 |
|
|
|
|
09-04-2011, 01:07 PM
|
#1 |
|
قبس دائم
تاريخ التسجيل: Jan 2008
البلد: بحارتن جميلة ()
المشاركات: 4,192
|
دقّي لأمتس مابي حيل .. دقّي لرجلتس كلي حيييل > ؟ - عَطاء -
[BACKGROUND="80 #CCCC99"]
حينما يشتدّ أزرَ اللوزتين ويبدأن يكبرن شيئاً فـ شيئًا  و لساني يبدا يتبعرص مايدري وين يروح لوه .. إن انبطح حارش اللوزتين وبدت حالة الإستنفار  وإن رقى فوق كذلك .. وإن بلعت ريدزك فـ اللهم صلِّ على محمّد يشتدّ الوطيس >< وعلى هالحالة 48 ساعة .. أحس إنّي فخمة يوم أكتب 48 ساعة  منوّل لا قريت بالأخبار / - جورج بوش يعلن عن حالة استقرار لمدّة الـ 48 ساعة القادمة .. 48 ساعة كم ذي ؟! شهر ولا سنة يبي يصير هالإستقرار  وأفرح لاشفت هالرقم أحس إنهم كريمين ! ماعرفت وش معناه إلا مرّتن قريت خبر - بوش يعلن في خطابة التبن أنّه سيبدأ فرض العقوبات على العراق بعد الـ 48 الساعة القادمة .. أنا قلت اييه أثره ريّض وييين وش يمرّر هالـ 48 ساعة الله يلحقنا خير كودنا نصير حيّين والله ومادريت إلا من بعد باتسر ويضرب العراق ضربوا دميجتوه قولوا آمين ..  <<- عاد لا تدققون بأنباء الأخبار تراي لي 3 سنين وأنا ماحولك أحد بالأخبار والسياسية مريحين روسنا ماحنّب ناقصين وجع راس ,، قبل 100 عام وفي تلك الحارة الصغيرة وبيوت الطين التي تملأ المكان .. تظهر لنَا تلك المرأة التي لم يهدّها الزمان ولم يحرّك فيها شعره < اهب - طبعاً السر إنه ماحرّك فيها ولا شعرة هو حليب النياق والبقر الطازج والسمن والزبدة وما إلى ذلك - أتت على باب خشبيّ مُتهدلق وبدأت تطرق وتطرق طقْ طقْ طقْ .... / مِنّ ؟ جرادة / أنا جرادة .. جرادة الحرمة بينه وبين نفسه ( جرادة غريبة وش جابه هالحزّة !! .. أكيييد عنده معرس لبنتي أسماء هالعانس ) / ايييه تفضّلي تفضّلي الله يحيّتس هذي السّااااااعة المباركة ياجرادة ياخيّتي  < بدا شغل التليوِق  و تُدخل أم أسماء " جَرادة " في فناء المنزل .. و تُجلسها على ذاك الحصير وَ الدزدر يطبخ و نيران الله الموقدة تحته والحرمة زايرتهم الساعة 7 الصبح ! .. وهالشيء هاللي مشبوبن عليه ذا مهب فطور , هذا الله العالم إنّه غداء + عشاء حريم منوّل يعرفن يفكرن تحط له مطازيز ملا قدر العزايم اللي عندنا الحين هذاك اللي مير مانشوفه من تالي ! همن تجلد أمّه بالطبخ . المهم وتأخذهن السواليف والمناشد والحش والحشيش طبعاً منوّل حلال أم أسماء / دقيزة ياوخيتي جرادة بشوف بنتي أسماء هي خلّصت خابزة بَ التنّور ولا لا و خل أقولّه تجيب من خبزه تذوقينه والله يااااطعمه . . - وتحط اصبعه عند حجاجه لين رقبته مروراً بالخدّ وهي ضااغطتن عليه من زين طعم خبز بنته - . . إنه يهبّل جرادة / اييه ماشاء الله ماشاء الله - بينما هي تلعب بمجاوله الذهب - <<- اوجعن قلبي يوم قلت مجاوله الذهب هههههههه وتنقز أم أسماء لبنته أسماء ولاه خامدتن بفراشة السنعة اللي كل شيء مسويته كما تزعم أمّه / أسماء أسماء قوووومي علّتن تضربتس قومي تملّحي والبسي الدناديش وقومي أختتس منيرة تجْدلتس 75 جديلة .. قومي وجع ماتسمعين !!