[أبو رُبـــــى]

مبطين عنكم يا أيها الرجال الصناديد ..

حبايبنا اليوم جايب لكم لغز بس الله يجزاكم خير اللغز له شروط علشان تحصل على الجائزة ..
وأهم شيء الأمانة والصدز ...

والإجابة ترسل على الخاص فقط .. << وش عنده حمدز

الشروط :
1- أن لا تستعين بقوقل على الحل .
2- أن يكون اللغز ما مر عليك سابقاً .
3- أن لا تستعين بأي شخص آخر .

أهم شيء لا تغشون تكفون وحاولوا تحلونه أنتم لأن اللي يحله صراحة فهو عبقري ..
واللغز كالتالي :

شخص أعمى .. وأعطاه الدكتور ( 6 ) حبوب ..
(2) حساسية ..
(2) للضغط ..
(2) للسكر ..
الله يحفظنا ..

طبعاً هذا الشخص لازم يأكل ثلاث حبات الصبح حبة من كل نوع .. وثلاث حبات
يأكلهن في المساء من كل نوع أيضاً ..

المهم هذا الشخص الأعمى راح لبيتهم وهو بالطريق نسي وخلط الحبوب مع بعض .. !!

وصل البيت يبي يأكل الحبوب وأثرهن مخلوطات .. وش السواة يا ولد دور عياله دور أم العيال
مافيه أحد بالبيت ولا عنده تلفون ولا شيء وهو لازم يأكلهن الحين وإلا ارتفع عليه الضغط والسكر و
الحساسية .. يا ويلي ..

المهم هذا الأعمى جته فكرة وسواها وطلعت صح وأكل الحبوب

ملاحظة : الحبوب كلها شكلها واحد ولونها واحد ووزنها واحد ..

يالله عطونا الحل ..

والجائزة .. عبارة عن شحن بطاقة سوى بمبلغ ما ..


أنتظركم يا حبايبنا ..

[حربي عابر دربي]

ملاحظة تمخيخيه

<<< تحمس قوه

كل نوع بقصديره ولا كلهن شحنة احبوب مفكوكات واختلطن مع بعض ؟ واضح

[أبو رُبـــــى]

^

فيه تغيير إن شاء الله .. بس لا تحوق الموضوع تكفى ..

لا الحبوب كلهن بكيسة وحدة ومفكوكات ..

[حربي عابر دربي]

ارسلت لك الحل

قبل لايجون الدوافير

[أبو رُبـــــى]

حاول مرة أخرى ..

[حربي عابر دربي]

الثالثه ثابته باذن الله

صورة واحد جدع الشماغ

[ونـاسه]

أبورُبى

وش هالالغآز الصعبة ذي
عمى..ومريض وكل بلا به .. وبس معه مخ عبقري
عجزت أحلّه !!

وكاد لآزم أجيب مدرس خصوصي يفكّر معي

[أبو رُبـــــى]

^

فكر وترى الحل بسيط ..

والعمى عمى القلوب وليست عمى العيون .. !

[دوله الاحزان]

أبو ربــى أرسل إجابه على الخاص ولا أكتبه هنا بس الله الله المبلغ اللى مــآ

[^صريح^]

أبي أقول شئ قبل ما أجاوب
هالحين صدز به جائزة و إلا لا فاز الواحد هذاك درب الضيف ؟
وبعدين شحن بمبلغ ما
يا أبوي قل المبلغ علشان نشوف هي تسوى الغش من الحربي وإلا لا
وعلى فكرة إذا عجزوا الشباب عن الإجابه تراي موجود

[دوله الاحزان]

ارسلت لك على الخاصو | بعدين صادز صريح وشه المبلغ ما قله خلن نعرفه اهم شيء يكون شحن يستاهل موب 10 ولا 20 < برآ

[أبو رُبـــــى]

يا قماعة الخير ازبروا شويه ..

حربي حل اللغز .. وتبرع بالجائزة للفائز الثاني ..


لكن اصبروا خلونا نأخذ الموافقة منه ..

[MiLaNy]

تم الاجابه

اخوي متى ترسل الشحن .؟

[حربي عابر دربي]

اقتباس المشاركة الأساسية كتبها أبو رُبـــــى يا قماعة الخير ازبروا شويه .. حربي حل اللغز .. وتبرع بالجائزة للفائز الثاني .. لكن اصبروا خلونا نأخذ الموافقة منه ..

ابشاور امي وارد لكم