارك بمنتداك اللي تعطل

بانتظار الجزء الثاني

[نجديــــة]

هههههههههههههههههههههههههههههههههههههههههههههههههه ههههههههههههههههههه
هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه هههههههههههههههههههههههه

قسم بالله أنك تنسيــــــــــم :D
يبدو فيما يبدو أنك عضوة قادمة وبقوة

بانتظار باقي مواضيعك وحكاويك بشغف بااالغ

[BU7OOR]

ههههههههههههههههههههههههههههه
ههههههههههههههههههههههههههههههههههه
تحححفة , ياعين ابوتس أم طالب .
مارحمت إلا انتي حسيتتس سنعة , إيه هذي ضريبة القرامة ذذ .
أهم شي اروجي << حسبته تنادي بنته تقول أرّوجي ض1 . قلت اشوا فكتتس ذذ.

حيّ الله هل الشمآل كلهم .
ارررحبي يابعد حيي الدار دارتس ..

[قتاله]

^^ ^^ ^^

هلا باللي فوق كلهم ..
أصره : جمع صرار وهو ماتمتلئ به جموسنا بالرحلات ..نخمط اقرب كيس ونحط فيه اغراضنا ونربطه
لفايز : جمع لفيزه وماهو كل ملفوز اي بمعني اخفاء الشي بمكان قصي وبعيد عن الانظار
تنيذخت : سوت فيها كريمه

[جروح الزمن]

يابعد حيي ياقتاله
فديت قلبك
أجل

عاد تنيذخت خالتي وصكت الافغانيه بخمسميه ... وتطيح علينا واصفها بجنب خالتي وامي وخالتي خخخ


ماتلعب خالتك

لاتبطين علينا وانا اختك

[لماذاهذا]

ماشاء الله عليتس وربي فطست من الضحك على سوليفتس.
انتظر الجزء اللي بيجي بفارع الصبر يالغلآ
بس لاتتطولين علينا ياقتاله

[乂♥ متفائلة ♥乂]

ـههههههههههههههههههههههههـ تنسيييييم

مميز

بإنتظار تكملة السواليف السنعة

مابغيتي

[همـس الرحيـل]

ههههههههههههههههههههههههههههه

الله يجزاه كل خير هالمنتدى الي جابك هون اوما سوالفك تووووحفه ونآآآآسه

بأنتظاركِ يآآآآقتاااااله على أحر من الجمر

ويآآآآهلابك وحي الله أهل الشمال كلهم على شآآآنك

ولا تبطين علينا

[قتاله]

ياخـــزياه منكم تميز مره وحده !
الموضوع عادي ولاحطيت رجلي كالعاده وقصم استحيت يوم شفت الموضوع اليوم !
يالبا قليب من حطه وابشروا بالاحسن بمشيئة الله

[قتاله]