وتروح أم أسماء للمطبخ وتطلّع الخبز اللي هي مصلحته وتظبطه وتحطّه بهاك الصحن وتصفّه صفّن مظبوط وشوي إلا جايبتن البخور ومبخرته  وترجع لأسماء / هاااوّ أسماء ماقمتي قومي يابنتي يالله .. و شوفي تراي مولمتن صحن الخبز جيبيه على دربتس ما أوصيّتس مب تنسين .. ترجع أم أسماء لجرداة .. وجرادة مازالت تلعب بمجاولة طبعاً هي ليه تلعب بمجاولة ؟ تبي ايقاله تموّه للحريم اللي تزورهن تقل ماعنده سالفة و24 ساعة هواجيس ومهب تنتبه ولااا هي مشغلتن جميع الحواس ومخليتهن بحالة طواري  ..ولا يفوته شيء وماتغفل ..قامت أسماء يوم انتبهت إن " جرادة " عندهم وهي طايرة من الوناسة وتزيّن وتمرّ المطبخ مثل ماوصّته أميمته وتجيب الخبز وتجي وهي تبُوسم : )  جرادة / ماشاء الله هذي أي بناتتس ؟ أم أسماء وهي اتضحّك  / هذي أسماء الكبيرة اللي تعرف الخياطة تعالي بنيّتي وأنا أمّتس اقعدي وعطي خالتس جرادة من خبزتس تذوقه .. أسماء وللحين متصنمه وتبوسم وتمدّ صحن الخبز لجرادة ..جرادة وهي تذوق / ايه ماشاء الله هذا سواتس ؟ أسماء بخجل وعينه على أمّه , ياأمّه تعض على برطمه وتأشر له قولي أنا / ايه سواي ياخالة  بعد ذلك ودّعت جرادة أم أسماء وأسماء .. أم أسماء / وووهـ يالله إنّه يوم خير علينا ويجي ولد الحلال اللي يضفّتس منيرة المحمّد أعرست وهي أصغر منتس بخمسة أشهر ولطيفة بنت خالتس مخطوبتن أصغر منتس وأنا قرادة حظّي دخلتي الـ 20 وأنتِ ما اعرستي كلّه من سناعتس اللي توزن بلد .. - وتلصع أم أسماء .. أسماء مع راسه -الحين يالله تعالي معي للمطبخ أعلمتس وشلون تكبّين المطازيز أسماء / يمّه بروح أنام منب مزينتن العوود أم أسماء / طيّب دقّي الرحى يابنتي انفعي لو بتبن أسماء / والله يمّه مابي حيل . وتروح أسماء تنام تاركتن خلفها أمّاً مكلومة تنكب حضّها الرديء بهالبنت .. لحسن الحظ نالت أسماء على إعجاب جرادة .. وخطبته على الفور بما إنّه ذاقت خبزه لولد الحلال .. في ظهريّة الدزايلة جلست جرادة وأم أسماء يتناقشن في أمور الجهاز وما إلى ذلك , والعرس بعد باتسر مب مثلنا بعد 3 أشهر العرس . وأسماء جالستن بجوارهنّ تدقّ الرحى دقّاً .. دقّ الله بلعومه طبعاً أسماء مهوب جود تدقّ والظاهر إن الرحى مابه شيء يندق بس حتّى تظهر بأكمل صورة للأطخم خطيبة ..