 |
|
|
|
|
04-03-2009, 07:02 AM
|
#1 |
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
كشتاتي وروحاتي وجيّاتي .. [ صوّر وسواليف ] !
السلام عليكم ورحمة الله وبركاته .. << أتحداكم أحد يرد السلام  ياهلا والله ومسهلا بالحبايب .. ياهلا والله ومسهلا بطيور شلوى .. عو عو على طاري طيور شلوى ! أذكر مرتن رايحين للصمان وواحد من اخويانا نداوه بالكنود طير شلوى ! عاد واحد نط به يقول طير شلوى السلوقي !! وخويّنا عاد الله لا يوريكم .. ما يبيش وتشب فتيلته ! والله ياهو فشلنا وجاب العيد << ماقلت اسمه  إيه شوي ويتهاوش هو وذاك !مير جابن الله معهم وإلا تسان علووووووووم  على طاري الكنود .. والله يانا مالي خلق الكنود ! سبحان اللي مكرهن له ! من عقب موقف محرررج صار لي كرهت اللي جابه ! آكاليوم بالنفود الكبير سيارتين حنا ! طبعاً أنا مع السيارة الثانية << الله من زين التعبير  المهم كنودنا تعلّق ريشته من الشين ! عاد أنا قاعدن أحش بواحد بالسيارة الثانية ويوم قضيت حاش وأمر نضيّع خويانا .. ثم كبست الريشة وناديتهم .. قالوا لي معك كمّل السالفة  واااااوك ياوجهي والله ياهي إحراج بعد .. بس مشاه ياحبي لقلبه ذاك الآدمي  أقولكم والله يانا مبطي عن هالقسم .. من موضوع صلالة اللي طلع بمره ! وهـ بس .. والله يانا أدوخ على هالقسم .. بس بي عجزن ماهوب بأحد .. يحن قلبي للحبايب ويشتاق ** والشوق يرسم طيفهم في خيالي الموضوع هذا عبارة عن سواليف مُدعمة بالصور .. يعني أبقعد أسولف لكم عن طلعاتي وسفراتي اللي استانست بهن بس .. وإلا اللي ما استانست بهن منب منزلهن .. تدرون ليش ؟! أنا أقولكم ليش .. لأني إذا ما أخذت الكاميرا تغدي الطلعة نككككككد  !الخويا مابهم قصور .. بس تنقهر ودك مايفوتك شيء ! وغير كذا .. أنا منب قاعد أسولف بدون صور ومواثيق ... يعني منب منزل إلا اللي مصورهن والكشتة اللي ما أروح بالكاميرا به ما أصور به ولا أستانس به يعني ما أدري وشلون أشرح لك ماتفهم أنت وخشك ؟!  ياكثر قرقه بعد  نبدأ على بركة الله بالرحلة الأولى .. [ رحلة المصابيب ] [rams]http://almobile.maktoob.com/org/uploads/ac97efc067.mp3[/rams]  دق سلف الجيب يامال السلامة ** دق سلف الجيب والطرقى طويلة لا ومرته طاعتك غاية مرامة ** أسرع من اللي يصوت له خليله لا وصلت اللي مكارمهم علامة ** شارك أهل الطيب علومـ(ن) جميلة طيب نفس وأريحية وابتسامة ** لا تجي نفسك على ربعك ثقيلة سلم الأمجاد يرقى بالشهامة ** والكرم والطيب تملك به قبيله طاعة الله يا عمر عز وكرامة ** والذي عقب الدهر ساق المخيله الطلعة هذي أحبه مرة مدري ليش .. يمكن عشان زحل ماحشره معنا ؟! أفراد الرحلة : 4 نفر زي العسل + العلة أنا ! مدة الرحلة : يوم ونص بس ! المكان : كنا رايحين لحايل وتشاورنا واستخرنا وفرقنا للدهنا وأم عشر والشلة ذيك مشينا من بريدة بعد العشاء يمكن بساعتين .. ووصلنا الدهناء يمكن الساعة 12 بالليل كذا ..  على طول ناموا اللي يحبون الدنيا .. أما أنا فاللهم لا رياء قمت أصلي كالعادة ! << يقاله مارقى فوق النفود هو وكنكته يبي يجيب إرسال عشان يدخل المنتدى  !