يالله حيَهَم
أرحـــــبوا نكمل سالفة امس
صحيت ظهر الخميس مااقدر احرك جسمي من هوايل اليوم اللي قبله وانا بطريقي للمطبخ واثر ام طالب تناظرني وتبوسم قلتلها انا افدى ذا الوجه اعتقيني ياحيي اليوم ورانا عرس وهاتي سنونتس ابربطها بسلسله برقبتتس مانبي افلام الليله ياعين ابوي ضحكت ونادتني اتقهوى معها وبعدها طاح الحطب وبدت الميانه والمعاير بيني وبينها !
<< اهل الشمال مايجوزون بليا المعايير في هروجهم خاصه العجايز
بعدها رحت انا وحمني نتغدا بمول قريب والبقيه كانوا توهم مفطرين حبوا يقيلون استعداداً لمناسبة الليل اما ام القتاتيل ماتعرف الراحه حينما يتصل الامر بالوناسات ماعندها مشكله لو تواصل 3 ايام ورا بعض المهم رحنا صالة غرناطه الفوقيه لقرب المول من السكن حقنا وحنا نختار وش ناكل قال حمني ابي رز ومشاوي (ياشينهم العيال بتله رز) قلت لاحقين على الرز عند امي بعد وفوقه قرع خل ناكل شي من زمان عنه صيني او ميني قال وع انا ماابي لحم فيران ابي شي اعرفه زي الدجاج ابخصها بخص اكثر منتس ياقتاله مااحد يغشني فيها !
هو اخذ المشاوي وانا اخذت صيني بعد مامسكت سرا تقل بالجوزات بشهر 8 وقعدنا وكنت قبلها حاجزه لنا طاوله جنب القزازه حقة الصاله ابي اشوف الصيارات والشوارع واقزقز وانا آكل وكل شوي وحمني يقول احس ان الرجال اللي ورانا يشوف انعكاس وجهتس القمري ياهيفاء وهبي غرناطه بالقزازه كولي فيرانك هاللي انتي تحسبينهن اكل صيني وخل نمشي << يتطنز همن التفت ابشوف منهو اللي يناظرن بكل براءه بعدها تقب هوشه خخخ
رجعنا للبيت ورحنا بنومه انا وياه لبعد المغرب صحيت واثر باقي العرب سابقينا للعرس تروشت وزبطت سواد الليل الله يرحم ام من طلع السيراميك وتجهزنا ورحنا لما دخلت واثري مااعرف احد مب هذا عرسنا واذق على حمني قلت ياعين ابوي تراك مدخلن بعرس ثاني مب هو مااعرفهم ذولا قال بص انثبري كل الرجال اعرفهم حقيننا قدامي ابو عمر وابو تفله وعبيد النطول وكل الجماعه قلت يمكن مغيرين حريمهم قال اقول لأجي اوريتس من اللي بتتغير خشته صكي السماعه تراتس ازعجتينا وابلع الغصه واقعد على اقرب طاوله اناظر الناس وعيوني تغورق
ابي حقيننا والتفت على الطاوله اللي جنبنا وتقل شبهت على شظاف مب غريبات علي يوم بحرت زين بالوجيه وقارنتها بالاصوات واثرهن امي وخالتي وام طالب وانقز عندهن ماصدقت نفسي من الوناسه بغيت اطمر فوق الطاوله حقتهن قلت وراكن تسذا ياحيي من اللي قالب سنجتكن وراكن متغيرات ووش هالعرس وين قرابتنا ووين خالاتي حقات الرياض وراهن ماجن ضحكت ام طالب وقالت ياعين حيي ياقتاله لازم معتس كروكي تعريفي بالحريم ماراح تعرفينهن من كيالوا الميك اب واللبس الغريب قلت ياام طالب حلايا هالروج اللي اني حاطه اللي يشوفتس مايقول انتي اللي نشبات سنونتس بظهرتس البارح هه صارت امي تقول قتاله قومي سلمي على فلانه واقول وينهي مااعرفها بعدها بدينا نتواصف الحريم بلون الفساتين ربي لا تقلب سنجنا (خلقتنا) ماادري وش يجي بعض الحريم بالعروس ينهبلن تحسبه كذا التزين حتى الحلوات صارن شينات ومتكلفات وكله كوم والتكاليف كوم ياويلي يالمعرس قصم بالله بذخ مالأمه داعي مثل قولة يالمجتمع مفيش حد احسن من حد والله يبارك بالاقساااااط !!!
ومابين كل شــــمـ... كلهم وحمني لاتخلونه وحمام جانا يمشي مليون وتمسوا على خير والليالي الملتهبه!
بعدها بدو يدورون بقوارير مويه اقروا يالله يالمعازيم طيب وشوله تحطون كل ذا لصرتوا خايفين من العين
او مولمين العصابه قبل الفلقه خخخ ... رجعنا بعد ماافطرنا عندهم الاجاويد ماقصروا كل شي حاطينه
عاد امي ماتخلين استانس واعيش حياتي بإستقراطيه قالت قتاله اغرفي فطور لام طالب ووديه عندها طايحه عند المرقص رجولها تعورها من الرقص ودي لها فطورها لازم تاكل قبل دواها ياربيه ياام طالب ماجازلتس الحندان والرقص الا بهالليله بالذات يالله امري لله واتناشب انا واللي بصالة الاكل علشان اطلع صحن ام طالب وماوصلت ام طالب الا وروحي طالعه ولما قعدت جنبها قلت افطري علشان اجيب المويه تاخذين الدوا قالت وشو ذا قلتلها فطورتس المعتاد اشوى انهم يدرون ان بوه ناس شظافهم مب صدتزيات يحطون لهم شي لين خخ قالت وانتي وش اكلتي قلتلها ماامداني الا على حبة كروسون وخبز مالح وجيت اعطيك فطورك قالت ابي مثلتس روحي جيبي لي قلت ناقص تقولين ابي توست محمص ومربى فراوله قالت ايه وراه مااقول جيبي بعد من الفراوله يمدحونها
قلت لها ترا ان مااكلتي وفكيتيني من حنة امي ترا والله ثم والله لأغبي سنونتس قالت قول فعل ياام القتاتيل خلاص اباكل بس قوليلي يبي يطقون طقاقاتهم الحين او خلصوا براسي شوط مايطيق الصبرا هه قلت والله انا اللي ابي شوط صابرن عليهم انا صابر اخلصي علينا بص الحين بنروح انا دخت وانتي ماجبتي خبر الدوخه ياام طالب وش نوع بطارياتك تكفين خلصنا فطور وجت الصيارات وكلن بدا يطلع لبيتهم عاد يوم اصبحنا وخفت طبقات المكياج تقل بديت اشبه على بعض الوجيه واعرفهم وصار ودي اسلم بص وشو عقبه ياام القتاتيل الناس نصهم نوم اوب فاضين يسلمون طلعنا لشقتنا ويازينك يالفراش بص هالمره مانمت عند ام طالب زي البارح
استذهنت ونمت بالغرفه اللي فيها خالتي ووغدانها على غثاثتهم اهون من حركات ام طالب
والــى قـــادم قـــتاله الـجــديـد

[حَنِيني لِطيْبة]

مع أن نص الهرج عجزت أفهمه شوي
الا أنتس فله يـ فله

الا وراه صار العشاء فطور !
ولا حقين الرياض أيقالهم تطور !

اقتباس بعدها بدو يدورون بقوارير مويه اقروا يالله يالمعازيم

تخيلته تسذا ببريدة !
والله أن يعاندن الحريم ويحاولون يصكونهم بعين بـ أي وسيله !
لكن فكرة حلوه < .