بعد ماخرجت جرادة من عندهم قامت أم أسماء لبنتها أسماء ووقفت أمامها - وأنتِ وش عندتس تدقّين الرحى من صبح الله .. كل عمري أشحذتس تدقّين لي فليفة ولا كمّون وتسهجينن ماتسنّي أحتسي .. هذا إي والله المثل [ دقّي لأمتس مابي حيل .. دقّي لرجلتس كلّي حيل ] قطططع أنا ينبح حلقي بهالأوامر .. وولد الحلال بالساهل تخدمينه ؟ أنا اللي بي الأجر أميمتس  مهوب بهاك الثور ا.هـ  تمثيل / قامت بدور جرادة : أم الهبال وبدور أم أسماء / أم الهبال وبدور أسماء / أم الهبال ضيف الشرف / قدر المطازيز تنسيق / أم الهبال تصوير وضبط إضاءة / أم الهبال رسم / أم الهبال إخراج / أم الهبال ما يستفاد : 1- ياويل اللي تصير مثل البنت أسماء 2- لا طق أحد بابكم الصبح لا تفتحون له أكيد خطّابة ! 3- الشخصيات بالرسم خصوصاً أم أسماء و جرادة متطنزات بالعجاج 4- الرحى هو حصاتين كبار محطوطات فوق بعض ويطحنن الحبوب وغيرها . 5- سر طول وكثر جدايل أسماء تدهن شوشته ب " ودِتسه " 6- مجاول الذهب اللي على " جرادة " عيار 24 . و مع السلامة , واستروا ماواجهتوا
__________________
. . . ثمّة نساء يُصبحن أجمل في الغياب "/ ! . |
|
|
|
09-04-2011, 02:12 PM
|
#2 |
|
عـضـو
تاريخ التسجيل: Dec 2008
البلد: من سكان الأرض
المشاركات: 1,821
|
أم الهباااااال جخه  يعني الي تطق الباب الصبح خطابة قولي شحادة نرجع لمحور حديثنا إقاله قالت شي عشان ترجع ايه مير ياعمري انتي ملوزة  أجل موب راده على موضوعتس أخاف تعدينن ...............كفرسمتس يهبل جخخخخه ولا عاد جراااده حاطة عينه على أسماء خخخخخخخخخخخخخ  ميرعلى طاري جرادة وش هاالإسم له  مادري وش يحسون به أهله يوم يسمونه لا وبعد عليه مجاول ذهب شكله تاجره ماشفت مجاول الذهب مارسمتيهن أبشوف هو صدز عيار 24 أوم هوبال بتله زي تسذا قوليلنا سواليف يوسعن الصدر
__________________
ظِلّ مَكْسُور وكِسِير لِليتَآمَى وَالفَقِيرْ ظِلّ ظِّلهْ كَمْ مَلآيين ورَفَآهِية رَغِيدَة ظَلّ طِفْلِ فِي بَرَآءَة حَآكه فِي ظِلّ الكِبيرْ ظِلّ عَآدَآت وتَقَآلِيد جَثتْ فُوقَ العَقِيدَة ظِلّ ثَآبِتْ ظِلّ آمِنْ وَحدَهُ ظِلّ الشّرِيعَة
ظِلّنآ هُو عَرْش رَبّي خَآِلق وآحنَآ عَبِيدَه ظِلّ جَآمِعْ لِلمَحَبّة وَالوَلأء يَجْمَعْ جِمِيعَهْ ظِلّهَآ ظِلّ الجزِيرَة شَآمِل ظِلآلِ عَدِيدَة |
|
|
|
|
09-04-2011, 02:12 PM
|
#3 |
|
عـضـو
تاريخ التسجيل: May 2009
البلد: في قلب كل من يحبني
المشاركات: 314
|
بس بنات ها الوقت لا تدق لامه ولا لرجله جازله رفالتهلا با الطقاق صراحه بنات ها الوقت يرفعن الضغط -ياويله تبي تنجلد- بس فعلا مافيهن رحمه لمهتهن مثل قبل تشوفين با الاستراحااااات والاجتماعات الام الي تضف وتشيل والبنات متمركيات ولا كانه امه الي تشتغل طبعا ما اظلم الجميع فيه بنات خدومات بس قليل القليل مشكور ام الهبال على الهبال وخاصه الرسومات حسيت اني اتقهوى معهن بس باليتك مغيره اسم اسماء علشان تظبط حصه هياء رقيه اي شي