قمنا الفجرية .. وصلينا وكان الجو جمييييييييييييدة ! كسّرنا من هالارطى يالله من فظلك ..  وشبينا الضوية .. وشبينا على القهيوة والكيف << يدّعي لا أوطاوه  ! طبعاً جايبين معنا مصابيب .. أنواع الوناسة !  بعد ماخلصنا متقهوين حميّنا الصاجة وبدينا نصبصب ونبلع من هالمصابيب !  من المواقف : اللي بيشره وإلاش لا يحرص يقرى الموقف تراي علمته من الحين لا يطاطي علينا بالرسايل الخاصة .. حنا كاشتين نستانس ونفله << وش جاوه علدز أقولكم وأنا أحمي الصاجة قلت لخوياي شوفوا من الحين نبي نبدأ نتكلم فصيح بس ! لا أحد يتكلم عامي ! << طبعاً يوم حنا صغيرين أحياناً يبلانا أبوي يقول هاليوم يوم فصيح ياويل أحد يطلع كلمه عامية .. مثال(1) : استيقض يابني  .. هيّا انهض وصلِ ..أبشر يا أبي ولكني دائخٌ جداً .. هيّا قلت لك استيقض .. على رسلك على رسلك لقد قمت .. الخ المهم قالوا اخوياي زين .. وبدينا نسولف بالفصيح ! عاد واحد من اخويانا خبووووووبي .. وخريج أهليه بالدف والدفيف ! عساوه يجيب الكلام العامي زين ماهوب عاد الفصيح عاد احتمت الصاجة مرة وهو مسكت مانطق ولا كلمة بلش المسكين المهم أشار بيده على المصابيب وقال [ لقد احتمت الصاجة .. هيّا افعل به ] !<< يعني صبه على الصآجة ! آوالله لغة  والله ياحنا فطسنا ضحك .. الله يغربله هالمنسم !بعد ماقلنا بالمصابيب ضفينا قشّنا ومشينا لأم عشر ..  [rams]http://almobile.maktoob.com/org/uploads/2c0c2f0d72.mp3[/rams] [ وانتهى شحن الكاميرا هنا ] !مايستفاد من الرحلة : 1/ اشحن الكاميرا فُل قبل تطلع للبر وإلا تراك يبي يجيك غثيان بالركبة .. وإلا تدري .. خذ محوّل كهرب !! << تكمل لا صرت ناطله من خويّك أبو آدم حياة الشقى هوووو  !2/ لا تتحدث بالعربية إلا وأنت تجيدها .. حتى لا تقع في محضورات شرعية أو لفضية !3/ لا يهون عليك المصابيب بالبر .. والله ياله طعم ماهوب معقووووول .. ! التقرير الثاني : [ رحلة مكة المكرمة ] بِمكة قد قضيت جميل وقتي ** جوار الكعبة الغرا مكاني أطوف بها وأسعى لا تراني ** أمّلُ ولا أكلّ ولا أعاني ! اللهم لا رياء طبعاً هالرحلة لها بقلبي مكانة كبيرة !مستحيل أنساها .. !! سالفة الرحلة : كان مافيه شغل يسوى بالمؤسسة .. وفيه حاجة مضيقتن صدري .. وماكنت ناوي أروح وإلا هه .. بس واحدن من اخوياي رايح مع أخوه وأمه لمكه ودق علي وحس إني كسلان قال وراه ماتجي ؟! قلت تراي أسويه !قال إي والله تعال بس .. حتى أنا أنواع القلق بلحالي << قلت والله إنه جيده .. أشوف لي أحد وإلا كلي بركة ؟! قال بكيفك .. أهم شيء تجي ! قلت ازهله أفا عليك والله ياهو وقتك ! المهم أرسلت لواحد رسالة .. وعلقن يومين ثم قال معليش انشغلت ! عاد أخذت شنطتي وقشي ورحت أشوف كان فيه حجز وإلاش << رحت للمطار على البركة !إيه وصاروا توهم طايرين ناس .. والرحلة اللي بعده فُل وقالوا نحجز لك انتظار ؟! عاد وأنا واقف عندهم استخرت <<  وقلت لا لا شكراً .. !