__________________
 
|
|
|
|
|
09-04-2011, 02:36 PM
|
#4 |
|
عـضـو
تاريخ التسجيل: Jan 2011
البلد: بريده
المشاركات: 548
|
تسلم يدياتك ياحلوووووووة
قهررررررر لالا كملي والله تحمسست طيب وش صار ع رجله المسكين؟؟ عرفت تطبخ له وتشتغل ؟ والا فضحتهم؟؟؟ تريد اكماااااال القصه والا مظاهرات الشعب يطالب باكمال القصه الشعب يطالب باكمال القصه الشعب يطالب باكمال القصه حطيته باللون الاخضر تاييد للون الشعب مدري تطقييم خخخخخ |
|
|
|
|
09-04-2011, 03:29 PM
|
#5 |
|
قبس دائم
تاريخ التسجيل: Dec 2010
البلد: في قلب أمي ♥
المشاركات: 1,960
|
> جناح حُلم له سآعه تقرآء الموضوع دفي لأمتس مابي حيل دفي لرجلتس كلي حييل فآهره درجه أولى بالنسبه لوجعتس نزلي رآستس على المخده وفجي أثمتس وأقحشي مسمآر وطببه بين لوزآتس بس لاتبلعين ريتس خليتس منتصه تسذآ شوي ولا تسآن أنتي ماتخافين جيبي أصبعتس الطويل وألحسيفوقيه وحطي به مسمار ولمسيه لوزآتس  شوفيأن مانفع معتس لتس علي لآعزمتس على عسكريم لاشويتي > بتموته أولآه من متى وأنتي ماتعرفين للـ 48  يآبعد قليبي يـ أسمـآء أجل مسويه خبز > قولي لأسمآكم المره الثآنيه بالقصه ترى رجال هالوقت مايبون خبز متطورين بالنسبه للودتسه والله أنتس صآدزه أذكر يوم أنا صغيره > يوم أنا بالثآنوي صغيره حطيته برآسيوالله يآهو طلع سعابيل على قولة أمي  سوبآله منول يجتمعن حريم جيرآننا الصبح وبوقت درآسه صرت غآيبه قلت اتكشخ وأرتز أحسب الدعوه به شئ زين أثرهن قمصآن تحوم التسبد والله أن برآطمهن يآبسآت زين لو ماعندهن رجال لأحلف لتس أنهن ماغسلن عاد شوفي لابدآ علك الكرآث تلوبه لوووب يقاله تنظفهم همن تنحره لخشته يدخل نصه أثمه همن لاوصلت وسطه تسفته من أخريه أنا مدري وش الحكمه من أنه ماتكمله تسذآ مثل بدآيته همن يدخل وتبدآء تعلك وآيه آيه > تسمع سالفة الحريم تعالي عاد لاطلعن انا انظف الغرفه ولاخشتي من سعابيلهن > قصم لاتذكرت أقول وش قعدن عندهن مآيستفآد من قصة أو الخوبآآآآآل 1- بناتنا بيرتزن من الصبح للخبز 2- لاطق البآب الصبح تراه خطآبه مب شحآذه على كيلامتس أوووما عاد مب فآتحآت والله ياكم بنت وبنت بتنام بدرجتهم  3- أوم الهوبآل رجعتنا لمنول وعيشتنآ ذكريآت الحش الزين ماتطلع الا هي عالكتن كل الكرآث ومشبره على حريم جيرآنهم البآقي يطلع العنوآن محجووووووب (( وتحط اصبعه عند حجاجه لين رقبته مروراً بالخدّ وهي ضااغطتن عليه من زين طعم خبز بنته - . . إنه يهبّل )) مير وصفتس وقسم بالله طعيم موضوع جميل من فتآتووون جميلتووووون طعيم لاتطول علينآ
__________________
|
|
|
|
|
09-04-2011, 03:49 PM
|
#6 |
|
Registered User
تاريخ التسجيل: Sep 2010
البلد: بمكاني ..
المشاركات: 1,283
|
هههههههه جنان الصراحة
تصدقين توي ادري ان الاولين بعد يزبرقون البنت هههه اجل مهنى سنع الحين عاد والله تذكرت وحدة من يوم وهي صغيرة وامة الله يهدية ناشبة بة زبرقة ههههه والله توة تدخل السنة التحضرية؟؟ |
|
|
|
|
09-04-2011, 04:20 PM
|
#7 |
|
عـضـو
تاريخ التسجيل: Dec 2008
البلد: بريدة ديرتي
المشاركات: 2,026
|
شوفي يام الهبال ودك تشوين باذن الباري كولي بصل ني
هههههه دكتورة اعشاب ههه الطب البديل وه ياملحك انتي وقصه بس المشكله ان قصتك به ارواح رسم الروح لايجوز حبيبتي
__________________
 hp?t=261973
|
|
|
|
|
09-04-2011, 05:07 PM
|
#8 |
|
قبس دائم
تاريخ التسجيل: Feb 2008
البلد: -
المشاركات: 2,435
|
متأكدة ان معنى هالمثل تسذا ياخيتي شكلوه فاهر
الصدز ان موضوعتس ممــآآت والرسم حاجة ثانية اهم شي خطتس والله يانا ولهتن عليه ننتظر موزوع اطول من هاك (ليالي اسماء
__________________
استغفرالله العظيم واتوب إليه ...
|
|
|
|
|
09-04-2011, 06:02 PM
|
#9 |
|
عـضـو
تاريخ التسجيل: Nov 2010
البلد: بريده
المشاركات: 2,122
|
والله ياانتي مروووقه قاعده تكتبيين وترسميين ذذ
__________________
اجمـَ6ـَينا يـَ أ ماگن وگسبـَے فينآ الثوآآبـَـَ{ـَ.ـَ♥̉ـَ.ـَ}ـَـَ |
|
|
|
|
09-04-2011, 07:18 PM
|
#10 |
|
عـضـو
تاريخ التسجيل: Oct 2010
البلد: هناك!!! حيث يعيش المتفائلون
المشاركات: 1,622
|
الله يشفيك ياأم الهبال
وعساك ماتشوفين مكروه وعليك بعصير الليمون وتغرغري بملح وماء تراه معقم فعال للوز اما قصتك خطيره ودي أجربه بدوريه أمي مع حريم الجيران لكن امي تقول مره عند أم صالح(مرت جيراننا) يوم تجمعن الحريم اومير تجي بنت ام صالح متكشخه وتصب القهوه بس تعرفن سواليف الحريم يتخللها بعض من المتخرمات  ويضحكن وهي بس تصدد  رحمتــــــــــــــــــــــــــــه الله يرزقنا واياه وش خبزه ودي أنا أضبط الرز لأن رزي يصير جريش مليت وخليته أنا طبعي أزينه مره ماضبط أحمق واخليه  بس تراي سنعه وأضبط الأكلات الشرقيه >>>>>>بالنيابه عن أمي مشكووووووووره أم الهبال ضحكتين ياعساك ماتفقدين الضحكه دوووووووووم
__________________
*
ربيْ لآ اُمَلگ سوآ صبراً قليَل , بعدمآ نفذ منيْ آلگثيَر . . . ! ولگن أملگُ آلگثير من إيمآنيْ بَ أنگ لآ تُعسّر ليْ أقدآريْ إلا( تُيسّرهآ ) ♥ ’ |
|
|
|
|
09-04-2011, 08:22 PM
|
#11 |
|
عـضـو
تاريخ التسجيل: Feb 2011
البلد: الســـعوديه
المشاركات: 119
|
ياحبيلتسس ياام هبااال ..