طلعت من المطار وأنا إلى الحين ما أدري وش يصير علي ! مسكت طريق البكيرية ووقفت عند أول محطة .. ذيك اللي قبل البكيرية يمين عند مفرق الشيحية والضلفعه والشلة ذيك ! إيه شريت ماء وفصفص وفيشار مدري وش اسمه ذاك اللي يجي حاروحلو << والله يانا أدووووووخ عليه ! إيه وقايلن لأميمتي وأبيي بمان الله .. وش أنتظر بس !  والله وأمسك الخط بلحالي إيه وصلت المدينة وأحرمت ودويس لمكة .. دعستن وحدة ! من المواقف : كنت أمشي بين المدينة ومكة .. عاد شفت رادار بالسيد الثاني .. وبديت أكبّس للعالم عشان يهدوووون .. << فاضي بلحالي !المهم وأكبس لواحد ثم كبس لي ! << يبادلن الشعور !وأكبّس ويكبس ! ثم طفيت النور وجلست أدق إشارات وكذا يعني حركات مراهقين المهم يوم دريت ويشغّل السوفتي .. وألاااوه أمن الطرق ! أنا حسيت إن الحالة غير مستقرة !! يوم مشيت شوي وإلا فيه تفتيش .. عاد جلست أدعي أقول اللهم اكفناهم بما شئت !عاد قال لي وين إثباتك ؟! قلت سم طال عمرك .. قال وراك تكبّس للناس تعلمهم بالرادار ؟! قلت والله إيه هذا الحاصل والله ! قال داري إنه هذا الحاصل .. أقولك وراه ؟ قلت خبرك أحسن إلى الناس تستعبد قلوبهم ! << شلون قلتها مدري ! جلس يضحك ومشااااااان ! والله يانا استانست حسيت بعزة وكرامة المؤمنين ! << لا صدز ياعيال .. سبحان الله ترى هالدعاء له تأثير كبير ! يذكرون إن واحد من الشباب كان عنده مخالفة مدري وشي .. عاد يوم وصل التفتيش قال : اللهم اكفناهم بما شئت .. وقرأ : [ وجعلنا من بين أيديهم سدّاً ومن خلفهم سداً فأغشيناهم فهم لا يبصرون ] << يوم وصل العسكري كان يقرأ هالآية .. ضحك السلتوح ضحكة استهتار وقال [ ماتفلت مني يامطوّع ] !! المهم وقفه على جنب وكتب له المخالفة ويوم عطاوه شقّها وشّق الورقة اللي تحتها << يعني خلاص التغت !! سبحان الله ! طبعاً على رواية واحد من خوياي عسكري يقول المخالفة اللي تحت يحاسب عليها العسكري إذا شقّها ! فصارت براس هالسلتوح .. يستاهل !ماهوب هذا موضوعنا .. أشوفن قلبته نصيحة ! وصلت مكّة واستقبلن خويي ياحبيله هو وشدوقه ! طبعاً دايم أسافر انا وإياوه .. فلّة الفلاتي كلنا نصلح جميع ! بس اللهم إنه ماهوب راعي نت .. ليته يعدين من غير شر << أمي صح نسيتآ كان خويي مبسوط قوة لأنه فااضي وماااال وقايل لي تراي منب متعشي أحتريك وكل شوي يدق علي ! بس يوم مريت من بيك المدينة قطر سعبولي ووقفت وطلبت اثنين همرقر لأني ما أحب البروست !عاد يوم وصلت هناك قلت له إني ماتعشيت وإذا قضيت عمرتي نتعشى << أبيه يتخرّط ! عاد أخذ سيارتي يوقفه وأنا رحت آخذ عمرتي .. وإلاي ماضفيت قراطيس البيك << ماكله بالسيارة من العجلة .. وطاح بي قال أجل ماتعشيت يالكلاّك !صدز التسذب حبلة قصير وعندي مايبيش ويكنشف !من المواقف بمكة !قاعد أدور أنا وخويي وجانا باكستاني قال يبغى علاج ؟! قلتا وشو ؟ ثم جلس يتلفت ويدوّر حوله أحد وإلا لا !! ثم سحبنا شوي بدواسيس وطلّع من مخباته مرهم مقوي لمدري وشو أضنّه للظهر او زي كذا الله يقلع كشرته هالوصخ يحسبنا شيبان ! << ما أعني أحد ! ماهيب هذي سالفتنا .. المهم إني صوّرت هالعلاج وأرسلت الصورة لواحد من اخويانا بالماسنجر .. ودري إننا بمكة وجلس يلج وراي ماقلت له << طبعاً لو أقوله كان رفض قال بجي لمكم ! قلت تعال الله يقويك الكلام هذا يوم الجمعة الظهر .. يوم جاء المغرب دق علي قال تراي حجزت مرون بالمطار الساعة ست << تبلش بالجزومين انا أحسبه يستهبل ! طبعاً حاولت أرفع صورة هالعلاج .. بس لمّا يخلص مركز التحميل رافع يقول لا يمكن عرض الصفحة << !صور من الرحلة : هذا خويي انتبهت بالليل لقيته ظاف اللابتوب وقاعد يفتشه ! عاد تلمست عندي وإلاه الكاميرا عندي وأصوره بدون مايدري إني قمت ! والله ياهو نز من الفلاش واخترش !أتمنى أدري وش فاتح ! شرط قوقل الصور !وهذي صورة قعدنا ندور بمكة ونرقى من الدحديرات لين وصلنا هالمكان ! والله ياهو خُراااااااافي !! براااااد فووووق وتشوف كل مكة ! بس القصور الملكية مغطيات على الحرم .. كرررررره !   قالوا رحت لمكة ؟! قلت إي !! قالوا طيب مريت جدة ؟! قلت لا ! قالوا أجل ما رحت << ماله دخل أدري !هذي صورة من جدة :  من المواقف :113: قبل يجي لمنا خوينا الثالث قاعدين ندور بالسيارة بمكة ! عاد جعنا ومرينا من عند مطعم حلوووو شكله .. بس كنّا مسرعين شوي وتعديناوه .. يعني لازم نديور له .. المهم دخلنا الحارة لأن الإشارة بعيدة .. يوم لفينا وإلا فيه قصر أفراح وكان فيه زواج ! التفت على خويي قلت ماتبي نشوف وشلون عروسهم ؟! قال قدّام بس معك عطر ؟ قلت إي دوك ! وصرنا كلنا كاشخين .. وتاكين شمغنا وعقلنا بس اللهم انا منطولات نعالي ومعي نعال امهات عشرتريل المهم لبقنا وشخّصنا ودخلنا .. وقلت لخويي لاتحاتسين عشان مايطيحون بنا !والله ياهم فللللللللة .. أويلاه لو عروسنا كذا .. صدز يستانسون بالعرس ! طبعاً مافيه إجتماع وجنب ومدري إيش .. لا كلهم ع القصر .. إذا دخلت به العريس وأبوه وأبو البنت والمعازيب عند الباب .. ثم إذا كملوا الناس يبدون الدواسر .. طم بق طم بق << والله ما أعيّر أحد يابو آدم ! وكل العالم ترقص حتى العريس بالأخير حلّت البشت والغترة ورقص على فكرة .. ترى كنّا سادين إذاننا !دوووكم صورتهم وهم يرقصون : طبعاً فيه مقطع فيديو .. بس تلقونه بالصوتيات << إي والله مشرف !ياحليلهم أبو حجّز ! على طاري العرس .. هذا واحد شفناوه بمكّة من المنتدى .. يقول والعهده عليه مرة واحد من اهل الرياض تطفّل وراح يتعشى بقصر ! عاد وهو بالقصر كان شايب جنبه .. سأله قال أنت ياولد من اهل البنت وإلا الولد ؟! قال الرجّال من أهل البنت ! قال إيه ماشاء الله .. ثم أسكت لين جاء العشاء ! وهم يتعشون كان جنبه هالشايب .. قال له شف ياوليدي .. ترى هذا إجتماع عائلي ماهوب زواج آآآآح ياوجهي .. والله ياهي سطرة طبعاً حنّا ماتعشينا .. بس شربنا ماء وشاهي وطلعنا !تمّت .. مايستفاد من الرحلة : 1/ إذا ضاق صدرك رح سافر وفله واستانس ووسع صدرك ولا يهمك إلا راحتك ..! 2/ إذا كذبت على أحد حاول إنّك ماتكذب بهدارة .. يعني إذا فيه فضايح غبّهن !4/ جميل ان تستكشف المجتمعات وعادتهم في تطفّلك المحمود ..4/ إذا رحت لزواج بمكة وصار به طق ووناسة سد اذانك واكتفِ بالمشاهدة ودّي أكمّل الموضوع مرّتن وحدة وأجدع همّه وترتاحون أنتم .. بس غدين أخليه بكم جزء .. لأني يوم أفتح الموضوع والله ما أدري وش النية ! يعني مانويت أكتب شيء معيّن .. مادريت إنه تبي تطلع رواية ماهوب موضوع ! وأخاف أنسخه مايجي كويّس ويخربن الابتسامات .. وأخاف يعلّق الاكسبلورر ثمن شلّق ثوم ! لزلك .. ستتم التتممة في القزء التاني .. صح وإلا له ؟! *** الصور على النية .. ليست من الاحتراف في شيء ! لزلك لا أحد يجي ينقد بذا !هذا الموضوع برعاية :
1/ شريط مكشات [ المنشد جاسم المال ] .. 2/ كاميرا .. [ كانون 400d - نيكون d80 - نيكون d300 - جوال n82 ] 3/ لمسات الصوت والصورة !
__________________
 من التقاطاتي التي أفتخر بها لمدينة بريدة .. آخر من قام بالتعديل الفـــارس; بتاريخ 04-03-2009 الساعة 07:28 AM. |
|
|
|
04-03-2009, 07:11 AM
|
#2 |
|
عـضـو
تاريخ التسجيل: Dec 2008
البلد: عشقي بريدة
المشاركات: 234
|
وعليكم السلام
اتشرف اكون أول من يرد عليك ياسلام ليتي معكم كاشت ولا رايحن لمكة تسلم على هالصور تقبل مروري
__________________
  "أخواني أدعــــــو لي بتحقيق امنيتي
|
|
|
|
|
04-03-2009, 07:53 AM
|
#3 |
|
عـضـو
تاريخ التسجيل: Apr 2008
البلد: عالمي الوردي هع
المشاركات: 554
|
لا اله الا الله عليــــــــــكم وناسه
يعطيكم العافيه اما المصابيـــــــــب روعة |
|
|
|
|
04-03-2009, 07:55 AM
|
#4 |
|
Guest
تاريخ التسجيل: Feb 2009
البلد: بريده العزيزة قديما
المشاركات: 418
|
مالكم داعي ماقلتوا تبون خوي هههههههههه
تقبل مروري |
|
|
|
|
04-03-2009, 08:27 AM
|
#5 | |||||||||||||||||||
|
عـضـو
تاريخ التسجيل: May 2006
البلد: لستُ أدري ..!
المشاركات: 1,439
|
.
حاااارة الصاجة ياولد .. لعلك مستخير .. [ ]. . والله يا أنت منتهي .. .
كان قلت له أشوفهم مسرعين وأبيهم يهدون السرعة .. مثل خوينا من الأعضاء هنا .. صادنا رادار بطريق المدينة-القصيم .. وعند التفتيش تليقف اللي راكبن وراء قال الحين ابقردنه لكم .. وفتح الدريشة وقال لو حنا شايفين الرادار كان مهدين .. قال أقول لبق على جنب .. وهاتوا اثباتاتكم .. << قال سم طال عمرك ..  وصك خوينا بقسيمة مع الجبهة .. . . . بانتظار الجزء القادم حبيبنا .. ولا تتأخر علينا .. .
__________________
.
|
|||||||||||||||||||
|
|
|
|
04-03-2009, 08:57 AM
|
#6 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
والله روعة ياخلفهم .. صراحة فتحت الموضوع وأنا مستعجل ولا دريت ألا أنا عند إضافة رد ..
بانتظار الجزء الثاني على أحر من الصاجة .
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) |
|
|
|
|
04-03-2009, 10:21 AM
|
#7 |
|
عـضـو
تاريخ التسجيل: Feb 2009
المشاركات: 511
|
الصور رائعة جدا الله يعطيك العافية
__________________
 |
|
|
|
|
04-03-2009, 11:50 AM
|
#8 |
|
أبتاه ، فقدك آلمني ..!