سواليفتس يهبلــــن >>  ورسمتس بعد وه متعووب عليه بس لا ترسمين عنوون المره الثانيه >>ترا بوه مره ثانيه  عاااااشت المخرررجه وكل حاااقه  هذي الحلقه الاولى ننتظر الى الحلقــــ 30 ــــــه >>> الأخيره وتسسسلمين وييسسسلم القدر ونشكر له تفااعله معتسس سي يوو
__________________
يارب عفوك أرجو أرجو أرجو |
|
|
|
|
09-04-2011, 09:24 PM
|
#12 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
صبراً يا نفسي معنا الله
تاريخ التسجيل: Jun 2009
البلد: ديرتي منبت غضـا ديرتي أنا القصيــم ديرتي غرب دهنـا ديرة النخل الهضيم ديرتي وش حيلها ديرة الحب القديم وسطها وادي الرما وادي جعلة مديم أسياد والعـزة لنا أبطــال ياعيال القصيم قصيمنا هو [فخرنـا] للمملكــة سـد عظيـم
المشاركات: 4,644
|
آح آوك شكلك آخر مره نقزتي على الأخبار أيام بوش
تهقين رجله وش أسمه جراده !! جراده !!! قلت الأسماء يعني والله من وسع الوجه وتردده جرادة جرادة لو أنا أسمي جرادة تسان دخلت راسي بحفره
من جرادة لأسماء زين فيه تطوّر .. عاد أم أسماء توحش تعرف الطارق ووش يبي يهب عليه وقايمه الصبح الله أكبر عليه وراه دربيه جرادة !! تحطمت أحسبه سميت جرادة لقوامها الممشوق أو لمشيتها أو جمالها تهقين اللي طالع سروال خط البلده اوما القدر تطبخ ذبيحه أم الشباب 
يالله صباح خير
والعلثه السؤال عن الحال وجمع الأخبار نصابات
 ياقدم الحركه المفروض يحطونه بالمتحف
ما ألومك والله
قالت داناديش وجدايل 
شكله من الأصل حاطه العين على ولد جرادة والكوبه تصير خالتي أسمه جرادة  أبووووووك يالجدايل تهقين مربيتهن من عهد نوح وإلا الشقوة (فرقه)  ملح ملح يا أسماء
نصابه تلقينه تعرفه
بنت ال ... ماسلمت هذي علوم الأولين أجل ههههههههههه
والله من التفحص والتفحيص تلقين عرفت وشي ملابسه الدخليه من العيونأجل تهوجس وتلعب بالمجاول
يهب عليه حاسبته يقهرن حريم قريح لابدن يقارنن
ذي عانس !!الأولين ماعليهم شرهه بنت عشر ساحبة بزر ورازه كرشته
احمد الله وأشكره إني ما عشت عيشتهم شوفي شوفي خطبته علشان طبخه وإلا من شاف جدايله مارجى خير تقل سكة حديد الحين وراهن متبعرصات تقل جايهن إعصار السالفه ذي وقت الشتاء ماشاء الله جدايل اسماء كل مالهن يطولن الوصفه لو سمحتي
قويه المثل أصبري بحفظه
صار ثور الحين
لحيتن غانمه حسسافه ليش ماكملتي لين يوم العرس نشوف عرس الأولين اللمبات الصفر والطبخ والطبيخ والجنب أحس جرداة مره نقادة تدعس خشمه بأي شي شروفه حسوده كذا إحساس كان خليتينا نشوف المعرس قهر مره ثانيه إن شاء الله الحقيقه القصه إبدااع وسردك والتوثيق أجمل لاهنتي 
__________________
يارب تهديني قبل لحظة الفوت وتغفر ذنوبي يا كريم العطايا أشكيك همن داخل الصدر مكبوت وأيامي اللي بالخطايا ملايا  |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|
10-04-2011, 02:14 AM
|
#13 |
|
عـضـو
تاريخ التسجيل: May 2010
البلد: هناك .!
المشاركات: 3,749
|
أجل جراده يعني بنت اسماء جراده بس تدرين وش الي مضيق صدري واهوجس به اسماء الزين وسط الا دميس والرجل طالع من جراده وش ترجين وش مصير الانتاج يا عمري بس المثل كود احفظه اول مره اسمع به فالتس التميز
__________________
(وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يُرِدْكَ بِخَيْرٍ فَلَا رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ وَهُوَ الْغَفُورُ الرَّحِيمُ) ..  |
|
|
|
|
10-04-2011, 02:32 AM
|
#14 |
|
عـضـو
تاريخ التسجيل: Mar 2009
البلد: بـــريـدة بقلبيـــ..
المشاركات: 567
|
حـــي هلا ماتشوفين شر عاد لاطقن اللوز ودتس تلفعين اي احد يسولف عليتس وبلعت الريق ذي لحاااله  والله ياجراده ذي شيييييييييينه عليه نظره توحش والدبشه هالاسماء على نياته هي وكشرته بس قهر ليتس مكمله
__________________
ولدتك أمك يا ابن آدم باكياً والناس حولك يضحكون سروراً
فاعمل لنفسك أن تكون إذا بكوا في يوم موتك ضاحكاً مسروراً |
|
|
|
 |
| الإشارات المرجعية |
|
|
النمط المتتابع