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,958
|
وعليكم السلام ورحمة الله وبركاته
شف رديت السلام لاتحدى المرة الثانية << مصدق الصراحة انك فلة , قلي وراه , أنا من الناس اللي استانس على راعين المسكات يعني مثل فاتك الطيارة , الله لايعوق رايح رايح لمكة تروح ولا فيش أي مانع وساعة صدر تسذا , بس ماقلت لي , تراي فاضي لاشغل ولا مشغلة << تم حشره على طاري المصابيب , بالرحلة الاخيرة يقالي بظبط اموري باخذ مصابيب بس اكبر قهر نسيت كل شيء , اشوى اني مانسيت نفسي << ينكت لاارنعه أبوفارس ننتظرك ان تسانه به ثاني , ولا هنا سحبة عندي قرق واجد بس مشغوووول قوووة بسافر بعد شوي  << صرفه |
|
|
|
|
04-03-2009, 11:57 AM
|
#9 |
|
عـضـو
تاريخ التسجيل: Jul 2007
البلد: ـ
المشاركات: 2,099
|
.
.
__________________
. أرى آثارهم فأذوب شوقاً وأسكبُ في مواطئهم دموعي وأسألُ من بفُرقتِهِم رماني يمُنُّ عليَّ يوماً بالرجوعِ . |
|
|
|
|
04-03-2009, 01:07 PM
|
#10 |
|
لحظات مودع ..!
تاريخ التسجيل: Aug 2006
البلد: بريدهـ-
المشاركات: 4,127
|
أجل تحش بواحد .. والريشة ( مكبوسة )
هههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههههههههههههههههههههههههههههههههههه والله من زين الأمور يأبو فارس .. صراحة موضوع دسم قووووووووووووووووووووووووووووووهـ . يبيله قرايه مرهـ ثانية ..
__________________
, , , |
|
|
|
|
04-03-2009, 03:35 PM
|
#11 |
|
عـضـو
تاريخ التسجيل: May 2007
البلد: تـِلالُ رومَآ ||
المشاركات: 1,411
|
...
هههههههههههههههههه .. الله يخلف لا صآر هذا مشرف الصوتيآت .. بحل يعضو .. والله الصراحة فله أنت .. لكن اللي قاهرن .. فأحصن السيارة قبل لاتروح عليه ..؟ يآعاهتي ..
__________________
|
|
|
|
|
04-03-2009, 04:26 PM
|
#12 |
|
ألا ليت الشباب يعود يوماًً
تاريخ التسجيل: Dec 2006
البلد: بريدة / :
المشاركات: 3,681
|
عليكم السلاام ورحمة الله وبركاته لي عودة إذا كملت حبيت أرد السلااام 
__________________
|
|
|
|
|
05-03-2009, 01:16 AM
|
#13 |
|
عـضـو
تاريخ التسجيل: Jul 2007
البلد: Not here
المشاركات: 1,723
|
    يحقلك يالفارس تقووووووولي بدوني تحلو الطلعه اوريك بس امااا صاجة ابواحمد للحين حيييه خخخ جالس اناظر الموضوع اليوم الصبح بالمعهد يسئلن كولومبي يقول وشو ذا يعني المصابيب قلتله زي الخبر بس حلو وهش يعني لين اللي شاطبن راسي وشلون رقيت انت والطالب: اسامه فوق الجبل بمكهزين ماشافكم احد يظن ظن السوء كمممممل والله انك تووووووسع الصدررررر بس اتمنى انك ماتظلم الموضوع وتبتره زي صلالة  واتمنى انو يدووووم طووووووووووويلاً الف شكرررر حبيبنااااااااا صديقااااااااااااااااا عمورررررررررري اموووووووووووووووطخ على خدك
__________________
لا إله إلا الله محمد رسول الله .. |
|
|
|
|
05-03-2009, 01:19 AM
|
#14 |
|
عـضـو
تاريخ التسجيل: Jul 2007
البلد: Not here
المشاركات: 1,723
|
وعليكم السلام ورحمة الله وبركاته
__________________
لا إله إلا الله محمد رسول الله .. |
|
|
|
 |
| الإشارات المرجعية |
|
|
النمط المتتابع
